Diamdiam Liailiai

I gam leh iminam akhantohna dingin:

1 Mikhat hanciam bek tawh piangzo lo ding hi.
2. Innkuan khat hanciam bektawh piang zolo ding hi.
3. Khuakhat hanciam bek tawh piangzo lo ding hi.
4. Pawlpi khat hanciam bek tawh piangzolo ding hi.
5. Zomi bup hanciamna tawh piangzo bek ding hi.
Phawkding thu khat : Hongit te ilawm hi a, hongmudah te igal hilo cih
telphot ding hoih kasa hi.
Akhangto minam I suahna dingin:
1. Khat leh khat kikal ah mawhna kimaisak ding thupi masa ding hi.
2. Khat leh khat kikal ah ki itna leii idawh phot kul ding hi.
3. Pasian nasem ten biakinn pan thungen in tha ilak kul ding hi.
4. Kumpi nasem ten zumsungpan tha ilak kul ding hi.
5. Sum zong ten isum zonna pan tha ilak kul ding hi.
6. Sangkah laiten isinna tungpan tha ilak kul ding hi.
7. Lo kho ten ilokhawhna pan tha ilak kul ding hi.
8. Minam nasem ten imakaihna pan tha ilak kul ding hi.
9. Inn ngak ten i innngak na pan tha ilak kul ding hi.
Khantohna khat peuhpeuh i etciangin:
1. Mihoih tampi aomna mun na hihi.
2. Akisam mun a zatding sumleh pai akicinna mun nahihi.
3. Akipumpiak ngam pawlkhat aomna mun na hihi.
4. Asuplawhngam pawlkhat aomna mun na hihi.
5. Mi thapia siam pawlkhat aomna mun nahihi.
6. Mi maitang aphulngam pawlkhat aomna mun nahihi.
7. Alungduai pawlkhat aomna mun na hihi.
Mikhempeuh ikizattheihdan kibang kimlo a amun leh ahun zui in isiamna
hong kitel ding hi. Athupi lo kuamah omlo hi.
Zom te ikhantohna dingin kuamah dang ngaklo in ei tengmah in
DIAMDIAM LIAILIAI IN sem khawm ni. Zomi te Khantohna hun
hongtung pah ding hi.
Rev.PauKhanKhai
US camp