ESTD

1988

AN OFFICIAL ORGAN OF ZOTLANG E BRANCH Y.M.A. VOL - XXV ISSUE NO - 45 Dated : 24th -30th December, 2012. Page - 1

Presidential Speech
Pathian hruainain kum 2012 chu kanlo hmang zo leh dawn ta reng mai a, fello leh tlinglo tak chunga pawl zahawmtak YMA Branch hruaitu nihna ah hruaitu hlun chawimawina dawng thei hiala kum sawm (10) chhung zet mai min kaihruaitu Pathian chungah lawmthu ka sawi a. Tin, heng nihna chang thei tura duhsakna min hlanna ah hian ka memberpui zawng zawngte chungah pawh lawmthu ka sawi mawlh mawlh a, a bik takin Office Bearer-a ka lo thawhpui tawh ten thiam taka min thawhpui na ah pawh ka lawm takzet a ni. Kan Branch a kal zelna ah pawh member ten min lo thawhpui tawh thin ang khan, kan hruaitu lokal lehzel turte pawh thiam taka tawiawma, thawhpui zel turin ka sawm nghal che u a, YMA ropuina leh zahawmna tibo lo zawnga member nihna hmang turin member zawng zawng te ka sawm cheu a, hlimtaka kum 2013 lo thleng tur kan hmn theih nan ka duhsakna ka hlan nghal bawk a che u. YMA vul zel rawh se. Lalrochharliana Varte President 2012 Zotlang E Branch YMA

VAWIIN TLAI-AH KUM 2013 CHHUNG A ZOTLANG E BRANCH YMA HRUAITU TUR THLAN A NI DAWN
Vawiin chawhnu inkhawm ban hian kum 2013 chhunga Zotlang E Branch hruaitu thar thlan tur a ni a, issue hmasa a kan tarlan tawh angin tun tum inthlan ah hian nomination siam a ni a, hengte atang hian kum 2013 chhunga kan branch hruaitu tur mi paruk thlan chhuah tur a ni a, chung mi thlan chhuah te chuan nihna an lo insiamrem leh dawn a ni. Tun tum inthlan hi kum dang anglo deuhin Programme mumal deuh siama kalpui tum a ni a, a hnuaia mi ang hian programme chu duan a ni: A hun A hmun : Dt 30.12. 12 (Chawhnu inkhawm ban) : Dam Dama Memorial Hall, Zotlang.

Chairman : Pu Lalrochharliana Varte Returning Officer Tantu : Nl. K. Zothantluangi Exe. Comt. member.

Tanna hla : Ami an riang maw Thusawi : Returning Officer leh Polling Officer atangin. (Thingpui leh chhang tui tak in ho tur a ni ang). Kan inthlanna hmun atana Hall min hawh tir tu Pu C.Vanlalhmuaka chungah kan lawm hle a ni. Tin, kan hruaitu thar thlang turin member zawng zawng te inthlang theuh ang u.
YMA reserve ram leh Forest ram chhung ah hian Far thing zai thin kan awm tih hriat a ni a, heihi phalloh thil a nih avangin inman kher ngai lovin ti tawhlo turin kan inngenin kan inhriattir a ni. Tin, YMA Reserve ram chhunga thing leh mau mai bakah hian nungcha zawng zawngte hi humhalh tlat a ni a, sava veh leh ramsa pel te pawh khap tlat a ni a, a ti lui man kan nih chuan YMA thikthu a che hle dawn a ni tih kan hriat lawk a tha ang. Sd/Secretary ZYMA

Fak Phutloa Thiltha Titute Hi Fak Phute Chu An Ni

ZOREM EDITORIAL BOARD

Chairman : J. Malsawma (9862725954) Editors : C. Lalrongura (8014607087) Jonathan Lalngaihawma (9862031917) Jt. Editors: HT Lalbuatsaiha (8575710147) Lalbiakhluna Varte (8575709968) Mimi Lalhminghlui (9856581260) Lalramenga (9862614259) Cir. Mangrs: Remruatpuia, Isak Lalrinsiama, Lalrambeiseia, Gospel Ramdinzauva Columnist : Varhmingliana Varte (9862601338) L.J Lalremsanga (9612194646) Manager : Zalensangkimi Zadeng (9612200342) Press Agent : C. Zoramliana (9436194976)

E di

al tori

ZIAKMITE RO BAWM

VAIHLO ZUNAH MAW

Seph-tea Pa
Kum tel teh meuh a liam ta reng mai, ka tawn ni che kha ka tan hriat reng tlak nilo mahse ka lungchhir hian ban a chen tak meuh avang hian ka theihghilh thei mawlh lo a ni. Khami ni khan maw... ka ngainat sa em che avanga kawp che ka nilo asin. Tuna ka dinhmun inchhirna ruamah hian min hnuklut lui ang tih hre ngat phei ila chuan ka hnaih hauhlo ang che. Dik tak chuan maw, kan intawn hnu engemaw chen kha chu ka ngaina ngailo che a, mahse ka khawhar thin em avang leh thenrual laka mawihawihah ka kawp ve mai che tih kha i hai biklo. Kan inzui rei tak viau hnu khan i lak atanga tal hran ka harsat ta em anih kha Kum khat dawn kan in zui hnu phei kha chuan then che ka harsat tawh takzet asin. Kha tih hun lai pawh khan ka duh hun a thlauhthla mai thei tur che a ka in ngaih luih tlat avangin ka thlauh thla mai lo che anih kha. Ka sawifiah thiam chiah si loh khan nangmahah lungawina ka nei tlat tawh a ni. Ka kawp vang che a midang sawiselna ka tawn changte pawh khan ka ngaipawimawhlo tan der tawh asin. Ni an liam a, kumte an liam zela, mi hmangaihlo tawptu kha ka hmangih tlat che tih ka inhriatchhuah meuh kha chuan engkim a lo tlai zo tawh si, ka thihchillh thak mai dawn anih hi tia ka in ngaihtuah chang phei hi chuan ka inchhir hian ban a chen tak meuh asin. I tana ka neih ka ui loh thin ziate kha haider tum mahla thangvanzawla chung turni a en chhung khi chuan thudik a ni reng fo si. I tello chuan darkar khat lek pawh rei ka tih thin zia te hi aw! Vawi engzat nge nangmah hlata awm ka tuma ka beidawn tawh tih te hi min hriat thiampui ve tak la aw. Chu ahnehin ka pangti tha lai zawng zawng min ei chhiatsak vek hnuah ka nunna hial min laksak pawh i hnial silo. Midang zinga inthlahrung ngawih ngawih a min siamnate, ka thil tih lai pawh thulh thak ngai khawpa nang ka buaipui thinna che hi maw min rulh letna ni dawn? Dik tak chuan ka thinlung hian hlat duh ngawih ngawih thin che mah se ka tisa leh zungzam hian a mamawh tlat si che a. La tem velote lairilan cham reng mah suh la, i par tlan tawh naufate hian hlat har kan ti em che a nih hi!

Hruaitu thlan
Kan kum hman mek chu Pathian hruaina zarah kan lo hmang zo leh dawn ta reng mai a, dam taka kum kan tluan thei hi kan vannei hle a ni tih pawh kan hriat a tha hle mai. Nakum lam a hruaitu tur vawiin tlai hian kan thlang dawn a, member- ten kan hruaitu tur te ngaihtuahna tak tak sengin thlang theuh ila, chu chu kan tih tur a nitih hriat a tha, hruaitu thlang duh si lova thlan chhuah sa sawisel leh ringawt a ramtang kan awm hian engmah sawtna a awm lova kan in ti chhe tawm mai mai a ni. Thlan chhuah te pawh hian hotu ringawt ni tura thlan kan nilo a, kawng engkima huaitu ni tura thlan kan ni tih hriat tur a ni a, hotu nih chu thil har tehchiam a nilo a, tute pawh hian kan tlin mai thei e. Hruaitu tha nih erawh chu thil harsa tak a ni thung. Kan hnung zuitu te hian kan nungchang leh tawngkam hman dan thleng hian min chik thin tih hriat reng a ngai a, zui tlak leh entawn tlaka pawl kan kaihhruai theihnan hruaitu tharte hian ka mawhphurhna ah te kan inpek lehzual a ngai tih i hre thar teh ang u.

ZOREM Agents: Z Section : Vanlalruati Vanlalpeka

Hmangaihzuali Hmingsangzuali Laltlanhlua Ramhlimawmi Y Section : Lalhmingchhuana Vanrammuana Malsawmtluangi Malsawmtluanga Ngurthankimi Lalmuanpuia

SECTION HRUAITUTE
Z Section Leader : Asst Leader : Secretary : Asst Secy : Treasurer : Fin Secy : Lallunghnema Laldawngliana Varte Varhmingliana Varte J. Vanlawma HT. Lalropuia Lalchhandami Y Section C. Laltlanzova HT. Dawnkima HT Lalbuatsaiha C. Lalthlengliana Zalensangkimi Zadeng Jonathan Lalngaihawma M Section Ramropuia C. Lalhmachhuana Zomuankima Hrangthansanga Hrangliannawla C. Lalthlamuana A Section___ MS Dawngzela R Vanlalhruaia Lalsiamthara Tuahzo Lalduhzuala Lalnunsangi Varte Rualthansanga

TUALCHHUNG
@ Masi hman dan report: Kumin Krismas chu veng chhung a kohhran hrang hrang ten hlim takin an hmang a, a lawmna ruai nen ropui takin an hmang a hlawm ni. *Presbyterian kohhran chuan krismas ni tak hi Chawlhni anga hmangin chhang ruai an kil ho a, a tukah ruia nen krismas hi an lawm a ni. *MIC chuan Krismas ni tak hi chhang ruai an kil ho a, a tukah a lawm nan ruai nen ropui takin an lawm thung a ni. *UPC kohhran chuan Krismas ni leh a tuk ah khan ruai nen ropui takin an lawm a ni. Kumin Krismas chu veng chhung boruak a muanawm thawkhat hle a, kum dang aiin YMA leh VC tangkawp duty pawh an hahlo deuh niin a hriat a, a lawmawm hle a ni. @ In thlan thawm ri tan: Kum a lo tawp dawn ta a, pawl hrang hrangten hruaitu tur inthlan tumin thawm an nei tan ta sap sap mai. Member kan nih chuan hruaitu thlan hi kan mawhphurhna ni kha. Med - Aim Report Tunkar chhung OPD inentir zat: mi 51 Damlo :8 Naupang : 3 Puitling : 5

BRANCH THU
$ Hnatlang: Dec ni 22 khan kan Hall sak mek hnuai chu kan bungruate dahkhawmna tur siama Branch Executive hnatlang neih a ni a, kan bungrua dahna kan neihloh avanga hnawk taka kan dahkhawm te chu dah that nghal a ni. Kan Hall pawh a rang thei ang bera tan tum a ni.

KUMPUAN HUANG
Ram leh hnam hum-halh kan khawtlang atanga tan dan a awm em?

Thufing pakhat chuan finga inngai te ai chuan an at na hria te hian an thawk hnem zawk thin a ti a, chutiang chiah chuan mifing pungkhawm rawn hleihloh kan kat nuk ni hian a hriat a, kan tih turte tha taka kan $ Tiau kawngah duty: hlen chuan kan fing emaw Sub Hqr. YMA lamin min kan mawl emaw hmusitbeisei angin kan branch chu awmin kan awm ngai Zirtawp ni khan Tiau kawng lovang tih hi hriat tur a ni. ah ruihhlo leh phalloh thil Kan hma zawn theuh te venga duty a ni a, mem- ah hian rinawm leh taima ber engemawzat an thawk takin thawk thin ila, midang chhuak. ten a ni kut ah a awm chuan Hengte hi man a ni: a ngaithat thlak ang, an tih 1) Diablo Beer - Cane 10 ngam khawp a kan awm 2) Dagon Beer - Cane 13 chuan chu aia hlu chu a tam 3) Hero Whisky - Um 1 chuanglo. Kan ram leh kan 4) Grand Royal - Um 1 khawtlang thatna tur hria a 5) High Class - Um 4 sawi ringawt a duhtawk thin 6) BEDC - Fun 10 ai chuan tlemte pawh nise a 7) Imperial Blue - Um 3 taka thawh a tha zawk tih 8) Soju - Um 1 hriat tur a ni. Heng ruihhlo mante hi Kan khawtlang pawh hemi zan vek dar 11 khan hi a that theih nan tha thawh Zotlang Branch YMA Office hi tha chuang senna ah kawtah Zotlang VC-te ngailo ta theuh ila, khawthriatpuinain tih ral nghal lang nuam leh tha kan siam vek an ni. thei anga, kan khawtlang a $ Bawlhhlawh paih: nawm a, a mi chengte rilru Nimin zing kha kumin a dik chuan kan kal chhung atana kan bawlh- chhuahna a piangah chu hlawh paih tawp ni a ni a, chuan midangte entawn leh paih leh hun tur hi kum thar kai hruaitu a hring dawna, a ni tawh ang. Kum thar chutiang zelin midangte tan atangin kan paih dan routine a nunze entawn tlak kan pangngai ang khan Z Sec- siam theih chuan kan tion paih hun a ni leh tawh khawtlang atang ringawt ang. Z Section hruaitute pawh hian ram leh hnam khan kan lo theihnghilh palh humhalh chu kan tan thei dawn a ni. ang e.

ZOREM Agents:
M Section : AB Lalkulhpuia Lalvenpuia Zosangzuala Lalhrilmawia Lalrindika A Section : Lalchhanchhuahi Darrimawii Vanlalruati Malsawmkima Lalfakzuala Ephraim Laltlankima

BRANCH OFFICE BEARER President Vice Pre Secretary Asst Secy Treasurer Fin Secy : : : : : : Lalrochharliana Lalzahawma Varte K. Khawlvuana H.T. Vanlalduata H. Darhmingliana C. Vanlalhriata

Y.M.A. THUVAWN
Y.M.A. CHU TANPUI NGAITE TANPUITU A NI.

Y.M.A. MOTTO

Hunawl hman that Kristian nun dan tha ngaihsan Zofate hmasawnna ngaihtuah
Page - 4

KUM 2012 KUMPUAN

Ram leh Hnam Humhalh

Z O R E M C HAN C H I N B U KAR T I N C H H UAK Hriatzauna... Mapuia

Dated : 24th - 30th Dec, 2012

Naupang pual

Kar lovah kumhlui chu lo tawpin, kum thar kan lo chuang kai dawn ta reng mai.Veng chhung mipuite tana Hriatzauna Huang changtu nih chu thil huphurhawm tak a ni. Mifel zawk leh hrezau zawk tam tak an awm laia ruatbik nih erawh thil lawmawm tak ani. Hriatzauna anih ang hian kiltin atanga chhiartute hriatna ti pungtu tur niawm tak anih laiin kan han ziah tam zawk hi chu science huang chhung atanga ziah an ni hlawm a, mi tam tak tan hriatthiam harsa leh hriatna tipungtu nilemlo pawh thil tam tak a awm ngei ang. Mi tam zawk tan hriatna tipung lemlo mahse mi pahnih khat tal, a bikin zirlaite ngaihtuahna tizau tur leh an mahni chophurna atana ziahlante anni hlawm. Sawitawh angin kan hrut chin hi science thu deuh ngawr ngawr a nih thin avangin kawng tam takah beisei pha lovin mi tam tak tan chanloh khanah a chhuak fovang tih a rinawm, chumi bakah tawngkam hman dan thuah zotawngin a daih chiahloh thil engemawzat zeh tel a awm thina, a hmun a zim deuh avangin hrilhfiahna kan pek telloh tam tak a awm thin, hetiang kawngah leh hnuhma pawr siam that kawngah felhlel tam tak a awm ang, chutiangah chuan chhiartute hnenah thupha ka chawi mawlh mawlh e. Chutih rualin Chuting lam hawi chu rawn ziak teh ti a thurawn min petute hnenah lawmthu ka sawi bawk a, he column lo chhiar thintute zawng zawng kumthar duhawm tak chuangkai turin duhsakna ka hlan vek cheu a ni....

Naupang Dilchhut
Vawikhat chu pa pakhat leh a fapa hi rel-ah an chuang a, a fapa chu tukverh bul atang chuan hmuhnawm tih hmel em em hian pawnlama thil che vel chu a thlir reng a. Nakinah chuan a pa hnenah, Apa, engatinge chhumte hi an din loh a, kan ruala an tlan char char? tiin a zawt a. A pa chu a nui mai a, a bula lo awm vete chuan naupang chu mawl an han tih hmel em em khawp a! Rei vaklo-ah chuan naupang bawk chuan, A pa ngatinge ni hi a var loh a, a sen phut? tiin a zawt leh a, a pa chuan ning hmel pawh pu chuanglo hian a fapa chu nui sang chung hian a melh ringawt a. A bula mite chuan he naupang han dilchhutzia leh mawlzia chu an lo ti rilru nauh nauh a, mawl an tih avang leh dilchhut an tih avang chuan an ning em em tawh mai a. Tichuan rel atanga an chhuah dawn chuan a pa chuan an chuan puite bulah chuan a fapa chu mitdel, vawikhatmah khawvel eng la hmu ngailo a nih thu leh miin mit an pek avanga mit lo var ta, a hma lawka damdawi in atanga chhuak a nih thu a hrilh chuan an chuan puite chuan chu naupangte chu an lainatin a dilchhut avanga an lo ngaitheilo kha an inthiam-loin an lainat ta em em zawk a.

Infiamna

Hmingtea

Tun tum issue chu kumin chhunga a hnuhnung ber tur a ni tawh bawk a, infiamna thuthar kan hriat angte ni lovin thupha chawina lam han tarlang ta ila. Kan hriat theuh angin kumin chhung hian Sports Column ka chang a, Sports lama kan tuina leh kan hriatna ten a tlinlo bawk nen kan Sports thuthar ziah thin te mi tana hriatna ti zau tur leh beng ti var turin a tlinglo ang tih ka ring a, a sitawm thin hle ang tih pawh ka hria, hemi kawng ah hian Zorem chhiartu zawng zawng chung ah ngaihdam ka dil a, in duhzawng leh beisei ang ka phaklohna ah in mi ngaihdamna ka ngen bawk e. A tawp ber ah chuan kumbul atanga kum tawp thleng tluang taka min hruai a, Zorem pawh tluang taka a kal theih avangin Pathian chungah lawmthu ka sawi e.

Published and Owned by Zotlang E Branch YMA.

Copies - 350