23

51

29.12.2013

Editor Jt. Ed.

: C. Lalmuanpuia 8014125196 : J. Zosangliana 9862614890 : K. Lalremruata 9862385971 8575710867 8014764717

News Ed. : Lallawmkima : Zodinsanga

Cir. Man. : All Section Asst.Secy

Y M A ch u t a n p u i n ga i t e t a n p u i t u a ni Manager : R.Lalchhuanliana 9862418894 CHAMPHAI VENGSANG BRANCH Y.M.A CHANCHINBU KAR TIN CHHUAK ( Chawlhni apiangin ) Hall Ph. 234336

Kum 2014 chhung atana Vengsang Branch YMA hruaitu turte thlan ani.
The Vengsang, 29th December, 2013 Vengsang Branch YMA Committee Vawi 8-na in a lo rel tawh angin, Vengsang Branch YMA Office Bearers turte chu tluang takin ni 27.12.2013 (Zirtawp zan) hian thlan chhuah an ni. Inthlan zan hian Secretary/Finance/ Audit report ngaihthlak ani. Inthlan hi President nilai Pu R. Lalchhuanawm an a kaihruai a, Pu C. Vanlalchhuanga, Br. Treasurer in Pathian hnenah inthlan programe a hlan hnuin Pu C. Chalthangan kum 2013 chhunga kan member pui thite tan sunna hun a hmanga. Kan member pui boral kan sun tak te hi an chhungten an lo tawiawm tha hle ani :1. Tv Lalropuia, V. Sec - Kum 19 (Th. Ni - 11.1.2013) 2. Tv. Lalengkima, N.Sec - Kum 19 (Th. Ni - 19.10.2013) 3. Pu Zonuntluanga, K.Sec - Kum 25 (Th. Ni - 7.11.2013 Sunna hun hman zawh hian kum 2014 chhunga hruaitu turte thlan nghal ani a, member 96 in kan thlang a. Inthlan min buatsaih sak tute chu- Pu C. Chalthanga (Returning Officer), Pu C. Zohmingthanga (Polling Officer), Pu K. Zohmingliana (Polling Officer) leh Pu J. Ralkulhtawna (Recording Secretary) te an ni a. An ni hnuaiah hian heng hruaitu tha tak tak te hi thlan chhuah an ni. President V. President Secretary A. Secretary Treasurer F.Secretary Pu Hmingthansanga Pu R. Lalchhuanawma Pu C. Zohmingliana Tv. JC Lalrammawia Tv. F Lalthanmawia Tv. Zodinpuia

Branch / VC News/Tualchhung VC hmalakna kal mek te : ** Kum 2014 chhung atan tlangau hna thawk duh tan tlangau hna a dil theiha, dil duh chuan VCP hnenah ziakin Dt.29.12.2013 ral hma in dilna hi thehluh tur a ni e. ** Exise Office atanga Pu Lalchhuana in panna kawng laih zau ( Widening) chu zawh fel a ni ta. ** Pu Lalremliana leh Pu H. Vanlalzaua (Vawmbal road ) te in inkar step chu kan VC hmalakna a siam that a ni.Heihi BDO lamin kan veng VC te hna an thawh that avanga lawmman atana min pek a ni. ** Hopital road Thlanmual hnuai atanga Melveng peng thleng panna kawng laih tur chu kum thar veleh tan tum a ni. ** Pu B Ramluahpui in atanga Pu B Thanchungnunga(L) in panna kawng Slap chhun chu chhunzawm tum ani a, tunah hian hmanrua te thlengkim tawh in Kumthar lo awmtur remchang hmasa ber ah thawhtan ani ang. ** Ui .leh Ar pawn chhuah khapna kha sut ala ni lova, chuvang chuan chhungtin te mahni ranvulh khuahkhirh tha a midang te tana harsatna siam lo tur a ven theuh tur ani e. atan sound system lei ani. - Thilpek : Branch in thilpek a dawng nual a. Mitthi chhungte atang leh kan MLA Pu TT Zothansanga hnen atangin kan dawng. Branch report a zawh hian branch finance report leh section report ngaihthlak ani a. Heng report hrang hrang branch finance report, section secretary/finance report leh audit report hi Special Issue ah a hlawm a tihlan ani.

Vote tla chhiar chhung hian report hrang hrang hetiang hian ngaihthlak ani. 1. Branch Secretary Report : Pu C. Zohmingliana hnen atangin secretary report ngaihthlak ani a. A tlangpui chu hetiang hi ani. - Kumin 2013 chhunga Branch YMA member zat chu hetiang hi ani. Section Mipa Hmeichhia Total * Chawngbawla Section 49 27 76 * Taitesena Section 136 50 186 * Khuangchera Section 158 56 214 * Neuva Section 175 100 275 * Vanapa Section 206 101 307 G. Total : 724 334 1058 - Executive Committee member - 45 - Committee neih zat -8 - Mitthi neih zat - 16 - Ruang chhuak -8 - Member nupui/pasal nei -7 - January 18, 2013 ah Chawngbawla Section siam belh ani a, Branch Project

AGENTS : Lalramchuana Keihfang Tlang, NEUVA Sec.: Peka, Zarzova, Sang sangi, Zoremi, Hmangaihi. TAITESENA Sec. : Rammawia, Chama, Hriatpuia, Rinpuii VANAPA Sec. : Moses-a, Melody-i, Nununi, Emily, Hmingsangi,Hriatpuii KHUANGCHERA Sec. : Zaia, Huna , Rammawii, Mamawii

EDITORIAL
KUMTHAR KUMTHAR Engangin nge kum thar lo thleng hi kan nghah a, kan lo hmuah le? Mi tam tak chuan ni thar dang ang bawk a ni. a danglamna a awm lo ve. Ni a lo chhuak a, tlai lamah a tla leh ang a, danglamna reng a awm lo ve, an ti a ni mai thei. Zep nak emaw, hun thuhmunah cheng mah ila, a then lawma vanduai tih ang maiin he hun tharah hian kan boruak tawn leh hman dan a inang lo hle dawn a ni. A lawmawm zawng emaw, a beidawnthlak zawng emawa thlirtute pawh kan awm ngei ang. Hlim leh lawm taka beiseina thar nena he hun hmuak mektu; zirna kawngah emaw, thlawhhma lamah emaw, eizawnna lama hlawhtlinna thar avanga hlim taka he hun thar chuangkaite kan awm a nih pawhin kan lawmpui che u a. Duhsakna kan hlan che u a ni. Chutihlai chuan vanduaina chi hrang hrangin a chenchilh leh a tlakbuak avanga lungngai tam takte pawh kan awm ang. Heng mi chi hnihte hnena ka sawi duh chu beiseina a ni. Pathian lam hawi la, beisei tlat la, lawm rawh, tiin kan infuih duh a ni. Tuna i hun tawn meka kha i awm hlen dan tur a ni lo. Vanduaina i chungah a thleng emaw, lawmna nen hun i hmang mek a nih pawhin, kha kha kumkhuaa i chan hlen tur a ni lo. Nipui, fur, favang leh thlasikte a inthlak zel ang hian mihringah lungngaih ni leh tah ni-te awm thin mah se, lawm ni leh hlim ni-te a lo inherchhuak leh thin. Khawi zawk emaw chauh pawh hi thlangin auh din tum mah ila, kan au ding zo dawn chuang lo. Chuvang chuan hei hi i hria ang u - Engkim in ta a ni si a, titu Pathian chuan kan lawm pawhin, kan lungngaih pawhin kan tan heng hun hi a thlentir a, fel taka buk dik sain kan chungah hian a thlentir a ni tih hi i hre reng ang u. He kumthar hi engang boruak pawhin lo hmachhawn ila, kan thatna tura Pathianin min thawhsak a ni tih i hre

Kar hmasa chanchinbu a chhuah loh avangin Branch kumtawp committee thurel hrang hrang tarlan leh ani. 1. Hall hman(hire) man hi ni 1 ah cheng sangkhat ni tawh se, hei hian kum 2014 in a tih danglam loh chuan hman zel tur ani ang. 2. Champhai Cable TV Operator ten Zualko te minlo chhuahsak thin avangin CCN leh LCN Operator-te thingpui innan Cheng 500/- ve ve pek tum ani. 3. Hospital Poor fund-ah cheng sangkhat pek tura ruahman ani. 4. Vengchhunga tanpui ngaizual bik tanpuina turin cheng sangthum ruahman ani. 5. Krismas leh kumthar ruai mipui ten hlim tak leh thlamuang taka kan theh theih nan vengchhung duty ruaitheh laiin insiam ani. LAWMTHU SAWINA
Tun Local Tournament Kan neih zawh tak ah khan harsatna liantham em em awm lovin tluang taka neih zawh theih ani a, Player tel zawng zawng chunga leh Veng mipui te tawiawm na ah lawmthu kan sawi a. Nu leh Pa ten kan fate phaltaka Tournament in lo teltir avangin lawmthu kan sawi tak meuh bawk ani. Tin he Tournament hlawhtlin theih nana L awmman min tumsak tu Dr.Lalbiaktluangi(Nupuii) M edical Superentendent, District Hospital, Champhai chungah Lawmthu kan sawi mawlh mawlh bawk ani. President, Sd/(RAM BUATSAIHA CHAWNGHLUT) Secretary, Sd/(C.L A L M UA NPUI A )

Branch/Section News/ Sporting Club

* Kumthar lo awm tur ah a hma thei ang berin Football Player(Registered) te tan Screening Second Division atanga First Division kaina atan neih tur ani a, hemi avang hian veng chhung player te theih ang ang a lo in hmakhua a mahni taksa te lo in la Fit a lo in ruahman lawk turin kan in hriat tir ani. thar zel ang u. Hla siamtu chuan..
I chungah khua lo durin ringhlel suh la, Pathianin engkim chungah ro a rel a, Khaw dur, khaw thiang nen lei a lo tha si. Mihring siamthat nan khaw dur a ngai a ni

a lo ti a, Vanduaina nia kan hriat kan chunga a lo thlen pawhin kan thatna tur a ni tiin ngai ila, Pathianin min theihngilh ngai lo a ni tih Isaia 49:14-in a sawi angin Pathianin a mite min theihnghilh ngai lo tih chiang takin kan hmu a ni. Beidawnna hi Setana hmanraw hlauhawm ber a ni thin a, Mi beidawngte hi an khawngaihthlak a, mahni nunna lak duh hialte pawh an lo awm tawh thin a ni. Setana buma awmte tan rah tha chhuak tur a awm lo. Chuvangin beiseina kan neih hi a pawimawh tak meuh meuh a ni. Pathian beisei rawh. Lalpa lam hawi la, beiseinaah lawm rawh tih hi kumthar thuchaha kan infuih duhna chu a ni. He kum thar bul kan tan mekah hian kan dinhmun chu engang pawh ni rawh se, kum thar min hruai thlengtu kan Pathian hian chakna thar min pein min tiharh ang a, lawmna thar min siamsak thei a ni. He hun thar lawmawm hi beiseina thar nen, Lalpaa rinna nghet tak nei chungin i chhiar tan ang u. He khawvelah chauh ni lo, khawvel lo la awm leh turah pawh beiseina nung hmu turin min hring a, chu beiseina nung nen chuan kan hmalam i thlir zawk ang u.

CH AM PHAI VENG SANG CHANCHINB U KAR TIN CHH UAK. A MAN TH LA KH ATAH Rs 10 /-

President Secretary Treasurer

: : :

R. Lalchhuanawma (9862530551) C. Zohmingliana ( 9862533342) C. Vanlalchhuanga (9862775452)

Vice Pre : Asst. Secy : Fin. Secy :

Hmingthansanga ( 9862713079) C.Lalmuanpuia (8014125196) F Lalthanmawia (9862506254)

Ngaihdan Huang
# Kumin kan vengin kawn kan cheilo

HRISELNA HUANG
INSOMNIA (MUT THEIH LOH)

chu a khawhar thlak khawp mai. Kum dangah pawh Champhai ah na na chuan a chei mawi ber mai kan han hawihai hi chu a pamhmai mange. Kum tharah chuan vengdangte tihdan ang deuhin kawn chei hi VC leh YMA kutah awm ta law law maise a va tha dawn em aw. A theih phei chuan Vengsang Kohhran nena tangkawpa chei thin tawh nise Kum thar ah chuan kawn cheimawi ber ni turin tan i la leh sauh sauh ang u. -Kawnchei ngaina a.
# Kum 2014 kan veng branch YMA

Puitling 30-50% hian mut theihloh lai hun kan nei theuh a, 10% phei hi chuan a benvawnin mut har kan ti a ni. Insomnia hi a tihbuaia tan chuan thil hrehawm deuh a nia. Mut a har a, chhunah mi a tizawi a, mut a tichhuak a, zing thawh pawhin kan harh vak lo. Tin, taksa a tichak lo a, natna kan kai hma bik a, BP sang leh zunthlum tan phei chuan a thalo bik a ni. A chhan awmthei:1. Lungkham luat neih (anxiety) 2. Zu (alcohol) 3. Kum upa 4. Caffeine (thingpui/coffee) 5. Natna kaihhnawih (thyroid natna, rilru lam natna) 6. Damdawi thenkhat Engtin nge ni ang? 1. Zanah thingpui/coffee in suh. I in pawhin zantir lamah ni se. 2. Zantin a hun ngaiah mu ziah la. A tirah chuan i mu lawk lo mai thei, a rei deuh ang a, i thluak a in siamrem mai ang 3. Nitin exercise la thin rawh (minute 10 lek kal pawh ni se) 4. Mut hma, darkar chanve tal TV en suh 5. Tui lum pepin inbual rawh 6. Bawnghnute lum (thlum loh) in 7. Room hawng thawveng rawh 8. Lehkhabu chhiar rawh 9. A chhan bik a awm chuan ngun taka chhui chian tur, a tul chuan doctor rawn la 10. Mutna damdawi hi chu a tul fe loh chuan hman miah loh tur
TIN LUT

hruaitu tur te kan thlang chhuak leh ta, a lawm awmin kum dang aia kan veng hruaitu te hian hma an sawn ngei theih nan kan za vaiin i thlawp leh sauh sauh ang u. A bik takin Mithiina tlaivar, Khawharin kal, Khawhrin riah, thlan laih, Mithi buhfai khawn leh hnatlang te hi kum dang aia koh chhuah awl zawk leh inpe zual sauh sauh turin Member tin ten tan i la thar sauh sauh ang u. -Veng chhung hmangaiha. #Kumin hian kan vengin Rih Dil tlawh tura Mizoram chhung hmun hrang hrang atanga lokal ( a bik takin School naupang) mikhual kan ngah thei hle, a lawm awmin kan Branch tan sum luhna hnar tha tak a ni. Hetiang zel a nih chuan kum dangah pawh an tam zel ndawn niin a lang . Chuvang chuan kan veng Hall hi mikhual thlen tam zawk theih nan kumthar ah chuan i ruahman tawh ang u. chung zingah chuan kan mamawh ngawih ngawih Thing leh Toilet tam zawk kuminah chuan lo neih belh hi a tha viau lo maw kan veng Hall hi vengdang Hall aiin rangbawl theihna leh a huhoa riah theihna nei tha ber pawl kan ni sia. - YMA Hall tha duh a. #Kum thar 2014 ah chuan kan veng hi ruihlo awmlohna veng ( Dry area) ah puang ngam turin kan hruaitu ten tan han la se . Veng mipui te hian kan thlawp that ka van ring em. Veng hlun leh nuam takah kan veng hi kan siam theihnan vengchhung mipui te hian tan i la thar zel ang u. - Dry Area beisei a.

Kezungpui tin lut hi an tam em em mai a. A na-in khum beh pui tham tak tak a ni si lova, pheikhawk bun leh ama na hi a hrehawm a ni mai a, hnai te hial pawh a siam thei thin. Hei hi zai a nih pawhin a zai dan thiam ngei zai tir a ngai thin. Orthopeadic chan deuh a ni a, tam takin an ke tin an lo pawh chhuah sak ringawt thin a, hetianga tih hi a zai dan tur a ni lova, a sir ve ve (a luhna lai) hi zai thlak a, a rawn tona thlenga zuk tih chhiat a, paih vek a ngai a ni. Anih loh chuan tin thar a lo to a, a ngai te bawkin a awm leh thin. Chuvangin a lai tin zuah tho siin, a sir lehlam ve ve a tona lai kha zuk tihchhiat a ngai ta a ni. Tin an nei dawn tho a, mahse a lut thin lai kha a to ve theih tawh loh chuan a lut tur a awm tawh lova, a dam mai a ni. Chuvangin hetiang ketin lut i nei anih chuan a thiam ngei pan la i dam thei ang. Vanduai phei chuan natna hrik a lut a, a pun vak thei thin. Hetiang atanga Tetanus veia thi pawh vawikhat chu ka hmu tawh a, ngaihpawimawh a ngai a ni. Tin, abikin hmeichhia-ah hian kezungpui leh ke ruh inzawmna lai pawng bawk luau hi a tam mai a, a bawk a lian telh telh a, pheikhawk bun a harsa a, a nalh lo bawk. Hetiang hi Metatarsalgia kan ti a, zai dam theih a ni. Hetiang ang nei hrehawm taka lo pu ve reng i nih chuan ruh lam Doctor-te rawn la, an lo siam ngil sak thei ang che. Thil ho te anga lang si, nun tibuai tlat hi chu siam theih anih chuan siam that vat a tha.

VENGSANG BRANCH YMA DIN TAN KUM: 13th OCTOBER 1946

YMA CHANCHINBU CHHUAH TAN KUM : 1991 ENGLO HUANG(Krismas Issue) !!!

HIV/AIDS ENGTIN NGE NI ANG ?? Kum 2000 hmalam kha chuan HIV/AIDS awareness chu inhlawhna leh sum siamna tha tak, AIDS vei/HIV+ve te chu sapram lama natna, khirhkhan tak leh tihdamna awm lo zofate tan chuan hlauhawmna em em pawh nei chuanglo niin kan hria a, he lam buaipui a thawk NGO te chu, sum um vang leh sum siamna tha ni in kan ngai mai thin a nih kha. Engpawhnise, kan lo hmelhriat tawh dan lam chu kan chhui zui lemlo ang a, amaherawhchu, vawiina ka han thai lan ve leh nachhan chu tunhma lama kan lo ral thlir natna khirh tak tihdamna awmlo ruihhlo ngaite leh mipat hmeichhiata awm eu te natna vei thin tih ngawt kha a ni satliah tawh lova. Kan vengchhungah meuh pawh kutchang thliak a chhiarsen loh kan lo awm ve ta a, mi tam takin kan inchhungah ngei (hre reng chung emaw hre lemlo pawhin a ni awm e.) kan chenpuiin kan mutpui ve reng hlawm ta a ni. HIV/AIDS langsarlo taka mizote eiral mektu: Kum 1990 October thla atang khan mizoten HIV pai kan awm kan inhrechhuak tan a, kha hun atang khan vawiin ni thlengin kan ramah min thutchilhin zofate min suat ta zel a. MSACS record a a landan chuan kiam lam aiin punbelh lam hi a la ni ta zel lehnghal a. May 2011 thleng a HIV hrik pai leh pailoh in test te chu mi 1,48,982 lai an ni tawh a, chung zinga mi 5,782 te chuan HIV hrik an pai (HIV positive) a ni tih hmuhchhuah a ni a, AIDS avangin mi 216 te phei chuan an nunna an chan tawh nghe nghe a. Mipat hmeichhiatna hman avang ringawtin mi 1,712 in an kai a. May thla bik a thisen test zat hi mi 4,742 an ni a, chung zingah chuan mi 132 hrik pai thar hmuihchhuah an ni. May thla chhungin ni 31 a awm a, chuti anih chuan nitin mi 4 chuangin HIV hrik an kai mek zel tihna a ni. Tin, HIV hrik pai thi tam tak te hi natna hmingdang (entirnan; septicimia, TB etc) hian an thi na sa hle a heng vang te pawh hi a ni ang AIDS avanga thi tih record hi a san lutuk lem loh. Hetianga Record/Statistic han en mai hi chuan kan la tam lutuk lo ve te pawh a tih theih awm e. Amaherawhchu, zir mite chuan HIV hrik pai 1 hian a dam chhungin a vel ah mi 10 tal a kai darh thin tiin an chhut a. Hei vang hian kan dinhmun hi a ralti hle a, chuvangin, HIV & AIDS hi langsarlo taka mizote min eiral mektu a ni tih chu kan chhut thiam awm e. Enge HIV/AIDS chu: kan hre theuh tho chuan a rinawm a, mahse tawite in kan sawi nawn lawk ang, HIV chu hrik te tak te mit lawnga hmuh tham loh mihring thisena natna hrik dodaltu thisen sipai eichhetu a ni. HIV hrik paite hi HIV positive tiin an sawi bawk. AIDS chu HIV hrikin thisena natna hrik dodaltu thisen sipai a eichhiat viau tawh hnua zalen taka mihringa natna hrik lo lutin natna a rawn thlen, tihdam sen loh khawpa natna / tihdam hleihtheih tawhloh a natna hrang hrang an lo kai thin hi a ni. Tichuan HIV leh AIDS tih chu thil thuhmun reng a lang si mahse hrang si a ni. HIV hi boruaka hrileng a ni lo a, boruakah a darh thei lova, ruang kil, lumen, inlenpui atangin kai theih a ni lo a, mihring taksa lumah chauh a awm thei a ni tih hi a tawi thei ang bera sawifiahna a ni awm e. A Inkaichhawn dan thlangpui: Mipat hmeichhiatna (sex), Inchiuna hriau thianghlimlo inhman tawm (blade te pawh a huam tih hria ila), thisen thianghlimlo inpekchhawn (pem/kak atanga midang thisen thianghlimlo kai te pawh a huam), nu HIV hrik paiin a naupaiah a kai chhawng thei bawk. Heng bak atanga inkaichhawn hi vawiin thlengin khawvelah hmuchhuah a la ni lo. Heng a kaichhawnna kan han sawi atang hian a kai loh theih dan leh kan him theih dan chu ziah lan ngai lovin kan hre thei theuh mai awm e. Tlangkawmna: HIV/AIDS chungchang hi tumkhat a ziah zawh sen rual anih loh avangin tun tum atan chuan a hmawr kan sik pilh hlek chauhvah ngai mai I la. ka han tarlan duh ber zawk erawh chu kan vengah hian he natna hi a khual ta lutuk bik lo e tih hi a ni. Chuvangin, nasa zawkin helam hi kan buaipui a, kan thangtharte tan a veng nuam leh him kan siam theih nan a hma kan lak takzet hi a ngai ta a ni lawm ni? Tih hi a ni.

# Kumin Krismas zet chu kum dang

zawng aiin a nuam e. Ka savate pawh hmunpui lam atangin a lo haw bawk a. ruatheh pawh a nuam khawp mai. Ha Ha !! - Lal B-i a T. Sec. # Krismas hi kei ni aia hmang nuamlo hi an awm pawn ka ring lo. Hritlang ,luna leh hnap tawlh nen, thil dang nen etc, etc hi a ni ringawt mai. A pawi love kum hlui thah zan atang chuan a ziawm deuh tawh ang a dam te hi han hauh phawt zel i la. - Dingte-a, Puite-i N. Sec. # A 2 leh 4 rualin kei pathlawi Virgin hian urlawk zan chu kan hmang liam ve chu a ni a. Kum hlui thlah nan chuan Biakin lamah kan tal tam deuh tawh teng. Ka harh chhuak ta. - Zoramchhana V. Sec. # Bethlehem Night kan hman zan zet kha chuan KTP best boy chu ka ni ve chiang khawpin ka hria. Hlazir leh inkhawmtha lawmman leh male super model kan la leh zel kha chu a nuam duh ve khawp mai, KTP programe zawhah pawh Arkan pui tur leh Cigrate min khilai tum an in dawt zut bawk si, Ahai Hits Tops! Kei aia hmang Hits tawp hi chu an awm kher lo ang. - Jimmy Luahtea, T. Sec. # Hetia Sunday sikul zirtirtu a han luh ve takah chuan ......hmmmm ka nunhlui te pawh kan kal san zel mai a niang chu, heti lo zawng hian min ko se chu ka tan pawh a ziawm deuh tur. Kum thar zawng Apointment thar nen chanvo hlen chhuak turin kei michaklo hian tan kan la ve sauh sauh teh ang. - Michaela V. Sec. # Mahni khua a Masi hmang tura han haw ve pawh hian hmanpui tur vel hi chu an vang ve duh khawp mai. Kum hlui thlahzan tal chu hmanpui tur neih ve tum char char teng. Ka hawi mai mai tawh biklo ang.. - Ruatpuii V. Sec. # Puzawn te lalna lampanga Krismas han hman zet chu a nawm dan a dangdai rut mai. Nikum lampanga kan hman hoh ve theih nen nen, helamah chuan mithianghlim anga awm a ngai tlat mai. - Dova, to be Serchhip VCP

VENGSANG BRANCH YMA : CHAMPHAI 2013 FINANCE ACCOUNT AUDIT NOTE

1. Branch YMA : 2012 Closing Balance 2013 Total Receive Grand Total Total expenditure Closing Balance 2. Chanchinbu Vengsang : 2012 Closing Balance 2013 Total Receive Grand Total Total Expenditure Closing Balance 3. Chhiatni Fund : 2012 Closing Balance 2013 Total Receive Grand Total Total Expenditure Closing Balance Deficit 4. Vanapa Section : 2012 Closing Balance 2013 Total Receive Grand Total Total Expenditure Closing Balance 5. Neuva Section : 2012 Closing Balance 2013 Total Receive Grand Total Total Expenditure Closing Balance 6. Khuangchera Section : 2012 Closing Balance 2013 Total Receive Grand Total Total Expenditure Closing Balance : : : : : Rs. 3,014.00 Rs. 2,17,615.00 Rs. 2,20,719.00 Rs. 1,55,813.00 Rs. 64,906.00

: : : : :

Rs. 1,04,21.00 Rs. 33,350.00 Rs. 43,771.00 Rs. 36,175.00 Rs. 7,596.00

: : : : :

Rs. 6,054.00. Rs. 1,35,700.00 Rs. 1,41,754.00 Rs. 44,433.00 Rs. 2,679.00

: : : : :

Rs. 12,073.00 Rs. 21,269.00 Rs. 33,342.00 Rs. 19,547.00 Rs. 13,795.00

: : : : :

Rs. 13,950.00 Rs. 25,438.00 Rs. 3,988.00 Rs. 17,258.00 Rs. 22,130.00

: : : : :

Rs. 5,908.00 Rs. 11,585.00 Rs. 17,493.00 Rs. 13,805.00 Rs. 3,688.00

7. Taitesena Section : 2012 Closing Balance 2013 Total Receive Grand Total Total Expenditure Closing Balance : : : : : Rs. 7,917.00 Rs. 20,225.00 Rs. 28,142.00 Rs. 13,175.00 Rs. 14,967.00

8. Chawngbawla Section : 2013 Total Receive Total Expenditure Closing Balance : : : Rs. 39,250.00 Rs. 19,415.00 Rs. 19,835.00

NOTE : 1. Kan sum enkawlna ah a enkawltute an fakawm hle mai. Heti chung hian hei aia taimak hi a tul hle ani. 2. Accounts head hrang hrangah Taitesena section an che fel ber a, sawisel tur a awmlo, entawntlak tak an ni. 3. Voucher hi account bu kara zep mai mai kan tam a, hei hi sim ila, file hran in fel taka chilh khawm hram hram tawh nise a fel lehzual ang. 4. Kumhlui closing balance aia tlem daiha kumthar account ah opening balance ziahluh hi a awm a, hei hi thil fello leh sum hmanna ziah awm silo anih avangin sum bo a awm tihna ani. 5. Thla tawp a account closed ah hian Finance secretary-in signature pek hnan hram theih nise a tha khawp mai.

Sd/(J. RALKULHTAWNA) Auditor 2013

Sd/(LALTHLANTHANGA) Auditor 2013

Sd/(LALRINSANGA) Auditor 2013 KEIMAHNI :

Sd/(K.V LALBIAKTHANGA ) Auditor 2013

Tuna vengsang chanchinbu hi kum 2013 atana chhuak hnuhnung ber tur ani ta mai a. YMA hmalakna lehzel tura chanvo huphurhawm tak takte chang thar leh chang zui zel te kan awm ta nual a; heng mawhphurhna neitu te hi Pathianin hriselna tha pe in theihtawka tan an lak theih nan finna pe bawk se. Veng mipuiten kan chanchinbu tlawm te minlo hlutsak thin avang te hian kan lawm em em a, kumthar 2014 ah damtakin kan in hmu leh dawn nia.