Description

ಸಾರಾಂಶ: ನೂತನ ವಿನ್ಯಾಸ ಮತ್ತು ಕಂಪ್ಯೂಟರೀಕರಣಗಳಿಂದಾಗಿ ಸರಕು/ಸೇವೆಗಳನ್ನು ಸಮರ್ಪಕವಾಗಿ ಬಳಸಲು ಗ್ರಾಹಕನಿಗೆ ಹೆಚ್ಚಿನ ಜ್ಞಾನ ಮತ್ತು ಕೌಶಲ್ಯದ ಅವಶ್ಯಕತೆಯಿದೆ. ಉತ್ಪಾದನಾ ಕೌಶಲ್ಯ (production skills)/ ಸೃಜನಶೀಲತೆಗಳಿಗಿರುವಷ್ಟೇ ಆದ್ಯತೆಯನ್ನು ಗ್ರಾಹಕ/ ಬಳಕೆ ಕೌಶಲ್ಯತೆ (consumption skills) ಗಳಿಗೂ ನೀಡಲಾಗುತ್ತಿದೆ. ಇಂದಿನ ಸರಕು/ ಸೇವೆಗಳ ಬಗ್ಗೆ ಹೆಚ್ಚು ಜ್ಞಾನ ಮತ್ತು ಕೌಶಲ್ಯ ಅನಿವಾರ್ಯವಾಗಿದೆ ಗ್ರಾಹಕನ ಅನುಭವ, ಜ್ಞಾನ ಮತ್ತು ಕೌಶಲ್ಯಗಳ ಸಂಪೂರ್ಣ/ಸಮರ್ಪಕ ಉಪಯೋಗ ಪಡೆಯುವ ಪ್ರಯತ್ನ ನಡೆಸುತ್ತಿದೆ. ಒಂದು ಆಧುನಿಕ ಎಲೆಕ್ಟ್ರಾನಿಕ್ ಉಪಕರಣ ಬಳಕೆಯಿಂದ ಹಿಡಿದು ಸಾಹಿತ್ಯ ಕೃತಿ ಓದುವವರೆಗೂ ಗ್ರಾಹಕ ಕೌಶಲ್ಯತೆಗಳ ಅವಶ್ಯಕತೆ ಇದೆ. ಓದುಗನ ಗ್ರಾಹಕ ಕೌಶಲ್ಯತೆಗೂ ಓದುವ ಹವ್ಯಾಸಕ್ಕೂ ಸಂಬಂಧವಿದೆ. ಒಳ್ಳೆಯ ಓದುಗ ಓದುವುದನ್ನು ಬಹಳ ಇಷ್ಟಪಡುತ್ತಾನೆ. ಚೆನ್ನಾಗಿ ಓದಲಾರದವರು, ವಿಶೇಷವಾಗಿ ಮಕ್ಕಳು, ಓದುವುದನ್ನೇ ದ್ವೇಷಿಸಲಾರಂಭಿಸುತ್ತಾರೆ. ವಾಚನ ಸಾಮಗ್ರಿ ಓದುವುದರಲ್ಲಿನ ಕಷ್ಟ/ ತೊಂದರೆಗಳು ಓದುಗ ಅದನ್ನು ಸ್ವೀಕರಿಸುವ ಅಥವ ತಿರಸ್ಕರಿಸುವ ನಿರ್ಧಾರದಮೇಲೆ ನಿರ್ಣಾಯಕ ಪರಿಣಾಮ ಬೀರುತ್ತವೆ. ಓದುವ ಹವ್ಯಾಸವಿರುವವರು ಓದುವ ಮತ್ತು ಗ್ರಹಿಕೆಯ ವೇಗನ್ನು ಸತತ ವೃದ್ದಿಸಿಕೊಂಡು ಓದುವ ಕೌಶಲ್ಯತೆಗಳನ್ನು ಬೆಳೆಸಿಕೊಳ್ಳುತ್ತಾರೆ. ಓದದವರು ಪುಸ್ತಕಗಳ ಬಗ್ಗೆ ಸರಿಯಾಗಿ ತಿಳಿಯಲಾರರು ಮತ್ತು ಅವುಗಳನ್ನು ಶೋಧಿಸಲಾರರು. ಕೃತಿ ರಚನೆಯಂತೆಯೇ ಕೃತಿಯ ರಸಾಸ್ವಾದನೆಯೂ ಒಂದು ಸೃಷ್ಠಿಕಾರ್ಯ. ಟಿವಿಯಂತಹ ಹಲವು ಸರಕು/ಸೇವೆಗಳಿಗೆ ಶಕ್ತಿಯುತ ಪ್ರಚಾರದ (aggressive marketing) ಬೆಂಬಲ ಇದೆ. ಆದರೆ ಇತರ ಮಾಹಿತಿ ತಂತ್ರಜ್ಞಾನದ ಪರಿಕರಗಳು ಜನ ಸಾಮಾನ್ಯರ ಕನಿಷ್ಠ/ ಅಸಮರ್ಪಕ ಉಪಯೋಗಕ್ಕೆ ಒಳಗಾಗಲು ಮುಖ್ಯ ಕಾರಣ ಗ್ರಾಹಕ ಜ್ಞಾನ ಮತ್ತು ಕೌಶಲ್ಯದ ಅಭಾವ. ಒಂದು ಪುಸ್ತಕ ಖರೀದಿಸುವುದು ಮಾಧ್ಯಮ ಸಂಪರ್ಕ ಸಾದಿಸುವುದಕ್ಕೆ ಸಮ. ಗ್ರಾಹಕ ಕೌಶಲ್ಯತೆಯ ಆಯಾಮಗಳನ್ನು ಪರಿಗಣಿಸಿದ ಗಂಭೀರ ಓದುವ ಹವ್ಯಾಸದ ಅಧ್ಯಯನಗಳು ಅಪೇಕ್ಷಣೀಂii..