THU TATUAM July 7 , 2013 Weekly Siyin News

SOM Kumhlang Kikhop & Sazian Etkikna Kumhlang sung SOM nasepzia etkikna le Sum Sazian etkikna July 3, 2013 SOM OB le Khualampuite in SOM zumh ah nei uh hi. Mai lamsang ah: Thasim thadet zawk nipi thumna nipini sim OB le Khua lampuite kimuna nei tuh kisawm khi. Khua kipawlnate tung panh kumhsim kipawlna fund RM 100 /- khon tuh kithukim hi. SOM saanginn saang patang tam saseam ahikom zing le nitak khen tuh kisawm aa, July 15, 2013 ciang pa kipanh zingsaangte 9:0012:00 sunsaangte 1:00-4:00 in khen tuh kisawm ci uh hi. July 7, 2013 ciang SOM kumh 6 cinhni hi. Kawlpi Karaoke Saite Kivau Kawlpi kualbup Karaoke KTV minpu in, avekpi man tuh ci'n thuneite sang panh zaaksakna lai July 4, 2013 ni in nei ci'n te tung pan kiza hi. Kawlpi kual ukpipa tung tawn pan akiza hi in, panh zongh hi banghte "hi bangte kidei ngawl aa, tawlnga le khu zongh thiangtho tuh ci'n son" ci thu alampuipa tung pan kiza hi. Sizaang Kual Ah Computer Training SRBA Youth Department lampuina taw, computer le Internet basic training khat Buanman khua ah July 1-6 sung nei uh hi. Ahilsya se Pa Pum Suan Hang hi in, saang patang 19 pha ci hi. Eakbuk Pua Natuh $150,000 Zeaksawm Maangkaang kumhpi innsung eakbuk puana tuh sum 100,000 (120,000 euros, US$150,000) zeak tuh vai parliament in thukimpui hi. House of Lords eakbuk le leangnate zak eakbuk hi in, 1937 lai avawt uh hi aa, apua kik ngawl sia kumh 20 cingzo ci hi.

w w w . th ut a tu a m. ne t
Taman Medah Phalak Khat Ki Kaaplumh Malaysia, KL Cheras ah July 4, 2013 nitak nai 9:50 pawl in, siikhan (clinic) khat phalakte in suamsawm ahi hang khat ki kaaplum in adang 2 taai man ci hi. Maluri pan Cheras sang paina Taman Medah thet mahiat lamka bompinaina Patama Polikilinic hi in, .siikhan sung ah senminam minister khat (Vice Chairman of the Chinese General Chamber of Commerce ) akilak laitak hi luilamh in, tua minister pa ii body guard in kaap lumh pai hi. Phalaak ni in, body guardpa amu ciang, anaam puak taw, hollup sawm ua, athau sut tuh kipanh ciang, body guard pa in, athau keak in, kaap aa, adang khat sia kaap man ngawl dan in kison hi. Phalakpa toai naam sia Pakistan naam (Bangali Naam) toai ci hi. USA Ah Siyin Mawtaw USA ah, mawtaw nambat luang in, eima zaknop min mal 7 nuaisia kizangh thei in, Suapui Richard Lian (Thingunau) in zongh amawtaw nambat sia "Siyin" ci'n nasuang veuvo aa, ki-aangtang huai peuma hi. Hi bang zak thei tuh sia $ 48 piak thua kul hi. USA Ngam Suataak Kumh 237 July 4, 2013 in cing hi. 1775 state 13 in, UK te kungpan suataakna ngen. 1776 July 2, ni suataak natuh congress sung mee taw kikhen kuu ua, July 4, 1776 pholaakna nei uh hi. 1781 Oct 19 dong British te taw ki nalh top in, 1783 Sep 3 ciang kilemna lai vawt pheang uh hi. 1787 Sep 17 in, ngam thukun kipsakna nei hi. 1789 April 30 President aseam masa sia George Washington nasep kipan, President Thomas Jefferson (3na) le John Adams (2na) te sia ngam suataak natuh letmat-thoe sung kihel aa, anima ngamsuataak kumh 50 cinh Golden Jubilee ni July 4, 1826 thi luilamh uh hi

Senngam Ah Puansil Ngawl Khutdaw Ngen Senngam , Nanjing lampi hui khat ah, numeino kumh 6 khat sia apa in, apumnguak om sak in, khutdaw ngen sak hi. Atanu sia pum-nguak om sak bek domh ngawl in, cegrete zial tawp sak lai hi. Media-te in thu adok ciang, apa sia nasep tuh daathaam in, atanu hi bangh aom sak ciang, khutdaw nget sum ngaatuam ci hi. Lei Tung ah a nuam bel ngam Australia ngam se lei tung ah a nuam bel ngam , kum 3 ki zom in ki teal hi. A nung ah Sweden in a 2 na, Canada in a 3 na in zui hi. A ki et tel na in , Business , ci dam na, ngam dai na le mi hing nun tak dan ci bang in a ki en a hihi. Ngam 30 a ki et na sung pan in ngam 10 a ki teal kik na sung ah a nuai a bang in ki teal hi.Australia, Sweden, Canada, Norway, Swetzerland, USA, Denmark, Netherland, Island le UK ngam te a hihi. Billy Graham ii Donghuu Pawlte Billy Graham Rapid Response Team te ngammei kahna USA ngam Arizona, Prescott, ah kuan uh hi. Hi ngammei kahna ah miphelhte 19 thilaw in , 2001 9/11 world trade center kisimna zawk ciang, meiphelte athi atam kik sia tutuung asia ci hi. Hi Billy Graham Rapid Response Team te sia, tutuung bek hi ngawl in, Okla, Moore ah huisuangval/ piimpei te hang ngimhngaate huu ngei uh hi. Lungu Leausum $58million Antonio Lopez Chaj akici khat sia securty guard khat ii velthuak huu in, alungu 1/3 kisia in, pau thei nawn ngawl ahikom, leau sum $58million (38.2million) nga tuh hi. Ama sia ngual kihau lemtua aa, avelpa in, tel ngawl aa 8 vei vel hi in, alu ngu khen 4 aam hi. USA Athi Tambel Gettysburg Tualngal Hi tualngal sia President Lincon ukhun, July 1 - 3, 1863 sung Gettysburg khua ah Confederate le Union ngalkapte kisimna hi in, Confederate ngalkap 28,000 le Union 23,000 thilaw hi. June 30 zingsang , Confederate ngalkap 2400 bangh in, peangdap lei tuh paina panh Union ngalkapte taw Gettysburg ah kihau hi.

Naunei Lungdamhpuina Limkhai khuami Pa Hum Cin Hum Cin Pau(peter) leh Uap Khan Hung(puipui) Kuala Lumpur zatopi HKL (Chawkit Zato) pan 3:15pm hun-in nau pasal khat nei hi. Kg 4.2 (9.25 lb) pha aa, nau lianlei ahikom aki-at kul hi. Nu zongh nau zongh dam hi. Ngua Taw Kivawt Leih Bangaladesh ngam Barisal ah ngua taw aki vawt hi leih sia pi 2,100 val aa, nisim saang patang 500 tawn in, mipi 5,000 nuamtuam ci hi. Arial Kha ngun tung ah hi in, khua tuuk ciang pi 6 thuuk in khal ciang pi 2-3 bekma thuk hi. Palikte Mizon Khat Kuala Lumpur, Jalan Imbi , Times Square ah June 16, 2013 in tualthat pa ii datpung sia KL palikte in, June 3, 2013 in media te tung ah son aa, matnuam ci hi. Saai le Zawng Mealpua Vokno Suak Kawlngam thangsang Myeik khua ah, vokpui sungpan saai le zawng mealpua vokno 2 suak ci hi. June 29, nitak 3:45 pawl in, Yebong-myay Aungchantar veang , Lam no 3 Pa Ngui Taung inn panh hi. Asuak vono 9 hi in, tuasung panh zawngmeal pua khat, saai meal pua khat ci hi. Saai taw akibang sia sia asuakzawk ngeingawl thi pai in, Zawng taw akibang sia July 1, 2013 zingsang in thi ci hi. Topa Taw Maangkhawm Tulaitak Yangon om ex- police officer Pu Thuam Za Pum 75 (Pumva) in Khangham Natna taw July 5, 2013 zing in hong nusia hi. YSBC Pawlpi Pan July 6, 2013 Sun 2:00 in hui tuh hi.Pumva panh tapidaw suak masa Pu Suan Kam le Pi Awi Cingh tapa hi.