Description

Baray kamray kay qalein par eak chonti kabhi ether aur kabhi other bhagay phirti thi. Mein nay ghoor kiya, wo shadeed parishan thi. Prishani kay alam main wo la'hasil mashaqat ka shakar ho gae thi. Mujhy os ki prishani ki teen vajo samjh main aaein:
Qalein zamein nahain thi aur wo zamein par chalnay ki adi thi.
Na'ay mahol aur halaat nay ossay parishan kar rakha tha
Os ki mahdood basarat aur basirat nay qalein ko la'mahdood qarar day diya tha.

Jab soch kay daeray mahdood hotay hain to insan ki haisiat os chonti say ziyada nahain rehti aur insan mahdood daeray say bahar nikal nahain pata. Jab nikalnay ki koshesh karta hai to ether other bhatakta phirta hai aur prishanioon main ghir jata hai. Ossay kuch sojhae nahain daita kah kiya karay aur kiya na'karay.