Kohhran Beng October 20093
Editorial:
KUM 63 A NI TA- ‘CHANGE’
Kan chanchinbu chuan tun thla hian kum 63 a chuangkai ta. He kum chhunga Pathian min hruainaah lawmthu kan sawia. Tun thla hi keini tan chuan kum thar a ni a;
special issue
hming chawiin tlemin a phek kan titam hlek a; kawr pawh athar kan haktir e. A special-na hi in hriat loh kan duh lo; eng emaw chen chu an sawi huai huai ‘change’ te pawh a ni ve nghal turah kan ngai.1. Birthday kawr thar (a kawm) kan haktir a; hei hi eng tianga kalpui zel tur nge hriatthiam har kan ti a; chhiartutethu thuah kan innghat. Thutlukna siam turin phek 5-naa kan sawi ang hian in thurawn kan la ngaichang reng e.2. Thla tin
cover story
neih tir kan tum a; chu chu hun rei tak kan kalpui tawh ‘Thupui Thlurbing’ sap hming a ni mai e. Cover story chu a kawm pawn lamah kan tarlang thin ang a; November thlaah chuan kan cover story atan ‘
Zonunmawi
’ a ni ang. Cover story chu a thui bik deuh anih pawhin kan hrethiam dawn nia.3. Kohhran Beng hi kum lama upa deuhte chhiar tur bik emawkan ti tlat hi a vei-awm hlein kan hria a; zawi zawiin Thalaiteleh naupang lam pawh huam tel thei tur thu chi hrang hrang zeh tel kan tum. A hmasa ber atan phek tawp berah cartoontihlan zel kan tum a; chu chu ‘
Hlim thla-toon
’ kan vuah. Hei erawh kan rilruah vawng reng theuh ila kan duh. Kohhran Beng hi Pathian leh a Kohhranho chanchin ziakna a ni a;khawlaia an zawrh Magazine satliah anga mi hip thei zawng hlir zawng tur kan ni lo tih erawh kan chiang. Chuvanginkan theih-pa-tawpin Kohhran takin kan kal zel ang.
Leave a Comment