CHANCHINBU ENKAWLTUTE

Editor : Chanchinmawia (9615820416) Jt. Editor : K.Lalremsiama News Ed. : Lalnunsanga Fanai (9862120903), H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXI Phek 3

Vawi : 41

Tahrik Ni : 21 Khuangchawi thla (October ) 2012

Min Tihchhiat Sak Suh

Mi Rinawm

Kar hmasa khan Rangkachak Thi tihbo a niin Pu Rothuamluaia te chhungin an lo chhar hlauh mai a. Rangkachak thi tibo tu Pu Richard Lalrimawia te chhung chuan YMA Palai kaltlangin lawmthu an sawi a ni.

F1 Hmuhnawm Phek Lawrkhawm 4 Tual Tual ELECTORAL ROLL CHUNGCHANGA CYMA THUCHHUAH Lawmthu
@ Pu Rohlira Colney chuan Kuang zawnna tur Thir Khaidiat min pe a, a chungahlawmthu kan sawi tak meuh meuh a. A ni hian kan tarlan lem vawi engemawzat YMA te thil tha tak tak min pe tawh a, a thil min tihsak zawng zawng hi YMA Palaiah hian kan tarlang lem lo zawk a ni.Hetianga vengchhung mi inpe tak tak te, an mi tanpuina kan dawn zawng zawngte hi kan tarlang vek lem thin lova. Khuang vuakna min siamsak thintu Pu Lalneihsanga te leh mi dang dang regular taka min pui thin, lirthei neitute pawh kan tarlang khat khawp mai a, an mi ngaihdamna kan dil nghal e. Information Sysytem
Kan Branch Information System chu peifel a ni tawh a. Hemi a kan sum hmannate hi ziak peih fel a ni tawh a. A sum min tumsak tu tur kan Bialtu MLA Pu TT Zothansanga hnenah thehluhfel a ni tawh a. Remchang hmasaah sum kan hmanna te hi min rulhsak dawn a, a chungah lawmthu kan sawi nawn leh a ni.

Ni 21 Khuangchawi Thla 2012: Mizoram chhungah Elec-

Aizawl Thunders Rum

Ni 20.10.2012 (Inrinni) khan Aizawl a Bullet Bike nei intelkhawm Aizawl Thunders chuan Champhai Lawi an rawn rum khum. Aizawl Thunder hian nakkum 2013 a All India Bikers Rally a thleng dawn a, hemi atan hian Champhai leh a chhehvel Pipute sulhnu an rawn enfiah a ni.

Lam Zir Thin

Kan Branch Cultural Sub Committee hmalaknain tunlai hian zirlai exam zote tan lam zirna an huaihawt a. Govt PS II tualah an zir thin a. A thei apiang mahni hnam lam zir thiam turin an sawm a ni.

I Venpui Ang U
Kan Branch huamchhunga zirna in upa ber leh vawi tam tak YMA ten remchanga hmanga kan Programme hrang hrang kan lo neih tawhna hi kan ta a ni a. Tunah hian Centenary lawm turin an inbuatsaih mek a, Sikul leh a velte vawngfaiin theihtawpin tan an la mek a. Hetih lai hian zing, tlai leh zan lam thlengin a hmun tihnawk zawnga khawsa an awm thin tih hriat a ni a. Sikul tual leh a vel tihnawk zawnga khawsa lo turin kan inngen a, a lo tihnawk thinte venpui zawk bawk turin kan inchah a ni.

toral Roll Revision neih mek a ni a. Hemi atan hian Dt 1.10.2012 khan CYMA chuan YMA Kumpuan Ram leh Hnam Humhalh kawnga thil pawimawh tak a nih avangin Branch tinte leh mipuite hriattirna thuchhuah hetiang hian a siam : Tunlai hian Electoral Roll Revision neih mek a ni a, YMA Kumpuan Ram leh Hnam Humhalh bawhzuina kawnga pawimawh tak, Electoral Roll dik leh felfai kan neih theih nan hma la tura kan inzirtir thin angin(Kumpuan Kaihhruainaah pawh tarlan a ni) tuna Electoral Roll Revision neih mekah hian khua leh tui dik tak te chauh roll-a an chuan theihnan hma la theuh turin kan inngen a. Electoral Roll hman mek hi Draft Roll atan hman a ni dawn a, he Draft Roll hi siam zawh a nih hunah kum 2013 MLA thlannaah hian hman nghal tur a nih avangin, YMA te thahnem ngai taka a hnuai a mi ang hian hmalak nise. 1. Electoral Roll a chuang tawh, khua leh tui dik tak ni lo, Electoral Roll atanga paih kan duhte chu Form 7 hmangin October 31 hma ngeiin complaint thehluh ngei tur a ni. Form 7 hi Designated Officer (DO)/ Booth Level Officer (BLO) te hnen atanga la chhuakin, fill up zawhah thehluh leh ngei tur a ni. 2. Electoral Roll atanga paih ngai kan tihte kan paihna complaint form kan theluhte hi paih an nih ngei theih nan a copy Central YMA ah thehluh nise. 3. Electoral Roll Hearing neih hunah YMA aiawh mi 6 aia tlem lo tel ngei nise. A tul a nih chuan huaisen taka Dan lova luh tumte dodal nise. Kan Branch pawhin hun rei tak atang tawhin hetiang lam hawi hian hma kan lo la tawh a. Ramri depa awm kan nih avangin ram ri kana kan venga an cheng hi danin a phal chinte pawh an awm a, dan in a phal lem lohva awmte pawh an awm bawk ni a hriat a ni a. Khua leh tui nihna neih an tum zel thin erawh a ngaimawh thin hle a. Chuvangin hetiang kawnga fimkhur taka kan kal theihna atan Branch mal chauhva tan a theih loh avangin Champhai Sub Headquarter YMA-ah pawh rawtna siam a ni tawh a. Champhai Sub Headquarter YMA Conference 2012 ah pawh Agenda atan theh lutin Conferece hian a pawmpui tawh nghe nghe a ni. Kan veng mipuite thangharh ila, hetiang zawnga kan thangharh vat a nih loh chuan kan tu leh fate chu ram dang atanga rawn pem lutte hian rorelna sang zawk thlenga luahlanin an hnuaiah lungsi lo takin kan la kun dah ang e.

Conference Thunawi
YMA Genneral Conference vawi 67-na, Hachhek Run, Kawrtethawvenga Dt 23-25 October chhunga neih turah Champhai Sub Headquarter YMA huamchhung atanga palai kalte Counter No 7, Sikulpuikawn ah kan thleng dawn a. Kan Branch atanga kal tur chinchang kan la hre mai thei lova,Champhai Sub Headquarter hruaitute leh kan Branch hruaitute a kal dan tur chungcha ngah an inbe mek a ni.

Kumpuan Hnatlang
Nimin khan Sub Headquarter YMA Anti-Drug Squad ten RuihhloDo hnatlang an nei a. Member an thawkchhuak tha hle niin kan hria.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalrinawma, Lallawmzuala, Lawmsangzela, C. Vanlalhriata, CB Lalbiakdika, F. Lalruatpuia, F. Lalrindika, Jessy Lalmawizuala, Vanlalduhsaki, Vanlalruata, Lalbiakthanga Neuva Section :Vanlalzuia, Freddy-a, Vanlalruatzela, C. Lalrinthianghliama Khuangchera Section : Lalhriatpuia, Lalrinchhana, Rotluangpuia, Samuel Lalmuanzova, Lalmawipuia, Lalfelkima

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Min Tihchhiat Sak Suh

Tluanga Thiltitheia Chhakchhuak

Kar hmasa khan kan veng Rising Day lawmin kan hnatlang a ni a. YMA hi awm ta lo se tiin tun tum chu zeldin thu i han bawl teh ang. Hman dang nen han inkhaikhin ta ila, hnam dang hi chuan an thil chin dan than, an 'tradition' hi chhungkua atangin an chhawm a, keini chu kan khawsak phung avangin in chhung khur atangin hnam ziarang zir chhuah tur a awm meuh lo. Kan inzirna ber chu khawtlang a ni lo thei lova. YMA hi chumi atan chuan a hnukpui ber leh a awmchhun ti ila kan tisual lovang. Awm lo ta selang chuan tuna kan hnam ziarang a dal e kan tih hi chu nep tak a ni ringawt ang. Khawvel changkang zel hian sual a keng tel tih hi kan hre vek ang a, YMA hian kan ram leh kan hnam hi humhalh a tulzia hriain chhung lam leh pawn lam hmelma a do ngar ngar a. A hmalaknaah chuan fel hlel a awm lo chu a ni hauh lo. Mahse awm lo ta sela ram leh hnam hi tunge rawn humhalh ang a, sualna ualau taka pung tur hi tunge rawn veng ang le? Democracy innghahna chu politics a ni a, kan politics hi ram kalsiamtu ber ni mah se rintlak ni tur chuan insiamthat a la ngai si a. Chuvangin YMA hi Zoram ke nghah chhan ber a ni a, awm lo se chuan "Engtikah nge khua a var ang, a rei lua e!" tih hi kan tah hla a ni mahna le!

Hman deuh khan Rulchawm khuaa a khaw hming ti lar tu, rul puk chu sawrkar in ka humhalh e tiin an chei tha a ni awm a, lu leng tawk chauhvin an zuah kua a, a bak chu lung an rem khat vek. Chutiang bawk chuan Chalfilh tlang ah chawlhbuk nuam, ram pawn atanga khualzin (tourist) hip nan siam an tum leh a. An hlawhtling vak lo a niang, a thawm kan hre zui lo. Chumi rah chhuah ve thung chu hei hi a bul hnai khua Lailak, Khanpui leh Khawruhlian ram thlengin a tuar a, an thal chawhmeh zawnna a bo zo ta. Vengsang ah khian tlang bawk nuam tak, Mual bawk emaw ni, Mual nuam emaw ni a awm a, ka hmuh chang hian mawi ka ti hle thin. Exise office emaw ni a awm mek. Champhai khaw hlun deuh a ka ngaih thenkhat ka zawt a, tunhma chuan chuan nula leh tlangval, naupang te pawh; chawlni tlai lam ah te, tlai dangah te hawi khawthawng pahin an leng thin. Engvangin nge khi mual, mi tamtak rilru thawvenna, inhmangaihna tupung a, hlimna tamtak thlen theih tu mual duhawm takah khian sawrkar in pisa a din ka hre lova, uihawm ka ti hle. Hei, tunah Mizoram pum huap a tlang mawi leh lar, mite tlawh tam ber a ngaih Sialsuk Tlang chu sawrkar in cheibawl a tum mek a ni awm a, a tlang rualrem laiah swimming pool an dah dawn an ti! Swimming pool hrim hrim hi kan ngaisang hle ni tur a ni, Rulchawm khuaah bawk khian swimming pool sawrkar in a khaw chei nan leh khualzin hip nan a dah a, tui a awm ngai lo! Nuho bawk in an hmang tangkai thiam a, buh pho nan te, hmarcha pho nan te an hmang deuh ber a ni awm e. Sialsuk tlang tih chereu duh lo pawl pawh mi thahnem tak an awm leh mek tawh a, Hmuifang tlang ang maia a tlang rualrem laia in sak te, a ram nuam lai ti chereu zawnga hmalak kha an hlau a, an thil hlauh hi thil namailo niin a lang. Sapram atang hian concrete building a zan riak a lo zin turin an lo kal duh ring suh! Helai a kan theih tawp a changkang a kan in sak ve hi khawvel hmun dangah hmuh tur a tam, in nuam leh thlenna nuam a thleng tur ringawt in an lo kal dawn lo, a ram leilung (nature) avang zawkin Mizoram an ngaihlu zawk dawn. Champhai leh a chhehvel khaw hrang hrangah hian tlang te deuh leh lian deuh nuam tak tak a awm a, hengte hi kan humhalh loh chuan a chereu mai dawn. Vengsang a mual nuam tak pakhat chu mipui chan ve phak lohvin a riral phawt. A dang pawh a awm maithei, ka hre ve lo. Champhai khua atanga lang phak maiah pawh hian humhalh deuh a hmun rem leh nuam tak tak tur a awm, khawthlang rama awm ve lo Far hmun ringawt pawh hi a mawi asin. History lah khawchhak lam deuh vek. Nakinah chuan, Champhai lam hi mi ngaihven tur a la ni dawn, chumi hun atan chuan ngaihtuahna i seng lawk ang u. Tlaizawng par bul atangin Far hmun mawi tak, Khuanu duan sa, a ngai ngaia la awm han thlir te hi environmentalist te tan chuan Paradis' a tling thei daih. Tun ang hun, favang boruak thengthlaw nuam taka Chawngtlai tlang lama ni herliam lai hi i hmu ve tawh thin em? A mawi tiraw? A nih favang khawdur laia Tlangsam piah, Burma ram chung zawna chhum in let vial tep tep te saw? I ngaina lo a ni maithei, mahse ngaina an awm tih hria la, mahni chauh inngaihtuah thei kan ni lo tih hriat a tha bawk. Hetiang nitla in kawl a chhun en phet phet te hi mahni in atanga en ai chuan khawilai tlang thengthaw atangin emaw en ila a mawi bik lehnghal! Ngaihzawng te nen a\phei chuan a mawi hlei hlei. Chung chuan alawm khualzin hip dawn. Khawvel hi a pangngai angina a kal zel a nih chuan Champhai lam hi hetianga hmalakna lo thlen chhohna tur a ni. Chutih hunah chuan MLA i ni maithei a, VC member pawh i ni maithei. Hetiang buaipuitu lama i tel a nih hrim hrim chuan khawngaihtakin, thangthar lehzel tur te hming in ka ngen a che. Sum leh pai i hmuh theih na tur a nih vang ringawtin kan ram mawi neih ve chhun te hi min tihchiatsak suh. Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, David VL Rinfela, Elisa Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

YMA ADVISER
RC Zahlira (9615713078); C. Vanlalnema (9615142191); F. Lalfamkima (9856780794)

Leader Asst. Leader Secretary & YMA Agent Asst. Secy Treasurer Fin. Secy

VANAPA SECTION

: R. Lalnunpuia : DL Zadinga Hnamte : Lalramzauva Chawngthu (8575462587) : Jonathan Lalhmingsanga : Zoremsiami : Zonunsanga Hmar

YMA Thuvawn : YMA chu tanpui ngaite tanpuitu a ni

F 1 a hmawhnawm chho dawn ...

- Sawmteipa

Kumin march ni 18 ah Melbourne khua, Australia-ah bul an tan a, kumdang ang bawkin a hmuhnawm chho viau reng a. Ram hrang hrang, khawmualpui hrang hrangah te intlansiak kual zelin tunah chuan a hmawrbawk a hnai leh ta hlemai. Vawi 20 tlan turah vawi 16 lai an tlan tawh a, vawi 17-na atan chawlhni lo thleng leh turah khian Delhi khawdai ah Indian Grand Prix an tlan leh dawn a, khawi hmun pawh nise a hmuhnawm chho vek tawh dawn, Circuit thar a ni emaw nilo emaw, point hmuh a pawimawh ber a, Indian Grand Prix ngat phei hi chu F 1 tuimi tan chuan hmaih phal chi a ni lovang. 2011 atanga tlan tan chauh kha a ni a, tun hi a vawihnihna tur a ni. Korea leh Singaporeah te F 1 in hmun an khuar atang khan India hian F 1 intlansiak lamah hian rual a awt ve tan a, 2010-a hlawhtling tak a Commonwealth Games a thlen atang phei kha chuan India hian F 1 thlen ve hi a zuam ta em em mai a ni. Noida khaw chhimlam, Buddh hmunah F 1 tlanna tur a buatsaih ta nghal char char a,circuit hming pawh Buddh International Circuit tih a ni. Circuit buatsaih lama mithiam chungchuang Hermann Tilke chu rawih a ni bawk a. Km 5 leh metre 125 laia thuiin track pawh siam a ni a, mihring 1,30,000 lai entheih tura siam a ni. Vawi 60 tlankual tur a duan a ni a, km 307.249 a thui an tlan dawn tihna anih chu. A track hrim hrim pawh hi driver-te leh F 1 Constuctor-te duhdan a vawi tamtak siamrem a ni bawk a. A khuar lai chhunpawn nan leh kawngchho siamnan ringawt pawh lei(soil) ton maktaduai 4 lai hmanral a ni. Tichuan ngawrh taka buaipui chhoh mup mup anih zawh hnu ah intlansiak hma lawk kar hnih lek, October 2011-ah official taka hawn theih choh a ni ta a. India ramah Formula One intlansiak a thleng ta mai chu awih pawh a har hial a, mizote pawh a tuifal zual leh neinungfa deuhte chu a hmun a en pawn an awm nual reng a ni. A siamlaiin an uluk bawka, an han tlan chiah chu Driver te leh fans te pawn an fak nangiang mai, a then phei chuan Formula One circuit-ah chuan a tha ber leh mit ti tlai ber a ni ti hial pawhin an fak awm e. Intlansiak hmasa berah hian Sebastian Vettel(Red Bull-Renault) chu chakber a ni a, Indian Grand Prix history a champion hmasa ber record a siam mai bakah lap record(1:27.249) a siam bawk a ni. Km 5 aia thui tlan nan minute khat leh a chanve pawh a hmang phalo tihna anih chu. Vawi 60 (km 307.249) tlankual nan hian darkar khat leh minute 35 chauh a hmang!! Mclaren driver Jenson Button-an a dawt a, pathumna ah Ferrari driver Fernando Alonso a thleng bawk. F 1 history a ropui bera chhal ngam Micheal Schumacher pawhin Mercedes car khalhin 5-na ah a thleng anih kha.Chawlhni leh khian a vawihnihna atan India ramah an intlansiak leh dawn a..en a chakawm. Inrinni chhun dar 1:30 ah qualifying an tlan anga, Sunday dar 1:30 ah an intlansiak ang. Lo chang ve rawh. Kumin chhungin hunrei tak chhung Ferrari driver Fernando Alonso chuan hma a lo hruai tawh a. Mahse intlansiak hnuhnung pathumah a chetthat loh avangin amah hnaih bertu leh World Champion nilai Sebastian Vettel (Red Bull-Renault) chuan intlansiak hnuhnung ber Korean Grand Prix thlengin vawithum champion zawnin pointah a rawn lehpel ta a, Indian Grand Prix telin intlansiak vawi 4 chauh a awmtawh si a, a boruak a hot chho tan hle a ni. Tuna inthlur mek Fernando Alonso leh Sebatian Vettel te hi World Champion vawihnih ve ve an ni tawh a, tunge vawithum champion ni hmasa zawk ang tih chu intlansiak vawi 4 chauhin a daidang ta rih a ni. Alonso hian a hmahruaina hlauh mahse ala zamlo hle a, Red Bull ho chuan car chu an nei chak zawk ngei mai a, mahse Ferrari Team kan tha zawk a la ti hmiah mai. A ni reng bawk a, an inthlauhna hi point 6 chauh ala ni a, intlansiak vawikhat lekah pawh la danglam thei tak ala ni. Anni pahnih hi an che chhe dun chho tlauh tlauh te anih loh chuan driver dang tan chuan champion beiseina kawng a zim tawh hle, a hniam zawk Alonso hnaih ber tu, Kimi Raikkonen (Lotus-Renault) pawhin point 42 laiin a thlau tawh a ni. Tin, point hi 10-na thlengin hmupha in, pakhatna atangin 25, 18, 15, 13, 11, 9, 7, 5, 3, 1 hi an hmuhdan a ni. India, Abhu Dhabi, USA, leh Brazil-ah te an la tlan dawn a, a hmuhnawm hunlai leh a boruak san lai ber a ni. Tunah Driver point hmu sangzualte chu Sebastian Vettel (215), Fernando Alonso (209), Kimi Rakkonen (167), Lewis Hamilton (153), Mark Webber (152), Jenson Button (131), Nico Rosberg (93), Romain Grosjean (88), Felipe Massa (81) leh Sergio Perez (66) te an ni. Formula One Racing hi Champhaiah phei chuan tuichilhtu hi kan la tlem hle a, mahse kan pung zel dawn niin a lang. Khawvelin a ngaisang a, Tv a kan thlir gawt ai hian an car tlanchak zia hi hrechiang ngat ila chuan ngaihsan loh chi a nilo tih hi kan hrethiam ang. Hmuhnawm ti ve si a, hriatthiam loh nei thin in awm anih pawn a dan chi hrang hrang te leh a kalphung chu kan la rawn ziak zel ang. Tun atan chuan Indian Grand Prix, chawlhni leh a an tlan tur hi nghakhlel takin chang fan fan mai teh ang. Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA Leader &

NEUVA SECTION

YMA Agent

: Lalfamkima Varte

Asst. Leader Secretary Asst. Secy Treasurer Fin. Secy

: Biakremtluanga : K. Lalrinawma : C. Zorammuana : Zonunpari : Lalrammawia

(9862725576)

Leader Asst. Leader Secretary Asst. Secy & YMA Agent Treasurer Fin. Secy

TAITESENA SECTION

: H. Zarzoliana : T. Daniala : Lalhmachhuana Fanai : K. Lalhmangaihzuala (9856581374) : H. Lalrammuana : H. Ramengmawii

KHUANGCHERA SECTION
Leader Asst. Leader Secretary Asst. Secy Treasurer & YMA Agent Fin. Secy : C. Zonunpuia : C. Lalchhuanawma : C. Vanlalpeka : J. Lalramnghaka : Lalruatkimi (9862342324) : PC Ramnunsiama

YMA Kumpuan : Ram Leh Hnam Humhalh

LAWRKHAWM
Cancer Damdawi Thei chikhat "He Ser hian chemo aiin a let 10000 in cancer natna hrik a tihlum thei"( He thu hi International Human Rights Organization's (IHRO) ten an thil hmuh chhuah tun hnaia an rawn tarlan a ni a, Group dangah Sap tawnga an rawn post angin ka post tawh a. A thui khawp mai a. Tun tumah hian a tlangpui tak tak Mizo tawngin ka rawn dah a ni e. India mipui cancer vei tam zia kan hria a, State dang nena khaikhina Population chhutin Mizote hi a ber kan ni an la ti lehnghal. He ser hi a tui sawr chu Sour Sop tiin an vuah a, Graviola thei an ti bawk. He ser hi cancer cell in a haw em em mai a, IHRO te chuan Catholic University of South Korea te report dan sawiin, Graviola/Soursop hian nmihring taksa a cell thalai ti chhe hauh si lovin, cancer cell chauh kha a tihlum a ni an ti a. Cancer damdawi Chemo Therapy hi chuan cancer cell mai bakah, mihring taksa a cell thalai a tichhe tel nasa em em a ni an ti. Kan hriat angin Chemo treatment la chu an sam te tlakawlhin, taksa ah side effect nasa tak a nei a, an chau em em thin a. Chuvangin he Graviola thei hi chemo aiin a let 10000 in cancer natna vei tan a tha zawk an ti. IHRO te sawi zel danin, Graviola thei hi tih lar anih loh na chhan chu corporation lian tak tak ten an damdawi siam chhuahna atan leh an research atan hun leh sum tam tak an seng a, heng an senso te hmuh let anih si loh avangin an up bet a ni an ti. Dik tak maw? Graviola/Sour Sop hi ser pangngai ang thovin a tui sawr hi a tui em em a, cancer natna vei tih la inhre lo leh la vei lo te tan pawh invenna tha tak anih thu an sawi a, side effects a neih bawk si loh avangin a tui sawr in fo hi hriselna atan pawh a that thu an sawi bawk. He ser kung Brazil hovin Graviola an tih hi a kung hniamte a ni a, a tui sawr hi English ho chuan 'Soursop' an ti a, Spanish ho chuan 'Guanabana' an ti thung. Ser rah lian tak a ni a, a tui sawrin thei tui siamna atan hman lar ber a ni. Tuna an hman lar chhan tak ber chu cancer natna chi hrang hrang tan a huat ber anih vangte, thisen sang tih hniamna atan te, depression, stress leh nerve tha lo damdawi atan te pawh an hman lar tawh thu IHRO chuan an sawi bawk. Graviola/Soursop atanga an siam chhuah damdawi te hi natna chi hrang tam tak enkawlna atan hman a ni a, cancer natna chi hrang malignant cell te tihlum theiin a chak hle thu an sawi a, he Graviola/Soursop a awm compound hian cancer cell leh Tumour thang zel tur pawh dangin, tunlaia cancer damdawi Adriamycin, chemotherapeutic drug aia a chakna chu a let 10000 lai anih theih thu an sawi a, tun hnai mai ah Purdue University pawhin a thatna chhan ber pawh mihring taksa a bawk thang tur a ven mai bakah taksa a cell tha a khawih buai lova, cancer cell chauh kha a huat ber anih vang a ni an ti. Hnute cancer, Colon, chuap leh pancreatic cancer etc. tan a tha hle a, tun hma kan pi leh pu te pawhin he ser Graviola/Soursop hi an lo hriat daih tawh thu leh a kawr/pil te, a hnah, a zung leh a rah te chu Red Indian leh South American ho pawhin chuap lam tha lo, asthma leh arthritis(ruh seh/ruh chuktuah na) damdawi atan anlo hmang tawh tih IHRO chuan an tarlang bawk. Graviola/Sour Sop Content: Titratable acid Non-reducing sugar Crude protein Moisture Crude fiber Fat Carbohydrate Water soluble ash Calcium Acetogenins Annopentocins A Annopentocins B Annopenticins C Muricins Muricapentocin Annomuricine Muricatocins A Muricatocins B

I hria em ?
@ Petrol man sawi changin barrel tih an hmang thin a. Barrel khatah hian petrol gallon 42 a awm tih hriat ve mai mai a tha. @ Titan arum pangpar hi khawvela pangpar lian ber a ni a, a rimtui hauh lo thung. A han par a, ran thi tawih rim hi a nam tlat zel. @ Fanghmir lalnu hi a thih chuan a bu chawpin an darh mai thin. A chhan chu fanghmir lalnu hi no neitu ber a ni. @ Chawhrualin Dutch hnam hi khawvelah an sang ber. @ Golf infiam na r aw n chhuah na chu r an r ual vengtute nia ngaih a ni a. An tiang hmanga lung an vuak atanga rawn chhuak nia hriat a ni. Cricket pawh hi ranrual vengtute atanga chhuak bawk a ni. Infiamna chin chuah lamah chuan an thawhhlawk khawp mai. @ Khawvelah hian tawng chi hrang hrang 6800 vel a awm @ Chaw ei lai hian rimawi nem fan raih mai zawite in tiri la, chaw i ei muan phah dawn niin zirchianna chuan a tarlang. @ Nitin i kal chen bak minute 20 dang kal leh la, kum khat chhungin i rihna atanga pound 7 i paih thei. @ Kum 1976 khan Los Angeles-a doctor te an nuar a, an nawrh ni hian mitthi 18% velin an tlem! @ Hnungzang r uh nei lo rannung zingah octopus leh squid hi an fing ber anga ngaih a ni. @ Beaver hi kan ramah kan nei ve chiah lova. Lui khuap thin rannung hi an ni a, kum khatah chawhrualin pakhat hian thing 200 vel a kit thei.

Graviola thei/ser hi Mizo ten kan neih leh neih loh ka hre mai lova, Khawvel hmun hrang hrangah awmin, India ramah chuan Shul-ram-fal tih leh hanuman fal an tiin an hming an saw a ni awm e. Hman laiin Ramayana, Lord Rama leh a zuitu Hanumana te khan an lo ei tawh thin niin an sawi. Puerto Rico ho chuan Guanabanna an ti a, Mexican ho chuan Guanabanas an ti a, U.S. ah chuan a tui sawr lei tur a awm a, Australia a Queensland-ah a awm a, Phillipnes ho chuan guabano an ti a, a tui sawr leh shake an uar hle a, hmun dang Cuba, Central America, Haiti, Ghana, Colombia, Brazil, Peru, Venezuela etc. ah te a awm bawk. Published, Edited and Printed by Chanchinmawia for and on behalf of Vengthlang Branch YMA