1.

HOLONG / KASIH / CINTA / LOVE

JOH.3:16 Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana. 1JOH.4:8 Halak na so marholong ni roha, i do na so tumanda Debata, ai haholongon do Debata. 1KOR. 13:4 Na lambas do haholongon i jala na sorta, ndang na mangiburu haholongon i, ndang tenga jala ndang dipaburnangburnang dirina.:5 Maradat situtu do haholongon i, ndang na ahut, ndang olo pangarimason, ndang dipajujurjujur na jahat.:6 Ndang las rohana mida hageduhon; alai tongtong do dihalashon hasintongan i.:7 Saluhut do ditanom rohana, saluhut do dihaporseai, dihirimi jala ditaon.:8 Ndang na olo salpu haholongon i. Ia panurirangon pasohotonna do, mansadi do nang angka parhataan, parbinotoan pe mansohot do.

 JOH.13:34 Patik na imbaru ma hulehon tu hamu: Naeng ma masihaholongan hamu; songon holong ni rohangku di hamu, naeng ma songon i dohot hamu masihaholongan. MAT.22:37 Jadi didok Jesus ma: Sihaholonganmu do Tuhan Debatam sian nasa ateatem, sian nasa hosam dohot sian nasa roham!:38 I do patik raja jala parjolo.:39 Alai dos do arga ni na paduahon on: Sihaholonganmu do donganmi doshon dirim! 3 SIHAHOLONGANTA : 1. TUHAN DEBATATA 2. DONGANTA 3. DIRI SANDIRI

2. SANTABI / MAAF / SORRY

1. UNGKAPON HASEREPON ROHA MAT.18:4 Asa na paoru dirina songon dakdanak on, i do na umbalga di harajaon banua ginjang i. MAT.23:11 Alai na sumangap sian hamu, i ma gabe songon naposomuna!:12 Ai sipaoruon do ganup na patimbo dirina; alai sipatimboon do na paoru dirina. 2. UNGKAPON ANGKA NA BASAR / RAMAH EF.4:32 Alai gabe na basar ma hamu sama hamu, angka parasiroha; masisesaan dosa ma hamu, songon panesa ni Debata di dosamuna di bagasan Kristus.

3. UNGKAPON SOSOL JALA PAUBAHON ROHA / PENYESALAN & PERTOBATAN LUK.15:7 Hudok ma tu hamu: Suman tusi do gumodang las ni roha di banua ginjang mida sipardosa sahalak, na olo paubahon rohana, asa mida siapulu sia partigor, na so pola paubahon rohanasida. 4. UNGKAPON TANGGUNG JAWAB MAT.12:36 Alai hudok ma tu hamuna: Ingkon maralus do jolma sogot di ari uhum i taringot tu nasa hata na so gabeak na hinatahonna i.:37 Ai marguru tu angka hatami do ho pintoranna manang uhumonna sogot

3. SESA / AMPUN / FORGIVE

MAT.6:12 Sesa ma dosanami songon panesanami di dosa ni angka na mardosa tu hami Mat.18:21-35 MAR.11:25 Alai molo jongjong hamu martangiang, sai sesa hamu ma, molo adong pangkurangi ni rohamu di halak, anggiat disesa nang Amamuna na di banua ginjang i salamuna.:26 Alai anggo so disesa hamu, ndang sesaon ni Amamuna na di banua ginjang i salamuna LUK.6:37 Unang ma hamu manguhumuhumi, gabe ndang uhumanna hamu! Unang hamu manorui, gabe ndang toruanna hamu! Palua hamu, gabe paluaonna hamu!

 LUK.17:3 Jamoti hamu ma dirimuna! Anggo dung mardosa donganmu, podai ibana; jadi molo dipauba rohana, sesa ma dosana i! :4 Jala molo tung pitu hali di na sada ari mardosa ibana dompak ho, jala pitu hali ibana mulahulak tu jolom mandok: Jora ma ahu, sesaonmu do! EF.4:32 Alai gabe na basar ma hamu sama hamu, angka parasiroha; masisesaan dosa ma hamu, songon panesa ni Debata di dosamuna di bagasan Kristus. 1JOH.1:9 Molo tatopoti angka dosanta, haposan do Ibana jala bonar, manesa dosanta jala paiashon hita sian nasa hageduhon.

 MAT.15:36 Jadi ditiop ma roti na pitu i nang angka dengke i, didok ma mauliate, diponggoli ma, diparlehon ma tu angka siseanna, jala siseanna ma mangalehon tu natorop. LUK.17:12 Laho bongot tu sada huta, pajumpang ma Ibana dohot sampulu halak na huliton, na jongjong mandaodao.:13 Dipagogo nasida ma soaranasida, angka ninna ma: Jesus, Guru! Asi ma roham di hami.:14 Jadi ninna Ibana ma marnidasa: Laho ma hamu patuduhon dirimuna tu angka malim! Jala di na laho i nasida, gabe ias ma nasida.:15 Alai mulak do sahalak sian nasida, dung diida, naung gabe malum ibana; dipagogo ma soarana mamuji Debata.:16 Dipatungkap do dirina tu jolo ni Jesus mandok mauliate. Jala halak Samaria do i.:17 Alai ninna Jesus ma mangalusi: Nda sampulu nasida naung gabe ias? Didia do na sia nari?:18 Ndang adong jumpang hape, na olo mulak pasangaphon Debata, dungkon ni halak dagang on?:19 Laos ninna ma mandok ibana: Hehe ma ho, laho ma! Haporseaonmi do paluahon ho (thy faith hath made thee whole)

4. MAULIATE / TERIMA KASIH / THANK YOU

 FIL.4:6 Unang holsohon hamu agia aha; alai sandok pabotohon hamu ma tu Debata pangidoanmuna marhitehite tangiang dohot elehelek mardongan mauliate! KOL.2:7 Gabe marurat jala pinauliuli ma hamu di bagasan Ibana, togu marhaporseaon, hombar tu na niajarhon tu hamuna; lumobi ma hamu marroha mauliate! 1TES.5:18 Mandok mauliate ma hamu siala saluhutna! Ai i do dipangido Debata sian hamu marhitehite Kristus Jesus.