Good News From Afar (Proverbs 25:25)

Siyin Region Baptist Association

January 2013 KUM THAK Topa Pathian in ih nuntakna hong laksak ngawllai a, kum luite zo in kum thak ni thak hong zangh sak thei ahikom Pathian tungah lungdam ih ko nuam masa hi. 2013 kum sungah innkuan sim le Pawlpi sim pan in ih nuntaknate zangh thiam tawng. LSCC CHRISTMAS Leipui Siyin Christian Community (LSCC) mintaw in Pre-Christmas Leipui Siyin Baptist Church (LSBC) ah vawt a, thanophuai mama bek dom ngawl maisang zongh kumsim vawtzom leang ci lungkimna neitek uh cithu kiza hi. LSBC AH CRUSADE Saya Tin Phone lampui nataw in Leipui Siyin Baptist Church (LSBC) Pawlpi ah Crusade vawt a, mi (8) Tui kiphum na neithei a, thamngawl in Pawlpi sungah Pathian thu khanto na tampi tak om cithu kizahi. MOTOR THAK LEITHEI Rev.Tual Khan Nang (Thuklai) in Jeep Car mi (7) totheina khat vawtsak a, thadet December 2012 in Thuklai ah ciato pui cithu kiza a, ki lungdampui mama tek hi. 12 December 2012 ni Siyin Ywa (Thingunau) ateang Pa Kam Khawm Pau s/o Pu Suangh Za Khup te Topa ih thupha apiak ahi Innthak tumna le Motor thak lei lungdam ko thungetna nei cithu kiza hi. Pu Vungh Ko Khai (Voklaak) te innkuan in Haimual Jeep Car pha mama khat leikik a, 17 December 2012 ni Pawlpi Syate taw lungdam ko thungetna le Topa tungah apna neithei cithu kiza hi. Pa Zam Pau (Limkhai) te in TOYOTA Hilux Car pha mama khat lei a, 19 December ni Tahan a innpi pan Syate taw lungdam ko thungetna le Topa tung apna neithei cithu kiza hi. Pa Ngo Lian Khup (Lophei) te innkuan in Haimual Jeep Car pha mama khat leikik a, 23 December 2012 ni Lophei ah ciapui cithu kiza hi. MOREH AH HAW TEKTHEI 10 December 2012 nin MOREH ah Syapi Lun Za Pau (Principal) kungah SRBA-OB teng haw thei tek uh a, Syapipa in SRBA atu akisam vanh khat lei natu cin Rs. 3,000/- hongpia a, tua ban ah maisang Suantak tate teng kalsuan khawmleang cithu zongh thu manpha tampitak sonna zongh neipui thei cithu kiza hi. MISSION FIELD ENKIK 13 December 2012 ni Siallum Mission for Christ (SMC) group te Mission field en in Rev.James Nang Khai & Rev.Nen Thwe Kanta (Ngapiautaw) ah paithei kik cithu kiza hi. 2012/11 THING NAMTUI Pa Kam Khan Thang (Khuasak) te innkuan ih hanciamna tungtawn in TAMU pan tai (4) a khuala na mun ah Acre (10) sung Thingnamtui kung 10,000, Kawlthing kung 2,000, Zawngta kung 500 tengsia (2012-2013) kum in suan zo a, thanop huai mama zo hi. 2013-2014 kum atu in Acre (10) ciinthua sawmlai cithu kiza a, eima tek zongh hanciam tekleang phangawl tuziam kici tek hi. Manpha mama bek domngwl kum (5,6) bangh ciang kizuak theipaih ahikom maisang ciingtek leang phangawl tuziam. CNF TE VAIMUAK THEI 4 December 2012 ni CNF te Tio pan Kalaymyo ah hongpaisuk a, Khaikam ah vai kimuak in, tua sungah Rev.Lian Khua Hau (President, SRBA) in SRBA tangmi in muakthei cithu kiza hi. CNF te Yangon ah Ngam lampui tetaw meeting vawt napan hongcia uh a, 13 December 2012 ni Kalaymyo vanleang kuan ah kimuak a, Tongphila Baptist Church Hall ah topui na le thuson na kinei a, meeting sungah Agenda (31) a ten na sungpan (27) sanna nei cithu teng mipi te tungah sona neithei a, ih minam bup in lungdamna kineitek, tua sungah Sizang minam bup luang in mi (11) kipaithei cithu kiza hi. 125 KENBO Thuklai Christian Centenary atu in kingin kholna nam tampi tak om zo a, Lucky Draw atu in TEL tu tam mama leikhol zo cithu kiza hi. SPECIAL DONATION Kalay Siyin Baptist Church (KSBC) te Biakinn zazut natu ngealna anei laitak in Mrs.Dr. Cin Khua Khai te innkuan in bona teng pia cithu kiza hi. Pawlpi zum pha mama khat hongvawt a, aman ciang in maban ahi zazut tu hongngeal laitak Bo Lian Khan Dal te innkuan in bona siksiat cithu kiza hi. SKYNET LINEKHUAI KILA THUA Pr.Ngin Lamh Cin Thang (Buanman) tuhun khuahun paizia taw kizui in Khua atu ngaisut nataw Skynet thuathak thei cithu kiza a, 22 January 2013 ni SRBA zumpi Khuasak ah zongh line khat kithua a, mun tuatuam om mipuite taw kizopna nuam mama ci thu kiza hi. CARMEL MUAL KATHEI 15 December 2012 ni Tahan Siyin Baptist Church (TSBC) khangno te Christmas Picnic Carmel Mual ah paithei tek uh a, Mualtung pan biakpiakna le thungetna neithei uh a, apai theampo mimal (25) phathei cithu kiza hi.

PIC NIC 1 December 2012 ni Voklaak Baptist Church CE te Chin Christian Centenary Prayer Mountain & Kennypic ah Pa Pau Za Ngin Motor taw(36) paithei ci thu kiza hi. EXCUSSION 14 December 2012 ni Khuasak khangnote Khuasak pan le Taingen pan in Excussion pai uh a, Kawlngam le India ngamgi ahi Rike tui ah paitek thei uh a, tui op, Datpung kizai, Ngual nopna tuatuam vawt tek a, apai bup mi (23) phathei cithu kiza hi. LING SII KIVAWT 19 December 2012 ni Ministers Wife Council (MWC) te ih hanciam nataw misim ih, ih kisap ahi Ling Sii bung (500) vawt a, bung khat ciang Ks.300/- in zuak tu cithu kiza a, pha mama ahiman kiman kisa tek a, kidei tek peuma cithu kiza hi. MWC PAN GOOD NEWS Ministers Wive Council (MWC) hanciam nataw in Numei theampo ih kisap ahi Nik pha mama kizuak a, tenkhat ciang Ks.3,500/- bek in zuak ci kiza a, kuama theampo in thapia tektawng. SIALLUM MISSION NEWS 16 December 2012 ni A (5) veina Siallum Mission for Christ (SMC) te maisang kalsuan natu Mission Committee Annual Meeting Voklaak Baptist Church ah vawt cithu kiza hi. MEETING VAWTTHEI 17 December 2012 ni SRBA Motor Car le Building Committee meeting Branch Office II ah meeting vawtthei cithu kiza hi. UKSUH HAUSA KITEALKIK Khuasak Uksuh hausa kitealkik a, Pa Mang Mun Pau (Khuasak) in nga cithu kiza hi. Thuklai Uksuh hausa kitealkik a, Pa Son Khan Thang (Pumva) in nga cithu kiza hi. Buanman Uksuh hausa kitealkik a, Pa Khai Do Tual (Buanman) in nga cithu kiza hi. Theizaang Uksuh hausa kitealkik a, Pa Ngin Khan Do (Theizaang) in nga cithu kiza hi. Limkhai Uksuh hausa kitealkik a, Pa Pum Lian (Limkhai Zo) in nga cithu kiza hi. Ngalzaang Uksuh hausa kitealkik a Pa Kham Do (New Suangpi) in nga cithu kiza hi. SRBA-CE DVD VIDEO ZAI SRBA-CE min taw Patang la DVD Volume II na sia Pa Cin Khan Pum@Bo Cin & Sya C. Cin Suan Pau@pupu te in YSBC pan la teng hong vawt sak a, December 18 ni TSBC, 27 ni Bekan, 28 ni Mualpi & Theizaang, 29 ni LSBC le KSBC Pawlpi amasa in kizaih thei hi. 27 January 2013 ni Khuasak & Buanman ah Rev.James Nang Khai Tresurer & David Lian Suan Mung Clerk te in Video zaizo ci thu kiza hi. Video a kizai ngawllaite zong ahingawl in manlang tatak in kizai tu a, SRBA Triennial Meeting Thuklai ah hawm theitu in ngaisutna kinei ahikom thungetna taw mapaang khawm tek tawng.

SRBA YOUTH DVD 28-29 December 2012 hun sungteng Sizang khangnote hanciam nataw DVD khat ihvawt sia khangno (15) SRBA zum ah ki kaikhawm tek a, 28 nisia La khum siat a, 29 nisia Video zai in mun tuatuam ah pai kizai uh a, haingawl in hong kihawm tu ahiman thapia tu kinging kholtek tawng. CHRISTMAS KIVAWT SAK 15 December 2012 ni Leipui Siyin Baptist Church (LSBC) te in Mission Field ahi Gyigone ah Christmas kivawtsak a, Rev. Nyaingthwe in Topa kammal taw hanthotna nei a, mite thanga tek mama thamngawl in mi (200) kimbangh pha a, apai bup an kivak a, Ks.300,000/- bangh bo hi. Letsong hawmna zongh omsak a :01. Pawlpi mintaw -Hangke ten (10),Nik ten (10), Zanpuan (12), Steel kuang(100) 02. Pa Hau Kip & Family - Nik ten (10) 03. Nu Cing Za Uap & FamilyNik ten (10) Church School te zongh group (2) in kikhen a, Lai thiangtho huan sak a, 1st, 2nd, 3rd teng letsong piakna zongh neithei cithu kiza hi. A (3) VEINA SRBA-WF CONFERENCE 17-20 January 2013 hun sung teng Leipi Siyin Baptist Church ah ...Thupha nga Numei... Lk.1;3956 buphu in A(3) veina SRBWF Conference nuamtak hun kizangh thei hi. Thusinna hong lampui tute 01. Rev. D. Cin Za Dal (GS) Thupha nga numei 02. Rev. Thang Za Pum (AGS) LTT Heak tu kilawm 03. Rev. J. Nang Khai (Treasurer) Nu mei le mitaw ki zopna 04.Rev. Langh Go Laang (E&M) Ei biakna & Biakna dangte 05. Pr. Hang Do Pau (YF) Thupha nga numeite nunzia 06. Pr. Dim Khan Cing(Thuklai) Thupha nga nuneite ii din mun 07. Syama Kam Khan Dim (Yangon) Numei le ki ukna 2012-13 James LTT vuanna Tel ngate First Nu Pau Vaang Cing TSBC First Sm. Mang Khan Uap Khaikam First Nu Awi Za Dim Pumva Second Nu Dim Za Lian Lophei Second Nu Neam Khan Za Cing TSBC Third Nu Hang Khan Cing Lophei Quartet Choir First New Suangpi First LSBC Second Khuasak Second Theizaang Third Hiangziing Third Khuasak Bible Action (Lk.1:39-56) First KSBC Second Voklaak Third TSBC MITHI 01. Pa Kam Za Lian s/o Rev.Mang Khua Pau (5921) Khuasak in 19 January 2013 ni Yangon pan leitung hong nusia hi. 02. Pa Suangh Za Kam s/o Pu Ngin Khua Thawng (59-21) Pumva in 19 January 2013 ni Yangon pan leitung hong nusia hi. 03. Pi Dim Awi w/o Pu Suak Pum (251-18) Buanman in 19 January 2013 ni leitung hong nusia hi.