Maituturing na bahagi na ng pang-araw-araw na gawain ang pagbasa ,ito ang isa
sa katototohananghindi maitatatwa mula sa pagbasa ng aklat, sulat sa pader, babala sa kalsada at maging sa reaksyon ng ating kausap. Maituturing na kapangyarihan ng pagbasa ang pagkakaroon ng karunungan tungkol sa ibat ibang bagay at maging ang makarating sa ibang sulok ng daigdig. Napapayabong nito ang kakayahan sa paggamit ng imahinasyonat pagbibigay ng kahulugan sa mga bagay sa paligid. Isa rin sa kapangyarihan ng pagbasa ang maipadama ang emosyong nakapaloob sa mga akda. Lumilikha rrin ito ng isang tulay na siyang magsisilbing daan sa pagkakaunawaan ng mambabasa at may-akda. Ang kakayahan natin sa pagbasa ang instrument upang makita at matuklasan ang natatagong kaisipan o mensahe ng anumang akda. Ito ang susi sa daigdig ng kaalaman at kasiyahan ng bawat tao. Maituturing ito na pangunahing element na batayan o saligan sa hals lahat ng kaisipang pangkarunungan. Mahalaga rin ang pagbasa upang makasabay sa pagbabago ngnpaligid. Tunutulong ito upang matuklasan, maintindihan at mapaunlad ang sariling kakayahan, maging ng daigdig. Sinasabing susi ito sa pagbukas ng pintuan ng kaisipan upang matama at matutunan ang bawat karunungan binibigay ng mundo. Kaakibat ng gawaing ito ang pag-unawa, ang kakayahan na mag-interpreta at magbigay ng kahulugan sa binasa, anumang uri ito ng babasahin. Ang kakayahang umunawa ng isang indibidwal, ang siyang sukatan kung paano siya nag-iisip at natututo. Sapagkat ang malalim at maayos na pagkakaunawa sa binasa ang maituturing na epektibong pagbasa. Sinasabing hindi mabibigyan ng katarungan ang isang babasahin kung hindi natamo o natuklasan ng mambabasa ang kaisipang nais ibahagi sa kanya ng mambabasa. Mawawalan ng saysay o silbi ang ginawa ng isang manunulat kung ni hindi naunawaan ng mambabasa ang mga mensaheng nagpakaloob dito, kaya mahalaga ang kakayahan ng bawat isa sa komprehensyong sa mga nakaiimbag na babasahin. Dahil dito nabubuo ang interaksyon sa pagitan ng mambabasa at may-akda kung may pareho silang kaisipang nauunawaan at naiintindihan. Isa itong masalimuot na gawaing pang kaisipan na nagpaunlad sa kakayahan at abilidad, na maari lang maganap kung nagging wasto at maayos ang komprehensyong inilapat o ginagamit sa binasang teksto.