ZAM Hotline 016-293 9027 ZAM Office 03-2142 6659

Email: zomiassociationmls@gmail.com

Volume 7, Issue 35
Pilvang!..Pilvang!...Pilvang.! UN card neilo peuhmah khua sungah kuamah vak se dah ni! January & February kha 2 sung mat leh hen ongtam mahmah ding hi. Meileng (LRT) buta Maluri nuai-ah nitak lamin, mi mante nautang puansilh in omden a, pilvang takin omtek ni. Malaysia ah innkuan tawh om itamna zui-in, naupang zong kitam mah mah ahih manin, I tate hoihtakin I kep I cin kul mahmah tahi. Bang hang hiam cihleh Malaysia gam ah naupang mang pen kha simin khatta om den hi. Adiak diakin, nau pang kum (3) pan (11) ki kal pen amau kia cikmah hunin vaksak hetloh ding thupi mah mah hi. Kimat/kihenna I tuah khakleh: Theihhuai pawlkhat, Na sanggam/na tanau khat peuh deihloh penin mat leh hen atuah leh ZAM Palaite nako pahun. Akisam dingte: 1) a ki matna mun, 2) aman Palikte, 3) a kimat hun cihbang theileng ih kanna lem theipan hi. ZAM Card tawi member peuhmah in kimat/henna natuah uhleh hih anuai-a Palaite kiang nazasak pahun! Palai Tuangpu: 016-254 4093, Palai Thaa Mung: 016-646 5375. Kumpi Zato napaiciang, Siavuante Memo ngen ham tangin: Cidamlohna hang khat peuhpeuh tawh sikhan (clinic), zato napai aleh Kumpi Zato mah paipah in. Tua hileh Siavuan Memo kingah thei ding hi. Kumpi Zato pan Siavuante Memo bekmah UN ten theihpih in sangthei uhhi. UN card ngahnopna hang ahizong, UN card neikhinte ahizong, cidamlohna khat peuhpeuh hangin, zato kibawlna sum beite na ngetkik nop aleh, zato ah nakibawllai tak mahin lai/siavuan Memo pello-in, ngahsawm hamtang in. Hih Memo lai omlo-in, UN ah bangmah huhna kingen thei vetlo hi. RSC leh DHS pan Phone ong kisap aleh: RSC leh DHS zum phone: 03-2144 8105, 03-2144 7994, 03-2141 1943, 03-9222 0805 te tawh Phone sapna bek hilo-in, Jan. 16, 2013 ni akipan SMS tawh Mikang lai in Interview ding sapna zong hong kikhak thei ding hi. Tua bang SMS te Delete kha hetlo-a, Interview ipaini ciang zumah lah theih pah dingin, Save mangngilh kei in! Zumah SMS lai na lah theih keileh honglutsak lo ding hi. SMS laikhak atello ten ZAM ah kidong thei hi. 2013 kum, Zomi Nam Ni ading: Khua leh Pawlpi pan sum akipia sateng azom; 66) Chantagyi Khua KipawlnaRM100, 67) Hope Christian Fellowship-RM100, 68) Pau Khen Khupte innkuan Khuadam-RM100, 69) Limkhai Khua Ki pawlna-RM150, 70) Dampi Khua Kipawlna-RM50, 71) Buanman Khua Kipawlna-RM100, 72) Buan Khua Ki pawlna-RM100, 73) Selbung Khua Kipawlna-RM100, 74) Sezang Khua Kipawlna-RM200, hiteng bangin kipia khin tahi. Apia nailo ten zong amanlang thei pen in, ih piak mengmeng nading kong zasakkik hi. 2013 Zomi Calendar: ZAM zumpi pan akibawl 2013 kum ading Zomi Calendar dal khat ciang RM10/- (sawmkhat) tawh Khua kipawlna makaite kiang, kikhopna biakinnte ah ihzuak mante 2013 February 20, Zomi Nam Ni ma-in, ih Zumpi ZAM zumah nongpiak kimciatna dingun, zahtak tawh kong zasak hi. ZAM iNfO!

February 03, 2013

Sanggam Behte ading huhna ngetna: Malaysia, Kuala Lumpur khuapi sungaom Zomi pawlpi khempeuh aw, Sang gam behte Galtai tampitak anisim in kibeh laplap ahih manin, en zong Pawlpi tekpan Nipi ni biak piak hun sungah amau ading Sumpi khatvei tek donsak theileng, cih lunggulh na leh lametna tak tawh kong zasak hi. Tulai takin,1) ZCFCanaan pawlpi pan RM750/-(zasagih lehsawmnga), 2) Manna Zomi Christian Church pan RM288/-(zanih sawmgiat leh giat), 3) KL-EBC pawlpi pan RM250/-(zanih leh sawmnga), 4) Zomi Adventist Church pawlpi pan RM482/(zali sawmgiat leh nih), 5) Rawang Zomi Innkuan pan RM292/-(zanih sawmkua leh nih), 6) Sentosa Zomi Innkuan pan RM200/-(zanih), 7) ZCF-Dengkil pawlpi pan RM200/(zanih), 8) Sunway MBF pawlpi pan RM300/-(zathum), 9) Christ Mission Fellowship(CMF) pawlpi pan RM500/(zanga), 10) Zomi Catholic Community Malaysia(ZCCM) pawlpi pan RM1,225/- (tulkhat zanih sawmnih nga) hiteng bang kingah khinta hi. Hih tawh kisai in, February 03, 2013 ni anunung penin, ZAM zumpi-ah puak kimtek ni! ZAM iNfO ZAM Member Card vai zaksakna: 2013 January 1st ni aki pan, ZAM card tawi member khat ii ngahtheih ding ham phatna teng: (1). Deihloh pen sihna tuaka ZAM card ahinglai (valid) leh sumtang RM-500/-(zanga) tawh siat vatna in, kipia ding hi. (2). UNHCR department tuamtuam ah lai-at ding aom leh manngenlo(free) in, ki-atsak ding hi. (3). Nasep neilote nasep manngenlo-in, ki zonsak ding hi. (4). Damlo leh mat leh hen vaitawh kisai-in, manngenlo-in avai kipanpih dinga, ahizongin sum leh paai tawh kipanpih lo ding hi. (5).Tualo atuamtuam pan pih theih omte kipan pih ding hi. (6). Member card athak bawl/ ahingsakkik (renew) te ading RM50/- (sawmnga) hita ding hi. Naupang kum 10 nuaisiah leh uham kum 60 tungsiah te ading athak bawl man/hingsakkik(renew) manding leh card anungta lai (valid) mangsak/kisiasakte adingin, RM10/-(sawmkhat) hiding hi. Azen zenin, ZAM card tawinu/pa khatpeuh asih khitciang Card(renew)kikte sihgalna RM500 kipialo ding hi. Zomi Genvai Kipawlna (ZSM)vai zaksakna: Zomi Gen vai Kipawlna tawh Malaysia aom Zomi khempeuh I ki zop kim theihnang leh haksa dongtuakte, I van kimzawh na dingin, Zomibup kongzawn uh hi. Mi-1, kum-1, RM10. Na sum khiat pen na zat khak keileh a lungdamhuai hi zawa, a zangkha-te na panpihna hipah hi. Nang zat ding cihna tawh nakhiat sangin, azang ding om ahih manin akhia hi zaw in! Zomitekikhopna biakinn khempeuh panin kilutthei tahi. Biak inn pai manlote zong ZAM zum-ah kilutthei tahi. ZAM memberte bek kilut thei hi cih thuging pen zuau thu ahihna leh ZAM member hita keileh Zomi khempeuh suakta takin kilut thei hi. ZSM Donghu: Khua kipawlna min tawh mimal 50 nuaiomten RM50, mimal 50-100 kikal omten RM100, mimal 100 val ten RM150, mimal 200 tungsiah in RM200, ZAM zum ah akhia khinsate sungpan, damlohna tawh Zato lum sum neiloteadingin RM500(deposit)tangding khua makaipa theihpihna tawh kileitawi thei hi. Kha nih sungin piakik ding hi.

Khialhna kimuhmawh bawlna in, buaina piangsaka, hangtakin hilh ngamna in nopna piangsak hi. Prov. 10:10

**ZAM Thupuak kal siala, kihawmkhia pen Leitung mun tuamtuam aom Zomi khempeuhin asim theih nadingin, Website: zomidaily.com & email: zomiassociationmls@gmail.com tepan kisim thei-in, aituam email tawh adeihten zong kingen thei hi.**

Banghang Zomi Cup Ki Vaihawm(azom): Tukpeng cih ngiat pen, pawi dang khatpeuh tawh kibang theilo hi. Banghang hiam cih leh, Zomi Cup en leng, a kidem lian mi 11 tuak hi-in, a kimawl ding mah aa ngak apua-ah 9 tuak bang om hipah aa, kihel khakna mi tamin a ngahthei pen pawi nam khat cihna hi. Cihnopna-ah khat leh nih kia a kihel hitheilo ahih manin, mi tampi ahih kei leh khangno tamthei pen ii mun ngahna hi gige hi. Tuahang mahin zong, thalawp khopna om phadeuh in, ki pawlkhop kisinna hoih mahmah khat ahi hi. Lungsim kibang vetlo, muhzia san'zia kibang hetlo makai tuamtuam kithuah khopna leh vai lianpi koici bangin vaihawm khawmthei ihiam cih lahkhiatna zong ahihi. Mipi in zong, makai aa ih sehte koici bangin tha pia aa, nungzuih siamte ihiam cih ih pulak zawhna pawi zong ahihi. Hidan teng hang bek tawh Zomi Cup ki vaihawm hilo hi. Minam Ni mahmah pahtawina-in 2010 pan ih vaihawm ahihi. Minam Ni anei minam khat ihihna aki langsak zo vai hawmna lakah a limci penpen khat hiding hi. Tuaciang bek hilo-in, zum tuamtuam leh ih kim le pam aa namdangte ngiatin hong muhna mahmah ah ih lahkhiat zawh thu khat penin, haksatna tampi om himah ta leh, Zomi te-in vai lianpi tampi vaihawm khawmzo hi ungh, cih pen ih lahkhiat zawh a thupi mahmah ahihi. Angtang kipaak huai hi! Namdang tuamtuamte hong theih semsemna leh hong etneu ngamlohna dingin zong a kisam vai lianpi khat hipah lel hi. Sianggen le'ng, hong zahtak zawhna ding ciang uh vai lianpi a lakkhia ihihi. Pawlpi kibanglo, Beh kibanglo, Khua kibanglo Zomi khangno cidam sinsen hizah takin kum simin tukpeng vai bek zong hici vaihawmkhop zo mawk ihih leh, ih sepding vai lianpi maban dang atuamtuamte-ah, thutang tak aa makaihna leh citak tak aa nungzui siam hihnate kimu semsem laiding hi. Tg. Kham

UN Card kimu hi, ZAM zumah hong kan un! 1. 354-12C01751, Khin Maung Shwe,(09/05/2015) 2. 791-09C10089, A Niang (27/09/2012) 3. 791-09C03478, Cin Ngaih Thang, (29/07/2012) 4. 354-11C04008, Far Chin Tial (18/05/2015) 5. 791-10C00696, Khai Kam Sing (17/01/2013) 6. 791-10C05522, Mun Lian Sang (06/03/2013) Zomi Numeite Kimawlna ading: Zomi Numei Kipawlna pan 2013 Zomi Cup kimawlna sungah Numei pawlte zong 1) Tai kidemna (Metre 100) leh 2) Bawlung Penalty shot na omding hi. Numei akimawlnuam peuhmahin lutman piak kullo-in, anunung pen Feb. 04, 2013 Monday nidong min kipia thei hi. Hih kimawlna nam 2te ah Akhatna pan Athumna ciang angahte letsong kipia ding hi. Min sazian piakna ding: 1). En Cing: 016-285 1234, 2). Joseph Mangsen: 016-374 9423.

Khasim lungdamkohna & thunget khopna: Kha khat ii ninga (Friday) ni masa simin, akineizel Lungdam kohna leh Thunget khopna, tu kha ading February 01, 2013 ni-in ZAM Palaiteng leh KL-EBC pawlpi kem Rev. Khai Sian Pau in, Pasian Kammal; Judg. 7:16-20 na mun siksanin A etteh huai Makai cih thulu tawh Gideon nuntakna tungtawnin hanthotna leh thapiakna hong nei-in, tha kingah mahmah hi. ZAM Card Tawite Ading Nasep! 1) UNHCR-EST vaihawm sakna tawh Super/Hyper market leh Setzung (factory) ah nasem numei pasal ki deih. Kal khat 1 vei off. Omna pia an pialo. 2) Saremban akasa(sport) sai ah anvak omna piak khat 1 RM 1000/ tawh mi 3 ki deih. Kal 1 khat vei off. 3) Puala Penang Asean Sea Food sai ah nai 12 sung omna pia anvak RM 1000/ tawh sem ding mi ki deih. 4) Bank Card bawl nuamte in ZAM zum ah na UN copy hong ap un. Atung a teng kizopna ding: 012 367 4665. Zomi Cup 2013: A sawtlo a hongtung ding Zomi Cup, Zomi Nam Ni pah tawina tekpeng kidemna pen February 9 ni in kipan ta ding a, February 11-15 dong kisui suak ding hi. Febraury 4 ni nitak nai 3pm in ZAM zumpi kimuh khopna om kik ding a a ki kihel ding Team/Khua te kimuh khopna ah kihel sawm ciat ni. Zomi Cup tawh kisai kizopna ding: Hau Suan Khai 012 367 4665. Dahpihna: (1).Kaptel khua ateng Pa Thang Lian Khai (Halkikbeh) leh Nu Kiim Sian Zamte tanu Lia Vung Khawl Cing (Kum-1) in sungpai leh lua kithuah natna tawh 26.1.2013 ni-in University Hospital panin hong nusia-a, 29.1.2013 ni-in Sunway MBF biakinn ah hehnepna hun bawlkhit ciangin ZSM te makaihna tawh Batu Arang Hanmualah aluanghawm kituh kik hi. (2).Buanli khua, Sektakbeh, Pa On Za Nang leh Nu Ciin Sian Niangte tapa Pa Zen DeihTuang in 24.1.2013 ni-in avakna pan mi gilote khutlum thuakin hong nusia-a, Kepong panin a sisa-in ki mu hi. Ni 2.2.2013 in Sunway MBF biakinn ah hehnepnahun bawl khitciangin ZSMte makaihna tawh Batu Arang Hanmualah aluanghawm kituh kik hi. Hong nusia I sanggam nihte hangin adah akap innkuanpihte tawh akibangin Zomi bupin I dah pihhi. ZSM

Exodus Pan Itna: (A

Love Story From Exodus)

Subtitles: English, Zomi, Burmese tawh ettheih dingin ahoih thei pena hong ki bawl khia tangthu khui, ih ngaklah mah mah pen February 10, 2013 ni panin Malaysia Gamsung tengah hong kizuak khia tadinga, Leitung Zomite omna mun tuamtuam te ahzong a sawtlo-in hong kizuak khia ta ding hi. Malaysia ah Khui khat RM-15/- tawh Manna Zomi Christian Church ah kilei thei ding hi Theih gige ding: UN zumah lai na-at/khiat ciang, Zolai/ Kawllai tawh na-at sangin, Mikanglai (English) tawh at pah lecin nakpi takin lem zaw den hi. February kha sung 11, 12 nite(Sen kumthak) UN zum kikhak ding hi. Julia Sammeet sai: KL Mydin kong mai-ah, OASIS ansai dawl khatna(1st Fl)ah, numei/pasal sam meet/bawl nuamte maitang bawlpha nuamte bil vangsak nuamte ading leh mopawi puan kawm nuam leh Makeup bawl nuamte ading inzong, Julia sam meetna munah kidawp kikan thei hi. Julia contact no: 010-778 4035. Lakhui Thak: Zolei lunggel lakhui pen lasa siam Mary Lun(Haiciin) leh alawmte tawh a sak hi-in, asawtlo in hong kihawm khia tading hi.

Mikang lai!!..Mikang lai!!..Mikang lai!!! Zomite ading Khangham Mikang lai sinna (Adult English Class) ZAM zum nuai-ah omding hi, nipi kal khat nai 2 sungta, Kigin ni (Saturday) sim hiding hi. Athucing theinuamte: Sya David Mungno: 017-333 4320.