MIZO CONFERENCE IN CONFERENCE HONG SANG HI KICI NGEI LO HI.

Tua sawm aa khat a kipia te Sia Mungno gen bangin cik teh Upper Myanmar Mission ah hong
tung tam. Sumpi leh sawm aa khat vai ah hong ki tua cih tam ngak lai ni. Mission te lungsim pua
in Chantagyi pan TL Ng in Mizo Conference te'n a san loh nading in Aizawl ah va kankuat zen hi.
Mark 9:38,39 John in, "Sia aw, nangma min zangin dawi a hawlkhia mikhat ka mu uh hi. Amah,
ei' pawl hilo ahih manin ka kham uh hi," a ci hi. "Amah kham kei un" ci- in Zeisu in dawng kik hi.
Hiah zong Zeisu in kankuat ding khaam hi.Gentehna in Pawlpua kipawlna khat pan sawm aa khat
hong ki pia leh nolh ding maw. Nang hong kipia sakha hi teh. MAC lah pawlpua hi lo lailai. SDA lo
khat a sih leh SDA ten vui thei lo ding sa kei in. Lawki khat in sumpi leh sawm aa khat hong khia
leh bang na ci tam. Topa pia hi lo hiam. Israel te Egypt pan a paikhiat hun lawki Egypt ten na pia
ziahziah hi. ( Exo12:35-36)
Biakinn pi lam in zong lawki pan tampi kihel hi. "Mawhna neilo pen in deng un" Zeisu'n a cih teh
kuamah'n a den ngamloh mah bangin akua in Topa Tithe sang ngamlo ding zah in siang uh hiam?
( John 8:7-11)
GC pen pawlpi asang pen kipawlna mun himah hi. Ahih hangin Pasian hilo hi. Honpa hilo hi. GC
leh Division tawh hizah ta a kizom nuam mahmah kimlai MYUM te' hong dalcip bek hi. Suak Kho
Ngin in Conference langdona in 2001 kum in UMM in Conference ngahding hi leh sum
108,975,023 kisam lai hi ci-in August 20, 2001 in mipi te khem hi. January 31, 2004 in
Conference te kihaihkhia cihnopna tawh "The final shaking of Adventism" cih thulu tawh zuau
kamsang hong sem hi. A mah kilok hi bek a, Adventism kilok lo hi. Hih kihaih hun pen Sunday
law ciang a ding Mrs. White gen hi bek hi. A nih in ka thuhkikna mukhin zo ni teh.

MINAM VAI
"Deekte taw liak leng met zaw ding" a ci pastor pipi leh "Kei Kayin te ta hing, ka thunget na deih
hiam?" (a nu leh a pa te Kaptel pan kimlai) a ci peuh om lai zen hi ve hang. Tu dongin Saw Langh
Thang kici thei tuan lo hi. "Sia Kai Dal ka galpa hi, a hopih pepeuh ka gal hi," ci a Deekte apawl
peuh omlai mah hi vehang. Thudik tawh thu ih gen laitak in Conference lungsim bei nading in
nam tawh hong pang, pawlpi buaina pen personal issue dan "U Kai Za Dal pawl te" ci-in zum pipi
te ah a gente Sia Mungno panpih Mission te vive hi.

BANG TAN VEI?
" Kum 4 or 5 or 10 bang khit hun khat ciangin amau kipawlna kisang ding hi cih pen a khial
lametna hi." Hih bangin kum ciangtan in kigen lo hi. "Kum 3,4 ding zo photphot leng" cih kigen
masa a, "Topa'n lampi hong honsak ding hi" kici bek hi. Division pa in, "Piang ngei lo ding hi." cih
zong mukhol kampau hilo hi. "Kei sep lai teng," "Ka party te hong pawlpih laiteng piang ngei lo
ding hi bek" ci thei hi. Mailam khap khat zong a mu omlo mihing kampau dingin kilawm na sa uh
hiam? Jacob in a ta upa za pen tua ma kum bangzah in mukhol hiam? Ni khat thu a piang lek hi lo
hiam? David kumpi suahding a kitel zong ni khat thu mah hilo hiam? Ngakin.
Israel te zong Topa nuamtak a, abiak theih nading un Canaan gam apai ma un Moses suah pawl in
pasal te kithat sak, Zeisu hong suahding in zong kithat sak hi napin Topa gelna tangtung veve
ahih mah bangin MAC te membership that ( that zo ta kei leh), disband ( bandth zo ta kei leh)
Topa geelna hong tangtung veve ding hi. Mission/ Field/ Delegation/ Section/ Station/ Region/
Territory/Association etc. pawlpi tawm nono tawh zong Conference a kipia tam lel hi. Union te
hang aa kizom theilo hibek hang a, mi khatpeuh in GC hong guang zo ding, hong lakhia sak thei
ding hilo hi.
"Sia Kham Khen te --- president a sep sung un Conference vai hanciamna nei tuan lo zel uh hi".
Sia Mungno in Sia Khen hun sungin EC committee ah khat vei beek tulo pipi in hihbang aa agen
pen khial hi. Ahang in hih hunsung te ah ki-ukna kammal "Conference" kizat se loh hangin tua
Conference ngah
nang a bulpi khatna ahi "self-support" ei leh ei aa dinna cin kinak vaihawm mahmah hi.
Committee Minute ah kimu zelzel thei hi. Education Director Pr. Gin Lian Pau in 2000 kum
ciangin UMM sang khempeuh self support ban ah pawlpi tung ah10% support theih ding 1996
kum pan in stragetic program suai in ki vote hi. Tua mah bangin field ah zong self support kinak
vaihawm mahmah kan hi.


CONFERENCE PEN ATI PAN IN KI PAN LO
Dr. Ng. Division Secretary April 2003 sung in hong pai nangawn in Sia Kai Dal leh Sia Khen tuam
dot tuak hi. Ai-awh member dang teng 3 cih bang in tuam dot hi. Ko ong dotnate ah ATI sangvaite
kihello aa, zong hong dong lo uh hi. Church Manual leh Working Policy zui lo a, hong kitelsak zel
uh pen deih lo, ki lungkim lo in Conference mah deih ung kaci uh hi. A thu teng aman ciamteh hi.
( Zingsang devotion in Dr. Ng. in, "Moses pen Miriam, Koran leh Dathan ten lang pan uh a, met lo
uh hi" hong ci hi. Sia Kai Dal in a thu piang teng a gen ciangin, anitak teh mipi zak in Maymyo
biakinn ah a hunzatna ah Luke 19:40 bulphuh in " Hih te dai (silent) leh suangtumte kiko ding uh
hi" ci in hong genkhia ta hi. Tua suangtum pen workerte aci hilo in Layte aci nuam zaw hi. A
telsiam dingin Topa'n thupha ong pia hen.) Tua banah Lawyer Kham En Thang in "ATI Board
hong bawl pih un" hong cih ciang in "Nolehno na bawl un. MMCC zong amau leh amau
Conference Promotion Committee lo-in a bawl uh hi" ci-in kivaikhak hi.
Thu khat ah tua lai Lay ai-awh pa'n, "President deih kei ung na cipah lel le uh cin hong kikhelsak
pah ding hi ven" acih ciangin, Sia Kai Dal in "A mi deihlo hi kei ung sepdan bawldan dik lo ahih
manin policy diktak aa zuihtheih nading Conference mah aci hi zaw ung" ci in a dawngkik hi.