Professional Documents
Culture Documents
Paid tiang tindakan batis Ngalahin ukudan sasih Ngipekin kalah Sisan-sisan keneh suba kacamputang Pakpak katelahang Apanga tusing tan buin Ngurimik ipit ngumbar kita Paid tiang makejang Ngejohin sasih An tusing tan bakatang Paid tiang makejang Nguberin sasih An tusing tan gelahang Camput mapaid Telah-telahang kauluh. olih : I Wayan Paing
NGANTOSANG
Di betn muncuk lalang lanying Nyungngt ngantosang ulungan ia i capung An paling tusing nepukin sunutan mulih Kletik-kletik suaran detik Pamargin Ida Betara Kala tatar alon Nyaksiang patongosan tiang dini Bengong mapaliat samah Pakukkkak kk-kk Munyin i katak mapag sasih Buin nepukin tiang dini Yapin atiban suba liwat patemon malu Dini, padidi Tiang ngantosang Layun ya i lalang Ngulungang kulesan capung n aptiang
PAWAYANGAN
Ring kletakan suaran cempala San kakilit bebatlan gendr Kayonan mapolah Sakadi gunung rubuh Sakadi suryan anincap gunung Sakadi paksin anglayang Sakadi tukn anyud Ri tatkala sanghyang ringgit Tedun ring sajeroning pawayangan Sangkaning pangastitin ki dalang Rumasa titiang ring padwkan Tan bina sakadi wayang Semeng sanja lemah peteng Buduh paling ngulurin kalanguan Lipia ring urip cendek Kayonan gelisan matanceb Kasineb antuk geguneman Kija mangkin pacang ruruh ki dalang Damar blncong sampun padem Jakarta, Agustus 2007
SINOM-SINOMAN WREDA
Puniki carita kalintang nista indik wang lingsir sinoman wreda dan kasengguh apan nguni kocap kasudi pinaka tameng papacek gumi Mangkin ipun i sinoman wreda nandang idup kalara-lara tan pasanak braya nyabran rahina nyliksik bulu saha ngap-ap jagat wayah majalaran tembang mawarni pinunas: dwa ratu sang hyang embang kedeh titiang mangastiti i ratu sang ngawiwenang urip san asiki mangkin meled titiang ngapti mangda i ratu mapuwus ledang bancut urip titiang apan tan malih kasidi mangda puput utang titiang dadi jatma Cendek tembang dan I sinoman wreda Nanging teges pinunas ipun Jakti singsal minab pupuh Sangkaning tuwuh nampekin sanja Nanging sira ugi jagi urati Mapidabdab indik tembang Ring ulu atin San kalintang sungkawa (Beh, i guwak pasliwer gaok-gaok Mapi-mapi duta hyang yamadipati mapengarah ring jagat sadaya wnten manusa mapag pralaya)
LALANG
gerimis san ulung ngapuan inggih punika kruna san ngamedalang girang san ngicnin liang san nungkulang galang san nyayangang lalang nulekep ring sidakepan pertiwi nguntulang raga pinaka saksi sasih makir kalima pinaka saksi bunga sampun kembang pinaka saksi semeng janten nyemengan lan, lalang nyarengin tan paucap apisanan
Jumah
tembok bata barak apit lawang rurunge ngelut mesra ditu menep kedis crucuk di duur punyan waru di muncuk adekeh kangen di hati? bias-bias dingin di pemesuan padang-padang lan lelumutan tetep satia uli pidan nimpalin, pedaduan kangen, rindu, mesawang dingin
Di Semeng
di semeng mengkeb angin nyaru -nyaru ningalin bunga mawa ne kembang metimpal dingin sepi nyelisik ngintipin i bunga mawa nedeng kembang miik ne ngalub, megantung di ambara dingin tetep satya nimpalin ah, surya bangun kapupungan uliah ujan ibi peteng angin, mawa, dingin, lan sepi nyuryakin.
Sujati
Di gumine ada ane madan sujati sujati ane madon seken sujati ane mabunga jujur sujati ane mabuah patut Nanging sujati bisa dadi guyu masebeng layu mamua kala ulian artha ulian kama ulian rupa ulian loba Nah, engken jani carane miara ne madan sujati apang tetep punyane madon seken mabunga jujur mabuah patut Tuah abesik laksanane dasarin ben keneh dasarin ben papineh ane suci kedas nirmala uling ati
Peteng
ada bulan teka nundun bintang bangun kapupungan di sandikala munyin jangkrike ngerisik pejalan angin alon kampih di pasirepan di petenge bintang luas ngepik sari bungan waru di duur bukit Ah, petenge megantung di bibih bulan ngorahang rindu
Damar Langit
di langit ada damar ngae galang pejalan keneh galang papineh yen sedek paling kapetengan di jalanan de jejeh tetep jalan ne pageh mulih diapin je peteng diapin je sipeng nu ada ditu tegeh di baduur di keneh damar langit
Ratih
Ring tengahin telaga sasih ngambil rupa nari ratih kedas tur putih damar langit ne ngemit sayan ngulayang ring ambara doh, saking bhuana napike Nari Ratih tan patujon? ngemit asmara ring tengahin telaga jiwa
Paid Tiang
Paid tiang tindakan batise Ngalahin ukudan sasihe Ngipekin kalah Sisan-sisan kenehe suba kacamputang Pakpak katelahang Apanga tusing taen buin Ngurimik ipit ngumbar kita Paid tiang makejang Ngejehin sasih Ane tusing taen bakatang Paid tiang makejang Nguberin sasih Ane tusing taen gelahang Camput mapaid Telah telahang kauluh
Kala
Lelampahan ne galak Mata nengeng tangkah poleng Caling renggah nagih makpak Kala Biuta di gumi maya Mamirat wong tan padosa Sing magoba jelema Tan bina care raksasa Kala Saje ye kala Matingkah care dewa Lemuh suara pageh semaya Nanging tuara ada ape Ah, ngudiang nguyutin kala Depang suba buka keto Inget jalan karmapala Sing je doh teken prana
Siep
Peteng dedet cara tengai tepet tendas sakit kolongan seret kuluk ngongkong jelema ngomong sing nyak siep sing nyak menep mirib bungut sing matekep jek siep... siep.. siep!!!
Bukit
Bengong Bengong dini pedidi Di duur bukit Di beten langit Sanje ne pingit Ningil Nengil tiang ditu Di duur bukit batu Medesir angin nimpalin Sepi ne ada di hati Surya ne anget Sanje ne pingit Sing ngidang ngilangin Sepi ne ada di hati Joh sawat peningalan Nerawang nembus awan Tan kerasa Ngetel yeh peningalan Anget Minab Sang Hyang Surya Wantah saksi dini Tiang pedidi
Bunga Di Ati
Olih : Bliyanbelog Yan tolih melahang Nak mula cara pragina Lengen lantang batis dawa Bangkiang rengkiang cara biola Ngae kenehe uyang paling Yan tolih melahang Nak mula cara penyanyi Munyi halus nelusuk ati Paras ayu buka selebriti Sing taen absen kaipiang Bajang jegeg gadis kampung Diapain kampung nak mula ayu Ayu saking tengahin ati Sampurna sakadi bunga Miik ngalub ngebekin gumi Bajang jegeg gadis bali Sing ada ne ngidang nyaingin Sing ada ne ngidang matuhin Ayu paras ayu budi Nyihnayang gadis bali sujati Ilang suba ragu di ati Nyingakin paras ayu sekadi dewi Saking langit turun ke mayapada Miik ngalub bunga swarga loka
Pengeng
Olih : Bliyanbelog (I) Jeg kenkenang kaden buin Keneh-kenehang tusing bakatang Apa ane anggon mragatang Apa ane anggon nyalanang Sing beneh ben minehang Jeg kenkenang kaden buin Suba kenahang suba bakatang Suba jalanang sing nyak patutang Suba pragatang sing nyak kangguang Kenkenang buin Pragatang suba jani neked dini Sing nyak buin wake ngenehang Sing nyak buin wake nyalanang Pegat ked dini
Sasih Kapat
Yan sasih kapat rauh Sabeh arang kapanggihin nangingke, rikala punapi Blabure membah ngebekin tlabah Yan sasih kapate rauh Kapuke pada mangundang mangulayang ring ambarane cerik kelih, pada girang malayangan Ring langite, katon bungah mawarna-warni Yang sasih kapate rauh tur makta daatan sabeh gadunge kedek ngakak mentik mlilit ring tarune Malih ipun i sekar jepun sekare bet ngrembun katon asri, ngulangunin manah Anake lingsir pecah mabaos yan sasih kapate rauh makta ciri sabehe arang kapuke pada mangindang gadunge mentik mlilit jepune asub mabunga blabure rauh maranin Olih : I Made Swastika
Pustaka
Jantung satmaka ati Ring ati pralinggan Widhi Mparabhawa Sang Hyang Siwa Sujati Sang Hyang Siwa pinaka Widhi Ngrasuk ring sarining tatua sujati Sengka kaulati Santukan genahe singid Jantung satmaka ati Ring ati Sang Hyang Siwa Malingga Ngalinggain sastra utama Sastra wahana tatua Tatua mapupul jeroning pustaka Pustaka sarana sekala Ngruruh daging sastra utama Madasar adnyana wimala Ati satmaka jantung Ida Sang Hyang Widhi asung Mpaica satra adi luhung Luung titi Luung pangancan Para jana pada luung Sangkaning sastra adi luhung Yening ngruruh kaweruhan Punika mapupul ring perpustakaan Perpustakaan jantung kaweruhan Jantung peplajahan kadiatmikaan Jantung pendidikan Tatua Susila Mapan sekancan pustaka Kalingganan dening Sang Hyang Siwa Mraga Guru Swadhyaya. Olih : I G. Manda
Tupeng Bujuh
Kipekane rengas, Kipekan-kipekan matabuh bangras, Tandangne dengang, Tandang ess batis ningkang, Paliatne sengap, Paliat-paliat ulap-ulap, Nyledet anak luh, pasti bayau jaruh, Nyledet anak muani, masebeng paling bani, Nyledet anak cerik, ngae kraik-kraik, Nyledet jero mangku, ye.... ampura tu! Bungut bujuh, nyiup roko ya matajuh, Gembelan tekek, menek motor kipak-kipek, Malaku monyer, tan bina buka nener, Payu labuh, enjok-enjok ngusap peluh Ah, ento tuah ngae banyol, Yang tan banyol, sinah dengang rengas ngawi tukas, Tandang lan tangkep kadi truna sarat pangarep, Sumanget, rumaket, ngembras, lan bangras Sakewala, sira ke ya I Tupeng Bujuh? Olih : I Gusti Bagus Weda Sanjaya
Jendela Kayun
I riki ring sor jendelane, Tiang melengok ngaksinin sang surya sane magisir ka bucun galah, umbarane barak nyanggra sandikala sane rauh magpagin wengi, nutdutin manah sane katepisin rasa kangen, kangen teken munyin rerama, kangen teken embahan pitresnan rerama, ejoh dini tiang manongos, ngisinin raga antuk widya, mangda maguna, dados sundih ring kulawarga, yadiastun sunarnyane remrem nganging setata ngangetin, Ngukir kenyem bangga ring cangkem rerama, Suryane engseb ninggalin lawat i punyan waru, Sanghyang Bayu budal tan ngesirin kampid i paksi malih, jendelane kasineb, i paksi maparama santi, Om Shanti, Shanti, Shanti, Om Olih : Sang Made Tresna Wicaksana