RGANO DE SEGUIMIENTO Y COORDINACIN DEL EXTREMEO Y SU CULTURA

oscec2011@gmail.com http://oscec.blogspot.com

DISCURSU OMENAGI A GRAVIEL I GALN por Ismael Carmona Garca

Velaqu, oi, an pie la estauta de Graviel i Galn, onramus al poeta i pairi delas nuestras letras, que ajorrandu a Estremara se que pa cudi-la i cant-la comu enantis naidi hizu. Ogau leemus las sus poesas i las oyemus enas bocas la genti mayol i mos entra el hormiguillu que mos hormiguea por sel, ms que letras i parabras, movimientus del alma dun poeta retratista. Sarran en baxu la su pruma los sentimientus dun campusinu assensibli , peru, velall, tamin dun ombri del su tiempu, que raceava pol pensaeru delas costumbris i la tierra. Estava atijau alas corrientis literarias. No se desacreditava delas letras dotrus autoris, de m que tuvu a bien esprimental en Estremara lo que otrus quixun hazel enas sus respetivas tierras me vien lacordana de Vicente Medina pa Murcia o Emilia Pardo Bazn o Rosala de Castro pa Galicia. Entremescrandu-si conas gentis umildis dEstremara, ahond enos saberis popularis del campu, el ganau, las fiestas i la religin i de t essu hizu literatura: palos amigus colos que se carteava i, quasi que sin quer-lu, pal mesmu puebru que retratava enos sus versus. El poeta dEl Guiju se va envertu en el Vergiliu dun rgimin que no conociera. Cant Jos Mara al campu i a las gentis dl i las sus costumbris i creencias, retratandu una Ed dOru de bond enos matrimous, de trebaju onrau i sufru, dela libert que atorga el campu, delas malotas que metin las capitalis en el alma, en el pensaeru i ena lengua dela genti los puebrus. N travan de buenu las melecinas dunus meicus que no prevarun enas sus propias carnis la enfermed. N aprendan los ijus que divan a estudial a huera, pos venan al m i manera de seoritus. Eran los tiempus en que dispus de muchus sigrus de repunti, los propiu i tradicional se va con otrus ojus, comu quandu un folasteru vei en un puebru un hatu i unas joyas que ena su tierra no se gastan i se maravilla colo que encuentra. Paecan los tiempus en que lo que se conduch tantus aus sin entremedial nadi, ora resulta sel estrordinariu i almirabli, pos no casava conos moernismus i cosmopolitismu que prencipiava a barruntal-si. El nuestru poeta supu bien retratal essu con el palilleru, antigual de cola mquina. Assina con doura i presteza rim nacencias con muertis, cielu con tierra, familia con amigus, puebru con capital, sentimientus con fachenda, comu quien tien uas pa dambas cosas pos entre ellas vivi. I dispus del retratu hechu, dendi otras provincias pean razonis entre alabancias, mentris que la genti los puebrus, sin custional n, senta que los sus versus estremeus eran quairus dellus propius, delos pairis i agelus dellus. Se hizu Vergiliu sin quer-lu. Tristimenti pa muchus, la poesa es artificial i crein que es el trebaju de laboratoriu dalguin leu, ondi la tnica est por cimal sentimientu, ondi la hechura se valorea ms delo quel

RGANO DE SEGUIMIENTO Y COORDINACIN DEL EXTREMEO Y SU CULTURA

oscec2011@gmail.com http://oscec.blogspot.com

contenu. En ogau mos acordamus desti manficu poeta por cantal ena nuestra lengua, ena lengua de muchus estremeus, las nuestras cosas comu eran antau, idealizs pol sentimientul poeta. Mos palra de gentis rlidas i arrochs, amorosas i sufras, compresivas, que buscavan ms infrujencias enos santus que en quin. Mos relata lalegra las parejas, cmu de cenzillus i rezius son los querelis. Mos endilga la parti buena delos que briegan en el campu i con el ganau i delo bien que sabi el descansu quandu se lambi con el cuerpu baldau polas faenas. I tamin mos cuenta la mald dangunus, cmu ma la genti calonata, quntu de retusus son muchus palos cambius i pala noved I t estu lo has ena lengua los nuestrus agelus, sin fachenda ni geringoncias, con llanura, en parabras craridosas, rezias, cariciosas i corrientis. Alos sus amigus, que eran leus, les diza, con pocu atinu, que escreva alas vezis ena jerga que las gentis estremeas tienin: quici con essu los estudiosus dexavan de envincul-lu en preguntas a tentul lssicu i assina lo descarecan ellus i ellus. Lo que es que, lo que unus pocus dahuera tenan por noved, los muchus daqu lo vein tan natural comu las cosas que las sus poesas cuentan. Poca custin tien pa quien de siempri palrau assina quel nuestru poeta dixiera galrn, escaimientu, tarma o buhu pos assina es cmu se dis paqu. Polo craru est que ogau la genti mayol siguin a recital las sus poesas sin espasmal-si por ellu. Es, desgracimenti, alos que estn inorantis desta lengua por ten-la desatenda quien tien el poel pa ellu, a quien desmientan, velaqu, estas parabras. Sin pens-lu, Graviel i Galn se hizu Vergiliu, armandu i dandu frorencia a una lengua aburra que ata entocis estava sin escrivieru. Igual quel ensini poeta romanu, Graviel i Galn cant lo puru, natural i cenzillu, mereciendu la su imitacin por muchus delos poetas estremeus que quixun i quierin cantal lo estremeu. En esti sigru de literatura en estremeu quel poeta dEl Guiju prencipi, lo mesmu que aconteci con Omeru en Grecia o Vergiliu en Roma, los escrivientis lo pusun de modelu dinu dimital-si. Delos sus testus remaneci la essencia las letras en estremeu. Es, velaqu, el crssicu dela nuestra literatura, pairi delas nuestras letras. Por essu, oi no onramus, an pie desta estauta, al ombri i al poeta nams, sino tamin al maniantal que dau espiracin a tantus poetas en estus aus i, velaqu, al prencipiu la literatura en estremeu. VIVA GRAVIEL I GALN! VIVA LA NUESTRA LITERATURA! VIVA EL ESTREMEU! Caris, 6 deneru 2012