CHANCHINBU ENKAWLTUTE

Editor : Chanchinmawia (9615820416) Jt. Editor : K.Lalremsiama News Ed. : Lalnunsanga Fanai (9862120903), H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXI Phek 3

Vawi : 28

Tahrik Ni : 22 Vawkhniahzawn thla (June) 2012 Phek 4

ROGER FEDERER

A nuamah pawh, a hreawmah pawh

Lawrkhawm

Kumpuan Duty @ Kar kalta chhung khan kan

Branch YMA Kumpuan Duty chuan Ruihhlo (No.4) tlem, Vanlalsiama, Taitesena Section kut atangin an man a. Amah hi intiamkamna ziahtir a nih hnuah Po lice kut ah hlan a ni. Kumpuan duty hian Vanapa Section an duty thin a, tunkar chhung hian Neuva Section an duty t hung ang. Kan vengchhungah hian ruihhlo zuar hi tlem hle mahse Bazar hmun a nih avangin veng hrang hrang atangin ruihhlo timite an fuankhawm thin a. Hei vang hian mitin fimkur tlang ila, kan awmna hmun apiangah duty kan ni tih hria ila, theihtawp chhuahin hma i la zel ang. Hall Bungrua Kal Mek Vengthlang Hall sakna tur bungrua (Rod) chah chu Vairengte-ah motor lam chian loh avangin an rawn khawtlai hret a. Rokhawlhna dang a awm a nih loh chuan karleh lamah chuan a lo thlen beisei a ni. Tunah hian Hall bankhur laih zawh deuh vek tawh a ni a, bungrua a lo thlen chuan hna tan mai theih tura ruahman a ni

SUB-HEADQUARTERS YMA CHAMPHAI EXECUTIVE COMMITTEE

Ni 20.7.2012 Ni 22 Vawkhniakzawn Thla 2012: (Zirtawpni) khan Sub-Hqrs. YMA Champhai, Executive Committee chu Tlangrawta an Office-ah thukhawmin, President Pu PC Zohlira`n a kaihruai. Executive Committee hian YMA Kumpuan, Ram leh Hnam Humhalh chungchanga hmalakna peng hrang hrangte thlirletin, heng zinga hmalakna langzar zual zingah Inner Line Permit chungchangte, Hnam dang hming hawha sumdawnna chungchang leh RUihhlo dona kawng a hmalak anih dante chipchiar taka tarlan ani bakah hmalak zui zel dan tur chhawp chhuah a ni bawk. Hnam dang hming hawha sumdawng an awm leh awmloh enfiah tura Thuthmun Branch YMA Group YMA te chak zawka hmala tura ngen tha tih a nih bakah Mizoram Civil Pensioner Association hminga Khawzawl a Dawr siam ni a tarlan chungchangah Champhai DC a thu thehluh chu a tul anga bawhzui nise, Committee chuan a ti. Ruihhlo Dona kawng ah YMA memberte mawh phurhna tarlang turin August thla chhung hian Champhaiah Ruihhlo duh lohna kawng zawh turin Executive Committee chuan thu tlukna a siam a, YMA Member a tam thei ang ber he hunah hian tel tura hmalak nise, an ti. Food & Civil Supplies atanga mipui chanai tih chingpen a nih chungchanga CYMA leh sawrkar inremna angin Sub-Hqrs. YMA huamchhungah Buhfai, eirawngbawlna Gas leh thil dangte chhungkaw tinin an chanvo dik tak an chan theih nan chak zawka enfiah hna thawh nise, Sub-Hqrs. YMA Champhai huamchhunga Branch leh Group YMA te bakah YMA member tinten mahni awmhmun theuhah nitin mamawh tihchingpen tur venhimna hna thawh theuh nise, an ti bawk. Khawtlangin chak zawka hma a sawn theihna turin Champhai-ah Tualchhung Sawrkar inrelbawkna Rural/Urban Local Government (Municipality) neih a nih thuai theihna tur leh Mizoram Sawrkar in District Planning & Development Committee a ruahman tawh bakah tun Budget Session ah pawh heta tana sum ruahman fel tawh chu Champhai District-ah hman a nih thuai theih nan Mizoram Sawrkarah dilna thlen nise, an ti bawk.

Lusun
Ni 21.7.2012 (Inrinni) zing dar 12:30 vel khan Champhai atanga Aizawl pana kal ZK Night Bus chu Saitual Quarry lei minin a hnawl a. Heta chuang mi 18 ten nunna chanin hliam na tak tak 17 vel zet an awm. Heng zingah hian kan veng chhunga mi, Pi F Rothangpuii (70) W/o Chawngthuama(L), Vanapa Section chu boralin, a fapa Pu C Lalrammawia(49) leh a makpa Pu R Ramfangzauva te pawh boralin an ruang hi Pi F Rothangpuii inah lak vek a ni a. Vengthlang thlanmualah vuiliam an ni. Tin, kan Branch huamchhunga awm Pi Lalthanmawii(Mawitei), Khuangchera Section te nufa pawh accident-ah hian telvein a ni hian hliam a tuar a, a fanu Zoruatpuii (15) chu a boral a. A ni ruang erawh hi chu Ruantlang Mualvengah lak a ni thung. Khawhar chhungte leh vanduaina tawk zawng zawngte YMA Palai Editorial Board-in kan tuarpui tak meuh meuh a ni.

Kawngsiam
Tunlai hian CHANEM sir chhuk thlaka veilam chu siam that hna thawh mek a ni a. Tin, Awmpui Phei kawngpui pawh kan VC te hmalaknain siam that tura ruahmanna kal mek a ni. Hun rei lo teah Kawngpui tha kan neih vat turah i ngai phawt ang.

Hnatlang Thulh

Ruahtui a tla leh tan ta chungtinte natna hrang hrang lakah i fimkhur ang u.

Nimin lama kan Branch information sysytem siam tha a hnatlang lo ruahman tawh chu kan veng chhungah chhiat tawh avangin thulh leh a ni a. Remchang hmasa berah hnatlang hi neih leh tur a ni a, YMA Palai man luh dan member te lo inring turin kan Kumin chhunga YMA Palai man, Section hrang hrang atanga inngen a ni. kan hmuh dan chu hetiang hi a ni Bungrua Thleng Section Jan Feb Mar Apr May Jun Khuangchera 1610 1500 930 1210 1520 1210 Niminpiah khan Information Neuva 1680 980 510 500 1940 320 System bungrua Aizawl Pu Joseph Vanapa Nil 2600 3615 110 Nil 810 atangin Taitesena 1010 2410 1466 2030 1210 800 Vanlalpekan a rawn thawn.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalrinawma, Lallawmzuala, Lawmsangzela, C. Vanlalhriata, CB Lalbiakdika, F. Lalruatpuia, F. Lalrindika, Jessy Lalmawizuala, Vanlalduhsaki, Vanlalruata, Lalbiakthanga Neuva Section :Vanlalzuia, Freddy-a, Vanlalruatzela, C. Lalrinthianghliama Khuangchera Section : Lalhriatpuia, Lalrinchhana, Rotluangpuia, Samuel Lalmuanzova, Lalmawipuia, Lalfelkima

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

ROGER FEDERER
-Sawmteipa A hun a thleng dawn hnai ta!! Mi tamtakin kan nghahhlelh em em 2010 Olympics chu tunthla ni 27 hian London khawpuiah ropui taka hawn a ni anga, khawvel ram hrang hrang atangin infiammi chhuanvawr hlang thah an inel leh dawn a. Infiam ngaina mi tan chuan nghahhlelh loh chi a ni lo a, hmuhnawm lo thei lah a ni hek lo.A chhulchhuak a han chhui chhoh chiam pawh a chakawm khawp mai, Ancient Olympics atanga Modern Olympics a luhchhoh tan dan te, a tirah chuan mipa infiamna chauh anih thin thu leh saruak ngalngata infiamna an beih thin thute chipchiar taka ziahlan chhoh theih a chakawm khawpmai. Olympic hian chanchin ngaihnawm tak tak leh tobul chhinchhiah tlak tak tak a ngah em em a, mahse a ziahna hmun a zim si, chakawm hle mahse sawivek sen a ni silo, tuntum atan chuan kan hma lawk a Olympic lo thleng tur chauh hi thlur bing phawt mai the ang. 2012 Olympics hi oficial taka a hming an vuah chu Games of the XXX Olympiad, tih a ni a, awlsam takin London 2012 ti a koh mai thin a ni bawk. He Olympics thleng tur a dilna thehluh ni hnuhnung ber July ni 15, 2003 ah daih tawh khan khawpui(city) hrang hrang 9 zet ten an dil a, chungte chu- Havana, Istanbul, Leipzig, London, Madrid, Moscow, New York, Paris leh Rio de Janeiro te an ni. Heta tang daih tawh hian Olympics 2010 inelna chu an lo tan daih tawh!! International Olympic Committee(IOC) te mit a tlung lovang tih hlau reng rengin an hmunhma leh an remruatna te a tha thei ang berin an cheibawl a, chutianga IOC ten ngun taka an thlirfim hnuah May 2004 ah khan khawpui 5 London, Madrid, Moscow, New York leh Paris te an thlangchhuak leh te te phawt a, heng khawpui 5-te hi IOC Inspection team ten February leh March 2005 chhung khan fangkualin point an pe theuh hlawm a. A tir lamah chuan Paris hi rinkai ber an ni a, London hi chuan an inbeisei sang lutuk lo hle. July ni 6, 2005 ah final selection an nei ta a, IOC ten Session 117-na Singapore a an neih tumin a ni. Moscow an tla hmasa ber a, New York leh Madrid ten an dawt leh a, Paris leh London ten final an lut ta a ni. Vote thlak vawi 4-na a zawh hnu chuan London in vote 54, Paris in 50 hmuin London chu 2012 Olympics thleng tura thlanfel an ni ta a. He chanchin hriat anih hian London khawpui chu hlimin a au a, mahse he hlimna hian a daihrei lo hle darkar 24 pawh a ral hmain London khawpuia transport system chu terrorist ten a bomb vak mai a, chhiatna nasa tak a thlen a, mihring nunna pawh tamtak an chan nghe nghe a nih kha. Modern Olympics kan tih bik, 1896 Athens atang khan London khawpui hi Olympics vawi 3 thleng thei awmchhun tur an ni ta a, 1908 ah leh indopui 2-na zawh hnu a Olympics hmasa leh ber 1948-ah te khan an lo thleng tawh a ni. London 2012 hian logo pahnih a nei a, a hmasa zawk chun Kino Design ten an rawn duan a ni a, ribbon lem rawng chi hrang hrang- a pawl, a eng, a dum, a hring leh a sen te chu Lodon khawchhak lama lui lar tak pakhat Thames an tih angin a luang a, a lai takah LONDON 2012 tih a chuang kalh bawk. A pahnihna chu Wolff Olins in a siam a ni vethung a, june ni 4, 2007 a a tihchhuah daihtawh kha a ni. Number 2012 chu olymics rinkual 5-te nen a in chawhpawlh tir vel a ni. London 2012 Mascot atan hian milem siamchawp lianpui pahnih Wenlock leh Mandeville ta anni dawn a, an taksa ruangam hi Bolton khua a steel siamna hmun atanga siamchhuah a ni a, Opening Ceremony hi ni tunthla ni 27 hian tan tur a ni a, a hmingah pawh The Isles of Wonder (Thil ropui leh hmuhnawm bik awmna thliarkar) tih vuah lawk sa a ni.He opening ceremony hi oscar pawh lo dawng tawh film director Danny Boyle-an a direct dawn a, hit viau turah ngai phawt ang. Underworld film a music director-te pahnih Rick Smith leh Karl Hyde ten music lam chi reng reng an direct dawn bawk a, a pui dup dup viau maithei a ni. Olympic games tak chu England lalnu Queen Elizabeth II leh Prince Phillip (Duke of Edinburgh) ten official takin an hawng(open) ang a, Hnehsawh taka James Bond film lo chang tawh thin Daniel Craig a chu a tawpna atan 007 a ni leh dawn bawk a, he film tawi hi sreen lianah leh tv lamah pekchhuah a ni dawn bawk, tawite mah nise a hmuhnawm dangdai viau maithei a ni. Ropui taka Beatles lo larpui tawh thintu Sir Paul McCartney in opening ceremony tawp a khar ang, engtin chiah nge a rawn tal dawn a, eng hla nge a rawn thlawh dawn erawh hriat ala ni rih lo. Closing ceremony hi August ni 12 2012 ah hman tur a ni a, hetah hian show hmuhnawm tak tak a awm leh anga, A tawpah London mayor in Rio de Janeiro mayor hnenah olympics thlengtu nihna a hlanchhawng ang a, chumi hnu lamah chuan olympics chu Rio de Janeiro kutah a awm tawh ang, 1016 Olympics thlengtu tur an nih avangin London 2012 hi a hmuhnawm leh dawn chiang a lawm, thlir nuam vek ule.

Ropui tumna leh mahni inngaih ropuina hi hman thiam phawt chuan sang tak min thlentir theitu a ni. Mithiam tam takin khawvela mihring chengte hi class hrang hrangah an lo then tawh thin a, chung zinga a chung lama awm tum tlat chuan mi tam takin an lo bei tawh thin a. India hnehtu Robert Clive-a pawh kha ropui a tumna avangin hming a chher hle a, Napolean-a pawhin khawvel a nghawrnghing a nih kha. German ho chu mahni an inngaih ropui em avangin indopui pahnihna hial an chawk chhuak a. Ropui tumna leh ropui anga inngaihna avang hian khawvel hmelhmang hi nasa takin a lo inthlak danglam tawh thin a ni. Mahse ropui tumna leh inngaih ropui chawpna hian chin tawk a nei ngai lo. Mi ropui tawh sa chuan ropui lehzual a tum a, inngai ropui chuan ropuina a khum tak tak thei lo bawk. Thlan piah lam thlenga hming chher tumte an awm laiin damchhung ngei pawha mualpho pawisa miah lo te pawh kan awm ve tho mai. Ropui erawh mi zawng zawngin kan duh a ni a, mahse ropuina chu inngaih chawp atanga chhuak a ni lova, sum leh pai hmanga teh theih pawh a ni hek lo. Ropuina tak tak zawk chu thinlung atanga chhuak inngaihtlawmna zawk hi a ni. Chu chu mi tam tak hian kan hre thin si lo...

Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, David VL Rinfela, Elisa Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

YMA ADVISER
RC Zahlira (9615713078); C. Vanlalnema (9615142191); F. Lalfamkima (9856780794)

Leader Asst. Leader Secretary & YMA Agent Asst. Secy Treasurer Fin. Secy

VANAPA SECTION

: R. Lalnunpuia : DL Zadinga Hnamte : Lalramzauva Chawngthu (8575462587) : Jonathan Lalhmingsanga : Zoremsiami : Zonunsanga Hmar

YMA Thuvawn : YMA chu tanpui ngaite tanpuitu a ni

A NUAMAH PAWH, A HREAWMAH PAWH
-Chvarte-

An dinhmun hi khirh viau mah se han nuih hakna tur chi pawh a thleng zing ve mai. Tum khat chu Kim-a Las Vegas-a a awm laiin Krickitt-i chuan a therapist hnenah "Heta rawn awm thin pa kha ka ngai riau a nih chu mawle" a ti a. In lama a haw hnuah a nu a hrilh leh bawk a. Phone hmangin Kim-a chu biain "Krickitt-i'n a be duh che" a va ti mai pek a, Kim-a chu a lo lawm viau mai a, "Engnge i an?" a lo ti var a, Krickitt-i lah chuan "Ka tha. Ka kal a ngai" tih bak engmah sawi leh chuang lova. Krickitt-i hriatrengna hi a rei vak lo tih chu a chiang kher mai a, amah rawn kantute hi hawihhawm takin, "I dam thin em?Kan inhmu chu a lawmawm hle mai." te hi a lo ti thin a, a chhunzawmna lehna chu "A nih leh mangtha phawt u" tih te hi a ni leh nghal mai thin. Tunge a nih tih a inhre chiang mang lova, awmze nei lova thinrim leh an chetsualnaa a taksa a tihnat te chu amah tibuaitu ber a ni zawk. Hetiang hi an dinhmun a nih tak avangin Kim-a chuan Pathian lam hnaih zual nan a hmang a, tawngtai a uar hle a, a tawngtai hla ber chu "Lalpa, rawn hruai kir leh ang che" tih hi a ni. March ni 12, 1994 a ni a, Kim leh Krickitt te chuan reilote chhung nupa anga an lo chen tawhna an inluah hlui chu an va tlawh a, Krickitt-i chuan chhuat laia thlalak lo let reng mai chu mak ti angreng tak mai hian a han bih vang vang a, chu thlalak chu an inneih thlalak a ni a, mahse a tan chuan awmzia a nei hauh chuang lo. Thla khat chu in luah tur chuan an kal leh a. An in luahah hian a thluak lam that loh avangin thil awmna reng reng a hre thei lova, sa-um a dahna pawh a zawn fe thin a ni awm e. Therapy lamah Kim-a chuan duhthawh takin theihtawpin an lo nawr ve mek bawk a. A dinhmun hi a ningin a thin a rim deuh reng bawk a, nui hmel hmuh tur pawh a awm tawh ngai lo. Mahse Kim-a hmangaih leh duh em em hmeichhia kha chu a bo tawh ni berin a lang thung. Tawhsual an tawh hnua Krickitt-i hi chu tleirawl khuahkhirh loh leh mahni chiah inngaihtuah ang hi a ni deuh mai a, midang ngaihdan leh an rilru tur te hi an dawnpui ngai hlek lo. Hmeichhe zaidam leh dawhthei anga an sawi thin kha hmuh tur a awm tawh lo. An han chendun leh takah chuan an inneih hnua a vawihkhatna atan an inhau ve ta a, Krickitt-i chu tlan tau chhuakin Kim-a chuan mangang taka a zawn fe hnuah fast food restaurant bulah a va hmu a, "Min tlansan lo ang tih i intiam kha!" a han ti nghat phat a, Krickitt-i chuan "Engmah ka tiam thei lo che" a lo ti ve thung a, an nungchang chu nupa inkara thlengah chuan mawi tak zawng a ni hauh lo. Kim-a chuan, "I tel lo hi chuan engmah ka ni lo ang bawkin ka tello hi chuan engmah i ni lo tih chu a chiang a, mahse kan kal hran hi a tul niin a lang." tiin a hrilh ta nge nge a ni. Mahse Krickitt-i hian thutiam thanlenpui nghet tak mai a nei a, chu chu inneihna hi kumkhaw daih tur a ni tih hi. Kim-a nena Pathian hmaa thutiam an lo lak tawh chu hre lo mah se vawn reng a duh a, chu chu an pahnih phuarkhawmtu ber pawh niin a hre thin. An nupa inkar a chhiat zual tak zel avangin kum 1995 favang lai khan Kim-a chuan councellor a hmu ta nge nge a, tum khat chu "Engvangin nge Krickitt-i hian a hmangaih che?" tiin Kim-a chu a zawt a, an inrim lai te a han ngahtuah a, khatiang lai kha chuan Krickitt-i hmangaih ber kha ni bawk a, Kim-a pawhin a duat thin hle a, mahse an chetsual hnu a han chhui lut a, a nu leh pa emaw infiamna lamah coach ang maiin a enkawl tih a han hmuh chhuah chuan an nupa inkar chhiat chhan ber chu amah zawk a ni tih a hre chhuak ta a, "Amah chu hneh la, chhai thlu leh ngei rawh" tih rilru pu in bultan thar a tum ta a ni. Nupa ni tawh, inhmelhriat thar tir anga han inchhal leh chu thil nuam tak a lo ni hauh lo mai, Kim-a'n "Movie i endun ang hmiang? Chumi hnuah pizza kan ei leh dawn nia" tia "date"-a a han sawmte chuan sawitu zawk chu a zak lek leh mai a, mahse Kim-a hian in date zan hi Krickitt hi hun hman danah a telh avangin harsa lutuk lo chuan inngaizawng tir ang deuh chuan an chhuak ve thei a ni. An chhuah dun chang chuan golf an khel thin a, Kim-a chuan a nupui chu sawisel lovin dawhtheihna nen a han enkawl a, inhmangaihna kawngah chuan an kir dik leh thei tan ta. "Khai! Fourth hole thlengin inhau miah lovin kan khel thei ta!" tih te hi an sawi ve ta nawk mai. An in-date rei tual tual a, Kim-a chuan Krickitt-i chu a hmangaih ve tan ta, mahse a hmaa a hmeichhe hmangaih kha chu a lang theiah chiah a hmu tawh, midang ni mah se thutiam a lo chhampui tawh ngei kha a nih tlat avangin khaw dang a hawi thei tawh bik lo. Krickitt-i pawh chuan Kim-a dawh theihna leh a inhawnzia chu a hmuh hmaih bik lova, hmangaihnaah chuan tlu lut zel niin a inhre ve bawk a ni. Kim-a councellor rawn angin an thutiam chu chham nawn leh chu Kim-a chuan a han rawt a, Krickitt-i pawh chuan i-he miah lovin a lo pawm hmiah mai a ni. Mahse Krickitt-i chuan "Kan innei dawn a nih chuan inneih turin min sawm tur a ni" a ti ve tlat thung. Kim 1996 Valentine's Day ah chuan Kim-a chuan thingthi in pangpar a ken lai chu Krickitt-i pek pahin innei turin a sawm a nge nge a ni. An inneih vawihnihna chungchangah hian Krickitt-i chuan "Mi tam tak chuan ka hriatna te a rawn kir leh theihna atan kan vawi hnih inneihna hi kan hmang angin an ngai maithei, mahse ka nun lo hman tawh thenkhat kha chu nawhrehin a awm a, chu chu ka duh vang ni lovin ka pawm a ngai a, he inneihna hi a vawihnihna ni mah se ka tan chuan thil thar a ni" tiin a sawi a, "Inneih lai hi hmeichhia zawng zawngin an hriatreng duh thil a ni." a ti a, an inneih hmasak a hriat loh avangin an inneih vawihnihna chu a ngaihlu kher mai. Kum 1996 May ni 25-ah chuan an innei ta a, Krickitt Carpenter-i chuan a pasal hnenah chuan, "Kan nupa kara i thutiam, keiin ka hriat chhuah theih tak loha i din ngheh avangin ka lawm e. I nupui, i hmangaih em em kha nih leh ka tum ang" a ti ta hial a ni. An inneih hmasaka an zungbun kha an bun a, thutiam vawi hnih la a nih avangin zungbun dang an bun leh bawk a ni. Biak Ina an inneihna a zawh chuan Krickitt-i chuan nun thar nen bul a tan leh dawn ta, an inneih vawihnihna chu a theihnghilh chu sawi lo, a ngaihtuah changin nuam a la ti veng veng ngei ang. **Carpenters chhungkua hi New Mexico-ah an khawsa mek a, fa pahnih Danny (12) leh LeeAnn (9) an nei tawh a, Kim-a'n ama chanchin a ziahnaah chuan tun thlengin Krickitt-i hian an intawn dan, an inrim tan tirh leh an inneih hmasak kha a la hre chhuak miah lo a ni

Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA Leader &

NEUVA SECTION

YMA Agent

: Lalfamkima Varte

Asst. Leader Secretary Asst. Secy Treasurer Fin. Secy

: H. Lalramsanga : K. Lalrinawma : C. Zorammuana : Zonunpari : Lalrammawia

(9862725576)

Leader Asst. Leader Secretary Asst. Secy & YMA Agent Treasurer Fin. Secy

TAITESENA SECTION

: H. Zarzoliana : T. Daniala : Lalhmachhuana Fanai : K. Lalhmangaihzuala (9856581374) : H. Lalrammuana : H. Ramengmawii

KHUANGCHERA SECTION
Leader Asst. Leader Secretary Asst. Secy Treasurer & YMA Agent Fin. Secy : C. Zonunpuia : C. Lalchhuanawma : C. Vanlalpeka : J. Lalramnghaka : Lalruatkimi (9862342324) : PC Ramnunsiama

YMA Kumpuan : Ram Leh Hnam Humhalh Mitthi sawngbawl dan: Mizote hi tlawmngaia, mithi sawngbawl leh vui thlengin tlangval (YMA) hian an la deuh bera, michhia leh mitha, hausa rethei pawh thlim lovin vawiin ni thlengin ala kal zela, tunhmaa kut lawnga kan khawih bawrh bawrh ang kha chu tihdan tur a ni lova, mahse vengtinah deuhthaw mithi ruang khawihtuten kut kawr an bun ta a, hei hi chu Mizoram pumah tih theih se a duhawm hle. Kan Bible hian mithi leh thil thi reng reng sawngbawl dan chu Leviticus-ah khan a ziak vek a, kha kha zawm ila chuan a fel vek mai tur, Miin mithi/thil thi reng reng a khawih chuan a bawlhhlawh a ni, nilengin engmah a khawih thiang tawhlo, tih a ni. Tunah chuan a ruang khawihtu bik chuan kutkawr kan bun ta a, a zia awm hle. Mitin rilruah hian a rimchhiat lohnaa chiu hi kan duh deuh vek niin alanga, tlaivarpui tur phei chu angai ngei bawk reng a, mithi hi an thihdan a zirin an rimchhe hma a, rei tak damlo, cher em em ho hi chu an rim chhe har deuh a. Zu in nasa, thi a luak (Internal bleeding) te, thisen pek teuh ngai te, thau deuh te leh pum leh chhunglam dikloh avanga thi leh zu leh Drugs vanga thi ho hi an rimchhe hmain an puam hma a, heng ang ho phei hi chu a rang thei ang bera kuanga dah a tha. Entirnan, Aizawl veng pakhata zu seh, thisen pek vak ngai kum 2001 vel kha nita in ka hria, a boral a, kuangah dah nghal turin ka chah thlap a. Mahse, a tuk zingah chuan a kuang a rawn tawn keha, a khat tlat maia, buaina a siam thui hle, a kuang nena a leng tur kuang dang lian tak siam leh angaia, a thlan pawh a aia liana laih leh angaia, a buaithlak hle, a rim ala nasa zui leh nghala, hetiang hi a awm nual vangin, a rimchhiat lohna kan tih mai hi a puam leh tui chhuah te ti reh tu tur a ni a, mithiah chuan hman ngei ngei a tha a, a damdawi hi FORMALIN a ni a, a hman dan hi hriat a tha. A hmasa berah chuan damlo kha drip pek anih chuan a hnuk a chah veleh (darkar 3 chhungin) a thisen chaw vuah kha phelh mai lovin, Formalin bur khat chiu luh vek tur a ni, chuan a taksa pum a fan chhuak anga, a rim chhe thei lo, an dul leh awm vela chiu mai mai hi chu tih loh ai ang vel ani. A tha ve tho naa, a thawk nep a chuvang chuan mahni chhungkua emaw, YMA ang pawh in, he damdawi, Formalin hi bur 10 vel kawl reng a, a chiu luhna tur Syringe 50ML pakhat nen, No lian deuha bun chhuah a, syringe 50 cc a hip mai tura inpuahchah thei tura lo kawl lawk a tha hle, damdawi ina thi hi chu a chhungten an duh loh hran loh chuan kan chiu nghal zela, mahse supply awm loh chang a awm ve a, hetianga ti tur chuan,damlo drip pek hman annih a ngaia, entirnan, head injury, cancer te, leh thi har lo tur, accident pawh nise, hengah hi chuan a lo in rin lawk theih veka, a veng leh khua YMA ang pawh a kawl kan duh anih chuan Aizawl Millenium Building ground Floor-a Genesis tih damdawi zawrhnaah sawn an nei renga, lei sa a, damlo a boral veleha drip line a bur khat thun vek mai tur, hei hi a theih loh a, tih tho angai anih chuan syringe 20cc leh needle N18 nen mitthi awm, hnute atanga inchi 1 ve veah leh, awm ena, in chen vel tura hmun thumah hnute zawn chung leh hnuaiah chiu tur, pumah chuan pumpui zawn, thindip kan tih laiah tam tawk chiu a, dul kil li leh alaih chiu tur, formalin bur khat hi hman zawh vek tur a ni. Formalin hi mittui a ti tla thei a. Chuvangin a ur lo zawnga awm a tha, tur (Poison) hlauhawm tak anih avangin ei leh in palh theihah dah loh tur a ni. Tin, thildang dang chiuna an tih ho hi chu rilru nawmna mai mai a ni, a thawk chuanglo, lehlamah chuan damlo chhungten an duh loh tlat chuan tihluih theih a ni chuanglo, chiu tur hian doctor leh nurse an awm lo anih pawhin tupawhin a chiu theih tih hriat tur. - Dr Thangchungnunga, MS (Ortho)

LAWRKHAWM

AK-47

J Ka awm khawhar changin Lalpa lo leng la ka thinlungah.. Dingngheta, V-Sec J Nuih mawi dan hi min lo
zirtir ve teh u... Ramzauva, Cir Mag

J Ka senior lutuk a ka kekawr

kap pawh a mawih vek tawh.. Mathantea, Secy

I hria em ?
@ Kum 100,000 chhung chu India hian ram dang hi a la run miah lo. A ramchhungah hian indona chawk chhuak khawp buaina a ngah ve pangngai a ni mahna! @ India hi khawvela ram lian ber 7-na a ni a, democracy ram lian ber a nih bakah civilisation upa ber zinga mi a ni. @ Kumpinu-in India a rawn awp hma kha chuan India hi khawvel ram hausa ber a ni thin a, a hausakna thau England-in a han sawk tak tak a, kum 1947 ah chuan khawvela ram rethei leh hnuaihnung ber pawlah a chhuah thei a ni. @Mathematics-a pawimawh em em mai, 'pi' value hi kum zabi 6-na khan Indian mathematician Budhayana chuan a lo chhut daih tawh. @ India hi khawvela software hralh chhuak hnem ber a ni a, ram 90 chuangah software a hralh chhuak thin.

Published, Edited and Printed by Chanchinmawia for and on behalf of Vengthlang Branch YMA