ipinagdiriwang taun-taon. Ang selebrasyong ito ay isang
paraan ng pagbibigay-pugay sa Wikang Filipino bilang Wikang Pambansa.
Binigyan ito ng tuon sa pamamagitan ng pagdaraos
ng programa na nilalahukan ng mga guro't estudyante. Dito naipapakita ang iba't ibang patimpalak na naglalayong maipapakita ang mga talentong taglay ng mga mag-aaral.
Ang temang "Maraming Wika, Matatag na Bansa,"
ang siyang nagbigay kahulugan sa pagdiriwang.
Ang unang bahagi ng programa ay sinimulan ng isang
doxolohiya na sinundan ng pagkanta ng Lupang Hinirang at Sagay Hymn na pinangunahan ni Paulyn Barrientos.
Nagbigay ng kanyang pambungad na pananalita si
Gng. Bella Balandra, puno ng Department ng Filipino. Nagbigay rin ng isang mensaheng puno ng inspirasyon si Gng. Ma. Theresa Q. Bingcang, punong guro. Sinundan ito ng isang nakakabighaning sayaw mula sa Balangaw Dance Troupe. Matapos ang sayaw ay nagsimula ang ikalawang bahagi.
Sa ikalawang bahagi ng programa masaksihan ang
iba't ibang patimpalak. Bago ito sinimulan ay binasa muna ni Gng. Jonnah Gargarena ang mga batayan sa iba't ibang kategorya na sinundan ng pagpapakilala ni G. John Bernal sa mga inampalan.
Nauna ang paligsahan sa pag-awit. Sinundan ito ng
Doble Kara at ng paligsahan sa makabagong sayaw. Meron isang kinatawan ang bawat taon. Naipamalas dito ang galling ng mga mag-aaral sa larangan ng pag-awit, pagsayaw at pagpapatawa.
Nagwakas ang programa sa pagpapahayag ng mga nanalo sa
bawat kategorya na isinagawa ni Gng. Bella Balandra.
Sa pamamagitan ng programang ito ay naipapamalas ang
pagpapahalaga ng mga mag-aaral sa mga talentong bigay ng ating Panginoon. Natututunan din dito ang tamang pag-uugali na dapat taglayin ng mga nanalo at natalo sa patimpalak at higit sa lahat nabaliktanaw na naman nating muli ang mga kulturang taglay nating mga Pilipino lalo ang pagpapahalaga ng ating sariling wika ang Wikang Filipino.
Taun-taon ay ipinagdiriwang ng paaralan ang pagkakaroon ng
sariling wika at ang katatagan ng Filipino bilang isang pambansang wika. Nagbabalik-tanaw tayo sa mga panahong nagpaunlad at nagpatibay sa ating wika. At isa sa mga programang nakatuon sa pagpapaunlad nito ay ang Tagisan ng Talino sa Wika at Panitikan.
Alinsunod sa DepEd Memorandum Blg. 265, nagkakaroon ng
Tagisan ng talino sa Wika at Panitikan. Ang Departamento ng Filipino ang siyang nangunguna sa pagsasangkatuparan ng paligsahang ito.
Ang tema ng pagdiriwang ay "Maraming Wika, Matatag na Bansa".
Mayroong tatlong kategorya ang isinagawang tagisan: ang tagisan ng talino, talumpatiang di-handa at malikhaing pagsulat. Ang mga nanalo sa bawat kategorya ay ang magiging kalahok ng paaralan sa Rehiyunal na Tagisan sa wika at panitikan.
Mula sa iba't ibang taon ang mga kalahok sa paligsahan. Sa tagisan
ng talino, nagkaroon ng tatlong uri ng katanungang mayroong kaukulang puntos: madali (1 puntos), katamtaman (2 puntos), at mahirap (3 puntos). Nanguna sa kalagayang ito si Venice Marie Hulleza mula sa ikaapat na taon.
Sumunod naman ang malikhaing pagsulat kung saan binigyan ng 20
minuto ang mga kalahok upang sumulat ng isang sanaysay. Nanguna si Rostelyn Joy Quiambao sa kategoryang ito. Huli ay ang talumpati ang di-handa kung saan binigyan ng 7 minuto ang bawat kalahok para sa paghahanda at 3 minuto para sa talumpati. Muling nanguna si Venice Marie Hulleza rito.
Hindi lamang kompetisyon ang nakita sa paligsahan. Marami ring
natutunan ang mga kalahok mula rito. Sa pamamagitan ng Tagisan ng Talino sa Wika at Panitikan ay mas lalong napabuti ang kakayahan ng mga mag-aaral upang kanilang mapaunlad ang wikang kinagisnan- ang wikang Filipino.