Professional Documents
Culture Documents
Gobernu Ona
2014-04-01 Astekaria 48
Argi dugu herri bat denon artean eraiki behar dela, eta denoi eragiten diguten arazoei behar bezala aurre egiteko, elkarlana eta parte-hartzea behar beharrezkoak direla. Herri batek eta bere erakundeek eskutik joan behar dute. Gipuzkoarrok badakigu zer den bidea elkarrekin egitea. Asmo oneko deklarazio bat baino askoz haratago doa hau. Herritarrei konfiantza eskatu nahi badiegu, konfiantza, segurtasuna, seriotasuna eta sendotasuna eskaintzeko gai izan behar dugu. Herri baketsua, modernoa, demokratikoki aurreratua, aurrerakoia eta burujabea nahi baldin badugu, euskal administrazio guztiek aurrerapausoak eman beharko dituzte, Gobernu Onaren norabidean. Gipuzkoako EAJtik ilusio handiz heltzen diogu erronka horri, gure ADNaren eta ibilbidearen barruan daramagulako. Bildu herritarrei bizkarra ematen ari da gobernatzen. Bere irizpide ideologikoa inposatzea izan du helburu bakar. Bere aldekoentzat gobernatzea, aniztasuna alde batera utzita. Argi utzi dute administrazioak 'borroka instituzionalerako' tresna besterik ez direla. Bere kudeaketan inprobisazioa, inposaketa eta iluntasuna izan dira nagusi. Ez Gobernu Programarik, ez Kudeaketa Planik eta ez ezer. Diputatu nagusiak argi asko esan zuen krisiaren aurkako planek ez dutela ezertarako balio. Herri kontsultak oztopatu dituzte, komeni izan zaienean izan ezik -Igeldo-. Eta informazioa eskuratzen oraindik arazoak ditugu Gipuzkoako Batzar Nagusietan. (Extractos del discurso de Imanol Lasa. El declogo y el discurso integro en www.gipuzko.com )
48 Gardentasuna ez da dohain bat, baizik eta inperatibo bat. Horretarako ezinbestekoa da komunikazioa modu egokian kudeatzea. Jokabide etikoa bermatu behar da kudeaketa publikoan.
Kudeaketa eraginkorra. Plangintza, helburu eta konpromiso zehatzekin, eta ebaluaziorako tresna eraginkorrekin gobernatzea, eta ez uneanunekoaren eta inprobisazioaren arabera.
Benetako partaidetza bultzatu, herritarrak kudeaketa publikoan konprometituz eta ardura partekatua sustatuz.
Elkarlana: Erakunde ezberdinen artean, sektore pribatuarekin, eta gizarte-eragileekin. Ardura partekatua bultzatu behar dugu. Jarrera eraikitzailea: Gure eredua den on artean egitea da. Esan ez, egin.
48
Donostiarekiko eta EAJrekiko izan dute konpromisoa eskertu nahi diegu gure zinegotzi guztiei
Datorren apirilaren 5ean, larunbatez, merezi duten omenaldia jasoko dute Donostiako udalean EAJren ordezkari izan diren zinegotziek, 1911tik zinegotzi jeltzale batek karguaren jabetza hartu zuen hartatik hasita. Ekitaldia jendaurrekoa izango da, Donostiako Bulebarrean, goizeko 11:30etan hasita. "Parada berezia izango da, zalantzarik gabe, EAJren ideia eta baloreak defendatzen egin duten lana eskertzeko, bai beraiei eskertzeko, baita beren famili eta ondorengoei ere, belaunaldiz belaunaldi eta gobernuan egon diren sistema politikoak edozein izanda ere" nabarmendu du Donostiako udalean EAJren bozeramale Eneko Goiak. "Izan ere, ezin dugu ahaztu 1911tik, donostiarrek beren iritzia askatasunez emateko aukera izan duten bakoitzean, EAJren ordezkariengan jarri dutela konfiantza osoa. Etengabe erakutsitako babes hori da EAJk Donostiarekiko duen konpromiso iraunkorraren frogarik hoberena eta hiriak etorkizunean ere behar duen garrantzia izan dezan" adierazi du Goiak.
Estatuak kontsulta debekatu nahi du beldur delako Kataluniako gizarteak askatasunez adieraz dezakeenarekin
Egibarrek, ziurtatu du politikoa dela Kataluniak burujabetzaren alde egindako adierazpenaren aurka Auzitegi Konstituzionalak argitara eman duen epaia. Izan ere, adierazpen politiko bati erantzuten dio. Egibarren iritziz, Konstituzionalak, Estatuko gainerako botereek bezala, Espainiako Gobernua buru dutela, saihestu egin nahi du Kataluniako gizarteak modu askean hitz egitea beldur diotelako kataluniarrek demokratikoki eman dezaketen erantzunari. Uste du Estatuak aintzat hartu, errespetatu eta bideratu egin beharko lituzkeela kataluniarren aldarrikapenak. Egibarrentzat eztabaidaren gakoa da ea Espainiak bere egungo egituraren baitan kokatzen diren Euskadi eta Kataluniako subjektu politikoak onartuko dituen. Bere ustez, porrot egin du egungo Estatuaren egiturak eta 1978. urtean konpontzea lortu ez zen arazoari aurre egiteko aukera dugu orain: Euskadi, Katalunia eta Galiziako errealitate nazionalei bide ematea.
A 02 A 03 A 05
www.gipuzko.com