TUALCHHUNG

&& Pu PC Lalhmangaiha (50),

kan member Nl. Mercy Lalruatfeli,(JNC-a Iyr BA zirlai) Pa chu Ningani (21st January) khanChennai-ah a boral a. Chennaiatanga Aizawl lam pana an hawnakawngah Bangalore kaltlang a ngaia. Nimin chawhma 11:30am khanBangalore Airport an rawn thlenga. Kan Vice President leh Gen.Secretary ten an lo han hmuak a. Nizan 9pm khan Rev. Dr. K.Sapthanga te Inah thlahnainkhawm BMCF lamin an siam a.Tukin khan Aizawl lam an pan.

&& Pi Gabrina Chawngzâmi(70),

kan member Tv. SamuelVarte Pi chu Ningani chawhnu dar 3 vel khan an awmna Tlangnuamveng, Aizawlah lungphuchawlavangin a boral.

&& Chhungkaw hna

avangaAizawl lama zin kan President PiLalrinpuii pawh nizan khan tluangtakin Bangalore a lo thleng leh ta.

&& Theological College, Unitedleh FC Kan Veng

te pawh Ninganichawhnu dar 4:00pm khan TCUnited ground inhmanthiamahnasa takin futbol khelin an inkhuainuai.

Article Article Article Article

I hlawhtlinna aiin Mize than zelna khaa pawimawh zawk

(What you are becoming is more important than what you are achieving)

Mi thenkhat chu an thil tihah an hlawhtling a, sumdawnnaah te, sorkar hnaah te leh kawng hrang hrang an zawhnaah an ti thain, sawi tham an loni a. An thil tihah an entawntlak pawh a ni ang. Amaherawh chu anmiziaah chapona te, midang aia danglama inhriatna te, nawmchennalamah te leh mahni induh tawknaah te an kalin midang tana a tha zawngahman tlakah an insiam ta thin lova.Chaponaa khatte leh duhamna khurah te tlu lutin mihring anga anmizia chu chhenfakawm ni lovin chutiang chuan an lo danglam a, atawpah chuan chhiatnaah an tlu lut ta thin a ni. An hlawhtlinna te chuchapo puiin mi tih ve theih loh ti angah inngaiin chu chuan an mizia atidanglam a, mi dang tana tangkaina nei lovin anmahniin tukhaw hriatlohvin an ral ta thin a ni. Mi dang tana chhawrna tur an awm tawh lo.Chutiang bawkin mi thenkhatte chu an thil tiha an lo hlawhtlinin,sumdawnnaah a ni emaw, sorkar hnaah a ni emaw, lo neihah emaw thilchi hrang hrangah. Chutiangah chuan an hlawhtlinna kha midang vangahlawhtling leh midang puihna avang te leh midang thatna tur a ni tih hrerenga an hna leh thiltih te chu ti an ni tih hria a, an hlawhtlinna pawh chumidangte tan a ni tih an hria a. Mite malsawmna leh duhsakna an dawnga, Pathian thatna avanga hlawhtling an ni tih an in hria a. Chu chuananmahniah inngaihtlawmna te, thuhnuairawlhna te, dawhtheihna te,midang pawisakna te leh Pathian zahna te a rawn siam chhuak a, chuchuan an mizia chu a tha lamin a than tir a. Mi te tana tangkaina an loneih ve avangin midang te duhsakna leh malsawmna te an lo dawng tathin a ni. Chu chuan an nun a tinuam a, midangte tan chhenfakawm lehtangkai, midang tiphurtu leh fuihtu tha an lo ni ta thin a ni. Diknangainata chawisan te, felna te, rel dikna te, mi harsa zawk khawngaihnate, ngilneihnate lan tirin chutiang zawng chuan an mizia a lo danglamchho tial tial ta zawk a. Chu chuan mihring chu a tha zawngin a ti thanga, chutiang mi te avang chuan khawvel hi a lo nuamin mihring nunchuan Pathian awm dan duhdan a lo hnaih tial tial thin a ni.

A lehlamah chuan mihring chu a chhe zawngin a lo danglam chho tialtial thei bawk a ni. Tisa thilah lo hausa in lo thangin dinhmun sangahawm mahsela, chapona a khata awmin a dinhmun leh hausakna chumidang te tih retheih, tih hrehawm leh neksawr a hmang thei bawk.Chutiang mi chu midangte tana tawrhhlelhawmin a mizia a lo thang a, alo danglam tial tial thei bawk.Chuvang chuan kan hlawhtlinna kan tih te hi kan mize thang chho zeltur, a tha lama thanna, midangte tana chhenfak awmna tur dangtu lehtichhetu a ni thei bawk. A tha lama mize than chhoh zelna hi hlawhtlinnamai ai chuan mihring tan a hlu zawkin nun khua a ti nuam zawk a ni.

(He thuziak hi P.Lalnithanga ziah a ni a, Mizoram nitin chanchin phek Vanglaini atanga lakchhawn a ni.)

An Official Organ of The Bangalore Mizo AssociationRegistered Under Societies Act of Karnataka No. BLU-S188-2007-08 Date 7 May 2007

Vol. XVI Issue No.43 Bangalore Mizo Association Pathianni Tin Chhuak Chanchinbu Date: 23

January 2010 Phek Khatna

BMCF INKHAWM

January 2010, 3:00pm

Hruaitu:

Rev. LH Rawsea

Tantu:

Nl. Lalnunpuii Fanai

Thawhlawm:

Pi Irene Malsawmtluangi

Sp. Number:

Tv. Michael Lalchhuanliana

Thuhriltu:

Rev. Athang Leivon

Changvawn:

‘I awmdan tur chu Lalpa chungah nghat la…’ Sam37:5

Editorial

Kan mamawh ber ang em?

Pathian Thlarau Thianghlim pawl tharna te, mahni lama sual inhriatna leh sim tur neia inhriatnahi mihring lamah hian a awm vereng thin a. Hei hi Pathianin kanhnena hna a thawh thin vang a ningei ang. Kan khawsak honaahMizote hi engemaw thil, a huholam emaw, programme danglambik deuh emaw, thusawitu danglambik deuh emaw tul tlatna lehmamawh tlatna hi thil tam takahhian a tel deuh emaw ni chu aw tiinka ngaihtuah a. Sawi tawh anginkan then leh rualte hmaizahna te,rualpawl naa ngaih avanga mahnichhia leh tha hriatna pawh hmang theilo leka thil tha ti turin thil thalokan tih leh thinna hi, thil tha ber chu a nilo a. Hetiang ka ngaihtuahthin hian Mizote hian Thlarau lamnun siam thar zel nan leh Pathianrawngbawla ke pen zel nan hian‘INSUMTHEIHNA’ hi kanmamawh ber niin ka hre thin. Tin,mahni ngaihdan ringawt kalpuitumna te hian thil thalo lamah minhruai duh viau bawk ni tein kahria.

Picnic hlimawm tak neih a ni dawn!!

BMA Executive Committee chuan hun thawl tha deuh hnuaiaintihhlimna neih thain a hria a. Bangalore khawpui chhung atanga hlalo tak, nuam leh changkang ve tho si, a man tlawm bawk si Bits Clubchu lo hmelhriat deuh tawhte a ni bawk nen; hman tha a ti a. Hemihmuna picnic neih hun atan Januaryni 26 (Republic Day) chu a ruat ta ani.Bits Club awmna hmun hi athawvengin; khawchhung atangin ahla lo hle mai a. Kan inkhawmnaBiakin atangin hmar lamah 10kms bawr vel niin Kothanur thlen hmaHennur Main Road a tlan zelin, dinglamah gate lian tak a lo awm angachuta tang chuan a kawng hi a peng a ni. Bits Club ah hian TuiChenna nuam tak mai a awm a, table tennis te, carom board te a khelhtheih bawk a. Tui chenna hi a pawn lai ber 3ft a ni a, a thuk lai ber chu 7ft chauh a ni. Naupang tuichenna a hranin a awm leh bawk.Mahni duhzawnga inthuamin tuiah hian a chen ngawt theih loh a, danleh dun fel tak siam a ni

(a hnuaiah ziah lan a ni e).

Swimming pool bul vel hi phul mawi tak leh mam takin a hual vel vek a, thutna te pawh siam a ni bawk. A bulah restaurant a awm bawk a. Hetah hianei tur man a tlawmin ei a man hla viau a, a chi hrang pawh a tam vekhawp mai. Inchhung lamah table tennis te khelh theih a ni a, snooker te pawh a awm bawk. A piah leh deuhah kalin, hmunawl nuam ve tak a awm a, tah chuan football a khelh vel mai mai theih awm e, tin,volleyball te pawh a khelh theih bawk ang. A duh tan phul velah athut theih bawk a, a nuam phian ang.

Engzatnge sum keng ila tawk ang?

Bits Club ah hian member nilo mi pakhat tan luh man Rs.100

(mintlawm theih chuan hei aiin a tlem deuh ang)

a ni a. BMA lamin a manchanve hi an tum dawn a ni. Tin, kalna hi BMA lamin an tum dawn bawk a. Chutih laiin kalna tur lirthei nei chu mahniin emaw thiante pawh thurualpuiin emaw a kal theih tho a ni. Ei leh in erawhchumahnia in tum a ngai dawn a, club chhungah hian ei leh in tur a awma, a man pawh a tlawm khawp mai.

Tuiah ka cheng ve duh dawn a, engtin nge ni ang?

Tuiah i chen dawn chuan tuichen thawmhnaw synthetic puanngeiin i inthuam anga, tin hmeichhiain an lu an tuam a ngai dawn bawk a ni. Tui i chen hmain tuichenna bula shower ah i in tleng fai phawt anga chuan tuiah i cheng zek zek thei chauh ang. Heng tuichenthawmhnaw te hi a hmunah lei tur a awm a, mahse a toin a chhehlawm deuh a, mahnia in lei chu a tha zawk mai thei.Bangalore Mizo Association member te chu he picnic hlimawmtak turah hian kal vek turin kan insawm e. Kal thei tur te chu GeneralSecretary hnenah kan in report anga, kal dan turte pawh chiang takinkan inhriattir thei zel ang. Hetiang ang hun hi kumtin siam a ni lemlova, chuvangin kal pawh a man hla hle dawn a ni.

Editor

Tv. Mâdawnga Hauhnâr

Joint Editors

Pu Josiah L. RalteNl. Nancy L. Sailo

Contributors

Pu Paul LalchhanhimaTv. Lalnundika Hnamte

Circulation Managers

Nl. B. LalthakimiNl. Zaithanmawii

BMA AW lak man:

Thla khat - Rs.20Thla thum - Rs.50Thla ruk - Rs.90Thla sawmpahnih - Rs.180

E-mail:

bmanews@gmail.com

Website:

www.bangaloremizo.info

I mobile-ah khan

JOIN BloreMizo

tihtype la,

567678

ah thawn rawh.Bangalore Mizote tana Hriattirna lehthutharte ilo dawng thin dawn nia.

Vol. XVI Issue No.43 Bangalore Mizo Association Pathianni Tin Chhuak Chanchinbu Date: 23 January 2010 Phek

A lehlamah erawh chuan

Hun rei tawh tak atanga lo incho tawh TC United leh FC KanVeng te chuan football match turu leh ropui tak mai tunkar Ningani khan UTC home ground-ah an khel a. A ropuiin entumipui pawh an thathnem hmel hle.Inkhelh hi chawhnu dar 4pm ah an tan a. Inkhelh phat atanghian Pu Josiah leh Pu Mathana te chu an tang hle mai a, an dul anum char char a ni deuh ber. Pu Nunmawia (aka Kaka) hian tuntum inkhelh chu a duh angin ball a chang hman ta meuh lo, alungleng lutuk ni berin a teammate te chuan an hria. An khelhhun hmasaah Pu Josiah (aka Vengnuam Sheriff) chuan nalh femaiin UTC lamah chuan goal a thun ta. Hun chanve hnihnaahchuan Pu Josiah chuan a pet lut leh ta hlauh mai. UTC lam anchauin an thla a han phang tak tak mai chu… Thlang lamah annupui fanaute an awm thup mai bawk si…pui tak a ni. A tawp atawpah chuan FC Kan Veng lam chuan 5-2 in chak zawk nihnaan chang ta hlauh a ni. Pu Josiah’n hat trick a siam tep.

Pu Mathana Pu Zohmaa Pu Josiah(no.10) pet goal lai

***************************

1. Bangalore Mizo Nula Fel leh Tlangval Fel Thlan:

Kumdang pawha kan lo tih tawh thin Bangalore Mizo Nula fel lehTlangval fel thlan chu kumin atan February ni 28 Inkhawm banahneih nise tiin Executive Committee chuan a rel. Nula lehTlangval Fel thlan chungchangah hian sawi tam tak a awm a.Engpawhnise, committee lam chuan he inthlanna hi neih leh nisetiin a rel a. Member ten lo hriain tunge kan thlan anga, tunge thaang tih kan ngaihtuah tlan theuh a tha awm e. Hetiang hian atehna leh thlandan siam a ni a, kan hre reng dawn nia.(a) Mahni hna, zirna kawnga taima taka ti thin leh hlawtling.(b) Chanvo hlen thin mi.(c) Mi in vawng fel leh hnamzahawmna vawng him thin.(d) Mi hawihhawm leh Pathian tih mi.(e) Mi tanpui peih mi leh thenrualkawm thiam.(f) Tihtur awm apiang tlawmngai takati thin.Tin, heng bakah hian, kumdanga lothlan tlin tawhte hi an thlan nawn theihtawh loh bawk a ni.********************************

MIZORAM CHANCHINTHAR

&& Bungthuam khua

ami Tv.Zarzokima thattu mi pathum te chuMizoram police leh Assam Rifletangkawpte chuan an man tawh. Heinthahna hi nikum November ni 13 athleng kha a ni a. Anni hi BRU lehkhasiamchawp te pawh lo dah ngei tuteniin an sawi.

&& New Land Use Policy

atana sumsem tur chu la hmuhloh a ni. NLUPatana sum hman tur bik an dahna,Agriculture & Allied Activities sum,Advance Special Plan Assistance(ASPA) hnuaia mi tur chu Mizoramsorkarin a la dawng lo.

&& Cheng vaibelchhe 70.59…

Planning Commission DeputyChairman, Montek Singh Ahluwalia ina thuneihna huamchhung atanga pawisaa pek chhuak theih (DiscretionaryFund) atangin Mizoram tan One timeACA chu a pe a. ACA sum hmuh a nihtheih nan hian Mizoram sorkar chuan project 20-ah DPR siamin, PlanningCommission-ah a thehlut a, chungzinga 19, cheng vaibelchhe 70.59 huchu pawm ani.

&& Mizoram leh Tuikuk inbia.

Tripura-a Tuikuk tlanchhiate lâk let dantur chungchangah Mizoram sorkar official leh Tuikuk aiawhte chuZirtawpni khan Secretariat ConferenceHall-ah an inbia a. Inbiaknakaihhruaitu, TV Fambawl, Addl.Secretary (Home) chuan, Tuikukte chuthil phut vak vak lo turin a hrilh.