JEJER AMARTA - Prabu Puntadewa

Swuh rep data pitana. Swuh werdine dadi, rep hanenggih swasana tentrem data hanggayuh, pitana luhur. Dadya tentrem lamun hangesti luhuring kagunan, punika sesanti purwaning carita kinarya hamiwiti pagelaran

wayangpurwa. Wayang pasemon sembahyang, purwa tegese wiwitan sasmita purwaning lelakon hing jagad gumelar, ingkang dhuk kunane Nabi Adam klawan ibu Khawa ingkang minangka lajering janma hamiwiti lelampahan hing madyapada. Adam cinipta saking anasir patang prakara, bumi, geni, bayu lan banyu, wondene ibu Khawa cinipta saking iga wekas nulya dadya jatukrama dumunung aneng swarga loka. Anyarkara nyarengi sang Adam Khawa karonsih, iblis ijajil ratuning
Sumber : Janturan Jangkep Wayang Purwo

panggodha sigra maeka srana woh Kuldi. Sang andon asmara gya kalimput handhahar woh memala temah kekalihira kadunungaken ing madyapada kinarya hamiwiti gesanging janma ing jagad raya. Mangkana sang Adam dhumawah ing tanah suci ibu Khawa manggen ing tanah Hindhi. Kalih ewu warsa gya pinanggih ing ara-ara Arofah, punika purwaning dumadi temah dadya kumrembyah putra wayah buyut klawan canggah. Anut ujaring kandha babaring serat Purwakandha pustaka Darya, Nabi Adam peputra Nabi Sis. Sis hanggarwa Siti Mulat nulya peputra Sang Hyang Nurcahya inggih Sayid Anwar. Nurcahya hanggarwa dewi nur Siti Saras nulya peputra tiga nenggih Darmajaka, Purbawasesa, Sanghyang Wenang

Jatiwasesa tuwin Sanghyang Taya Pramanawisesa. Syanghyang Wenang hanggarwa Dewi Saheti nulya peputra tiga nenggih Bathara Senggana,
Sumber : Janturan Jangkep Wayang Purwo

Bathara Heramaya tuwin Sanghyang Tunggal. Sanghyang Tunggal hanggarwa Dewi Rekathawati ugi peputra tiga anenggih Bathara Antaga, Bathara Ismaya tuwin Sanghyang Manikmaya. Sanghyang Manikmaya hanggarwa Dewi Umaranti peputra Bathara Pancadewa nenggih Hyang Sambo, Bathara Brama, Sanghyang Indra, Bathara Prabancana tuwin Sanghyang Wisnu. Sanghyang Brahma hanggarwa Dewi Saci nulya peputra Bathara Bremana, Bathara Bremani, Bethara Naricibrama dalah Sanghyang Niradhabrama.

Bathara Bremana hanggarwa Dewi Srihunon peputra Prabu Tritrustha. Prabu Tritrustha klawan garwa Dewi Widayat peputra Prabu Pcrikenan. Prabu Parikenan Dewi Brahmaneki peputra Resi

Manumayasa. Resi Kamunayasa Dewi Kaniraras peputra Raden Kalingga inggih Bambang Sekutrem. Sekutrem Dewi Nilawati peputra Bambang Sakri,
Sumber : Janturan Jangkep Wayang Purwo

Sakri klawan Dewi Sati peputra Begawan Palasara. Begawan Palasara lan Dewi Durgandini peputra Begawan Wiyasa. Baiyasa lan Dewi Ambalika peputra Prabu Pandhu. Prabu Pandhu lan Dewi Kunthi peputra panca witaradya ingkang sinebat Pandhawa. Anenggih para Pandhawa punika ingkang dadya lajering carita ing dalu mangke, label mangasrama aneng negari Amarta inggih sinebat Cintakapura, Batanakawarsa ugi awasta negari Kencanapura ya sinebat Indraprahastha. Pramila sinebat negari Amarta tuhu negari ingkang maweh daya hangasrepi ing kina tilas kedhatoning para jin Wanamarta. Winastan

Cintakapura karana rinengga sendhang sanga kinarya panggesanganing kawula ingkang punjerira awasta sendhang Cintaka nenggih srasane sekar pudhak. Batanakawarsa mengku werdi negari ingkang
Sumber : Janturan Jangkep Wayang Purwo

winangun sarana dresing karsa miwah adrenging cipta para satriya kang tulus ing jiwa utama. Pantes sinebat negari Kencanapura labet kekuwunge

mengku praba, prabaning pura pinatik kencana mulya turta jumenenging nata den sranani mawi sesaji Rajasuya. Sinebat Indra-prahastha mengku werdi prabaning pura kahyangan Indraloka. Negari Amarta binasakaken hamung sak eyuping blarak, nanging kasinungan sekar pudhak pramila sumrebak kumbuling asma, kuncaraning praja tuwin aruming bangsa dadya sekaring wicara. Aja ta lamak manungsa nadyan dewa, jin lan gandarwa samya sumuyud marang sang nata tan ginebag sarana bandawala muhung kayungyun dhateng wibawaning nata ingkang hambeg tulus ing jiwa utama. Dhasar negari Cintakapura dadya papan angemba pepasren ing

peranganing toya jawah, pramila sadhengah ingkang

Sumber : Janturan Jangkep Wayang Purwo

tinandur

awoh

kumrembyah.

Karangkitri,

tumpangsari klawan pari aglar ing sawah lamun cinandra kadya ombaking samodra kang lagya binelah. Kawula klawan gusti wus nyawiji samya hamusthi palupi ujaring pepali nenggih wewarah kina ingkang awasta Bhineka Tunggal Ika, Beda agama datan sulaya, beda penemu nora padu beda pemanggih tan gawe ringkih. Panti wiyata tinon ngrembaka kinarya

hanggtadhi para taruna, ing cipta dadya sarjana ingkang piguna tumraping bangsa tuwin negara. Panti usada datan kuciwa dadya sarana mbrastha wiyadi temah kasangsaya dadya nirmala panti budaya cinipta kinarya ajanging manggala kang sengsem dhateng luhuring kagunan, temah sembada hanjujung asmaning bangsa. Gisiking samodra dalah candhi tilaran kina kinarya papan pariwisata dadya panglipur kang nandhang karuna.
Sumber : Janturan Jangkep Wayang Purwo

Kaladuking panyandra negari Amarta lagya ngancik jaman kencana mila pantes kinarya sekaring carita binasakaken panjang, punjung, pasir, wukir gemah ripah, loh jinawi, karta, tata, tur raharja. Sinten ta ingkang ngasta pusaraning praja hangembat pradata luhur hing negari Amarta? wenang den ucapna dasanamanira sang narapati nenggih jejuluk Prabu Puntadewa, inggih sang Yudhistira, Darmaputra, Dwijakangka, Darmawangsa, inggih sang jejuluk Darmakusuma, Prabu ya Sadha sang

Anjathasatru

Gunatalikrama. Pramila jejuluk Prabu Puntadewa labet kadewasane sang nata wus sebabag klawan darajating para dewa. Yudhistira yekti narendra bawa leksana lire netepi pangandikane turta wus mumpuni ing olah prang suci. Darmawangsa mengku werdi sinuyudan para brahmana, wasi lan wasupitri. Darmakusuma lire lelabetanira datan pinetang
Sumber : Janturan Jangkep Wayang Purwo

parandene legawaning sang nata tetep hangambar pindha gandaning sekar. Darmaputra sang nata pinundhut putra dewaning sesanggeman nenggih sanghyang Bathara Darma. Pramila jejuluk Sadha Dwijakangka punika dadya pepenget duk lahirira anyarengi lampahing mangsa rolas. Anjathasatru mengku werdi narendra ingkang datan handarbeni mengsah, kepara merdika sugengira lila ing lara legawa ing pati. Wondene jejuluk Gunatalikrama karana sang nata bangkit hanangsuli reh ing tatakrami, tan arsa ngendika lamun sabdane datan piguna tumrap yuwananing bawana. Anyarkara nyarengi mangsa Palguna, windu Adi wuku Sinta, nuju hari Respati sang nata Prabu Puntadewa kepareng miyos siniwaka lenggah

dhampar kumalaretna, sesemek babud awarni sindura pinulas cakrik kukila tinepi renda mas pinetha sekar rinonce. Kongas mangambar gandaning sekar miwah
Sumber : Janturan Jangkep Wayang Purwo

lisah kesturi mangambar ngantos dumugi hing pangurakan, wiyosing sang nata ginarebeg abdi bedhaya srimpi, biyada manggung ketanggung, jaka palara-lara ingkang samya hangampil rengganing upacara keprabon. Sampet busananing sang

srinarapati nenggih hangrasuk busana kadewatan peparinge Sanghyang Darma awasta gelung keling kinancing kencana sinangling, sumping rukmi pan sawuli, anting-anting maniking tirta, paningset cindhe puspita, nglambung wangkingan warangka ladrang kandelan kemalon rekta. Sirna

kamanungsane sang nata pindha Sanghyang Darma ngejawantah kahayap para hapsari. Rep sidhem premanem datan ana janma

nyabawa, ingkang kapyarsa hamung swantening abdi gusali, mranggi, gendreh lan kemasan kang lagi makarti, pating carengklang pating carengkling imbal gantya hamandyaraga lir ungeling cengger retna.
Sumber : Janturan Jangkep Wayang Purwo

Sedaya nora saru kepara dadya renggep asrining panangkilan. Lah sinten ta ingkang nata? kepareng caket

munggweng

ngarsa

Katingal

hangaglah

ngregemeng yayah lintang bimasekti, anenggih punika kadang nata satriya Unggul Pawenang sang panenggak Pandhawa kekasih raden Wrekudara, Bratasena, Kusumayuda, Wijasena ya sang Bima, Wayunindya, Gandawastratmaja, Bilawa inggih

kekasih sang Jayalaga. Gagah prakosa birawa sembadeng warna turta dadya saka guru tetuwaking sirap kedhaton Amarta. Sumambung sowanira sang panengah nenggih Dyan harjuna, Janaka, Premadi ya sang Pamadhe, Setyamargana, Dananjaya, Wibatsuh, Anaga ya sang Mahabahu. Datan kantun tinon pasebanira warujuning pandhawa wingking saking kasatriyan Sawojajar tuwin Bumiretawu Dyan

Nakula miwah rahadyan Sahadewa. Kekalihira

Sumber : Janturan Jangkep Wayang Purwo

katingal konjem denira sumewa wadana tumungkul ngentosi sabda timbalaning nata. Dupi wus sawega denira para kadang ngabyantara, Prabu Puntadewa nulya paring dhawuh, mangkana ruruh aris sabdane sang Yudhistira.

Sumber : Janturan Jangkep Wayang Purwo