Description

Ustad Drs. Dr. Urdu Mr. Syed Maqsood Hasni kisi eak midan tak mahdood nahain hain. Rasael-o-Jaraed Akhbar ke elawa Inter-net par bhi oon ka kaam samnay aata rehta hai. Woh zindagi ko os ke tamam'tar hawaloon ke sath daikhnay ke qael hain. Yahi waja hai kah oon ke haan insan se gehri mohabat aur ta'alaq paya jata hai. Woh insani taqsim ke sakht khalaf hain aur Insan ko kisi bhi toor par taqseem karne waloon ko pasand nahain karte. Donyan ka koe bhi fard dukh dard takhlef ya mosibat main mobtala hota hai to woh dukhi ho jate hain ya koe bhi insan ko bai'hurmat karta hai to woh dard ki tasveer ban jatay hain.
Ustad Drs. Dr. Urdu Mr. Syed Maqsood Hasni chahte hain, insan ka her haal main ehtaram hona chahiay. Mein ne oon ke kuch Article inter-net se le kar eak jaga jama kiay hain. En articles ke madarjaat se kisi ko itafaq ho ya na'ho likin yah baat zaroor teh ho jati hai kah Ustad Sahib ke sine main her kisi ke liay mohabat aur aur os ki pira ke hawala se dard chopa howa hai Woh chahte hain, insan her surat main eak dosre kay qareeb aa'ae aur os ke dukh sukh main shamil ho. Omeed hai mairi yah na’cheez koshesh ahbaab ko zaroor pasand aa'ae gi.

Mohammad Abdullah Qazi
(PhD Isl Std., PhD Linguistics)