ZAM Hotline 016-293 9027 ZAM Office 03-2142 6659

Email: zomiassociationmls@gmail.com

Volume 7, Issue 22

November 04, 2012

Note phattuam nading bek ngaihsun kei unla, midangte phattuam nading ngaihsutsak zaw un. Philippians 2:4 Tulai thuthang:: UN zumah UN kipia hi cih thuthang mahmah khat akizakna hangin, Zomi sungah UN ngah nailote linglawngsak mahmah hi. Ahizongin, Zomite aading UN kipia hileh Minam makaite leh UN huangsunga kamphente theihloh kala piang thei thu hipeuh mahlo ahih manin, Zomi khempeuh in patau hetlo-a, ngaksiam ding leh thu kigen khat, amaan(adik)taka zaktheih ding kisam mahmah hi. Tulaitaka UN kipiate pen Rohingya mi namte bek hi-in, tuazong UN ten UKM Zatopi pan tunung lama ih buai mahmah ahi Bio Data Collection kici (BDC) bek akaikhawm hiphot hi. Hih mi namte zong galtai ong tungthak UN angah nai vetlote ading beka kivaihawmsak hi cih thu teltakin kithei hi. Tua ahihleh Kei bang minam kahiam cih teltak in kitheician masa peuhleng ei hun zong hong naih mahmah tading hi. Theihding:: UN zum pan Interview ding hongkisap aleh bang thulu tawh interview dingcih kiciantakin dong masa inla, na tangthu(case)ding lotngah hamtangin, na Interview thulu tawh kituaka hong kidong theiding thute ZAM zumah hongdong masa theilecin hoihzaw ding hi. Theihhuai leh kidophuai thu :: Zomite gamdang mundangah I tunciangin, gamtat luhek isiam ding kisam mahmah hi. Gtna: Lampai kawmsa/inn tungkahtohna kahlei kiu khawngah, Kunza ciltui sia peekpaak cihte, nitak(zan) Home-Cell bawlna ah kiim leh paam ading gamlum lialua cihte, leh gam mite muhna-ah mitdong tangsak thei gamtat khakna hangin, omna innte ah Operasi ong lutthei gige hizaw hi. Tg. Do Lam Tuang ong kanpih un! :: Malaysia gamsung aom Tg. Do Lam Tuang, aminneu Tuangbok pen asanggam te tawh ak i thuzakloh zawh kalkhat phakhin ta-a, a phone aki sapsap hangin ki ngahzo mahmahlo hi. Amahpen Wiring lamsang nasem hi a, anasep nunungna munpen Klang ah hi. Sanggampa pen Pa Nang Za Kam leh Nu Ngai Khan Vung te tapa hi-in, a khualui Suangzang pan hi. Tedim ah akhangkhia ahihi. Amu khapeuh in asanggam pa Deih Lian (Mobile: 012-301 2337) kiangah nong zaksak nadingun huhna hong ngen ung.
CDU thu zaksakna! :: September 28, 2012 Friday ni meeting hongsapna sunga thu kigenna tawh kisai-in, Fellowship (Biakinn) leh Community Centre te ah hong pai ding cihbek hi-a, UN kipia dingcih peuhmah genvetlo hi. Deihluatna tawh ih bilte in UN aw bekbek kiza nuam ahih man hizaw ding hi. Pawlpi sung mipi te nuntakzia leh haksatna omdante atheihcian nadinga hong pai ding hizaw hi cih ih telkim tek ding deihsakna tawh khatvei kong suaksak phakik uh hi. ZAM Hotline: 016-293 9027 ah kidongbeh thei hi.

Kipawlna ah semlo hile'ng (azom)

Hih bangin Zomi palai min tawh gamthumna azuan thei ka hih pen Kipawlna hang ahih lam kitel sinsen in, minam min tawh hong ki ciamteh, hong kithei cihpen mihing ci leh sa nuntakna-ah a thupi penpen khat ahihi. Mi khat leh nih thu bek hilo, gamthumna tungsa Zomi tul tampi te vai ciangbek hilo, tuhun ciang Zomi ci aa lungsim suakta tak leh angtang tak aa ih pulak ngam, Zomi hihna nuam ih sak tuamna, Zomi min tawh nopna, dahna, pawi tuamtuam bawlna, ngeina pawi bawlna, biakna pawlpi sungah Zomi ih bulphuh semsemna cihte, Zomi, Zomi, Zomi, Zomi a ut ih kituh dektak liangna, asem a vaihawm ih kituh dektakna cihte khempeuh pen ZAM in tuading dinmun ciang ki hanciam khin ahih hang ahihi. Kum (7) val hun khatbeek kiamsuk ngeilo-aa aki hanciamna hang cihpen genthei sinsen ingh. Kei, ZAM palai semngei, lutangpi lui khat ka hih hang tawh tua bang aa kagen hilo hi! Banghang hiam cih leh, thudang tampi en takei le hang, kei theih ciangciang tuma kum 6/7 laipan Zomi min tawh nopna, dahna, thuvaihawmna khatpeuh ah Zomi min a bulphuh leh a lamsang, athei nailote kiang a pulak ngam, ulian tuamtuam mai leh gammite tung a pulak ngam, mimal ahih kei leh Kipawlna pen ZAM losiah mu khalo hi'ng! Tua hi-in, Zomi a vei, Zomi maban a lunghimawh taktak khatin ZAM phungvuh ding leh tha piak ding ahun, a thatang, a lungsim leh a kampau mahmah ki iplah hetlo ding hi. Malaysia pan minam min leh minam nasepkhopna, minam makaihna hiciang a tun' khin ih Kipawlna hi, cihtheih pah ding kisamta hi. Tua cihtheih ding pen ih lungsim ah haksa isak leh ahang khat om cihna hi. UNHCR pan ahi zongin, gammite tungpan ahi zongin, tuhun teh hong thei panpan, hong ciamteh panpan uh hideklo hi. Kei ii tuahkhak leh nasep khaknate tungtawn in mimal kimin Kipawna tha ih piakding a tha ngah huai zia kong hopsawn zawhna ding ong hanciam ding hi'ng. ZAM in nang aa ding hong vaihawmpihna khatpeuh a omkei leh, palaite in mipih dang khat huhthei cihna hipah hi. ZAM in, nang leh na meltheih khatpeuh panpihna a piakkul zah dong ding thu a omkei leh, ZAM in na semlo hi, cihkhak pah ding hilo hi. Palaite-in, nang hong huhna ding vai aomkei leh, a thuhoih khat hipah aa, nang mahin palaite ahih kei leh Kipawlna na panpih zawhding mawhpuak nei cihna hipah hi. Nang pen, a mapang zo ding cihna hizaw lai-in, thu hoih mahmah hizaw hi. Zomi Kipawlna-ah ma panglo hile hang, Kipawlna tha pia khalo hile hang tu laitak Zomi pen bang dinmun in ih om tam? By: Tg. Kham
________________________________________________________________________________________________________________________

ZSM vai zaksakna :: Zomi Genvai Kipawlna (ZSM) tawh Malaysia aa om Zomi khempeuh ih kizop kim theih nang leh haksa dongtuakte, ih van kiim zawh nadingin, Zomi bup kong zawn uh hi. Na sum khiat pen na zat khak kei leh lungdam huai zawa, a zang kha-te na gaalna hipah ding hi. Nang zat ding ahih manin pia kenla, a zang ding om ahih manin pia zaw in.Khua kipawlnate leh Biakna Pawlpite in "Kizopna sum" pia kim ciat dingin kong lamen uhhi.

Thungetna tawh mapang khawmni!:: (1). Zato lumte ading; (2). Thong sunga omte ading, (3). Gal leh sa hanga gentheih haksatna tuakte ading; (4). UNHCR zum uliante leh asunga nasem khempueh ading; (5) Malaysia kumpi te ading; (6) UN min sanna angah nailote ading leh zum vai maban manlang theih nading, leh Tulaitak, Kachin gam suangkhuka nasem Zomi honkhatin gentheih haksatna tampi phukha uh hi. Kawl galkapte leh Beh galkapte suangkhuk kimah hong kikap uhteh mipiten nasem thei nawnlo-in, galtai zihziah uha, belh nading nei/lo tawh abuai mahmah nasungah ei Zomi honkhat zong kihelkha uha, Inn lam aciahnop uhhang, ciah nading sum neilo-in, gal sungah awkcip uh hi. Aom sunsun Zomi Biakna Pawlpiten buaipih mahmah ahih manin, en zong tua dongtuakte suahtak nadingin thungetna tawh mapang khawm ciatni! Lam Tuang (791-09C17456), hih I sanggampa pen 23.10.2012 ni-a, Kotaraya ah Palikten manin tulaitak Dangwangi Lockup ah om hi. Tukha November 07, 2012 ni aleng ding hi-in, ZAM zumpi pan avai ka buaipih mahmah laitak uh hi. Tun Khan Khai (UNmin: Khai Tawng) Gualnam malneu Beh, kum 47, Sezang/Leitawhtan, akimuh tawpna 2012 January kha sung Dengkil ah kimu-in, tuazawh tuni dong kimu nawnlo hi, amukhate in, ZAM zumah hehpihna tawh hongzasak un. Tuaciang kimat/kihen vai tawh kisai-in, theih huai pawlkhat: Na sanggam/na tanau khat peuh deihloh penin mat leh hen atuah leh ZAM Palaite na kopah un. Theih ding: 1) a kimatna mun, 2) aman Palikte, 3) a kimathun cihbang theileng ih kanna lem theipan hi. ZAM Card tawi member peuhmah in kimat/henna natuah uhleh hih anuaia Palaite kiang nazasak pah un!Palai Tuangpu: 016-254 4093, Palai Thaa Mung: 016-646 5375. Tulaitak KL kiima kiman kha pawlkhat: 1. Sian Pau, ZAM-16193 2. Cing Lian Vung, ZAM-15171 ZAM-17003 3. Mung Tawng, 4. Kham Lian Mung, ZAM-17004 ZAM-12688 5. Dim Deih, ZAM-15651 6. Cing Lam Huai, ZAM-16854 7. Man Ngaih Dim, 8. Do Khan Khup, ZAM-12422 9. Thang Sian Tuang, ZAM-12681 ZAM-10786 10. Gin Za Thang, 11. Dong Khan Khup, ZAM-09436
UN Card kimu hi, ZAM zumah hong kan un! 1. 354-12C01751, Khin Maung Shwe,(09/05/2015) 2. 791-09C10089, A Niang (27/09/2012) 3. 791-09C03478, Cin Ngaih Thang, (29/07/2012) 4. 354-11C04008, Far Chin Tial (18/05/2015) Ms Zam Don Cing Mun Suan, Australia pan na lai ngahding om ahih manin, ZAM zumah hong la in!

RSC Contact Ngahlote:: Hih Contact ngahlote sungah nang nambat aom leh ZAM zum ah kidawp thei hi.
791-08C04788 791-11C03030 791-03C06132 354-10C08046 354-10C08449 791-09C16300 791-09C01104 791-09C07758 791-09C10085 354-12C04993 354-09C16129 791-09C10407 354-09C07901 791-09C15927 791-09C16127 791-10C12139 791-10C12154 791-09C08605 791-10C12185 791-10C12174 791-09C07981 791-10C00497 354-09C16328 354-09C03296 354-10C12161 791-09C06184 791-09C15870 791-09C17549 791-09C16957 354-09C18287 354-10C00136 354-09C16997 791-09C18062 791-09C18175 791-09C17093 791-09C15744 791-10C00643 791-10C00759 791-10C00404 791-09C15647 791-10C03349 791-08C04440 791-09C02659 791-09C09467 791-08C00891 791-09C10085 354-09C07901 354-09C15927 354-07C06412 354-09C05614 791-09C09777 791-09C00258 791-09C05662 354-09C01775 354-04C03187

ZAM Card TawiteAdingNasep:: (a) Kajang Hyper Market ah numei/pasal kideih, ni (b) khat nai 12 sung, omna pia, an pialo. Kha khat 2 vei off. Nitha RM45/. (b) Rawang Factory ah nikhat RM 42, nai 12 sung. Omnapia, anpialo. Nipinisim off. Off day ninasepleh a zahnih RM 84 ngah ding.Mi kideihlai. (c) Kuala Selangor Ansai ah numei 3 kideih. Kha khat 2 vei off. Omna leh an pia. Kha sum 1000,nasephunnai 12 sung. (d) KL ah puan khui thei/ puan at thei mi 5 kideih. Na sep hun ni khat nai 8, RM 30, OT RM 5. Omna pia, an pialo, Nipi ni sim off. TheihDing:: ZAM Card natawi kei leh nasep hong kizonsak/guan zolo ding hi. (i)UN Card tawh Bank Card kibawlkik thei tahi. Atung ateng kizop nading Palai HauKhai: 012-367 4665. Mawtaw silna asem nuamte, amun PJ, kha 1 RM900/, omna pia, an pialo. Kuang silna asem nuamte, Kajang ah, Kha 1 RM900/ omna/an pia. Kizopna ding: Thaa Mung: 016-646 5375. Lungdamkohna:: Shalom Christian Fellowship pawlpi kipat zawh kum 1 cin lungdamkohna hun, Nov. 10, 2012 (Saturday), nai 3:00pm-5:00pm dong, amun: Mega Chinese Methodist Church, Kota Damansara ah, Zomi la sasiam Kawlgam pan hongpaite zong tawh lungdamkoh lasakna kineikhawm ding ahih manin, akua mapeuh pai theih sawm ciatni. ZAM zumah Zoniik/puan, dialneu, ngawng-awh(necktie), zokhi tuamtuam leh zotau te kingah hi, Lai Siangtho bu, Zomi Dictionary kingah thei hi. Galhiam labu original laimai 18 kibehlap Kawlgam pan hong tungthak bu 1 ciang RM30/(sawm thum) in kizuak hi. Kidawp thei: Siama En Cing: 016 -285 1234 ZAM zumpi pan 2013 kum ading Zomi Calendar kibawl khinta-a, dal khat ciang RM10/-(sawmkhat) tawh Khua kipawlna makaite kiang, kikhopna biakinnte leh ZAM zumah deihzahzah kilei thei hi. Zomi inn khatin pello-a, khat neih hamtang ding thupi hi. Zomite zumpi pan kibawl Calendar na lei mengmeng keileh bei dektak ta hi, Zomi nam hihna midangte tungah na pulak khiatna zong ahi hi.

Khasim lungdamkohna & thungetna: Kha khat ii ni nga (Friday)ni masa simin, akineizel Lungdamkohna leh Thungetkhopna, tukha ading November 02, 2012 ni-in ZAM Palai teng leh Malaysia Siyin Chin Christian Fellowship (MSCCF) pawlpi kem Rev. Philip Pum Khan Khai in, Pasian Kammal; Ezra 7:15: I Sam. 26:7-12; Gam. 20:3 te tungtawnin Kha thu hanthotna leh Makai khat ii neihding lungsim puakziate leh nautang(mipi)te zuih ding thupawl khat tawh thapiakna hongnei-in, tha kingah mahmah hi.

Ni leh khatte hong cingto hanhan ta-in, Zomi kampau kibang khempeuhin kum sima ih bawlkhop zel, Zomi Nam Ni leh Zomi Cupte ading November, 03, 2012 kiginni (Saturday)sun nai 1:00pm akipan, Zomite zumpi ahi, ZAM zumah kalsuan vaipuakzia dingte nasiatakin thu kikupna kinei thei hi.