REZOS Y SUYERES DE LOS MEYIS: Baba Eyiogbe Meyi: Orunmila niodere odere layori eran, Orunmila niodere odere

layori eku, Orunmila niodere odere layori ella, Orunmila niodere odere layori ardie, Orunmila niodere odere layori aure, Orunmila niodere odere layori ashama iku,Orunmila niodere odere layori ashama arun, Orunmila niodere odere layori ashama ofo, etc.onibaraniregun Orula larugbo Suyere: Ashimina Ashimina Iku furibuyema Ashimina Ashimina Ofo furibuyema Ashimina Ashimina Arun Furibuyema. Baba Oyekun Meyi: Baba yiyi meyi ariku madagua onimimashasho pororo oni Babalawo lordafun agogo keferefun Shango. Suyere: Iku yemilo oguere Ofo yemilo oguere Eyo yemilo oguere Arun yemilo oguere Baba iwori meyi: yigui yigui mayo mayo adifafun kokoloyebe ifa tirawaye lampe Shango lampe olorun ontefa nelinfa oroniaye akueliripin Orunmila lorugbo. Suyere: Borotiti lawa tarepo Borititi lawa tarepo Epopologuo epopolese Borotiti lawa tarepo.

Baba Oddi Meyi: Ashomaruma Adimodimo bayerimo Oshanla ayaguna aberi ni awo.adifafun ella tuto cocoia lorugbo orula lorugbo

Dimodimo diro, mama yeki mama yeki Dimodimo diro, mama yeki mama yeki. Baba Iroso Meyi: Oyoronso apantarita baba oyoroco to baba layokun maferefun Olokun, ozun. Suyere: Olofin loriyeo modupue Olorun Olofin loriyeo modupue Olorun Olofin loriyeo modupue Olorun Baba Ojuani meyi: Ojuani meyi adifafun agangara aldeleleko kikomakua iku. Suyere: Agangara omolodumare Agangara omolodumare Ariku lowoa omolodumare Agangara omolodumare Agangara omolodumare. Baba Obara Meyi: Obara ni bara nikate ibale, obara ene bara omolorun Orunmila, akualosia oni bara Obara laye nibara Shango Obara Olorun. Suyere: Obarode kikate, afeyu eye kikate Obarode kikate, afeyu eye kikate. Baba Ocana Meyi:

Oni Okana Okana niokuta Okana Meyi niechubi abodachubi ardie pakuko, adifafun Orunmila maferefun a Eshu Orunmila lorugbo. Suyere: Eshubi aguadashuero, Eshubi aguadashuero Ardie pakuko ardie onadore Oni van dundun, Oni van funfun Oni van dundun, Oni van funfun Obara la iere, Obara la iere, barala kuete karoro. Baba Ogunda Meyi: Ogunda eyi, Ogunda siro ogualayokun Oshanla birihigua Obatalaisa maferefun Ordua lorugbo. Suyere: Erosibamba karere Baba karere, baba karere Erosibamba karere Adifafun Oggun Adifafun Odde. Baba Osa Meyi: Osa meyi baba buru buru baba foie adifafun egua baba buru buru buru baba adifafun Orunmila onbarabaniregun. Suyere: Sarayeye bakuno, sarayeye aremu Sarayeye bakuno, sarayeye aremu. Baba Ika Meyi: Ikanika ebo ikanikani oni babalawo Oluo ogubi abedemeyeko bobo atun adifafun layoko elebudte maferefun Olokun. Suyere: Mayokoda mayokoda guarami mama yokoda bebeotun Mayokoda mayokoda guarami mama yokoda Bbeosi

Mayokoda mayokoda guarami mama yokoda Otoaraara

Mayokoda mayokoda guarami mama yokoda Elebute. Baba Otrupon Meyi: Ayebiotun Otrupon Meyi, ayebiosi jekua baba, eii lachoro eifekun toguanifa adifafun Shango. Suyere: Oi elese umbo Oi Awo kinshofo Oi elese umbo Oi Awo Kinshofo. Baba Otura Meyi: Kokoni puake aguoni puako adifafun imale nsala malekun malekun nsala Olorun angare adifafun imale. Suyere: Addere ifawo, ifa tiwo Imale, addere ifawo Ifatiwo imale. Baba Irete Meyi: Eyelemere akolemere aporoye amoni Ozun onibarabaniregun omo ifa oni awo akolemere Orunmila lorugbo. Suyere: Aik manigua, Aik manigua Onokibaku odideo, aik manigua. Baba Oche Meyi: Moloku tishe oshe, bara oshe moloku aguariye moluko adifafun Ozun oshe aladaye onibarabarinegun ifa molokun. Suyere: Shonshon Oluo, Yalorde mayao

Shonshon Oluo, Yalorde mayao.

Baba Ofun Meyi: Orangun Meyi, mafun Kafan Oshanla alaye Olofn Orangun ile mafun dorafun logua ni Shango ifa jecua baba. Suyere: Baba fururu ere reo Okanoo leribo eleriba Okasiba laguo, eyiberere Basibao eru aye yaguo Eyagualoro lese ekan.

OTURA NIKO OTURA NIKO ONIPO ONICO IKU ILLA ONICO OFO ONIKO OWO ONICUO OMO ONICO ARICU BABAGUA IRE UMBO .ODI FUMBO OKOKONIROKO ILE LACHARAYU IQUIDO ONI BABALAWO LODARFUN ELEMINI BARA SAGUN OBA TIOBA MOLLIN NIGURIN ERIN.