Zuapa

te Ni Muakna laigelh sapna

May 21, 2013

Dear Zomi u le nau te aw, ZINGSOL Laihawm pan in kong hopih uh hi. June 23, 2013 (Nipi Ni) in Pate Ni (Fathers Day) hong tung ding ahi hi. Zuapa te Ni in, Zomi akua maciat in, Pate itna, kipiakkhiatna te phawkna, pahtawina lai tuamtuam te tawh pianna Pa te i itna, iphawkna te lahkhiat theih nading in ZINGSOL le MOMNO Laihawm pan in lunggulhna kinei hi. Tua ahih man in Pianna i Zuapa Pahtawina, Phawkna, itna lai te nong khak nading un kong sam uh hi. Anuai a thute tawh kizui in hong kikhak laite, Zingsol June 2013 Laihawm (Lom15 Hawm5na) le MOMNO June 2013 Issue te ah kong suak sak ding uh hi. (1) Laigelh pa/nu le a ma Zuapa kikal thupiang te hi ding (akl) A pahtawi huai Zuapa khat i nuntakna thu hi ding. (2) Laimal 500 sang tam zaw lo ding. (3) Microsoft Word or Page Maker or PDF format tawh khak hi ding. JPG file (Scan) hi lo ding. (4) Laigelh pa/nu i minpi, omna, email cihte kihel ding. (5) Ahih thei leh, akigelh Zuapa i mimal marn (Photography) or Laigelh pa/nu tawh kila khawm marn or innkuan marn te tawh khak khawm ding. (6) Zingsol tanu (Editor) te endikna akiphal lai hi ding. Laikhakna ding mun: (1) ZINGSOL: zingsol.laikhak@gmail.com Anu nungpen in: May 25, 2013 (Saturday) ciang kikhak thei hi. (2) MOMNO: laihawmmomno.ygn@gmail.com Anu nungpen in: June 15, 2013 (Saturday) ciang kikhak thei hi. Hih bang mah in, abeisa 2011 Kum in zong ZINGSOL Zuapa Issue kihawm ngei a, attach file tawh kong thuap khawm uh hi. http://www.scribd.com/doc/58743402/Zingsol-Zuapa-Issue-2001 pan in zong kisim thei hi. Zahtakna tawh, Zingsol & Momno tanute