Description

ენობრივი პოლიტიკა უმნიშვნელოვანეს საკითხს წარმოადგენს ქვეყნის პოლიტიკური, ეკონომიკური და სოციალური განვითარების თვალსაზრისით. შესაბამისად, ყველა სახელმწიფო ცდილობს სა-კუთარი სწორი ენობრივი პოლიტიკის შემუშავებას და განხორ-ციელებას. ამ მხრივ არც საქართველოა გამონაკლისი, რომელიც მულტიკულტურული ქვეყანაა და მულტილინგვზმი და მრავალ-ფეროვნება ისტორიულ ჭრილში იყო საქართველოსთვის დამახ-ასიათებელი. ამ დოკუმენტის მიზანია საქართველოში არსებული ენობრივი სიტუაციის ანალიზი და ენობრივი პოლიტიკისათვის რე-კომენდაციების შემუშავება.
დოკუმენტი ოთხი ნაწილისაგან შედგება. დოკუმენტის პირველ ნაწილში განვიხილავთ ზოგადად საქართველოში არსებულ ენო-ბრივ სიტუაციას; მეორე თავი დაეთმობა საქართველოს კანონმდე-ბლობის ანალიზს ენობრივ პოლიტიკასთან მიმართებით; მესამე თავში განხილული იქნება არსებული ენობრივი სიტუაციიდან და კანონმდებლობიდან გამომდინარე პრაქტიკული პრობლემები და რეკომენდაციები ამ პრობლემათა მოსაგვარებლად; მეოთხე თავი დაეთმობა მთლიანად ევროსაბჭოს 1992 წლის რეგიონული და უმ-ცირესობათა ენების ქარტიის მიმართებას საქართველოში არსე-ბულ ენობრივ სიტუაციასთან და განიხილება რეკომენდაციები აღ-ნიშნული ქარტიის რატიფიცირებისთვის ასაღები ვალდებულებების შესახებ.