Pahayagan sa Negros District Conference, United Church of Christ in the Philippines

VOL. 3 NO. 4 April-May-June 2007 Issue www.ndc.uccpchurch.org/hugpong

HUGPONG Enero - Pebrero - Marso 2007 Issue

ANG SULOD
Hugpong -- meaning to cluster, bunch, or file together.
2 3 4 Ang Sulod Gikan sa Buhatan sa Conference Minister The UCCP Sibulan Story

8 CYF Profile: Osel Sherwin Y. Melad Ang panaghugpong nangahulugan ug paghiusa sa 9 NEWEC Update kalihokan diha sa Iglesia ug 10 Training Camp for Church Music and Worship: Conferencia aron sa 11 Hymn Feature pagtinagdanay ug sa pagpalambo ug pagtubo sa 12-13 PhotoNews atong pagtuo ni Jesu-Cristo. 14 Pagtulun-an alang sa Enero, Pebrero ug Editor Marso 2007
Ang Tabon

Ang tabon dunay hulagway nga naglangkob sa daghang mga hulagway. Sa unang pagtan-aw, makita nato nga daw usa kini ka Pilipinhong hulagway. Tinuod man, Pilipinhon gayod tungod sa ilang mga itsura. Apan sa tanto natong tan-aw, mahinuklog kita nga mora man kini ug kasaysayan sa kinabuhi ni Jesus. Tinuod man, kon tan-awon nato pagayo, nahisubay ang mga hitabo sa iyang kinabuhi, gikan sa pagkatawo diha sa yano nga dapit, hangtod sa pagtubo, pagbunyag, pagministro ug hangtod sa pagkamatay sa krus pinaagi sa kamot sa mga nagpakaaron-ingnon. Usa kini ka mensahe nga nagaingon: si Jesus natawo, nitubo ug nagministeryo sa bisan unsa nga dapit ug katawhan. Wala siyay pili sa sa iyang paghigugma ug pagluwas niadtong nabilanggo sa sala, sa kalisod sa kinabuhi, sa kapobrehon, ug sa kasakit. (Juan 3:16) / GRT 2

39

Mga Awhag ug Pahibalo Gikan sa Conferencia

40-41 Worship and Chuch Music Survey Form

EDITORIAL TEAM
Grace Roble-Tabada, Managing Editor Feliciano Ursos, UCCP SS Writers, Merlyn Pa-a, Nene Bacordo, GRT Contributors Roy Berame, Joel Bon Tabada, Cebu Translators Maricel Quezon, Encoding Ping Legaspi and Callum R. Tabada, Typesetting & Lay-out NDC Staff, Distribution

Publishers: Negros District Conference, Inc., United Church of Christ in the Phils. Barangay Ajong, 6201 Sibulan, Negros Oriental, Tel. No. 0915-869-4271 and Shalom Continuing Education and Resource Center 2805, Maslog, Sibulan; Tel. 225-9318, 226-6199; Cellphone 0918-780-0296 http://www.ndc.uccpchurch.org/hugpong

HUGPONG Enero - Pebrero - Marso 2007 Issue

Gikan sa Buhatan sa Conference Minister

Negros District Conference, Inc.

UNITED CHURCH OF CHRIST IN THE PHILIPPINES NDC Conference House, Ajong, Sibulan, Neg. Or. Cellphone No. 0915-869-4271 Email: ndc@uccpchurch.org Website: www.ndc.uccpchurch.org "Ang GINOO - ug ang GINOO lamang maoy atong Dios. Higugmaa ang GINOO nga inyong Dios sa tibuok ninyong kasingkasing, kalag ug kusog. Ayaw ninyo hikalimti kining mga balaod nga gihatag ko kaninyo karon. Itudlo kini sa inyong kabataan. Hisgoti kini kon anaa kamo sa inyong balay, o magpanaw kamo, o sa dayon na ninyong katulog ug sa pagmata na ninyo sa buntag. Ibugkos kini sa inyong kamot ingon nga ilhanan ug ibutang kini ingon nga timaan diha sa inyong agtang. Isulat kini diha sa haligi sa pultahan sa inyong balay ug diha sa inyong mga ganghaan." Deuteronomio 6: 4b-9.

Mainitong panghimamat kaninyong tanan ning panahon sa Kwaresma. Atong idala sa atong mga pag-ampo ang atong pagpahigayon sa 3rd Joint NDC and NNC Assembly karong Abril 18-21, 2007, ug sa Abril 16-18, 2007 mao usab ang Organizational Assembly didto sa UCCP Poblacion, Mabinay Central Church uban sa tema nga " Ang Panimalay sa UCCP: Nag-ugmad sa Iyang Pagtuo". Ang pulong panimalay naghulagway sa (household). Adunay pulong banay nga ginagamit usab pero matud pa ni Rodolfo Cabonce sa iyang diksyonaryo ang banay naghulagway sa mga kadugo lamang e. g. kabanayan, samtang ang panimalay nagalangkob sa tanan lakip na ang kabtangan o kabuhatan. Ang Maayong Balita Biblia nagamit sa pulong nga banay, samtang ang Ang Biblia nagamit sa pulong panimalay (basaha ang Efeso2:19). Dako ang atong mga pagpasalamat sa mga katawhan nga mipakigambit sa mga kahanas hiyas ug panahon aron kining Hugpong moabut sa atong mga kasimbahanan, ug atong magamit alang sa mga pagpangalagad pinaagi sa pagbasa, pagtuon ug pagsimba. Salamat usab sa NDC Curriculum and Literature Development Committee ug sa Shalom Resource Center uban sa atong mga tagsulat ug taghubad sa mga pagtulun-an ug pahibalo. Labaw sa tanan salamat sa atong Gamhanang Buhing Dios nga atong saliganan. Himoon ta nga ang Hugpong makatabang diha sa atong pagpangalagad alang sa kalamboan sa kasimbahanan ug kahimayaan sa atong Dios. Malipayong pagsaulog sa pagkabanhaw sa atong Ginoo nga nagdala sa mensahe sa kadaugan sa kinabuhi.

REV. RAMONETTE E. LUMAYAG

Conference Minister, NDC of the UCCP, Inc.
HUGPONG Enero - Pebrero - Marso 2007 Issue

Church Profile

UCCP Bigong

ng iglesia sa Bigong namugna niadtong tuig 1969. Ang halandomong kasaysayan niini nga iglesia usa ka programa sa Dios aron mapalapad ang iyang parasan dinhi sa nasod sa Pilipinas.
Usa sa magti-ayong Rosalio ug Violeta Lopez nangayo ug panabang pina-agi sa pag-ampo nila ni Torebio Garsula ug Leon Encontro, mga aktibong mga anciano sa Bahi-an UCCP, alang sa ilang usa ka anak nga nasakit niadtong higayona. Sa kalo-oy ug panabang sa Dios, gidungog ang ilang mga pag-ampo. Sukad niadto mihangyo ang magtiayong Lopez nga maghimo ug mga pagsimba sa adlawng Domingo ug gihimo nila ang panagtigom sa balay ni Mr. & Mrs. Alfonso Caliwa. Pinaagi sa pagpangulo ni Torebio Garsula ug Leon Encontro nagapadayon ang ilang pagsimba sa buhi nga Dios ug nagkadaghan na usab ang manambong matag Domingo ug miabot na sa unom(6) ka bubong ang nanimba kada Domingo.
Ug tungod sa wala magkahiusang panghuna-huna, si Torebio ug Leon mibalik sa Bahi-an UCCP ug gibiyaan ang mga miyembro sa Bigong. Tungod niini naningkamot ang mga miyembro sa Bigong nga mapadayon ang buluhaton sa Ginoo pinaagi sa ilang pagpasakop sa Bethel. Tungod sa gilay-on dili kada bulan ang pagbisita sa mother church. Miabot ang panahon nga nangaluya ang mga meimbro sa Bigong kay ang uban mosimba lamang kon dunay mobisita gikan sa mother church. Apan adunay duha ka pamilya nga nagpabiling lig-on sa ilang pagto-o ug pag-alagad sa Ginoo: si Rosalio ug Violeta Lopez ug si Alfonso ug Delia Caliwa, duha ka pamilya nga wala gayod

Sa tuig 1970, nagkasabot ang mga miyembro nga magtukod ug gamayng simbahan, bisan tuod ug cogon lang atop niini ug bolo ang gibungbong. Samtang nagapadayon ang pagpangalagad, adunay panaglahi sa panghunahuna kon asa ipasakop ang Bigong UCCP kay gusto ni Torebio ug ni Leon nga adto magsakop sa Cansati-an, kinsa mao usab ang inahang simbahan sa Bahi-an sa UCCP niadtong tungura. Apan gusto usab sa mga miyembro sa Bigong nga adto magpasakop sa Bato-Bethel UCCP, tungod kay ang gitukoran sa maong simbahan luna man sa ilang igsoon nga si Petronila ug Fernando Sauro nga niadtong higayona usa sa mga aktibong anciano sa Bethel UCCP.
4
HUGPONG Enero - Pebrero - Marso 2007 Issue

molunga, hino-on nagapadayon sila bisan ug igo na lang mag devotional sa simbahan ug wala nay klase sa Sunday School. Taas ang katuigan nga ang maong simbahan saylo saylo-an na lang sa mga miyembro, kay kini adto manimba sa Dumotan UCCP. Ang katarungan tungod kay mingaw na kaayo sa Bigong ug sa Dumotan daghan ug sadya kaayo. Sa paglabay sa mga tuig nabungkag ang mga miyembro sa Dumotan tungod sa garbo sa mga opisyales. Ug tungod niadto, inanayng mibalik ang mga miyembro sa Bigong sa pagsimba hangtod nga mibalik ang kadasig ug midaghan na usab ang mga miyembro. Tungod kay gamay ang simbahan

...wala gayo'y makababag kon ang Dios adunay plano sa iyang katawhan.

ngakasabot na usab nga magtukod ug dakodako nga simbahan pina-agi sa pagtampohay ug salapi para sa atop ug bongbong. Pina-agi sa mapadayonong pagdasig ug pagmatutu ni Pastor Fernando Sauro sa mga miyembro niini nga iglesia, bisan sa kagamay sa honorarium nga iyang madawat apan nagserbisyo siya nga matinud-anon ug mahigugmaon sa mga miyembro, ug niining mga tuiga worshiping congregation na ang Bigong UCCP, hangtod nga na nga local congregation na usab. Nadasig ni Pastor Sauro nga magpili ug tawo para Local Lay Preacher, ug ang napili mao si Mr. Norie Cavite. Gisuportahan ug gipaloyuhan si Pas5

HUGPONG Enero - Pebrero - Marso 2007 Issue

tor Cavite hangtod mahimong limited, dayon Full Licensed Pastor na. Nagkasabot na usab ang mga miembro nga butangan ug side wings ang simbahan aron madakodako ang hawanan niini, ug mao kadto nga sa tuig 1992 natuman ang damgo nga padak-an ang simbahan. Ug karon tuig 2004-2006 adunay plano ang simbahan nga ipataas ang atop niini. Sa pagkakaron, medyo dili na kaayo daghan ang mga miyembro niini nga iglesia tungud sa pagbalhin ug puyo sa ubang miyembro sama sa Dawis, Lapay, Caluyahan ug ang ubang miyembro usab nga toa sa layo-layo sama sa upper Bigong mihangyo nga magtukod na lang sila ug simbahan didto bilang outreach, tungod sa gilay-on ug lapok kung ting-ulan. Ug niadtong tuig 2000 nagtukod sila ug simbahan nga sa pagkakaron

nagplano nga mahimong worshipping congregation. Salamat sa Buhi nga Dios sa makanunayong pagsangkap sa iyang mga tinawag ug nga wala gayo'y makababag kon ang Dios adunay plano sa iyang katawhan. Tungod kay iya ang gingharian, ang gahom ug himaya sa walay kataposan. Amen Pinaagi niini nga Church Profile among ipadangat ang mga pagpasalamat sa mga magbubuhat niini nga Iglesia: ngadto kang Pastor Fernando Sauro, Pastor Norie Cavite, ug sa pagkakaron si Pastor Rosito Romano.
(Kini nga CHURCH PROFILE GIHAN-AY NI: Mrs. Pepa Gonzaga, Bigong UCCP Chairperson 20042006)

BIGONG UCCP PROGRAM PLANNING

As of June 2004 to May 2006
Pagbahig sa mga activities sulod sa duha ka tuig sama sa: Cottage Prayer Bible Study and Visitation Pagsusi sa libro nga gilistahan sa ngalan sa mga miyembro kon nagpabilin ba silang regular member sa simbahan. Pagpangapkap ug dugang nga kahinguhaan sa panalapi sa Iglesya pinanguluhan sa Finance Committee. Church renovation and parsonage repair. Pagkompleto sa mga papeles sa lote sa simabahan. CWA organization nagplano nga mopalit ug typewriter alang sa simbahan.

HUGPONG Enero - Pebrero - Marso 2007 Issue

Circuit News

Sirkito Jerusalem
ng Sirkito Jerusalem sa Negros District Conference naghimo sa iyang tinuigtigum niadtong Enero 26-28, 2007 didto sa UCCP Cambucad, Valencia, Oriental Negros. Ang panagtigom gigiyahan sa tema, "Hiniusang Pagkinabuhi Diha Sa Banay Sa Dios: Ang Panimalay Sa UCCP naga-ugmad Sa Pagtuo." Gitambungan kini sa mga 70 ka mga rehistradong delegados nga gilangkuban sa mga opisyales, pastor, representante sa mga local nga kasimbahanan ug mga bisita. Gibuksan ang panagtigum pinaagi sa usa ka Pambukas nga Pagsimba nga gipanguluhan sa mga pastor sa Sirkito. Ang magwawali niini mao si Rev. Saclarita Villarmea. Negkalainlaing topiko ang gitunan ug napakig-ambitan sa mga delegados, sama sa Biblico-Theological Reflection (BTR) uban kang DCM Rev. Pablito Rodriguez; Pagdumala Sa mga Panagbangi uban kang Rev. Sally Villagante, ug pagtuon sa tema uban kang CM Rev. Ramonette

Tinuig-Tigom 2007 sa

Lumayag. Anaa usay pagtuon sa mga bagong alawiton sa Alawiton Sa Panaw Sa Pagtuo, pagsandurotay, mga pakig-ambit gikan sa komperensya ug ang paghisgot sa kinabuhi sa Sirkito (Plenary session). Giaprobahan sa assembliya ang Programa ug Budget sa Sirkito alang sa tuig 2007-2008. Ang mosunod nga mga kasimbahanan mao ang naglangkob sa Sirkito Jerusalem: Lokal nga simbahan: Sibulan UCCP, Dumaguete City UCCP, Silliman University Church, Cambucad UCCP, Malabo UCCP, Valencia UCCP, Camp-look-out UCCP, Bacong UCCP, Dauin UCCP, Zamboangita UCCP, Siit, Siaton UCCP, ug Siaton UCCP. Outreaches: Cadawinanon, Dumaguete City; Panablawon, Siaton; Katubahan, Siaton; Apolong, Siaton. Worshipping Congregation: Pabag-o UCCP

HUGPONG Enero - Pebrero - Marso 2007 Issue

CWA-UCM Profile

Ang Sugilanon ni

Paz Navarrete Villaluz

Dose kaming mga magsoon apan upat na lang kaming nagdako tungod kay ang walo namatay man sa dihang gagmay pa sila niadtong 1948. Miabot ako sa Dumaguete uban sa akong magulang nga si Mrs. Fe N. Panajon. Gikuha kami sa among manghod nga si Mrs. Digma Gonzalez aron dili siya mingawon kay bag-o pa man siya ma-assign kaniadto diri sa Dumaguete uban ang iyang bana nga si Engr. Pedro Panajon nga maoy Provincial Land Officer sa Bureau of Lands. Nakahuman ako sa akong elementarya sa West City Elementary School sa Dumaguete City ug sa high school sa Silliman University High School sa 1952. Sa 1956 nakuha nako ang akong Education nga kurso gikan sa Silliman University. Naminyo ako kang Johnny G. Villaluz sa 1957 didto sa Gattaran, Cagayan. Nagsugod ang among pag-ilaila niadtong December 1952 sa dihang nag-abang kami sa ilang tindahan. Taod-taod kaming nanimuyo sa Manila diin natawo ang lima sa among mga anak. Ang kinamanghuran namong anak dinhi na natawo sa Dumaguete. Ang among mga anak mao ang mosunod: Si Concemarcia, usa ka nurse ug naminyo kay Jesse Bacon. Upat ka buok ang ilang anak ug ang duha niini nakahuman na sa colehiyo ug sa Manila na nagpuyo. Ang
8
HUGPONG Enero - Pebrero - Marso 2007 Issue

atawo ako sa Gattaran, Cagayan, mga 45 kilometro norte sa Tuguegarao sa magtiayong Agustin Lazo Navarrete ug Marciana Ocampo Labrador, mga magtutudlo.
ikaduha mao si Jose Agustin, usa ka Civil Engineer, nga naminyo kang Rosalinda Ramo. Sila adunay lima ka anak. Ang ikatulo mao si Johnny Jr., usa ka CPA ug naminyo kang May Agbisit diin aduna silay usa ka anak. Si Joelvito, usa ka Civil Engineer, mao ang ikaupat namong anak nga naminyo sa iyang classmate nga si Imelda Gonzalez nga kanhi Provincial Sanitary Engineer. Gipanalanginan sila ug duha ka mga anak. Si Verita Paz, usa ka nurse, ang ika-lima namong anak ug naminyo kang Engr. Danilo Balbon Cantil. Aduna silay duha ka anak. Ang kinamanghoran mao si Regina, graduado sa Psychology ug naminyo kang Jesse Kharod. Ang akong pagpangalagad sa iglesia nagsugod kaniadtong 1976 sa UCCP Dumaguete City uban sa akong bana nga si Johnny. Nagsugod ako sa Christian Education samtang si Johnny usa ka Steward sa iglesia. Taod-taod, nahimo akong presidente sa CWA ug si Johnny usab presidente sa UCM. Sa maong pagpangalagad nahimo kaming mga treasurers, mga chairpersons ug mga elders sa maong iglesia. Tungod niini nga mga kasinatian, nalig-on ang among pagtuo sa atong Dios. Nagpadayon ang akong pagpangalagad sa iglesia pinaagi sa Negros District Conference diin nahimo usab akong secretary ug

unya presidente sa CWA, ug unya lay repre- magpabuhat ug plano alang sa pagtukod ug sentative sa conference council. Karon uban simbahan, iya gihapon kining himoon nga sa panalangin sa Dios ako nahimo usab nga walay bayad. Nakita nako nga mas maayo treasurer niini. Ang akong pagpangalagad gayud kung ang magtiayon mga officers aron pinaagi sa CWA nagdala usab kanako sa sila magkakuyog ug walay mabilin. Sa akong pagka Vice President sa CWA sa Visayas hunahuna, mas epektibo gayud ang ilang Jurisdiction niadtong 1990 hangtod usa 1994 pagpangalagad. ug unya sa pagka sekretarya sa National Mapasalamaton ako sa atong Dios sa CWA sulod sa 1994 hangtod sa 1998. iyang gihatag nga kusog sa among Ingon nga magtiayon, ang a k o n g pagpangalagad sa iglesia kanunay gayud nga kuyog sa pagpangalagad usab ni Johnny. Sulod sa 1977 hangtod sa 1978 si Johnny nahimo usab nga treasurer sa UCM. Sa 1978 hangtod sa 1984 siya nahimong presidente sa NDC UCM. Si Paz ug (anhing) Johnny Villaluz sa ilang pagpangalagad sa Dios. Nahimo siyang Visayas Jurisdiction UCM president sulod sa pagpangalagad bisan pa sa pagpamisita sa 9 1990 hangtud sa 1994 ug sa 1994 hangtud sa ka mga conferencia sa Visayas ug ilabina 1994 nahimo siyang National UCM president. gayud sa tibuok Pilipinas. Siya usab nahimong treasurer sa NDC gikan Mapasalamaton usab ako kang Rev. sa 1988 hangtud sa 2002. Ramonette Lumayag sa paghatag niya ug Sukad pa sa gagmay pa ang among mga kahigayonan sa pag-ila sa mga nabuhat ni anak, mao na gayud ang among plano nga Engr. Johnny G. Villaluz. mangalagad sa iglesia. Mao na nga sa pagka Hinaut nga matuman ang tumong sa building consultant ni Johnny, bisan ug human Ginoo sa kinabuhi ni Johnny ug usab diri na ang iyang termino, kung aduna pay kanako.
HUGPONG Enero - Pebrero - Marso 2007 Issue

Hymn Feature
KASAULOGAN, ANIBERSARYO

320

Magpasalamat

Note: Kini magamit alang sa simba sa pagsaulog, labi na karong Mayo, anibersaryo sa UCCP.

10

HUGPONG Enero - Pebrero - Marso 2007 Issue

HUGPONG Enero - Pebrero - Marso 2007 Issue

11

Mga Hulagway sa Semana Santa

EASTER
RECEIVING:
Learning To Welcome Another's Gifts
We often think that learning the art of giving is one of our biggest challenges. But giving is relatively easy. While the call to give may at times challenge our selfishness and our priorities, it seldom challenges us radically or deeply. For giving does not expose our own needs; it only calls us to share that which we already have. It only calls us to generosity. Learning the art of receiving, however, is another matter. This calls us to intimacy, honestly, openness and evaluation. Nouwen reminds us that 'Jesus wants us to receive the love that is offered.' But this is no easy matter, for to receive the love of another calls me to intimacy. To receive another's love means that my innermost self

Ang pag-make-up sa mga entrante uban sa pagtabang ni Katz sa Silliman Church.

Andam na ang mga entrante.... Nagpa-shooting sa wala pa magsugod ang dula.

12

HUGPONG Enero - Pebrero - Marso 2007 Issue

THOUGHTS
must be touched. To be loved means that I must bring myself with my insecurities, pain and needs to be embraced by another. Learning the art of receiving is thus a powerful call to change. For in receiving I need to welcome the other with the gifts that are offered. In receiving I need to make room and space to accept that which I frequently fail to realize I need. And in receiving, something is added to me that may bring about change and transformation. Certainly in receiving the love that Jesus offers, I cannot expect to remain the same. (A reprint from Dare to Journey with Henri Nouwen by Charles Ringma

Drama sa Bilanggoan

Nagkaguliyang sila, nasuko kaayo kang Judas nga mi-luib kang Jesus.

Si Jesus kauban sa iyang mga tinun-an panahon sa kataposang panihapon.

Namakpak, nalingaw, natandog ang mga bisita nga nitan-aw sa dula. * Mga hulagway nga gikuha sa drama, Kataposang mga Gutlo Kauban sa Barkada ni Jesus. Gipasundayag sa Negros Oriental Detention and Rehabilitation Center (NODRC), Dumaguete City, 2004. Nagbansay na usab ang piniling mga bilanggo sa NODRC alang sa drama karong Abril 5, 2007, pinangulohan sa Provincial Rehabilitation Commission ug Pabag-o UCCP. Tagsulat ug tigpaigo-igo sa drama: JBTabada. HUGPONG Enero - Pebrero - Marso 2007 Issue 13

Pagtulun-an alang sa Abril, Mayo ug Hunio 2007

Pasiuna
Mahitungod sa Pagtulun-an... Kini nga mga giya sa pagtuon sa Biblia alang sa Sunday School naggikan sa materiales nga gihimo sa UCCP National Office. Gipahaom kini sa atong quadrennial theme nga " Hiniusang Pagkinabuhi diha sa Panimalay sa Dios " ug sa karon nga tuig nga tema, " Ang Panimalay sa UCCP : Naga-ugmad sa Pagtuo ". Sumpay kini sa gisugdan niadtong Pebrero 2007 nga Unit I " Kinsa Ako Alang Kanimo, O Dios ? " nga nagsugod sa pagsusi sa kaugalingong pagtuo. Dinhi diskobrehan nato kon unsaon ang pag-ugmad sa atong Cristohanong pagtuo. Atong dakong pasalamat ngadto ni Rev. Feliciano Ursos sa iyang paghubad niining materiales gikan sa iningles ngadto sa Cebuano nga pinulongan. Atong pag-ampo nga ang Dios moggiya, motandog ug mopanalangin sa tanang mogamit niini nga pagtulun-an: sa mga magtutudlo ug mga magtutuon.
UNIT 3 - HATAGI AKO UG MATARONG NGA ESPIRITU, O DIOS ! Abril: Panahon sa Pagkabanhaw/ Easter Season Abril 1, 2007 - Sesyon 1: Nabag-o Ako Diha sa Dios.......................................................... X Abril 8, 2007 - Sesyon 2: Mamaayo Ako ......................................................................... X Abril 15, 2007 - Sesyon 3: Dili Ako Mohunong.................................................................... X Abril 22, 2007 - Sesyon 4: Mohigugma Ako Kay Gihigugma man Ako sa Dios ........................ X UNIT 4 UBANI AKO, O DIOS Mayo : Panahon sa Pentecostes/ Pentecost Season Mayo 6, 2007 - Sesyon 1: Tabangi Ako sa Pag-ila Kanimo, Jesus ......................................... X Mayo 13, 2007 - Sesyon 2: Tabangi Ako sa Pagtuo Kanimo .................................................... X Mayo 20, 2007 - Sesyon 3: Pakatawoha Ako Pag-usab ....................................................... X Mayo 27, 2007 - Sesyon 4: Pabalikbalika Ako sa Paghibalag Kanimo .................................. X UNIT 5 PAKINABUHI-A AKO NGA SAMA KANIMO, JESUS Hunio : Bulan sa Kagawasan/ Freedom Month Hunio 3, 2007 - Sesyon 1: Papamalandonga Ako Uban Kanimo ......................................... X Hunio 10, 2007 - Sesyon 2: Himoa Ko'ng Higala Mo ............................................................ X Hunio 17, 2007 - Sesyon 3: Pakamatya Ako Uban Kanimo .................................................. X Hunio 24, 2007 - Sesyon 4: Buhi-a Ako Pag-usab ............................................................... X
14
HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G

Enero: Epiphany Month

Enero 7, 2007 Session I PRAYER FOR CHRISTIAN UNITY SUNDAY/ Unang Domingo sa Epiphany

SI CRISTO NGADTO SA MGA HENTIL

Teksto: Isaias:1-2, 9-11 Bangon, Jerusalem, ug sidlak kay miabot na ang dakong kahayag, ug ang himaya sa Ginoo misidlak na kanimo. (Isaias 60:1) Mga Consepto: 1. Ang epiphaneia, kon manifestation o pagtungha kon pagpadayag, gitumong sa pagtungha sa gipaabot nga Mesias. 2. Ang pagsidlak sa kahayag nga nagagiya sa mga Mago nagpasabot sa pagdugok sa mga dili-Judiyo sa Cristohanong pagtuo. 3. Nga ang pagsidlak sa kahayag ibabaw sa mga Judiyo ug dili-Judiyo maoy pasiuna sa kahiusahan sa tibuok kalibotan diha kang Cristo nga Ginoo. Tumong: Pag-ila sa kahulugan sa epiphaneia

Pamaagi sa Pagtuon
Pag-awit: Pag-ampo Pagbasa sa Teksto Pagsaysay sa Kasayoran Sumala sa Church Calendar sa UCCP, ang bulan sa Enero matag tuig bulan sa epiphaneia. Griego ang pulong epiphaneia nga sa ininglis manifestation, nga sa ato pa, pagpadayag, o pagpaila o kaha pagtungha. Sa laing pagkasulti, makitang pagtungha, o balaanong pagpadayag. Kining talagsaong kahayag sa pagpadayag sa Dios gihulagway ni propeta Isaias ug glorious dawn breaking forth in Zion mahimayaong kabuntagon nga misubang sa Jerusalem. Ang kabuntagon nga misubang sa Jerusalem. Ang Jerusalem mao ang katawhan sa Israel nga diha ilalom sa kangitngitan sa sala, apan nangandoy sa kahayag nga mao ang Mesias nga
HUGPONG Enero - Pebrero - Marso 2007 Issue

Sama sa Kalipay Nila

APP 142

15

M G A PA G T U L U N - A N A L A N G S A M G A H A M T O N G
nagaluwas kanila gikan sa Espirituhanon nilang pagkahugno. Matod pa sa Groilers Universal Encyclopedia, ang epiphaneia mao ang pagpadayag ni Cristo ngadto sa mga hentil nga gi-representahan sa mga maalamon nga miduaw kaniya ingon nga gamayng bata (Mateo 21:12). Giingon nga ang bitoon nga naggiya kanila mao ang katumanan sa panagan sa Isaias 60:30 Ang kanasoran moduol sa imong kahayag, ug ang mga hari moduol sa lamdag sa imong kahayag. Ang kahayag nga gihisgutan dinhi mao ang Mesias nga natawo sa Betlehem. Wala siya magpakatawo alang lamang sa mga Judiyo (nga maoy gipasabot sa pagdan-ag sa kahayag ibabaw sa mga magbalantay sa karnero didto sa kapatagan, ug sa Betlehem), nagpakatawo siya aron sa pagkabig sa tibuok kalibotan (nga nagalangkob sa tanan Judiyo ug dili-Judiyo). Ang mga maalamon, (kon mga mago, o ang tulo ka hari), mga Hentil sila. Ang ilang pagduaw sa natawong si Cristo maoy sinugdanan sa paghugop libot sa Mesias, (sa iyang kawsa, ug sa iyang Iglesia) sa tanang kanasoran. Sa ato pa, gitagna ni propeta Isaias ang pagsubang sa maong Mesias nga natawo. Ang maong Mesias mismo namulong: Ako ang kahayag sa kalibotan. Ang mosunod kanako makabaton sa kahayag sa kinabuhi ug dili na gayod maglakaw diha sa kangitngit (Juan 8:12). Busa dili nato ikatingala nga ang mga Judiyo mismo nahimong mga Cristohanon sa diha nga ilang gisakop ang kamatauoran nga si Jesus nga natawo mao ang Mesias nga dugay na usab nilang gipaabot. Kamatuoran mao: nga usa sa mga tinun-an ni Juan nga Magbubunyag nangutana: Ikaw ba ang giingon ni Juan nga moanhi, o magpaabot pa kamig lain? (Lucas 7:19) Niining adlawa ug sa tibuok bulan sa Enero, atong gipunting ang atong pagtuon sa epiphaneiaang pagtungha sa gipaabot nga Mesias. Angay natong masayran nga wala pa sauloga ang Pasko, gisaulog na ang epiphaneia diha sa paghalad sa batang Jesus didto sa Templo, diin si Simeon usa ka matarong nga tawo sa Jerusalem, namulong bahin sa batang si Jesus: Usa ka kahayag nga magpadayag sa imong dalan ngadto sa mga dili-Judiyo. Ang maong kahayag mipasalanap sa iyang dan-ag ngadto kang Saulo sa dalan sa Damasco, ug naghimo niini nga Apostol ngadto sa mga Hentil. Prayer for Christian Unity Sa gisaulog nato karon ang Prayer for Christian Unity Sunday, hinumduman nato nga ang paghiusa sa mga Judiyo ug sa mga dili-Judiyo nga maoy sentro sa epiphaneia maoy dugokan sa tinguha sa paghiusa sa tanang Cristohanon sa tibuok kalibotan. Ang tinguha sa paghiusa nagsikad sa paglungtad sa panaglahi sa pagtuo ug pagsimba sa usa lamang ka Dios. Diha mismo sa Cristohanong katilingban masaksihan ang pagsinupakay ug panagbulag. Busa tukma nga ang pagsaulog sa Prayer for
16
HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G
Christian Unity Sunday i-atol sa epiphaneia nga gitakda sa Enero 6, o Domingo nga labing duol niini. Mga Pangutana 1. Kon ang epiphaneia mao ang pagtungha, kinsa ang mitungha? Kinsa ang gipadayag? Kinsa ang nagpaila? 2. Sa unsang paagi nga ang mitungha nga Mesias mao ang kahayag sa kalibotan? 3. Kinsa ang gipasabot sa kalibotan? 4. Kang kinsang kahayag ang midan-ag kang Saulo nga naghimo niining apostol sa mga Hentil? 5. Nganong gi-schedule Prayer for Christian Unity sa Domingo nga labing duol sa Enero 6? Pag-ampo

Enero 14, 2007 Session II

NATIONAL BIBLE SUNDAY/Ikaduhang Domingo sa Epiphany LAMDAG GIKAN SA DIOS

Teksto: Deuteronomeo 6: 1-9; 2 Timoteo 3:16 Ang tibuok Kasulatan gikan sa lamdag sa Dios ug mapuslanon kini alang sa pagtudlo sa kamatuoran, sa pagbadlong, sa pagsaway, ug sa pagtudlo unsaon pagkinabuhig matarong. Mga Panghunahuna: 1. Ang Balaang Kasulatan lamdag gikan sa Dios. 2. Mapuslanon kini alang sa pagtudlo sa kamatuoran, sa pagbadlong, sa pagsaway, ug pagtudlo unsaon pagkinabuhig matarong. 3. Ingon nga lamdag gikan sa Dios, mag-iwag kini sa panghunahuna sa mga pangulo sa nasod aron madumala nila ang katawhan uban ang kalinaw, kaangayan ug pagkabuhong. Mga Tumong: Human sa pagtuon, ang mga magtutuon 1. Makasabot sa pagkabililhon sa Balaang Kasulatan alang sa ilang kinabuhi.
HUGPONG Enero - Pebrero - Marso 2007 Issue

17

M G A PA G T U L U N - A N A L A N G S A M G A H A M T O N G
2. Makaaninaw unsay pamaagi sa Dios alang sa Diosnon nga pagdumala sa usa ka katawhan. 3. Nga matutukan sa tanan ang importansya sa Biblia diha sa matag panimalay.

Pamaagi sa Pagtuon
Pag-awit: Pag-ampo Pagbasa sa Teksto: Deuteronomeo 6: 1-9; 2 Timoteo 3:16 Pagsaysay sa Kasayoran: Ang Balaang Kasulatan Lamdag Gikan sa Dios Usa ka pamalandong panahon sa pagsaulog sa National Bible Sunday naggamit sa tema: Righteousness exalts a nation, but sin is a reproach to any people, nga sa ato pa: Ang katarong nagpasidungog sa usa ka nasod, apan ang sala nagpakaulaw sa usa ka katawhan. Gihubit kini nga tema pinaagi sa pagtandi sa nasod sa Israel sa atong nasod nga Pilipinhon. Matod pa sa maong hubit, walay kalainan ang Israel kaniadto ug ang Pilipinas karon. Gipamatud-an nga ang pagbasa sa Biblia ug ang pagkinabuhi sumala sa mensahe niini makahimo ug dakong kausaban sa kinabuhi sa katawhan sa Pilipinas ug sa bisan unsang nasod sa kalibotan. Tungod sa maong kamatuoran, gimando sa Presidente sa Pilipinas nga saulogon matag ikatulong Domingo sa kada Enero ang National Bible Sunday. Ang bili sa Balaang Kasulatan naglakip niining mosunod: mapuslanon kini alang sa pagtudlo, alang sa pagsaway, ug alang sa pagtudlo unsaon pagkinabuhig matarong. Unsay buot ipasabot niini? 1. Ang Biblia makasaysayanon. Record kini sa pagpadayag sa Dios diha sa iyang katawhan. Nagamatuod kini nga ang Dios nga gisimba sa iyang katawhan Buhi nga Dios. Gawas nga siya buhi, ang Balaang Kasulatan nagmatuod usab sa iyang pagkagamhanan, ug nga ang iyang gahom nadayag diha sa kinabuhi sa iyang katawhaniyang katawhan nga nahimutang sa partikular nga dapit ug partikular nga panahonsama sa Exodus; sa ministeryo ni Jesus; sa kinabuhi ug kamatayon niini; ingonman ang hitabo sa Pentecostes. Kining makasaysayanon nga mga hitabo dili minao-mao sama sa ila sa mga pagano. Matuod ang maong mga hitabo nga girecord diha sa Balaang Kasulatan, pagrekord nga naghimo sa Balaang Kasulatan nga makasaysayanon. 2. Ang Balaang Kasulatan buhing kamatuoran. Ang mensahe niini kanunayng
18
HUGPONG Enero - Pebrero - Marso 2007 Issue

Pulong sa Dios, O Pagkabililhon

APP 353

M G A PA G T U L U N - A N A L A N G S A M G A H A M T O N G
nagtandog sa kinabuhi sa mga magtutuo. Daghang mga kinabuhi ang nausab pinaagi lamang sa pagbasa niini. Daghang lifestyle nga natul-id tungod lamang sa pagbasa ug pagkat-on gikan niini. Ingon nga buhing kamatuoran, nagpatunhay kini sa kinabuhi sa mga magtutuo ug sa dili magtutuo. 3. Ang Balaang Kasulatan maoy dugokan sa Saysay sa Pagtuo sa UCCP. Walay anaa sa UCCP Statements of Faith nga wala ipasukad sa Biblia. Ang shema, kon Confession of Faith sa mga Judiyo gipasukad sa bahin sa Deuteronomeo nga nag-ingon: Hinumdumi, katawhan sa Israel: ang Ginoo ug ang Ginoo lamang maoy atong Dios. Higugmaa ang Ginoo nga inyong Dios sa tibuok ninyong kasingkasing, kalag ug kusog (Deut. 6: 4-9). Ngani, mao kini ang balaod, ang pulong sa Dios alang sa mga Judiyo. Mga salingsing lamang kita nila; mga umalambit sa ilang kamandoan, kabalaoran ug kasugoan. Walay katarongan nga kita mangambot kon adunay moingon nga ang UCCP walay doktrina. 4. Gugma sa Dios ang tema sa Balaang Kasulatan. Sa tibuok Basahon nga nagdasig sa hingpit nga pagsugot sa balaod, paghigugma sa Dios ang bugtong tema nga kanunayng gibalikbalik. Kon buhaton ninyo kini, matod sa Deuteronomeo 6: 2, makabaton kamog taas nga kinabuhi. Ang taas nga kinabuhi timailhan sa gugma sa Dios. Ug ang buot ipasabot sa kinabuhi mao ang kinabuhi nga puno sa kalinaw ug kabuhong. Agi ug pagtapos, Ang Balaang Kasulatan nga makasaysayanon diha sa iyang paghubit sa gugma ug gahom sa Dios sa kasaysayan sa iyang katawhan. Buhi kini nga kamatuoran; dugokan kini sa atong doktrina ug nagbaton kini sa gugma sa Dios ingon nga tema niini. Kon ang Balaang Kasulatan nga gilatid sa atong mga pangulo sa nasod sa ilang pagdumala sa nasodnon natong pangagamhanan, ang lamdag sa Dios nga mosilaw gikan niini maglamdag sa ilang mga hunahuna ngadto sa pagtuman sa kabubut-on sa Dios alang sa katawhan nga ilang gipanguluhan. Sa maong paagi, mahitabo ang mga kausaban nga maghatod sa kalinaw ug kabuhong sa katawhang Pilipinhon. Mga Pangutana: 1. Gikan kang kinsa ang lamdag nga naghimo sa Balaang Kasulatan nga mapuslanon? 2. Isaysay ang upat ka mga bili sa Balaang Kasulatan. 3. Sa imong paniid, nagbasa kaha ang mga politiko sa Balaang Kasulatan, kon Biblia? Unsay mga timailhan nga wala sila magbasa sa Biblia? Pag-ampo
HUGPONG Enero - Pebrero - Marso 2007 Issue

19

M G A PA G T U L U N - A N A L A N G S A M G A H A M T O N G

Enero 21, 2007 Session III

Ikatulong Domingo sa Epiphany ANG PAGKAB-OT SA KALINAW

Teksto: Lucas 2:8-20 Mitungha kanila ang usa ka anghel sa Ginoo, ug nadan-agan sila sa himaya sa Ginoo Apan miingon ang anghel kanila, Ayaw kamo kahadlok, kay ania ako nagdalag maayong balita alang kaninyo nga makalipay pag-ayo sa tanang katawhan. Kay karong gabhiona natawo sa lungsod ni David ang inyong Manluluwas, ang Cristo nga Ginoo. (Lucas 2:9, 10) Mga Panghunahuna: 1. Dili ikalimod nga ang kaluwasan nga dala ni Cristo, tibuok nga kaluwasankaluwasan sa lawas ug sa kalag. Apan ang iyang pagkahari dili kalibotanon kon dili espirituhanon. Busa niining atong pagtulon-an karon, atong gihatagan ug bug-at nga bili ang espirituhanong kaluwasan. 2. Ang hayag nga midan-ag nagpasabot sa espirituhanong kalipay sa tawo resulta sa iyang pagdawat sa Mesias nga natawo. Nagpasabot kini sa pagabot sa Manluluwas nga dugay na nila nga gipangandoy. Tumong: Ang paghatag ug unang luna sa espirituhanong kahulugan sa kaluwasan ug sa kahayag.

Pamaagi sa Pagtuon
Pag-awit: Pag-ampo Pagbasa sa Teksto: Lucas 2:8-20 Pagsaysay sa Kasayoran Introduction: Sa pagtulon-an nato sa unang Domingo niining bulana sa Enero, tuig 2007, atong gipahibalo nga sa entero nga bulan sa Enero atong itutok ang atong pagtuon sa epiphaneia, kon pagtungha sa gipaabot nga Mesias. Gipahinumduman usab kita nga sa atong paghisgot sa kahayag nga midan-ag, ang gipasabot nato mao ang bitoon nga naggiya sa tulo ka mga mago nagdto sa dapit diin matawo ang Mesias. Ang pisikal
20
HUGPONG Enero - Pebrero - Marso 2007 Issue

Niining Bag-ong Adlaw

APP 58

M G A PA G T U L U N - A N A L A N G S A M G A H A M T O N G
nga bitoon, ang makita nga dan-ag, ug ang makita nga bata mahimong tin-aw diha sa atong pagsaysay sa pagtulon-an. Lakbit lamang ang atong hisgot bahin sa espirituhanong kahayag kon dan-ag. Niining atong pagtulon-an alang sa ikatulong Domingo sa Enero, atong hisgotan ang simbolo kon espirituhanong kahulugan sa kahayag. Kahayag Ang kasaysayan sa Israel maoy kasaysayan sa pagpangadto-nganhi sa Dios. Sa panahon sa kasayon, bisan pa sa panahon sa kagubot, ang Israel nga nahimutang na sa yutang sinaad mosalaag gikan sa kabubut-on sa Dios. Kasagaran sa mga pangulo niini nagatuman sa ilang kaugalingong gusto bisan pa man sa presensya sa mga propeta nga sa kanunay nagapahinumdum kanila sa kabubut-on sa Dios alang sa ilang kinabuhi ug sa kinabuhi sa nasod. Misimba sila sa mga dios-dios sa mga lumad sa maong dapit. Midangop sila sa pagtabang sa silingang kanasoran sa diha nga hulgahon ang ilang kasiguruhan. Nagpakabuta-bungol sila sa mando sa Dios. Sa ilang kaamgo sa ilang sala taliwala sa ilang kalisdanan, mibalik sila sa Dios pinaagi sa paghinulsol. Human ipakita sa Dios ang iyang pasaylo ug gugma, moabot kanila ang kalinaw. Apan mibalik kanunay sila sa pagtuman sa tinguha sa ilang kasingkasing, hangtod nga mitiyabaw sila sa kalisdanan diha sa kamot sa ilang mga kaaway. Sa daghang higayon nailalom sila sa gahom sa sala, ug ang kangitngit sa ilang kahimtang nagatabon kanila. Ang kangitngitan sa pagka-walay paglaom mitikyop diha kanila. Apan ang kaluoy sa Ginoo mapadayonon. Busa, pinaagi kang propeta Isaias mideklarar siya: Bangon, Jerusalem, ug sidlak kay miabot na ang dakong kahayag, ug ang himaya sa Ginoo misidlak na kanimo (Isaias 60: 1). Kining dakong kahayag dili lamang ang kahayag sa bitoon nga nag-iwag sa mga mago ug mihunong ibabaw sa belen sa Betlehem. Ang maong kahayag mao ang kalipay nga ilang sinati-on tungod sa kasiguruhan sa kaluwasan gikan sa mapait nilang kahimtang nga spiritual ingon man sa spiritual nilang pagkaulipon sa sala. Ug ang kahayag nga miabot kanila, sumala sa hunahuna sa propeta, mao ang pagtungha, ang epiphaneia, sa Mesias, ang ilang espituhanong Manluluwas. Kadugtongan Ato usab nga gihisgotan sa pagtulon-an nato sa ikaduhang Domingo niining bulana nga ang kahimtang sa Israel sa diha pa kini sa kangitngitan sa sala, walay kalainan sa atong kahimtang karon dinhi sa Pilipinas. Kon magabasa kita sa mga peryodiko, maminaw sa mga balita pinaagi sa radio, ug musod-ong niini pinaagi sa telebisyon, ang kasal-anan sa Israel sa una, kasal-anan usab nato karon. Sa laing paagi gitugot sa Dios nga kita
HUGPONG Enero - Pebrero - Marso 2007 Issue

21

M G A PA G T U L U N - A N A L A N G S A M G A H A M T O N G
pantonon, may mga pangutana: ngano nga nahitabo kini? Dayag ang kabubut-on sa Dios. Buot siya nga mobalik kita ingon nga katawhan ngadto kaniya. Sa ingon, diha sa atong pagbalik, ang mensahe sa epiphaneia moabot kanato, ug ang pagsaulog nato sa pagkatawo sa atong Manluluwas makabaton sa maluntarong kahulugan. Sinati-on nato dili lamang ang material nga kabuhong kondili ingon man ang espirituhanong katagbawan. Mga Pangutana: 1. Kinsa ba ang nahimong kahayag nga nagdan-ag sa imong dalan sukad pa kaniadto hangtod karon? Tingali aduna ikaw modelo nga nahimong inspirasyon sa imong lakbay sa kinabuhi ug may kalabotan sa imong pagka-ikaw karon. 2. Unsay dapit sa Ginoo diha sa imong kinabuhi karon? Siya ba ang imong kahayag nga nagdan-ag sa imong dalan? 3. Nahimo ka bang kahayag ngadto sa uban? Aduna bay bisan usa man lamang nga imong matudlo kansang kalamposan ikaw ang hinungdan? Pag-ampo

Enero 28, 2007 Session IV

Teksto: Isaias 60:1-3

Ikaupat nga Domingo sa Epiphany BANGON UG SIDLAK

Mga Panghunahuna: 1. Ang Israel mao ang gipabangon ug pasidlakon alang sa katawhan sa iyang palibot sa iyang panahon. 2. Ang mga Mago diha sa sugilanon sa pagkatawo sa Mesias nagrepresentar sa langyawng kanasoran. 3. Si Jesus mao ang makitang timailhan sa presensya sa Dios nga mosubang sa Israel ug kanato. 4. Gihagit ang Iglesia nga mahimong madanihong saksi sa Mesias diha sa kalibotan. Tumong: Human sa pagtuon, masabtan sa magtutuon nga dili ang Israel, ni si Jesus lamang ang kahayag sa kalibotan kondili kita mismo kahayag ingon man, busa maningkamot kita nga mosidlak ug mahimong madanihong saksi sa gugma sa Dios nga makita diha sa natawong Manluluwas.

22

HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G

Pamaagi sa Pagtuon
Pag-awit: Pag-ampo Pagbasa sa Teksto Pagsaysay sa Kasayoran Bangon ug Sidlak Ang Israel Kahayag. Sumala sa atong teksto, ang Israel gitawag sa pagbangon ug pagsidlak. Sama siya sa binuhat nga nawad-ag kadasig ug nawad-ag paglaom tungod sa kalapasan nga iyang nahimo batok sa Dios. Apan karon gidasig siya sa pagbangon, ug ang kahayag nga daw napalong tungod sa iyang mga kalapasan kinahanglang pasidlakon na aron siya mismo mahimong kahayag tungod sa grasya sa Dios. Ang mahimayaong silaw sa Dios nga gituga sa Dios kaniya kinahanglang pasidlakon pag-usab aron makadani kini sa ubang kanasoran. Sama kini sa mga alibangbang nga modugok nganha kaniya uban sa mga bahandi sa ilang nasod, ug mosimba ug maghimaya sa gamhanang Dios kansang kagahom walay kinutoban. Ang Mga Mago. Ang mga Mago diha sa Evangelio ni Mateo nagrepresentar sa langyawng kanasoran nga miabot aron sa pagsimba sa Hari sa mga Judiyo. Matod ni San Mateo, ang mga maalam gikan sa kalibotan sa mga Hentil maoy unang miila sa Mesias sa mga Judiyo ug maoy unang mitubag sa tawag niini. Busa, sila ang unang mituman sa tagna nga ang langyawng kanasoran magbaha dugok sa kahayag sa Dios diha sa Israel. Pinaagi sa sugilanon sa mga Mago, makita nato nga ang pagkatawo ni Jesus may katuyoan lapas pa sa nasod sa Israel ngadto sa maluwasnong grasya sa Dios alang sa tanang katawhan sa kalibotan. Si Jesus mao ang makitang timailhan sa presensya sa Dios nga mosubang sa Israel, ug pinaagi niini ngadto sa tibuok kalibotan. Gikan kaniya ang kinabuhi, ug ang maong kinabuhi mao ang kahayag sa mga tawo. Ang kahayag nagdan-ag diha sa kangitngit (Juan 1: 4, 5). Ang gisulti ni Juan maoy paglanog sa gisulti ni Isaias sa pag-ingon niini: Ang katawhan nga kaniadto naglakaw sa kangitngit nakakitag dakong kahayag; ang nagpuyo sa mangiob nga dapit gisidlakan na sa kahayag (Isaias 9:2). Mismo si Jesus nga gibandilyo ni Juan miingon: Ako ang kahayag sa kalibotan (Juan 8:12). Ang ubang ebanghelio nag-asoy ug lain pang epiphaneialain pang pagpadayagang misteryosong pagka-usab sa dagway ni Jesus tungod sa himaya sa balaanong kahayag. Alang sa mga Cristohanon, si Jesus mismo mao ang dawn of spiritual journeykaadlawon sa espirituhanong kinabuhi, ang sinugdanan sa pagtukod
23

Magmatinud-anon Kay Ginasaligan

APP 281

HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G
pag-usab ug pagluwas sa kalibotan nga gilamoy sa kangitngit. KitaKahayag sa Kalibotan. Kining maong Jesus nagsulti kanato nga kita mao ang kahayag sa kalibotan (Mateo 5:14). Maingon nga gihagit ni Isaias ang Jerusalem (Israel) sa pagsidlak atubangan sa kanasoran kahayag sa presensya sa Dios ug himayaon ang Dios, si Cristo mao ang kahayag nato aron mahimo usab kitang kahayag alang sa uban, ug alang sa usag-usa. Matod pa, It is better to light a little candle than to curse the darkness, sa ato pa, maayo pang magdagkot bisan unsa ka gamay nga kandila kay sa tunglohon ang kangitngit. Unsa ba kita kaanad sa pagdagkot ug kandila sa kamatuoran, paglaom ug gugma? Sa unsang paagi kita mahimong kahayag kanila nga anaa sa kangingit? Hagit sa Iglesia. Ang labing dakong hagit alang sa Iglesia ug alang sa matag Cristohanon mao ang pagkinabuhi sa kamatuoran nga atong nahibaloan. Wala nay mas madanihong saksi kay kaniya nga nagkinabuhi sa maayong balita sa kinabuhi sa Dios diha kang Cristo Jesus. Siya lamang nga naghulagway sa Dios diha sa iyang kinabuhi maoy saksi nga modani sa daghan ngadto sa Dios. Siya ang madan-agong bitoon alang sa uban. Mga Pangutana: 1. Ang Israel lang ba ang gihagit sa pagbangon ug pagsidlak alang sa ubang katawhan? 2. Kinsa ang Kahayag sa kalibotan? Unsa ang iyang hagit alang kanato? 3. Sa unsang paagi ikaw mobangon ug mosidlak alang sa uban? 4. May kalig-on ka ba sa pagsagop ingon nga imong New Year Resolution sa pagkahimong kahayag sa uban? Pag-ampo

24

HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G

Pebrero: Membership Renewal Month

Pebrero 4, 2007 Ikalimang Domingo sa Epiphany
(UCCP SS Study Guide)

UNIT I KINSA AKO ALANG KANIMO, O DIOS? Session I Gibuhat Mo Ako nga Bahin sa Kabuhatan

Teksto: Genesis 2:4b-23 Ulohang Pagtulun-an: Bahin ako sa kabuhatan sa Dios ug gihatagan sa katungdanan sa pag-atiman niini. Mga Tumong Kini nga pagtulun-an motabang sa matutuon sa: 1. Pagsubay sa han-ay sa kabuhatan 2. Patuki sa kadugtongan sa mga tawo ngadto sa mga tanom, ngadto sa mga mananap, ug ngadto sa babaye ug lalaki. 3. Pagpangitag paagi sa pagkamaayong tinugyanan sa kabuhatan. Mga Kasayoran alang sa Magtutudlo Kini nga sugilanon sa kabuhatan gisaysay usab sa laing paagi diha sa kapitulo 1:12:4a. Ang pagsaysay diha sa kapitulo 1 adunay maayo nga han-ay nga mitapos sa pagbuhat sa tawo, nga maoy mopatigbabaw sa ubang mga binuhat. Ang saysay sa kapitulo 2 nagsugid nga ang ubang kabuhatan gibuhat alang sa tawo. Ang tawo (lalaki ug babaye) kinahanglan nga moatiman sa mga tanom, samtang ang mga hayop mahimong katabang sa lalake. Ang babaye maoy labing maayong tabang alang kaniya, apan dinhi tungod kay sila katambayayong man. Sugyot 1. 2. 3. Nga Buluhaton Sa Pagtuon Pinaagi sa awit: Gihatag Kanato ang Yuta APP 232 Pinaagi sa bersikulong sag-ulohon: Genesis 2:18 Sa minubo ipahayag ang teksto: Giuna sa Dios pagbuhat ang tawo. Unya nagpahiluna ang Dios ug usa ka tanaman aron mabuhi ang tawo ug nga kini iyang atimanon. Kinahanglang nga ang tawo magtuon pagpugong sa iyang kaugalingon, nga dili niya kanon ang bunga sa kahoy sa kahibalo sa maayo ug daotan. Unya ang Dios
HUGPONG Enero - Pebrero - Marso 2007 Issue

25

M G A PA G T U L U N - A N A L A N G S A M G A H A M T O N G
mihatag sa tawo ug mga katabang pinaagi sa pagbuhat sa mga hayop. Apan ang babaye lamang nga gikuha gikan kaniya maoy angayan nga motabang niya. Paghisgot sa pagtulun-an: 1. Unsaon nato paghulagway sa pagkadugtong sa tanang butang diha sa kinabuhi? Subayon ang linya sa pagkadugtong sa mga butang. 2. Diha sa kadugtongan sa tawo ngadto sa tanom, ngadto sa mga hayop, ug sa isigka tawo, angayan ba nga mopatigbabaw ang kaayo, kaangayan ug pagpaubos? Unsay inyong hunahuna? 3. Sa pagkatinuod, mahimo ba natong magpahimulos sa kadato sa kabuhatan sa Dios nga dili nato kini gub-on? Ipadayag ang imong hunahuna. Pag-ampo O Dios nga Magbubuhat, tabangi kami nga makasabot sa among pagkadugtong sa tanang nimong gibuhat. Unta kaming tanan, lalaki ug babaye, makasabot sa among pagkakauban sa pagtambayayong, ug nga mahimo unta kaming maayong mga tinugyanan sa imong kabuhatan. Amen.

Pebrero 11, 2007 Session II

Ikaunom nga Domingo sa Epiphaneia

Gibuhat Mo Ako sa Imong Dagway

Teksto: Genesis 1 :26-31 Ulohang Pagtulun-an: Gibuhat ako diha sa dagway sa Dios. Mga Tumong Kini nga pagtulun-an motabang sa matutuon sa: 1. Pagtuki nga ang tawo gibuhat diha sa dagway sa Dios 2. Pag-usisa sa sugo sa Dios pun-a ang kalibotan ug pagbut-i kini 3. Pagtahod alang sa kalibotan ug sa kinatibuk-an niini. Mga Kasayoran alang sa Magtutudlo Pagsabot sa pipila ka termino: Buhaton nato ang ang tawo sa atong dagway. Buhaton natosama kini sa pagpamulong sa katigoman sa mga dios diha sa mga sinulat sa karaang duol nga silangan (near east). Ang Biblia naggamit sa maong hulagway sa pagtigom, apan si Yahweh o Jehova lamang ang nagbuot.
26
HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G
Sa atong dagwaykini naglatid sa kalainan sa tawo gikan sa mga tanom ug mga hayop nga mitungha sa kalibotan. Ang tawo usab adunay kalainan, lalaki ug babaye. Mahinungdanon nga timan-an nga ang dagway sa Dios diha sa tawo maila sa ilang pagkalalaki ug pagkababaye, ug dili lang gihugpong. Ang tawo maoy representante sa Dios nga may awtoridad ibabaw sa kabuhatan. Ang magtutudlo makapasabot usab nga ang dagway sa Dios diha sa tawo mahimo diay nga moabot sa pagkabalaan, usa ka imbitasyon sa dagway sa Dios diha kang Cristo. Sugyot 1. 2. 3. Nga Buluhaton Sa Pagtuon Pinaagi sa awit: Huypi Ako, O Dios 183 APP Pinaagi sa bersikulong sag-ulohon: Salmo 8 Sa minubo ipahayag ang teksto: Ang Dios mihukom sa pagbuhat sa tawo diha sa iyang dagway, ug gitugyanan sa pagbuot sa tanang buhing binuhat. Kinahanglan usab sila nga mosanay ug molukop sa kalibotan, sa paghingpit sa pagpatigbabaw ug pagmando niini. Apan ang kahimtang sa maong sugilanon mao ang panahon nga diyotay pa kaayo ang mga tawo ug ang mga kagamitan yano kaayo. Karon nga ang mga tawo milukop na sa kalibotan, ug ang ilang mga kahimanan napamatud-an nga maayong moguba, ang tawo kinahanglan nga mamalandong sa iyang pagbuot sa kalibotan. Kinahanglan nga ilang atimanon pag-ayo ang kalibotan.

Sugdan sa paghisgot ang pagtulun-an pinaagi sa mosunod nga mga pangutana. 1. Kon ang dagway sa Dios diha sa katawhan alang sa pagkadiosnon, nagpadulong ba kita niini? Palihog tin-awa ang inyong tubag. 2. Kon inyong gradohan ang pagkatinugyanan sa tawo sa kalibotan, unsa kaha ang grado? Labing maayo ba? Maayo? Makapasar? Kulang? Dili maayo? Ipatin-aw ang inyong tubag. 3. Kay ang tawo gihatagan man sa kalainan nga lalaki ug babaye, kon duna man o wala, unsa man ang inyong hunahuna ug unsa may gipasabot niini kanimo? Ipatin-aw. Pag-ampo O Magbubuhat nga Dios, gihatagan kami nimog kalainan gikan sa mga tanom ug kahayopan aron moatiman kanila. Gihatan nimo kamig kalainan ingon nga lalaki ug babaye aron mapakita namo ang imong dagway dinhi kanamo ug ang imong pagkabalaan. Giyahi kami sa among kinabuhi ingon nga mga balaang binuhat, nga gibuhat sa imong dagway, sama sa gipakita kanamo ni Cristo unsaon pagkahimong sama kanimo. Amen.
HUGPONG Enero - Pebrero - Marso 2007 Issue

27

M G A PA G T U L U N - A N A L A N G S A M G A H A M T O N G

Pebrero 18 Session III

Ikapitong Domingo sa Epiphany Gibuhat Mo Ako nga Templo

Teksto: 1 Corinto 6:17-20 Ulohang Pagtulun-an: Ang akong lawas templo sa Balaang Espiritu. Mga Tumong Kini nga pagtulun-an motabang sa matutuon sa: 1. Paghisgot pag-ayo sa giingon nga ang atong lawas templo sa Balaang Espiritu 2. Mangako sa responsabilidad sa pag-atiman sa ilang lawas, hunahuna ug espiritu; 3. Modawat uban sa pagpasalamat nga ang ilang lawas dili ilang kaugalingon, apan iya sa Dios. Mga Kasayoran alang sa Magtutudlo Ang lawas sa matag magtutuo gihimong balaan ug gihinloan sa dugo ni Cristo. Kini nga pagkabalaan sa lawas ni Cristo kinahanglang ipakita diha sa matag sakop niini. Ang matag sakop kinahanglang motahod sa Balaang Espiritu o sa Dios nga anaa kaniya. Busa ang iyang lawas kinahanglang tahoron, aron mag-alagad sa uban ang maghimaya sa Dios. Sugyot Nga Buluhaton Sa Pagtuon 1. Pinaagi sa awit: Magkinabuhi Ako Kang Jesus APP 232 2. Pinaagi sa pag-ampo Tabangi kami, O Dios, nga mabati namo ang puyo sa Balaang Espiritu dinhi kanamo. Pahinumdumi kami niini. Unta ang amogn panghunahuna, pagpanulti ug buhat maghimaya kanimo. Amen. 3. Sa minubo ipahayag ang teksto: Dinhi, gisultihan ni San Pablo ang mga taga-Corinto nga sanglit mga sakop man sila sa lawas ni Cristo nga mao ang Iglesia, ang Balaang Espiritu nagpuyo usab dinhi sa matag usa kanato. Kinhanglang maglikay kita sa mga daotang buhat nga makadaot sa atong lawas, kana sala. Dugang pa niana, dili man kita ang tag-iya sa atong lawas, ang Dios. Gamiton nato ang atong lawas sa diosnong katuyoan, atimanon nato ang atong mga lawas, gamiton nato ang atong lawas sa pag-alagad sa uban ug sa paghimaya sa Dios. Paghisgot sa pagtulun-an: 1. Unsay imong gibati human ka gisultihan nga ang imong lawas templo sa Balaang
28
HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G
Espiritu? Ipakig-ambit. 2. Aduna bay programa o mga kalihokan sa iglesia nga nagtabang pagpalambo sa pagkaamgo nga nagpuyo diha ang Balaang Espiritu? 3. Ang usa ka lumadnong magtutudlo sa kahimsog naglista sa mosunod : a. Kanunay nga paugnat sa kusog (exercise) b. Maayo nga katulog sa gabii c. Tukma ug igo nga pagkaon d. Hinlo nga palibot e. Pamalandong ug pag-ampo f. Matarong nga pagkinabuhi sumala sa gisulat sa Mequias 6:20 Ipakig-ambit ang imong hunahuna ilabina bahin sa pamalandong ug matarong nga pagkinabuhi aron pagbaton sa himsog nga lawas. Bersikulo nga sag-ulohon : 1 Cortinto 6 :20 Pag-ampo Salamat sa pagpahinumdom kanamo, O Dios, nga kami dili tag-iya sa among kaugalingon. Ikaw ang tag-iya namo, ug ang imong Espiritu nagpuyo dinhi kanamo. Tabangi kami nga mahinumdom niini nga kamatuoran ug nga kami maghimaya kanimo sa among pagpamulong ug buhat, sa among mga hunahuna ug mga pag-ampo. Amen.

Pebrero 25, 2007 Session IV

Unang Domingo sa Kwaresma

Gipasinati Mo ako sa Madagayaong Kinabuhi

Teksto: Juan 10 :7-15 Ulohang Pagtulun-an: Ang madagayaong kinabuhi diha kang Cristo lahi kay sa kalibotanong pagsabot sa madagayaong kinabuhi. Mga Tumong Kini nga pagtulun-an motabang sa matutuon sa: 1. Pagpadayag nga tin-aw sa kahulogan sa madagayaong kinbuhi nga naa sa Biblia. 2. Makapanghunahuna ug lainlaing pagsabot sa madagayaong kinabuhi. 3. Pagtahod alang sa kalibotan ug sa kinatibuk-an niini. Mga Kasayoran alang sa Magtutudlo Pagtin-aw sa pipila ka termino:
HUGPONG Enero - Pebrero - Marso 2007 Issue

29

M G A PA G T U L U N - A N A L A N G S A M G A H A M T O N G
1. Simbolo sa Pultahannagpasabot sa pultahan sa toril sa mga karnero diin hipuson ang mga karnero sa pagkagabii o sa daotang panahon. 2. Simbolo sa Maayong Magbalantaynaghulagway sa usa ka maayong magbalantay o pangulo, nga nag-atiman sa kahayopan o katawhan ug naghatag sa iyang kinabuhi. 3. Ang mga magtutudlo nga mianhi sa wala pa si Jesusnagpasabot sa mga Judiong mga magtutudlo sa panahon ni Jesus. 4. Ang magtutudlo mahimo sab nga mohatag ug lain nga paagi sa pagsabot sa madagayaong kinabuhi: kini mao nga ang kinabuhing madagayaon mao ang kinabuhi ni Jesus. Ang madagayaong kinabuhi dili gayod mahitungod sa materyal nga mga butang, bisan kon kana mahinungdanon, apan kini mahitungod sa unsay buhaton nato ngadto sa ubandiha sa mga buhat nga naghatag ug paglaom sa kabos, kagawasan sa binilanggo ug dinaogdaog, panan-aw sa buta. Si Jesus nagkinabuhi alang sa uban, ug tungod niana, nasinati niya ang kaguol, kasakit ug mga kapakyas, apan usab kalipay ug katagbawan. Mao kini ang kahulogan sa madagayaong kinabuhi, kinabuhi nga gigahin alang sa uban. Gikinabuhi kini ni Jesus aron atong sundon ug mahibaloan unsa ang usa ka makahuloganon nga pagkinabuhi. Sugyot Nga Buluhaton Sa Pagtuon 1. Pinaagi sa awit: Ang Kalibotan Nagkinahanglan 288 APP 2. Pinaagi sa pag-ampo: Ginoong Jesus, ikaw ang maayong pangulo nga naggiya sa imong katawhan ngadto sa kalinaw ug sa igong pagkaon. Gisalig namo kanimo ang among kinabuhi. Giyahi kami padulong sa madagayaong kinabuhi. Amen. 3. Sa minubo ipahayag ang teksto: Kini nga teksto usa sa mga ako mao nga panultihon ni Jesus. Dinhi, siya mao ang pultahan (sa hipusanan sa mga karnero) nga agianan padulong sa salipod ug pagkaon. Siya ang agianan ngadto sa kaluwasan. Ang ubang mga magtutudlo nga una ni Jesus mga tulisan ug kawatan nga manguha sa mga karnero o gamiton alang sa ilang kaugalingon katuyoan. Si Jesus mao usab ang maayong magbalantay, ang maayong pangulo, nga andam mo tahan sa iyang kinabuhi alang sa iyang mga karnero o katawhan. Itahan niya iyang kaugalingon aron pagpanalipod sa iyang mga karnero, dili sama sa ubang mga pangulo nga magpatambok sa ilang kaugalingon bisag maut-ut ang ilang katawhan (tan-awa sa Ezequiel 34). Diha kang Jesus, makabaton kita sa madagayaong kinabuhi, aduna may igo nga pagkaon ug
30
HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G
kasigurohan. Ang pagkaon gipakig-ambit sa tanan ug ngadto sa uban. Sugdan sa paghisgot ang pagtulun-an pinaagi sa mosunod nga mga pangutana. 1. Mapahayag ba nimo nga tin-aw unsa ang madagayaong kinabuhi? Ipakigambit ang imong nasabtan. 2. Apil ba sa madagayaong kinabuhi ang kasinatian sa kagutom, kahadlok, ug kaguol, uban sa kalipay, kasiguroan ug pagtagbo sa materyal nga panginahanlan? Ipahayag ang imong nasabtan. 3. Duna ba kahay tawhanon nga pangulo nga sa tinud-anay makahatag natog madagayaong kinabuhi? Ipadayag ang imong hunahuna. Sag-ulohon nga bersikulo: Juan 10:10 Pag-ampo O Dios, patidloma sulod namo ang kahulogan sa madagayaong kinabuhi pinaagi ni Jesu Cristo. Gihimo mo kaming mga tinugyanan sa kalibotan, tabangi kami sa pagpakigambit sa mga bahandi niini ngadto sa uban, ug nga ampingan unta kini namo alang sa umaabot pang mga kaliwatan. Makat-onan unta namo nga kahulogan sa kasakitan alang sa kaluwasan ug kagawasan sa ubaningon nga pagsunod sa among Ginoong Jesus nga naghatag ug panag-ingnan ngari kanamo sa imong kaayo ug gugma. Amen.

HUGPONG Enero - Pebrero - Marso 2007 Issue

31

M G A PA G T U L U N - A N A L A N G S A M G A H A M T O N G

Marso: Lenten Season

Marso 4, 2007 WORLD DAY OF PRAYER/Ikaduhang Domingo sa Kwaresma
(UCCP SS Study Guide)

UNIT II KALUY-I AKO, O DIOS Sesyon I Pangita-a Ko Kay Nawala Ako, O Dios

Teksto: Lukas 15: 1-7 Panghunahuna: Ang pagkasala mao ang pagkawala. Mga Tumong: Kini nga pagtulun-an mobulig sa mga nagtuon sa: 1. Pagkaamgo nga ang usa ka makasasala maoy usa ka nawala nga kalag. 2. Paghukom nga ang kinabuhi mga nawala maoy usa ka tu-aw sa pakitabang. 3. Pagsabot nga ang Dios maoy nag-una sa pagpangita sa nawala (makasasala) Pagpangandam sa Magtutudlo: Ang magtutudlo mahimong motan-aw niini nga parabola ingon nga makasasala. Kana, sa kon unsa man nga rason, mao nga ang si bisan kinsa mahimong mawala sa iyang kinabuhi. Si bisan kina sa bisan kanus-a mahigawas sa pamilya, mga higala, iglesia o sa kaugalingon o sa bisan unsa matang nga kinaiyanhan. Kini nga sugilanon nagapasalig kanato nga ang Dios sa kanunay nagapangita kanato. Mosangko kitang tanan sa pagdangop sa iyang Anak nga si Jesu-Cristo.

Pamaagi sa Pagtuon
Pag-awit: O Ginoo, Susiha Ko Karon APP 216 Pag-ampo Kadaghanan kanamo nawala, O Dios. Apan wala kami makaamgo niini. Kami naglakawlakaw diha sa kangitngit sa madulom, nga mga anino ug dili kami makagawas. Apan ikaw maloloy-ong Dios, palihog luwasa kami ug pagawsa niining among pagkawala. Sa ngalan ni Jesus, amen.
32
HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G
Pagbasa sa Teksto Pagsaysay sa Kasayoran Hamubo nga pagpadayag sa teksto: Si Jesus nakig-uban sa gitawag sa mga rilihiosong pangulo nga mga makasasala. Iya kining gihimo kay ang mga makasasala mga nawala nga kalag, sa kinaiyanhan ug espirituhanon nga paagi. Siya nalooy kanila tungod kay siya nakakita sa ilang pagkawala nga mao ang ilang tawag sa panabang. Bisan ug giingon nga usa lamang gkan sa 100 ang nawala, ang katinud-anan mao nga ang tanan nagpakasala ug nawala. Apan diotay lamang ang modawat nga sila nawalakini mao ang gipangita ni Jesus. Kining mga tawhana mao ang makabalik ngadto sa tarong nga dalan pa-ingon sa grasya sa Dios. Kini mao ang makalilipay nga mga gutlo alang sa Dios, ug ingon man sa katawhan niya. Paghisgot-hisgot: 1. Makapahayag ba ang si bisan kinsa kon ngano nga ang makasala maoy ang nawala? 2. Sa nagkalainlaing paagi, kada usa nakasinati sa pagkawala. Ipakig-ambit ang pagbati sa espirituhanong pagkawala. 3. Sa sugilanon, sa dihang nakaplagan na ang nawala nga karnero, giingon nga ang makasasala naghinulsol. Ang pagkakaplag sa Dios maingon ba nga usa ka paghinulsol? Palihog ipahayag. Pag-ampo: Sa makadaghan, O Dios, kami nangawala tungod sa among pagkamakasasala. Dili ngani kami makamao mosangpit ug panabang bisan sa among mga hinigugma. Apan ikaw nasayod sa among pagkawala. Palihog tabangi kami sa pagpangita sa among kaugalingon. Amen.

Marso 11, 2007 Sesyon II

Teksto: Lukas 18:9-14

Ikatulong Domingo sa Kwaresma Nakasala Ako, O Dios

Panhunahuna: Ang mahinulsulong makasasala gipakamatarong.

HUGPONG Enero - Pebrero - Marso 2007 Issue

33

M G A PA G T U L U N - A N A L A N G S A M G A H A M T O N G
Mga Tumong Kini nga Sesyon mobulig sa mga nagtuon sa: 1. Paglarawan ug pagkompara sa Parisiyo ug sa tigbuhis. 2. Pagpaniid pag-ayo nga ang matag-usa makasasala apan dyotay lang ang nakaamgo ug nagadawat nga tinuod kini. 3. Pagpahayag sa tin-aw sa pulong gipakamatarong. Nagpaluyong kasayoran alang sa magtutudlo Pariseo usa sa inilang tulo ka partido sa panahon ni Jesus. Saduseo ug mga Essenes: ikaduha kini silaistrikto nga nagasubay sa Hudiyanhon balaod ug mga tradisyonis, nga nagpaila kanila ingon nga mga separetista o naglain nga grupo. Sila organizado nga mga magsusunod sa mga Eskriba nga giila nga mga ekspirto sa paghubad sa kasulatan, nga tungod kauban sila nga gihisgotan ni Jesus. Sila ang mga relihiosong pangulo sa mga Hudeo nga nagbaton ug nasudnong (nationalistic) pagbati. Ang mga magbubuhis sila mga Hudeo nga nangulikta sa buhis sa katungod sa mga Romanhon, mahimong usa ka pangulo nga magbubuhis o ordinaryo nga sulugoon. Sila kasagaran mopabuhis nga labaw pa kay sa buluhisan, mao nga sila madato pagdali. Kini sila gitawag nga mga traydor ug salawayon sa mga Hudeo tungod sa ilang pagkatikasan ug mga tuta sa mga Romanhon. Pagkamatarong Nahukmang walay sala ug na-ilhan nga matarong sa atubangan sa Dios. Pamaagi sa Pagtuon Pag-awit: O Malig-on nga Bato (Rock of Ages) APP 386

Pag-ampo O Dios, kaloy-i ako, usa ka makasasala. Makasasala ako sukad pa sa taguangkan sa akong inahan, ug sa kinabuhi ang sala maoy kanunay nakong kauban. Apan ikaw maoy usa ka maloloy-ong Dios, ug mahimo mong hinlo-an ako. Pasayloa ako ug ipahamtang ang husto nga espiritu dinhi kanako. Amen. Pagsaysay sa Kasayoran Sa sukdanan sa Hudeyohanong katilingban ang Pariseo usa ka matarong nga pagkatawo ug ang magbubuhis ubos nga makasasala. (Ipahayag sa magtutudlo ang ilang kalainan.) Apan sa mata sa Dios ang matag-usa makasasala. Ang mapagarbohon ug ang tigpalabawlabaw nga misalig sa ilang kaugalingong pagkamatarong dili gayod mapasaylo ug mahimong matarong sa Dios. Sa laing bahin ang mapaubsanon ug mahinulsolon mao ang mahimong matarong uban sa Dios (kay siya gipakamatarong sa Dios).
34
HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G
Paghisgot-hisgot 1. Masabtan ba nimo ang kalainan sa Pariseo ug sa magbubuhis ug ngano nga gigamit ni Jesus sila niini nga sambingay? 2. Makahimo ka ba ug listahan sa mahimong mga sala sa usa ka Pariseo? 3. Unsa ang kasagaran nga rason ngano nga ang usa ka tawo dili moangkon nga siya nakahimo ug sala ug angay nga mangayo ug pasaylo? Ipahayag. Pag-ampo Tuguti nga kami makabaton ug mapaubsanon ug mahinulsulon nga kasingkasing, O Dios. Hatagi kami ug igong kusog sa pagpangayo ug pasaylo aron kami mag-usab sa among mga gawi. Amen.

Marso 18, 2007

Ikaupat nga Domingo sa Kwaresma

Sesyon III Badlonga Ako kay Nakabuhat Ako ug Daotan

Teksto: Lukas 15:11-24 Panghunahuna: Kita makahimo ug kahiwi-an apan kita makahimo usab sa pagtarong niini. Mga Tumong: 1. Sayri pag-ayo nga may paagi nga daw matarong alang sa usa ka babayi/lalaki, apan ang kapaingnan niini mao ang kagul-anan ug kasakit. 2. Panid-i pag-ayo nga kadtong nakasala ug midawat sa ilang kalapasan ug nangayo ug pasaylo sa ilang kasal-anan mao ang mga malipayon ug mipakanat sa kalipay ngadto sa uban. 3. Angkona ang kaakohan sa sala ug ang pagdawat sa pagbadlong ug pasig-uli ngadto sa Dios. Nagpaluyong Kasayoran alang sa Magtutudlo Sumala sa balaod sa mga Hudeo ang kinamagulangan nga anak nga lalaki makadawat sa dobli nga kabilin kay sa ubang mga anak. Ang kabilin kasagaran madawat tapos mamatay ang amahan. Hinoon ang amahan mahimong mo-apod-apod sa iyang mga kabtangang ikabilin sa dili pa siya mamatay. Ang manghod nga anak, sa iyang pagpangayo sa iyang kabiling kabahinan nagapa-ila sa iyang pagtamay sa iyang amahan nga sama ra sa pag-hunahuna nga patay na ang iyang amahan.
HUGPONG Enero - Pebrero - Marso 2007 Issue

35

M G A PA G T U L U N - A N A L A N G S A M G A H A M T O N G

Pamaagi sa Pagtuon Pag-awit: Ang Grasya nga Kahibulongan (Amazing Grace) APP 208

Pag-ampo Nakasala ako, O Dios, ug nagaantos sa agi niini. Gisunod nako ang akong kaugalingong paagi ug nagasalig nga kini mohatag kanako ug kalipay. Apan wala. Ug karon ako usa ka nawala ug puno sa kagul-anan. Pasayloa ako, O Amahan. Amen. Pagsaysay sa Kasayoran: (Ang pagbasa ug pagpakita sa Teksto sa mubo ug linangkob.) Ang manghod nga anak nakahimo ug sala sa iyang pagpangayo sa iyang bahin gikan sa iyang amahan.Naka-ingon siya nga ang salapi maka palit kaniya sa kagawasan ug kalipay. Nakaamgo siya nga ang pagsalig sa salapi sama sa pagsalig sa panganod sa pagsalimbong batok sa adlaw. Kini mawala lamang sa dali nga panahon ug walay mabilin kanimo. Ang iyang salapi nahurot, usa ka gutom ang miabot, ug walay nakapakaon kaniya. Ang pagkapordoy-resulta sa sala walay bili gayod ug dili na gani kamao mopabalik pagpangayo sa kapasayloan. Apan kini, gibuhat sa maong anak iyang giingnan ang iyang amahan nga himoon na lamang siya nga sulugoon. Wala na tagda ang iyang kahimtang ug may pinasuhi pa nga pagtagad kaniya sa iyang amahan, usa ka amahan nga mapinasayloon ug mahiugugmaon. Pagkamakaguol pamalandongon nga ang kalibotan puno sa mga makasasala nga dili kamaong maghinulsol sa ilang kasal-anan ug pagkahiwi. Ni ilang dawaton ang disiplina sa ilang pagkasala. Walay pagmaya ang langit alang kanila. Paghisgot-hisgot: 1. Makadumdom ka ba ug mga kasinati-an diin ang sala ug hiwi nga buhat nakamisirabli sa usa ka tawo, apan siya nagpadayon niini nga kahimtang tungod kay dili siya makamao mangayog pasaylo? Palihog pakig-ambit sa maong kasinatian. 2. Kon ikaw nakapangayog pasaylo sa usa ka hiwi nga binuhatan, nakapalipay ba kini kanimo? Palihog pakig-ambit sa pagbati. Pag-ampo: Tabangi ako sa pagkatino O Dios, nga ikaw malipay kon ako maghinulsol ug ang mga manulonda sa langit magmalipayon kon ako mangayo ug kapasayloanan. Amen.

36

HUGPONG Enero - Pebrero - Marso 2007 Issue

M G A PA G T U L U N - A N A L A N G S A M G A H A M T O N G

Marso 25, 2007

Ikalimang Domingo sa Kwaresma

Sesyon IV Tabangi Ako sa Pagbuhat nga Matarong

Teksto: Lucas 19:1-10 Panghunahuna: Pasudla si Jesus sa imong kinabuhi. Mga Tumong: Kini nga sesyon mobulig sa mga motuon 1. Sa pag-ila sa mga lakang sa pagkakaplag ni Cristo sa nawala nga si Saqueo. 2. Pagsabot ug paggamit niini nga sugilanon sa pagkahimong makahuluganon sa mga pag-usab sa kinabuhi. 3. Pagpahayag sa mga paagi kon unsaon pag-usab sa mga gawi. 4. Pagmugna ug Cristohanong sumbanan sa paggamit sa mga kadato. Nagpaluyong Kasayoran alang sa mga Magtutudlo Saqueo, sa Hebrohanong pinulongan nangahulugan ug limpyo o matarong. Apan siya usa ka pangulo nga magbubuhis, busa alang sa mga Hudeo siya dili limpyo. (Ang Jeriko may datong kasaysayan sa nangagi. Basaha ang Josue 6:1-27). Si Saqueo dato apan gamay ang gidak-on. Ang pagbati kaha sa kagamay maoy nakapangandoy niya sa pagkadato? Misaka siya sa kahoy aron lamang makakita kang Jesus. Pamalandongi ang iyang kahimtang ug paningkamot sa pagkakita kang Jesus. Ang kadato makapahimo sa pagbati nga taas, apan siya gamay sa espirituhanong pagtanaw. Si Saqueo mikanaog ngadto ubos sa yuta sa nakighibalag siya ni Jesus. Siya mihimo sa mga butang nga matarong pinaagi sa iyang pagpanghatag sa iyang kadato ngadto sa mga kabos.

Pamaagi sa Pagtuon Pag-awit: Balaang Espiritu APP 294

Pag-ampo: Ang among kadato Ginoo, sandiganan lamang sa among pagpataas. Kinahanglan magpaubos kami ngadto sangko sa yuta arong mahibalag si Jesus. Buligi kami sa paghimo sa matarong pinaagi sa paggamit sa among kadato sa pag-alagad sa mga kabos. Amen.
HUGPONG Enero - Pebrero - Marso 2007 Issue

37

M G A PA G T U L U N - A N A L A N G S A M G A H A M T O N G
Pagbasa sa Teksto sa linangkob: Pag-adto ni Jesus sa Jerico siya misulod sa balay ni Saqueo ug sa iyang kinabuhi.Ang tawong dato ug tawong gamay nagpakaaron-ingnon nga dako-dako. Sa kataposan nahimong dako gayod sa dihang si Jesus misulod sa iyang panimalay. Mao kini ang mahitabo kon si Jesus mosulod sa kinabuhi sa tawo. Nakasulod na ba si Jesus sa imong kinabuhi? Unsa man ang mga bagahi nga imong buhian o kuhaon aron si Jesus makasulod? Paghisgot-hisgot: 1. Si Saqueo usa ka nawala nga kalag. Nakaplagan kaha si Saqeo tungod kay siya buot makaplagan ni Jesus? 2. Nakatandog ba kini nga sugilanon kanimo nga nakapanumpa ka sa imong kinabuhi? Palihog pakigambit. 3. Nakabaton ka ba ug mga paagi unsaon pagpagaan sa imong kinabuhi? 4. Unsa man ang pipila ka mga Cristohanong hunahuna mahitungod sa paggamit sa bahandi o kadato? Pag-ampo: Usahay ug sa makadaghan usab gayod, wala kami mahibalo kon unsaon pagpagaan sa kabug-at nga atong gipas-an. Apan sama kang Saqueo, giyahi kami sa pagsugat nimo kauban sa among mga kabanayan aron makapaambit kami sa among mga kabtangan ngadto sa uban. Amen.

38

HUGPONG Enero - Pebrero - Marso 2007 Issue

MGA AWHAG UG PAHIBALO GIKAN SA CONFERENCIA

1. Gipahinumdoman nato ang atong mga Circuit Coordinator alang sa atong Secretariat meeting uban sa mga pagtuon karong January 5, 2007 diha sa atong Conference House. 2. Ang mga Pastor sa CNAC magpahigayon ug usa ka Pastors Family Christmas Fellowship karong January 6, 2007, diha sa UCCP Poblacion Mabinay Central Church, Mabinay, Negros Oriental. Giawhag ang mga magbubuhat nga na assign sa CNAC nga mga kasimbahanan sa pagtambong alang niini nga pakigsandurutay. 3. Ipahigayon ang Continuing Theological Education karong January 8-10, 2007, didto sa UCCP Sta Catalina, Negros Oriental. Giawhag nato ang tanang mga Magbubuhat (ordinado ug dili) sa pagtambong gayod niini, ug gihangyo usab nato ang kasimbahanan sa pag-abaga sa mga galastohan ingon nga pagpadayag sa atong tabang sa dugang pagkat-on sa atong mga Magbubuhat sa Iglesia. 4. Ang Conference Council magpahigayon ug Special Meeting karong January 13, 2007, diha sa atong Conference House. Gipahinumduman nato ang atong mga sakop sa Conference Council sa pagtambong niini. 5. Nag-awhag kita nga ipahigayon nato ang Great Time of Sharing nga adunay offering, nga kini ipadala nato ngadto sa National Office alang sa Pension alang sa mga retired nga magbubuhat, Ministerial Student Scholarship fund, Hospitalization sa atong mga Pastor ug sa paghimo ug mga Educational Materials. Kon wala pa natoi kini mapahigayon niadtong December 24, 2006, mahimo ra usab nga atong ipahigayon sa mga Domingo nga atong giila nga makahuluganon alang niini. 6. Ang UCCP Dumaguete City, UCCP Amlan, UCCP Silliman University, ug UCCP Sibulan (DASS) magpahigayon ug usa ka Sports, Games, Worship ug Music Fellowship karong January 19-21, 2007, diha sa Silliman University Church. Kini pagpadayag sa lig-on nga pakigsandurutay ingon nga mga igsoong iglesia ilalom sa UCCP. 7. Ang Circuit Jerusalem magpahigayon sa Circuit Annual Assembly karong January 26-28, 2007, didto sa UCCP Cambucad, Valencia, Negros Oriental. Nag awhag ang Assembly sa Circuit nga pangandaman na kini sa mga kasimbahanan tungod kay adunay Domingo nga mahiapil niini ug nagmando ang assembliya nga kinahanglan ang mga Pastor sa Circuit magpabilin gayod diha sa Assemly nianang adlawng Domingo (dili mopauli), busa giawhag ang mga kasimbanan sa pag assign daan ug makapuli sa pastor diha sa ilang mga kasimbahanan nianang Domingoha aron nga makadumala panahon sa ilang pagsimba. 8. Ang Annual Conference Program Committee sa duha ka Conferencia magtagbo na usab karong February 1, 2007, diha sa atong Conference House alang sa dugang nga pagpangandam sa atong 3rd Joint NDC and NNC Annual Assembly.
HUGPONG Enero - Pebrero - Marso 2007 Issue

39

9. Lay Leadership Training ipahigayon nausab karong February 5-9, 2007, didto sa UCCP Bais City. Kini usa ka pahinumdom alang sa tanang mga estudyante ug sa may kalambigitan sa pagpahigayon niini. 10. Adunay ipahigayon nga Joint Visayas UCM ug CWA meeting dinhi sa atong Conferencia diha sa atong Conference House karong February 10, 2007. 11. Ang Circle of Gods Shepherds (CGS) magpahigayon sa ilang Annual Retreat ug Assembly karong February 20-22, 2007, didto sa UCCP Milagrosa, Sta. Catalina, Negros Oriental. Giawhag nato ang tanan mga Magbubuhat sa pagtambong niini ug giawhag usab nato ang atong mga kasimbahanan nga ayudahan sila ilabina sa mga galastohan alang niini. 12. Giawhag karon ang tanang kasimbahanan sa Central Negros Associate Conference (CNAC) sa pagpangandam ilabina sa pagpili ug mga delegado nga makatambong panahon sa CNAC Assembly karong February 26-28, 2007, didto sa UCCP Dawis, Bayawan City. Giawhag usab ang tanang mga Magbubuhat sa CNAC nga motambong gayod niini nga Assembly. 13. Pangandaman nato ang atong pagpahigayon ilabina sa atong Conference Program Evaluation ug Conference Council Regular Meeting karong Marso 9-10, 2007, diha sa atong Conference House. Giawhag nato ang atong mga sakop sa Conference Council ug mga sakop sa atong mga Program Committees nga makatambong alang niini, kini usa usab sa atong mga pagpangamdam alang sa atong Tinuig nga Katigoman karong Abril. 14. Adunay ipahigayon nga Jurisdictional Area Cabinet (JAC) meeting karong Marso 13-16, 2007, adto sa Culasi, Antique. Kini pagatambongan sa tanang mga Conference Ministers sa duha ka Jurisdiction uban sa duha ka Obispo niini. 15. Giawhag nato ang atong mga kasimbahanan sa pagpangandam alang sa atong Tinuig Tigom sa NDC karong Abril 18-21, 2007, didto sa UCCP Poblacion Mabinay, Negros Oriental. Mao kini ang higayon nga himoon nato ang atong 3rd Joint NDC & NNC Annual Assembly uban sa tema nga: Ang Paninalay sa UCCP: Naga-ugmad sa Iyang Pagtuo. Gihangyo nato ang tanan natong kasimbahanan sa NDC nga magpili na daan ug mga delegado alang niini nga tinuig-tigom, ug gipahinumduman nato ang atong mga magbubuhat sa pagtambong gayod niini. Ang mga Magbubuhat ug mga Delegado sa mga kasimbahanan sa atong Associate Conference (CNAC) niining higayuna paga-ilhon nga sakop pa gihapon sa NDC ingon nga ilalom pa sila sa mother conference. 16. Ingon man giawhag usab nato ang atong mga sakop sa mga kapunongan sa pagpangandam alang sa atong mga tinuig nga katigoman sa mga Organisasyon (CWA, UCM, KAPIKAS, SCSTA, ECSTA, ug CYAF) nga ipahigayon didto sa UCCP Poblacion, Mabinay, Negros Oriental, karong Abril 16-18, 2007.
40
HUGPONG Enero - Pebrero - Marso 2007 Issue

Notes:

HUGPONG Enero - Pebrero - Marso 2007 Issue

41

Notes:

42

HUGPONG Enero - Pebrero - Marso 2007 Issue

Palihog tangtanga kini nga panid.

(Palihog sulati kini sa inyong tubag ug ipadala sa NDC office)

WORSHIP AND CHURCH MUSIC SURVEY FORM
Elena Maquiso Center for Liturgy and Music Silliman University Divinity School

Petsa ____________________ Ngalan ______________________________________________________ Edad _________ Local nga Simbahan ___________________________________________________________ Address __________________________________________ Cell/Telepono # ___________ Instruction: Palihog kudliti (butangi ug check) sa kuwadro ( 1 Posisyon nimo sa simbahan: Pastor Lay worker 2 Matang sa pagsimba: Tradisyonal UCCP Charismatic/Pentecostal 3 Pila ka pagsimba matag Domingo: Usa Duha )

Music director

Sagol Uban pa (nganli) _____________________ Tulo

4 Duna bay Worship/Music Committee sa inyong Iglesia? Oo Wala 5 Kinsay nagbuhat sa talamdan sa pagsimba matag Domingo? Pastor Choir director Lay worker Uban (nganli) ________________________ Worship Committee 6 Ang nagapangulo sa pagsimba: Pangulo sa mga organisasyon Anciano Diakono

7 Duna ba kamo napatik nga talamdan sa pagsimba? Oo Wala Usahay 8 Unsa ang linguahe nga gigamit? Cebuano Ininglis 9 Nagamit ba kamo sa: Pulpit hangings Pastors stole Philippine Flag Uban (nganli) ________________________

Christian flag Uban pa (nganli) _____________________

HUGPONG Enero - Pebrero - Marso 2007 Issue

43

10 Naggamit ba kamo ug Alawiton? Oo. Unsa ang ngalan? Alawiton sa Pagtuo. Pila ka buok? _______ Alawiton sa Panaw sa Pagtuo. Pila ka buok? _______ Uban pang alawiton? Nganli _____________________ Pila ka buok? _______ Wala 11 Duna bay regular nga Choir? Oo. Kung Oo, unsa ang Choir? CWA UCM CYF CYAF Wala Usahay lang 12 Duna bay igo nga alawiton? Oo Anthems? Oo 13 Ang duyog nga gigamit: Gitara Organ Piano

Kabataan Sagol Uban (nganli) ________________________

Wala Wala electronic keyboard Lumad/indigenous nga instrumento (nganli) ____________________________________

14 Duna bay nagahipos sa mga galamiton ug ensaktong hiposanan sa mga sa galamiton sa pagsimba, choir, duyog, etc.? Oo Wala 15 Duna ba kamo choir director? Oo Usahay 16 Duna ba kamo tigduyog? Oo Usahay Wala

Wala

17 Unsa ang gikinahanglan pa sa imong simbahan alang sa pagsimba nga mamugnaon (creative), maanindot ug makahuloganon? ____________ ____________________________________________________________ ____________________________________________________________ ____________________________________________________________ ____________________________________________________________ (Daghang salamat sa imong kakugi!)
44
HUGPONG Enero - Pebrero - Marso 2007 Issue