Embed Doc
Copy Link
Readcast
Collections

CommentGo Back

Download

Vol. XII : Issue No. 48 13th December 2009 : Sunday : Phek 1 - na

Sermon

RAWNGBAWLNA HMASAWN NAN NGAIHTUAHNA THAREphesi 4 : 11 - 16; Hebrai 10 : 23 - 25.Thuhmahruai :

Mizorama Kohhrante dinhmun han thlir hian kum 100 lek Kristian kan ni chunga hma kan sawn nasatzia hihai rual a ni lo. Kohhran member kan pun chakzia te, Tualchhung Kohhran, Bial leh Presbytery thathnem tawhzia te,thilpek hrang hranga a thla tela hma kan sawn dan te, Ramthar rawngbawlna lama hmalakna a zauh mai bakahthawktu chawmtu kan tamzia te ngaihtuah hian rawngbawlna kawngah hma kan sawn tih loh rual a ni lo. Chu maibakah kan Synod kalphung fel thlup leh dam dup mai hnuaia rawngbawl tluka nuam leh thlamuan thlak hi a awmchuang awm love.Kohhran hi pakhat a nih angin Tualchhung Kohhran mal dinhmun atangin ram chhung Kohhran dinhmun ahriat theih a, chutiang bawkin ram pum dinhmun chu tualchhungah a hriat theih bawk. Thilpeka rawngbawla thahnemngaiem em, Biak Ina hmuh tur vang ta viau te, Kohhran mi ka ni ti sia Kohhran sawisel kan tam ta viau leh hmun dangavak lawr vak lawr kan tam viau mai te leh inkhawm kan tlem ta hrim hrim ngaihtuah hian hma sawn leh hret chu kanngaiin a lang.Hebrai 10:23-25 kan chhiar tak ang khan ringtute chu infuiha intichak tur kan ni a, chuvangin kan rawngbawlnakawnga hma kan sawn zelna a nih beiseiin

Rawngbawlna hmasawn nan ngaihtuahna thar

tih thupui hmanginPathian thu zirho ila ka ti a ni.

Rawngbawlnain hma a sawn zelna turte :

Ephesi 4:11-16 kan chhiarah khan rawngbawltuchi hrang hrang a tarlan bakah chung rawngbawltutehnathawh tur-mi chi hrang hrangte rualkhai takaremkhawma, zirtira, kaihruaia, pengbo lo tura kilkawia,an nih ang tur nihtir chungchang leh ringtute thanlennatur kawng- rinna hmun khat, Pathian fapa hriatnakawngte, Krista famkimzia hre tura puitlin lam panchungchangte kan hmu a. Mihring dinhmun, mizia,ngaihdan leh duhdan inanglo pui pui kara huhorawngbawlna hautakzia pawh a hriat theih nghal mai awme. Heng mi chi hrang hrangten hmasawnna an neih theihnana huho rawngbawlnin hma a sawnna tur pawimawhzual nia ka hriatte kawng li chauhin han tarlang ila-

1. Pumkhata rawngbawl a tul :

Inpumkhatna tih hian ngaihdan hrang a piang tura ni lo, tihna a ni lova,inhnialna a awm tur a ni lo, tihna ani bawk lova.Amaherawhchu, ngaihdan inang lo tak takte chu zai khatin a luang tur a ni ang. Rom 15:5,6-ahchuan, “Chutichuan kan Lalpa Isua Krista Pathian leh aPa chu... tawnin awmtir che rawh se,” a ti a. Hetah hianthil pawimawh tak chu, pumkhat tur chuan mahni inphatngam hi a ni. Tirhkoh Paula hian mahni tana nung lovamidang tana nun chungchang hi a sawi zing hle a. Chutak chu ringtute nunhona atana pawimawh lehhmasawntirtu a ni reng a ni.Chuvangin rawngbawlnaah inpumkhatna hi apawimawh hle a. Mimal leh mimal inkarah a dik em ema. Hemi rual hian Kohhran leh a hnuaia rawngbawlna kepeng hrang hrangte nena Inpumkhata rawngbawl hi a tulhle a ni. Thawhhona tha tak a awm loh chuan rawngbawlnaa chak thei lo.

2. Rawngbawlna inbuktawk a pawimawh :

I Korinth 12:12-31 kan chhiar chuan taksaa penghrang hrang awm thu leh chung peng hrang hrangtehnathawh chungchang kan hmu. Heng peng hrang hrangtenanmahni hna theuh tha taka an thawh hian mihring chu mipanngai leh hrisel a lo ni thin.Rawngbawlnaa hma sawna thanglian zel tur hiana chhunga peng hrang hrangten rualkhai taka an thawh atul. Rawngbawlna a inbuk tawk loh chuan Kohhran a chak ngawt thei lo a ni. Rawngbawlna huangchhungah malkhaiaKohhran tichak tur hian khawimah hi tling zo a awm lo.Thlarau ngaih pawimawh luat avanga inhruaina ngaihthahringawt hian sawtna a nei tlem hle. Chutih rual chuan kalfel fai tum luata Thlarau Thianghlim hnathawh ngaihthahpawh awl tak a ni. Chuvang chuanin kan rawngbawlnainhma a sawnna tur chuan a khawimah thlauhthla lo leh uarbik nei chuang lova inbuktawk taka kal tum hi kan kan zirtur pawimawh tak chu a ni.

3. Chawmna chaw tha a pawimawh :

Khawvela rawngbawltu hlawhtling tak tak zingahtute tihdan nge kan entawn ve tak ang? Mi hlawhtlingtetihdan entawn tur tam tak a awm laiin kan innghahna laipuiber Lal Isua’n rawngbawlna kawnga a mite a chawm danhi kan ngaihtuah ber tur a ni ang. Chungte chu-

(Phek 3-naah chhunzawm)

2009- KOHHRAN AW SEMTUTE:B-1:

Lalengkima, Lalfakawma, Lalkhawngaiha

B-2:

Ramchhanthanga,Lalmuanawma,Jeremy Lalhruaizela

B-3:

K.Lawmsangzuala,Zosangliana,Lalhriatpuia

B-4:

Ramtharmawia, Lalhmangaihzuala

B-5:

Lalhrilzauva Chhangte, Lalnunpuia

B-6:

Lalhmunzauva, Zorinsanga

B-7:

Zohmingthanga Tlau, Lalsangliana

B-8:

Lalmalsawma, MS Dawngliana, Lalremruata

B-9:

Lalhriatpuii,Lalnunziri, Lalruatfeli

B-10:

Lalbiakngheta, Malsawmtluanga

B-11:

Emmanuel Lalmuanpuia, Hmangaihzuala

B-12:

Lalnunthara, Lalfelkima

Kohhran Aw : Pathianni chhuak : Dt.13th December Phek-2-na

BIBLE STUDY : ROM LEHKHATHAWN

(

Rev. Wiliam Barclay hrilfiahna atanga lakchhawn )

A bila thil neih

( Rom 6:15-23)

(Chhunzawmna)

: Paula hian heti hian a tizui a.

“ Zirtir dan a hnena in inpekna chu rilru tak zetin in lo awih a”

.Hemi awmzia chu

“ In thiltih hi in hrechiang a, in duhthlanna ngeiin in tia ni”

a tihna a ni. Helai thu hi a ngaihnawm tlat mai. He thu lo chhuahna hibaptisma chungchangah a nih kha. Hemi awmzia chu baptisma chu inzirtirnaatanga chhuak baptisma a ni. Kohhran hmasa hunah khan puitlingin baptismaan chang thin a, an rinna puanchhuahna a ni. Chuvangin, mi tumah Kristiansakhuaah phur hlutna avang mai maiin an lut ngai lo. Zirtirna pek a ni a, athiltih chu a hre tur a ni. A chungchang thu chu ama chungah ngei nghah a ni.Krista thilpek leh Kristan a phut chu hrilh a ni. Chumi hnuah chauh chuan lutturin thuthlikna a siam ang.

Benedictine Puithiam Pawlah

chuan kum khatchhung enthka turin an la lut phawt thin niin an sawi. Chutih chhung chuan, akhawvel thawmhnaw inbel thin te chu thingremah a dah a. A duh hun hunah,a puithiam zirna chu bansanin, a khawvel thawm- hnawte chu hain a chhuahsanthei ang, tuman an sawichhe zui lo vang. Kum khat hnuah chauh athawmhnawte chu lak bo a ni chauh ang. A thiltih mek chu a hre tur a ni a,mitmeng kar chungin, ama duh thu thapin chu Pawlah chuan a lut tur a ni.Hetiang chiah hi Kristianna chu a ni. Isua hian amah zuitu atan hian a zui manchhut tawp thei lo chi hi a duh lo. Phurna sosan lai taka rinawmna nghet lolutuk chi a duh hek lo. Kohhran chuan a member luh tumte hnenah rinnain apek theih hausakna sang ber leh chu rinnain a phut te an hrilhfiah tur a ni.Paula hian nun hlui leh nun thar danglamna a sawi bawk a. Nunhluiah chuan bawlhhlawhna leh dan zawm lohna a langsar a. Ringlo mitekhawvel kha a bawlhhlawh hle, invawn thianghlimna awmzia pawh an hre lo.

Justin Martar-a

thil tawn kha a rapthlak hle. Rom-ah chuan nu leh pateduh loh naupang, a bikin hmeichhiate chu an paih mai mai a.. Zantin hiankawngsirah an mu a, misual pui pui, nawhchizawrhna in neituten an rawn lakhawm a, nawhchizuar turin an chawm thin.

Justin-a

chuan ringlo mite chua khak a, an nun khawlohna avang chuan khawpuia nawhchizawrhna hmunan tlawhin, hre miah lovin an fanute an pawl thei a ni tih a hrilh thin. Ringlomite nun chu chutiang chu a ni. Tin, Dan zawmna a awm lo bawk. An danneih chhun chu an tisa chakna dan chu a ni mai. Dan pawisaklohna hian danpawisakna vek a hring thin. Hei hi sual dan chu a ni. Sual chuan sual vek ahring thin. Thil sual kan tih vawikhatnaah chuan inthlahrung leh khur chunginkan ti thin. A vawihnihna chu a awlsam sawt a, kan tih zui zel chuan a harsalo telh telh a, sual chuan keimahniah a hlauhawmna a hloh zel a. Sual kankhawih vawikhatnaah chuan tlem te atang pawhin lungawina kan hmu mai a,a hnu zelah chuan a nawmna pangngai hmu tur chuan tih nasat a ngai tial tialthin. Sual kawng zawh tantirhna hian sual deuh deuhna a thlen thin. Nun tharerawhchu a danglam, felna nunpuina a nih a vangin. Grik hovin felna anhrilhfiahna chu mihring leh Pathian hnena an phu tawk pek hi a ni. Kristiannun chu Pathian a awmna tur hmun taka awmtir leh mihring dikna leh zalennazahsak hi a ni.

(Karlehah chhunzawmna)Editorial :

Kum tluana Kristian ten kan longhahfak Krismas chu kan lo hnaihleh ta hle mai. Mizoramah chuan ruainena lawm lo chu kan awm awm love.Keini Kohhran pawhinKrismas leh Kumthar chu ruai nenalawm kan tum ve leh chu a ni a.Hetiang hun takah hian Kristiannanena inmil em em mai,

Tlawmngaihna

lanchhuahna hunpawimawh tak niin a lang.Tunhma angin khawtlanghuapa hnatlang leh tihho hi a tam tawhlova. Tha thawh zawnga thawhchhuah phei chu a khat tawh hle.Hetiang hun hi mi tlawmngaitelansarhna hun a ni thin kha a ni a.Tunah erawh chuan hun a lo inherdanglama, tlawmngaihna kan tehnahmun pawh a dang ta. Tlawmngaihnatehna atana tha tak mai chu ei leh inchan insem leh teirei peihahah hian zuni teh mauh a.Kohhranin Krismas a lawmnaruaiah pawh hian lo thlir lrh mah ilami tlawmngai chu an rawn lang lehmai dawn a ni.Tin, Kohhran thiltiha mahni taa ngai lova Kohhran chu a hausa alawm ti pawl kan la awm pawh hingaihtuah tham a tling. Kohhran mitenkan phak ang tawk theuha kanthawhkhawm hi Kohhran hausaknahre chung sia a tulna lai taka hmangaengmah bo thlau lova kan enkawltepawh hi Kohhran mi diktak lehtlawmngaite zia a ni tih kan hriat a thaawm e.

Kohhran Aw : Pathianni chhuak : Dt. 13th December 2009 : Phek -3-na

Damlo Tawngtaipui Ngaite

Pu Lalpanliana, Pi Saithuami, Pi Lal-dinpuii (IB) Pu C. Luaia, Pu Chaldai-lova leh Pi Lalchhuangi te i tawngtaipuizel ang u.

Pangpar Tui Petu

Dt.14th - 20th December chhungapangpar tui petu tur te :

1) Pi Lalrinmawii2) Pi Lalsawimawii3) Pi Lalramliani4) Pi Lalpartlani

KTP AW

Kristian Thalai Pawl chuan Dt. 21-22.12.2009 (Thawhtanni-Thawhhlehni) hian Kohhran Com-mittee hriatpuinain Kum 2009chhunga an Project, Mixer tuak nanKrismas Carol Kohhran chhungkuatehnenah an rawn nei dawn a. Mixer hiRs 64,000/- man bawr vel a nihavangin thahnem ngaih a na hle a.Kohhran mipuite,n thanemngai takalo tanpui turin an ngen tak meuh meuha ni.

Kristian Thalai Pawl chuan Dt. 14thDecember,2009 (Thawhtanni) zanhian Centenary Hall-ah Pu Vanlalena,First Class Magistrate chu ruaiin

Inneih chungchang-a

mipuitehriattur inzirtirna a buatsaih dawn a.Hemi hunah hian KTP memberzawng zawngte chu kal ngei turabeisei an ni a. Kohhran mipuite pawha tel duh apiang chu inthlahrung hauhlova tel vek turin min sawm a ni.

NPSS

Dt.14-15.12.2009 hian VacationBible School (VBS) a buatsaih dawna. Nu leh paten kan fate heta kal ngeitura kan tirh theuh a duhawm hle.

Krismas Carol ServiceDt.18.12.2009 (Zirtawpni) zan hianhman tur a ni a. Hetah pawh hian nuleh paten kan fate hun hmante kanhlutpuia thahnem ngai taka kantawiawm hi kan tihtur a ni tih i hriaang u.

(Sermon chhunzawmna)1) A mite a hmangaih hle :

Matthaia 9:36 kan chhiar chuan vengtu nei lo beram anga amite an awm a lainatzia kan hmu. Keini zingah hian thlarau bo hmangaih lokan awm ka ring lo. Chumi a nih mek lai chuan kan rawngbawlna huangchhungah hian hmangaihna zia a lang meuh em, tih kan ngaihtuah a ngai.Beramte chuan a hmangaihtu aw chu an hai lo reng reng. Chuvangin kanrawngbawlnain a tum, mi hla zawkte, Pathian hnen lama hnuh hnaih hi ngaihthahlova kalpui a tul hle.

2) An mamawh a phuhru :

Johana 6:2; Matthaia 15:30 kan chhiar chuan Lal Isua hi amamawhtute tan a inhawng hle.Lal Isuan taksa, thlarau, sum leh pai thlengpawhin an mamawh a tihsak ang hi chuan kan thei lo mai thei. Amaherawhchu,a mamawhtute tana hnemhnanawm hian kan rawngbawlna hi kan kalpui takzetem? Kan thu an ngaihthlak atanga hmasawnna rahbi an rah loh chuan awmziaa awm lo a ni.

3) A zirtirna a phurawmin zawm theih turin a zirtir :

Chanchintha bu lite kan chhiar chuan Isua zirtir dan kawng hranghrangin kan hmu. A thu ngaithlatuten an hriatthiam zawng takte, an nitin nunabet tlatte leh lawm taka an ngaihthlak thute kan hmu. Lal Isua hian pathianthu tak huai tak leh thunei taka a sawi avangte hian mipuiin an bawm nasabawk. Heng zawng zawngah hian kan ngaihtuah tur chu, eng ang pawhinsawi rilin hre thuk mah ila ngaithltuten an hriat loh chuan mi a ko khawm theilo. Chu lovah pawh, nunphunga hman zui theih mang loh kan aupui chiamhian sawtna a nei tlem. Chuvangin kan rangbawlnaah hian chawmna thu thaleh tling, himdam tak nena rawng kan bawl a tul takzet a ni. Tirhkohte Thiltih4:33-ah Tirhkohten awihawm taka thu an sawi ang khan kan thu ngaithlatuteawih zawnga thu sawi thiam pawh a tul.

4. Tihdan thara tih a tul chang a awm :

Luka 5:36-39 kan chhiar chuan savun uaiin peng hluia uaiin thar thunloh tur tih kan hmu a. Rawngbawlna kawngah hian kan lo tihtawh dan kalsanhi thil har tak a ni. Mahse, hmasawnna rahbi kan rah dawn tak tak chuan atangkai lo paih ngamte pawh a tul hle. Chutih rual chuan a thar sengluh ngampawh a tul. Thuhriltu 3:1-9 ah pawh paih hun, lakkhawm hunte a awm, a tihkha. Chu chu a hlawkin hmasawnna rahbi min rahtirtu a ni tih a lanna chuTirhkohte Thiltih 16:4,5 kan chhiar chuan Jerusalem inkhawmpuia an thurel,an tihdan hlui bansana Gentailte hnena phurrit bel loh thu an tlangau pui chuanringtute an nghetin hma an sawn tih kan hmu. Chuvang chuanin kan rinna,thurinte tinghing chuang lo leh tibo chuang lova tihdan thar kan ngaihtuah zela tul takzet a ni.

Tlangkawmna :

Hunbi hian kawngro a su nasa hle mai. Kum 10 kalta ngawt pawhkha ngaihtuah let ta ila. Kohhran leh khawvel thilah pawh kan danglamziakan hre thei ngei ang. A tlangpuia thlir chuan taksa lama hmasawnna a nasatpoh leh thlarau lama kan nun hi a hniam sat zel nite hian a hriat thin. Khawvelnawmsakna, sanna, ropuina kawngah a intlansiak zel a, chak takin a thanga, hmasawnna hi kan umpha lo chu a ni deuh ber mai. Chu chuan rawngbawlnakawngah a tha lam leh tha lo lamah nghawng a nei zel bawk a. Chuvanginkan rinna kawngah pawh, kan rawngbawlnaah hian tunlai khawvel a thandan mila kal silova, tunlai khawvel than ruala rawngbawlna kawnga kan thanahma kan sawn zel theih nan ngasihtuahna thar nen rawngbawlna ke i pen zelang u.

(Kohhran Aw a thuchhuah tur nei reng reng chuan Editorial Board member hnenah emaw Kohhran Chowkider inah emaw thehluh thin tur a ni

)