Paghurop-hurop sa Tawo

ni: Jim Paolo Blasco

What is person? Ano an tawo? This is the question concerning our
personhood. A person is technically associated with the word human being.
Tano ta kaipuhan ta nyato mag adal ning ukod sa tawo? Saro sa mga
pagkakaiba ta sa mga hayop siring kita kaya ta mag pilosopiya. Nakakanuod
asin nakakaintindi kita ning mga pangyayari sa satuyang palibot. Halos gabos
na bagay igdi sa mundo, gabos yan may rason. Yang rason ang inaadalan kan
tawo para mas lalo kitang malinawan.
An tawo ang pinkacentro kang pagtukdo ning pilosopiya. Nag aadal
kita kani ta eyo an matukdo sato kung pano ta intindihun ang mundo. Pero
sympre bago ta intindihun an sarong dakulang konspeto pirmi kitang mapuon
sa pinaka basic na konspeto, yan ang tawo.
Sa duwang sem na inadalan mi kang pilosopiya kan tawo, dakolon ako
igding napag urop urop. Ang simpleng tawo palan bako man simple kung
iisipun kan sarong matalinong tawo. An tawo palan dakol ibat ibang
konsepto arog kan kung pano ini magkakan, mag udo, mag ugma,
mamundok, asin mamuot sa saiyang kapwa. Kun siring, an tawo sarong
komplikadong bagay na kaipuhan ning maurag na pag isip para nyato
maintindihan ning maray.
Syempre sa pagtukdo ning mga bagay bagay, arog kang tawo, dapat
magpuon muna sa pinakapasil asin sa sadiri muna. Sa inot na pilosopiya
(Philosophy 1) tinutukdo sato kung ano ang tawo. Asin kung pano ini
makisalumaha sa sadiri, sa kapwa nya tawo, hayop, sa saiyang Diyos, at sa iba
pa.
Sa pag adal ko ning pilosopiya, namutan ko na an tawo iba iba kung
mag isip. Pararehas man kita sa panluwas na postura pero sa pag isip isip grabe
ang pagkakaiba ta. Ginigibo ta an sarong bagay ta kita may sadiring rason,
nyato ang utak ta iba iba mag isip. Digdi kita nagkakaiba. Nag kakaiba kita sa
ugali, sa paghiro, sa hilig ta, asin kadakol pa.
Dawa an tawo may sadiring utak, ang pag iisip ta dae man
nagkakarayo. An utak ta koronektado man nangad sa kada saro. Dapat man
giraray pirmi man nangad na sa tama ang mga desisyon na satuyang ginigibo.