Pangkatang

Proyekto
sa
Filipino
[TATSULOK-BAMBOO]

Pinasa ng Pangkat IV:

Niña Cañares
Erika Santos
Bernard Aquino
Charlotte Cabatian
Remjen Francisco
Katrine Sanvictores
ESEP-3
 PAMAGAT: “Tatsulok”
Sumisimbolo ang tatsulok sa "socio-political structure" dito sa Pilipinas.

Ipinapakita nito na kung sino ang may impluwensya at kapangyarihan

sa batas ang siyang nasa taas ng tatsulok. Habang mga nasa ibaba ng
tatsulok ay ang nakararaming naghihirap na di nakakaranas ng hustisya.
Ipinapakita lang ng pamagat na ito ang hindi pagkakapantay-pantay ng mga
mahihirap at mayayaman at ang pagkontrol ng mga may kapangyarihan sa
mga dukha.

KUMANTA: “Bamboo”
Isa sa mga Filipino alternative rock na banda ang Bamboo. Nabuo ito
noong 2002 na kinabibilangan ng dating miyembro ng bandang Rivermaya
na sina Francisco "Bamboo" Mañalac at Nathan Azarcon, at ng mga kasapi
ng Passage Band na sina Ira Cruz at Vic
Mercado.
Inilabas ng Bamboo ang kanilang unang album
na As the Music Plays noong Pebrero 2004. Ito
ay nanalo ng iba't ibang gantimpala sa Awit
Awards, NU107 Rock Awards, at MTV Pilipinas
2004.
Ang kanilang pangalawang album, Light Peace
Love ay inilabas noong 2005 at binubuo ng
sampung kanta. Ang album na ito ay medyo
iba ang estilo kaysa sa una nilang album.
We Stand Alone Together ang kanilang
pangatlong album na inilabas sa taong 2007.
Ang ilang kanta rito ay binuhay na awit ng
Buklod at ni Paul Simon. Ito rin ay may bersiyong karaniwan sa mga kanta
nilang sumikat sa nakaraang album tulad ng "Mr. Clay", "These Days", at
"Hallelujah". Kabilang sa album na ito ang remake nila ng “Tatsulok” ng
Buklod.
Ang Bamboo ay naging parte rin ng kampanya ng UNICEF, Days of
Peace na kasama si Gary Valenciano. Nakipagsanib din sila sa MILF para
magbigay ng serbisyo sa mga komunidad na laging apektado ng hidwaan sa
Mindanao.
KOPYA NG KANTA

Totoy bilisan mo, bilisan mo ang takbo

Ilagan ang mga bombang nakatutok sa ulo mo
Totoy tumalon ka, dumapa kung kailangan
At baka tamaan pa ng mga balang ligaw
Totoy makinig ka, wag kang magpa-gabi
Baka mapagkamalan ka’t humandusay dyan sa tabi
Totoy alam mo ba kung ano ang puno’t dulo
Ng di matapos-tapos na kaguluhang ito
Hindi pula’t dilaw tunay na magkalaban
Ang kulay at tatak ay di syang dahilan
Hangga’t marami ang lugmok sa kahirapan
At ang hustisya ay para lang sa mayaman
Habang may tatsulok at sila ang nasa tuktok
Di matatapos itong gulo
Iligtas ang hininga ng kay raming mga tao
At ang dating munting bukid, ngayo'y sementeryo
Totoy kumilos ka, baliktarin ang tatsulok
Tulad ng dukha, nailagay mo sa tuktok
Hindi pula’t dilaw tunay na magkalaban
Ang kulay at tatak ay di syang dahilan
Hangga’t marami ang lugmok sa kahirapan
At ang hustisya ay para lang sa mayaman
Habang may tatsulok at sila ang nasa tuktok
Di matatapos itong gulo
Iligtas ang hininga ng kay raming mga tao
At ang dating munting bukid, ngayo’y sementeryo
Totoy kumilos ka, baliktarin ang tatsulok
Tulad ng dukha, nailagay mo sa tuktok

Di matatapos itong gulo

 KWENTONG ISINASALAYSAY
Ang “Tatsulok” ay orihinal na inawit ng grupong Buklod at inilabas ito
sa panahon ng Total War Policy ni Pangulong Corazon Aquino. Ang “all-out-
war policy” na ito ni Aquino ang susugpo sa mga rebelde subalit sa
rebolusyon ay may mga nadamay na sibilyan.
Ang kantang ito ay nagsasalaysay tungkol sa away-militar at ang ugat
ng mga pag-aaway sa ating bansa.
Noong sumisikat pa lang ang kantang ito, ang ala-ala ng mga anti-
communist vigilante groups ay sariwa pa sa isipan ng mga tao, lalo na sa
pagsulpot ng ibang grupo gaya ng Alsa Masa at iba pang “death squads”.
Parehong insidente ng death squads ang lumaganap kasabay ng
extrajudicial killings sa panahon ng panunungkulan ni Arroyo. Ang mga
napatay na ito ay binansagang: “NPA Supporters”.
Sa bandang huli, sinasabi ng kanta sa atin na ang pagtatalo ay hindi
lamang sa pagitan ng NPA at ng rehimeng Aquino noon (pula’t dilaw). Ang
ugat ng pagaaway-away na ito ay kahirapan, ang “social pyramid”.

MAYAMAN

MAHIRAP
 BISANG PANGKAISIPAN
Pinapahatid sa ating mga isipan ng kantang tatsulok na kailangan ay
mamulat tayo lalo na ang mahihirap na tao, na hindi palagi na lang ang
mahihirap ang naapi at laging nasa baba at ang makapangyarihan o
mayayaman ang laging nasa tuktok. Ipinamumulat ng kantang ito sa atin
ang status ngating lipunan noon hanggang ngayon. Muling nitong binuksan
ang isip ng kabataan ng bagong henerasyon.

BISANG PANDAMDAMIN
Pagkainis at pagkagalit ang una mong mararamdaman kapag narinig
at naintindihan mo ang gustong ipahiwatig ng kanta. Pagkainis sa mga taong
umaabuso sa kanilang kapangyarihan at patuloy na nagpapahirap sa mga
taong hirap na sa buhay. Pagkainis din sa mga taong nagsasawalang bahala
sa sakit ng ating lipunan. Pagkagalit naman sa mga mayayaman na walang
ginawa kung hindi magpayaman pa at gamitin ang kanilang impluwensya
upang manatiling nasa tuktok ng tatsulok. Mararamdaman mo rin sa kantang
ito ang pagkalungkot dahil sa mga mamamayang walang magawa kundi
sumunod na lang sa agos ng buhay kung saan ang mahirap ang laging talo.

BISANG PANGKAASALAN
Kamulatan sa pangit na sistema ng ating pamahalaan ang maiiwan sa
atin ng kantang ito. Ipinaparating lang sa atin ng kanta na gawin natin ang
lahat mabaliktad lang ang tatsulok sa ating lipunan. Binibuhay din ng
kantang ito ang ating nasyonalismo. Kailangan nating ipagpatuloy ang
pagmamahal sa ating bansa upang mapaunlad ito at maiwasan ang di
pagkakaisa. Dahil ang pagkakaisa ang kailangan natin upang magamot ang
sakit ng ating bansang Pilipinas. Masugpo sana natin ang ugat ng lahat:
kahirapan.
 REAKSYON
Kanta

Malakas ang naging “impact” ng kantang ito lalo na sa kabataan.

Sobrang makahulugan at “striking” ang pinapahiwatig ng bawat salita.
Napakaganda ng kanta dahil naging bukas ito sa paglalahad sa kung ano
ang nangyayari sa ating lipunan at sa sistema ng hustisya. Sa ingles,
“straightforward” ang nilalaman ng kanta.

Kumanta

Magaling ang “remake” ng Bamboo sa orihinal na kanta ng Buklod,

pero napansin naming na ang intro ng kanta ay katunog ng Hallelujah.
Napakinggan ng aming grupo ang orihinal na umawit nito, at napansin din
naming na wala na ang strumming at background na plawta. Ang
pagkakakanta ni Bamboo ay nagpakita ng matinding emosyon na katulad ng
galit ng unang kumanta nito. Ang remake ng Tatsulok ay nagpangibabaw ng
socio-political songwriting at performances ng mga banda ng henerasyong
ito.

Video ng Kanta

Masasabi namin na maganda ang video ng kanta dahil naipakita dito

ang mga emosyon na ipinapahatid ng kanta at naipahatid ng video na ito
ang sitwasyon sa lipunan natin. Isa itong kantang makabayan. At ang mga
ganitong kanta ay bibihira. Maganda ang special effects ng video. Kahit na
“black- and white” ay maganda ito. Talagang mararamdaman mo ang
mensahe ng kanta lalo na kung mapapanuod ang video.

Tunog at Tugtog

Galit ang nangingibababaw sa tunog ng "Tasulok". Ipinahihiwatig lang

nito ang galit sa ating lipunan na kung saan walang hustisya para sa mga
lugmok sa kahirapan. Maganda ang pagkakanta ni Bamboo Mañalac.
Naririnig natin sa kanyang boses ang pagkainis sa mga umaabuso sa
kanilang kapangyarihan. Medyo mabilis ang pagkakakanta sa awitin na
nagpapakita ng galit at pagkadismaya sa mga may kapangyarihan.
Ipinaparamdam ng tunog ng kantang ito na kailangan nating gumawa ng
aksyon upang matuldukan ang walang katapusang pagdurusa ng mga
mahihirap. Ang mga instrumentong ginamit sa kanta ay lalong
nagpapadagdag sa emosyong gustong iparating ng kanta sa mga
nakakakinig.