Welcome to Scribd, the world's digital library. Read, publish, and share books and documents. See more
Download
Standard view
Full view
of .
Look up keyword
Like this
1Activity
0 of .
Results for:
No results containing your search query
P. 1
Reiek KTP & CKTP

Reiek KTP & CKTP

Ratings: (0)|Views: 221 |Likes:
Published by samuelapa
He article hi KTP dinchhuaktu zinga a sulsutu Upa Lalthankima fanu Pi Julie Hmingthantluangin min pe hlauh mai a, ka lawm hle.
He article hi KTP dinchhuaktu zinga a sulsutu Upa Lalthankima fanu Pi Julie Hmingthantluangin min pe hlauh mai a, ka lawm hle.

More info:

Published by: samuelapa on Aug 19, 2013
Copyright:Attribution Non-commercial

Availability:

Read on Scribd mobile: iPhone, iPad and Android.
download as PDF, TXT or read online from Scribd
See more
See less

08/20/2013

pdf

text

original

 
 1
(Kristian Thalai Pawl, Reiek Branch Diamond Jubilee (1952-2012) Souveniratanga lak chhuah)REIEK K.T.P. LEH CENTRAL K.T.P. CHANCHIN BUL
Diamond Jubilee Souvenir-a Reiek K.T.P. chanchin (history) kan tar lan theihna atanakan thu lâkna hnâr, Reiek K.T.P. chanchin lo chhui a, sum leh pai, thâ leh zung lehngaihtuahna tam tak lo sêng tawhtu kan khaw pa, Pu Isaac Zoliana (tuna Mission Vengakhawsa ta) chungah lawmthu kan sawi a. Minute bu hlui mai bâka mahni mimal diary lovawng tha a, kan mi hmasate lo kâwma a lo titipui tawh thinna zâr zovin kan hna a awlsam phah hle a ni.
Reiek K.T.P:
Reiek Presbyterian Kohhranah hian kum 1930-1937 vel atang khanKristian thalaiten a hranga inkhawm an lo nei tawh thin a. He thalai inkhawm rawt chhuaktuleh a kaihruaitu hmasa ber chu Awtawlha (Saidailova Chuaungo) chu a ni a. Zai leh hla zir nan te an hmang tam hle a, arbâwm te tahin tuthlawh hà te, chemfawng te, hreipui hàte ansuih a. Thalai inkhawmah hian an thawh khawm thin a, kohhran an pe a, kohhran chuan azuar leh thin.
Pu Ngurchhawna hma lâkna
: Kum 1948-1949 velah hian Reiek tlangval tam tak chu kohhran dan pawnah an awm a, chutih laia Reiek tlangval fel, zu in ngai lo Ngurchhawnaleh a thiante – Lalsangliana leh Pachhunga-te chuan Reiek tlangvalte chu an vei ta em em a. Ngurchhawna chuan Bialtu Pastor Rev. Phâwka hnenah rawtna a siam ta hial a. Chu a rawtnachu thalaite inkhawmna neihpui a ni a; mahse, Pastor Phâwka chuan kohhran nêkna intanna bul a ni thin tiin a lo remtihpui lo va. Vawi thum lai rawtna ngai hlir a sawi hnuah chuanPastor pawh chuan a lo remtihpui ta a. Kum 1951 thleng khan thalai puala inkhawm hi an nei;mahse, a lo zuih ta hle a.
Pu Lalthankima hovin:
1952 A.D. khan Reiek Middle School zirtirtu thar Lalthankima Hrahsel hnenah thalai puala inkhawm lo chuai ta chu tihnun leh dan ngaihtuahturin Ngurchhawna chuan a sawi fo va. Lalthankima tuipui zâwng tak a lo ni hlauh bawk a,kum 1952-ah thalai puala inkhawm chu an lo tithar leh ta a. Hemi kuma thalai pawl dinna tur hian Pu Ngurchhawna, Pu Lalthankima leh Pu Thantlaia-te kha a bul tumtu an ni a. An zingami Pu Ngurchhawna hi la damin tunah Bungkawn Vengtharah a cheng mek a ni. Hetia khawmal mala thalai pual inkhawm hi Lalthankima chuan a duh tawk ta lo hle a, Mizoram pumhuapin a thlir ta zawk a ni.A tir lama Saidailova hova thalai kaihruaitu hmasate kha Reiek thalaite inkaihhruainakawnga sulsutute an nih avangin tunlai thangtharte tan hian hriat reng atan a tha a, chungtechu – 1) Saidailova Chuaungo (Awtawlha)2) Kawlhlira Râwihte3) Mama Hauhnar 4) Zotawna Chuaungo5) Chalhuaia Hauhnar 
 
 2
Kum 1952-a Lalthankima hova thalai inkhawm an han rawt chhuah leh chuan Reiek khaw chhung mai thlir lovin Mizoram pum hi Kristian thalaite rawngbawlna chuan a fanchhuak tur niin an hria a, Lalthankima rilruah chuan Mizo Kristian thalaite hian Lal Isua hiLal leh Chhandamtu a ni tih an hre chiangin an pawm tur a ni. Lal Isua hi Lal lehChhandamtua an pawm loh chuan Mizo Kristian thalaite hi sum leh pai leh nawmchenngainatna (materialism) leh mahni ta bik awm lova engkim intâwm leh intluk tlânga awmzirtirna (communism) an la ngam dawn lovin a ring a. Tichuan, Mizoram pum huapa khawtin kohhran thalaite dan pakhat ringa thawhho dan a ngaihtuah a. Chu a ngaihdan tipuitlingtur chuan a bei zui zel bawk a.A hming atan
‘Kristian Thalai Pawl’
tih hi a lo sa diam tawh a. Thupui (motto) atan
‘Rawngbawl tura Chhandam (Saved to Serve)’
tih hi a lo thlang fel diam bawk a. Biblechâng innghahna chu II Timothea 2:3 – 
‘Krista Isua sipai tha tak angin hrehawm mituarpui rawh’
tih hi a ni a. Mizo Kristian thalaite dan mumal fel tak nena kaihhruai an nihtheihna tura a hmalakna chuan hma lam a pan zel a.
K.T.P. Conference hmasa ber:
Tichuan, April 1952 A.D. chuan Reiek khuaahKristian Thalai Pawl Conference hmasa ber chu an nei ta a. He Conference hi Reiek Pastor Bial kohhran tinah leh Mizoram pumah Kristian Thalai pawl (Christian Youth Movement)din duhna avanga neih niin a lang. He K.T.P. Conference hmasa ber hmang tur hian hengmite hi an lo kal a – 1) Upa Chawngzika, Mission Veng2) Upa Chalhnuna, Mission Veng3) Zalawra, Mission Veng4) Pi Teii (G. Rees Roberts)5) Rev. Liangkhaia, Mission Veng6) Miss Chawngpari Chawngthu, Mission Veng7) Miss Chawngmawii Chawngthu, Mission Veng8) Zirtirtu Lalchhingpuii, PC Girls’ School9) Rev. Owen W. Owen, 1952-a missionary chhuak thar 
Ram pumah K.T.P:
Lalthankima chuan Reiek K.T.P. Secretary a nihna angin SynodStanding Committee hnenah Mizo Kristian thalaite awmze nei taka kaihhruai an tulzia lehchumi atana Kristian Thalai Pawl din a tulzia chu a thlen ta a. He a lehkha thehluh bawhzuiin Rev. Owen W. Owen chuan Lalthankima chu Aizawlah a ko ta a. Rev. Owen W.Owen hi Theological College-a a zirlai pawhin Kristian thalaite rawngbawlnaah hian a lo phur thinin a lo phusa hle thin a lo ni a. Chuvang chuan, Mizo Kristiante kaihruaiarawngbawl chu a lo phur ru hle a lo ni a. April 22, 1953 A.D. khan Bangla Senah Rev. J.M.Lloyd-a hovin K.T.P. din dan tur chu an ngaihtuah ta a. He inkhawmnaa telte chu – Lalthankima te, Rev. Owen W. Owen te, Upa Chalhnuna te, Theological College studentThansiama leh a thiante pahnih an ni a. Rev. J.M. Lloyd chuan Kristian Thalai Pawl chuRev. Owen W. Owen hova din chu a phalsak ta a. Upa Chalhnuna chuan Lalthankima chuSecretary atan a rawt nghal nghe nghe a. Mahse, ani chu Reiek khuaa awm a nih avanginSecretary hna chu a chelh ta lo. Synod Standing Committee-in Kristian Thalai Pawl din a phalsak tak avangin Lalthankima chu Provisional Constitution lo buatsaih turin a ruat nghala. He Constitution buatsaih chhung hian hun rei fê a awh ve a. A peih hnu chuan Teachers’Training School-ah Kristian Thalai Pawl ruangâm din turin an inhmukhawm ta a. He
 
 3
Committee hian Provisional Constitution chu a pawm a. He Constitution hmang hianKristian Thalai Pawl chu an din ta a. Chuta an hruaitu hmasate chu – Chairman : Rev. Owen W. OwenVice Chairman : LalthankimaSecretary : Zokhumi
Ram pum huap K.T.P. Conference:
Heng mite hi hun eng emaw ti chen chu K.T.P.lo kaihruai lailâwk tura ruat an ni a. Hei hi 1953 kum tawp a ni. Kum 1954-ah chuanMizoram pum huapa Kristian Thalai Pawl Conference neih an rawt ta a. September 23-26,1954 A.D. khan Mission Veng Kohhran chuan a thleng a. Khaw 22 atangin palai 120 an lokal a. Inrinni zanah Reiek Kristian Thalai Pawl zaipawl an zai a, Lalthankima hla lehlin thar 
‘Tlaitla éng mawi kawngkhar hawn hun tur chu panin ka kal mek a ni’
tih hla thiamtakin an sa a. Reiek K.T.P. leh an hla thar chuan a lar phah hle a ni. Pathianni chawhmaPathian biak inkhawmah chuan Lalthankima chuan thupui
‘Chhandamna tulzia (The needfor salvation)
tih chu a sawi a, thalaite beng a verh hle mai. A sawi zawh hian sawihona neihnghal a ni a, thalaiten sawiho nuam an ti hle a ni. He Conference hian an hruaitu turte anthlang fel a, chungte chu :-Chairman : Rev. Owen W. OwenVice Chairman : Lalthankima, Reiek Secretary : Miss Saptawni, Mission VengAssistant Secretary : Vanlalkunga, Dawrpui VengTreasurer : Mrs. Owen, Mission VengFinancial Secretary : Miss Thangpuii, Kulikawn
Committee members 
1) Miss Denghlunchhungi, Kulikawn2) Miss Rinkimi, Dawrpui3) Miss Zokhumi, Mission Veng4) Tv. Malsawmdawngliana, Mission Veng5) Tv. Pachhunga, Mission Veng6) Tv. Thanhnuna, VenghluiMission Veng K.T.P. Conference hnu hi chuan Mizoram khaw tin deuh thawahK.T.P. branch chu a ding ta zung zung a. Kum 1955 A.D. Conference lehna turin Dawrpuiruat a ni. Dawrpui Conference-ah hian thupui chu ‘Isua chu Lal a ni’ tih a ni a. Thupui hihmun rukah thensawm leh a ni.He Conference hian Dawrpui Middle School-ah ro an rel a. Kristian Thalai Pawlhming Lalthankima lo sak sa thlak chungchang an sawiho va. Mahse, he Conference hianthlak ta lovin tun thleng hian
Kristian Thalai Pawl
tih hming hi a pu ta zel a ni.Mizorama K.T.P. din chhuaktu Lalthankima’n Mizo thalaite a vênthâwnna ber chuMizo thalaite hi kohhran leh khawtlang tan mi hnawksak an ni palh ang tih hi a ni a.Chuvangin, mumal tak leh kawng zâwng nei taka thalaite hi kaihhruai an nih theih nanKristian thalai constitution pawh kohhran constitution huang chhungah siamsak an ni a.Kohhran hruaitute kaihhruaina anga kohhrana rawngbawl tur an ni tih hi an theihnghilh angtih hi a hlau hle thin.

You're Reading a Free Preview

Download
/*********** DO NOT ALTER ANYTHING BELOW THIS LINE ! ************/ var s_code=s.t();if(s_code)document.write(s_code)//-->