PROPOZIMI PËR EKZEKUTIM
PËRMBARIMORE
Çka është propozimi për ekzekutim?
• Propozimi për ekzekutim është mundësia e kreditorit që
përmes gjykatës ta realizojë të drejtën e tij për arsye se
debitori ka dështuar ta përmbush obligimin ndaj kreditorit
vullnetarisht.
Kush mund ta parashtrojë kërkesën për ekzekutim?
• Kërkesën për ekzekutim mund ta parashtrojë personi
fizik dhe juridik, pra kreditori.
• Kreditori mund ta tërheqë kërkesën e tij në cilëndo fazë
të procedurës përmbarimore.
Çka është kreditori?
• Kreditori është ai person ndaj të cilit dikush ka një
detyrim.
Çka është debitori?
• Debitori është ai person që ka një detyrim ndaj dikujt.
Çka duhet të përmbajë propozimi për ekzekutim?
• Propozimi për ekzekutim duhet të përmbajë:
1. Kërkesën për ekzekutim;
2. Dokumentin përmbarimor apo dokumentin e
besueshëm në bazë të të cilit kërkohet ekzekutimi;
3. Të dhënat për kreditorin dhe debitorin;
4. Mjeti me anë të të cilit duhet kryer ekzekutimi;
5. Të dhënat tjera që duhet t’i përmbajë çdo
parashtresë.
Në bazë të çfarë dokumentesh mund të kërkoj
ekzekutimin?
• Ju mund ta kërkoni ekzekutimin në bazë të dy
dokumenteve:
1. Në bazë të titullit ekzekutiv, që ndryshe quhet edhe
dokument përmbarues.
2. Në bazë të dokumentit të besueshëm, që ndryshe
quhet edhe dokument autentik.
FILLIMI I PROCEDURËS
Ekzekutimi në bazë të dokumentit përmbarues
Cilët janë titujt ekzekutiv?
• Vendimi ekzekutiv (Aktgjykimi/Aktvendimi) i gjykatës dhe
ujdia gjyqësore ekzekutive;
• Vendimi ekzekutiv i dhënë në procedurë administrative
dhe ujdia administrative;
• Dokumenti noterial ekzekutiv;
• Dokumenti tjetër që me ligj është quajtur dokument
ekzekutiv.
Kur mund ta parashtroj propozimin tim?
• Kërkesën për ekzekutim mund ta parashtroni pasi që
Aktgjykimi apo titujt tjerë ekzekutiv kanë marrë formën e
prerë.
Çka më duhet për t'i bashkangjitur propozimit?
• Kërkesën përmbarimore në pesë (5) kopje, katër (4)
kopje për gjykatën dhe një (1) kopje për debitorin.
• Aktgjykimin e gjykatës ose titujt tjerë të ekzekutueshëm
dhe të plotfuqishëm në tre (3) kopje.
• Taksën gjyqësore, sipas Udhëzimit administrativ për
unifikimin e taksave gjyqësore Nr. 2008/02.
Ekzekutimi në bazë të dokumentit autentik
Cilat janë dokumentet e besueshme?
• Kambiali dhe çeku;
• Faturat (si faturat e KEK-ut, PTK-së, Ujësjellësit etj).
Kur është dokumenti i besueshëm i përshtatshëm për
përmbarim?
• Dokumenti i besueshëm është i përshtatshëm për
ekzekutim nëse përmban informacione të nevojshme për
kreditorin, debitorin, si dhe objektin, vlerën dhe kohën e
përmbushjes së detyrimit.
Kur mund të kërkohet ekzekutimi?
• Nëse afati i përmbushjes së detyrimit ka arritur dhe
detyrimi nuk është kryer dhe nëse koha për kryerjen
vullnetare ka kaluar.
Çka më duhet për t'i bashkangjitur propozimit?
• Kërkesën përmbarimore në pesë (5) kopje, katër (4)
kopje për gjykatën dhe një (1) kopje për palën.
• Kërkesën që gjykata ta detyrojë debitorin ta përmbushë
detyrimin e tij në afat prej shtatë (7) ditësh-tre (3) ditësh kur
ekziston kambiali dhe çeku- nga dita kur debitori është
njoftuar për ekzekutim.
• Dokumentin e besueshëm në tre (3) kopje.
• Taksën gjyqësore, sipas Udhëzimit administrativ për
unifikimin e taksave gjyqësore Nr. 2008/02.
KUNDËRSHTIMI NË PROCEDURËN
Kush mund të parashtrojë kundërshtim në procedurën
përmbarimore?
• Debitori.
• Personi i tretë që pretendon se i takon një e drejtë që e
pengon ekzekutimin.
Kur mund ta kundërshtoj ekzekutimin?
• Ligji për përmbarimore paraqet një listë të shkaqeve kur
mund të kundërshtohet ekzekutimi; p.sh: detyrimi është
përmbushur, koha për të përmbushur detyrimin ka kaluar ose
dokumenti përmbarimor është shpallur i pavlefshëm.
Çka më duhet për t'i bashkangjitur kundërshtimit të
ekzekutimit?
• Kundërshtimin ndaj vendimit gjyqësor apo dokumentit
autentik me të cilin lejohet ekzekutimi në katër (4) kopje, tre
(3) kopje për gjykatën, një (1) për palën.
• Së paku një (1) kopje të vendimit gjyqësor apo
dokumentit të besueshëm në origjinal.
• Provat në tre (3) kopje, dy (2) kopje për gjykatën, një (1)
kopje për palën.
A ka afat ligjor për parashtrimin e kundërshtimit tim?
• Po, ka afate ligjore për parashtrimin e kundërshtimit.
1. Nëse ju jeni debitor, kundërshtimi juaj duhet të
parashtrohet në afat prej shtatë (7) ditësh, nga dita kur ju
e keni pranuar vendimin gjyqësor.
2. Nëse jeni palë e tretë, ju mund ta parashtroni
kundërshtimin në cilëndo fazë të procedurës
përmbarimore.
Çfarë ndodhë nëse nuk respektohen afatet ligjore?
• Nëse nuk respektohen afatet ligjore, ju e humbisni të
drejtën e kundërshtimit në ekzekutim.
Çfarë efekti ka kundërshtimi në ekzekutim?
• Në përgjithësi, kundërshtimi nuk e ndalon ekzekutimin.
• Nëse debitori kundërshton ekzekutimin bazuar në
dokumentin e besueshëm, duke kundërshtuar ekzistimin e
detyrimit, kundërshtimi e kthen procedurën përmbarimore në
kontest të rregullt civil.
Çka është parashtresa?
• Parashtresa është shkresë në formë të shkruar, dorëzuar
në gjykatë. Sipas Ligjit të Procedurës Kontestimore parashtresë
konsiderohet: padia, përgjigja në padi, mjetet juridike (ankesat),
deklaratat dhe komunikimet me shkrim.
Qëllimi i kësaj broshure
Kjo broshurë është përpiluar nga Programi i Gjykatave Modele,
e mbështetur nga USAID, Programi për Mbështetje të
Drejtësisë në Kosovë. Qëllimi kësaj broshure është që të
informohen palët në parashtrimin e propozimit për ekzekutim.

Çka duhet të përmbajë parashtresa? Informatat në këtë broshurë nuk konsiderohen këshilla ligjore.
• Parashtresa duhet të përmbajë: Kjo broshurë përmban udhëzime të përgjithshme me qëllim
informimi. Për këshilla ligjore këshillohuni me ndonjë avokat
1. Emërtimin e gjykatës,
ose drejtohuni zyrës për ndihmë juridike.
2. Emrin e palëve,
3. Vendbanimin e palës/ve (adresën),
4. Objektin e kontestit, “Ligji për Procedurën Përmbarimore”
5. Kërkesën,
6. Deklaratën dhe nënshkrimin e paraqitësit të
Më shumë informacione për procedurën përmbarimore/të
Procedura për parashtrimin
parashtresës. ekzekutimeve mund të gjeni në Ligjin për procedurën
përmbarimore (ligji Nr. 03/L-008) i miratuar nga Kuvendi i
e propozimit për
Si duhet të jetë parashtresa? Kosovës më datë 2 qershor 2008 dhe ka hyrë në fuqi më 15
korrik 2008. Ligji mund të gjendet në këtë ueb faqe:
përmbarim/ekzekutim*
• Parashtresa duhet të jetë e plotë dhe e kuptueshme.
http.www.kuvendikosovës.org/
• Është e rëndësishme ta dorëzoni parashtresën tuaj të
plotë dhe të kuptueshme, në mënyrë që të mos shkaktohen
vonesa në procedurën gjyqësore. Vini re:
Kjo broshurë paraqitet në format pyetje-përgjigje, së pari keni
Në sa kopje duhet t'i dërgoj parashtresat? pyetjen pastaj përgjigjen.
• Tre (3) ose katër (4) kopje, varësisht nga lloji i
parashtresës.
• Më shumë informacione se në sa kopje duhet ta dorëzoni
çdo parashtresë, ju lutemi t'i shikoni broshurat tjera specifike
për parashtrimin e kërkesave specifike.

Çfarë ndodhë nëse parashtresa ime është jo e plotë

ose mungojnë kopjet e nevojshme?
• Nëse parashtresa juaj është e pakuptueshme dhe jo e
plotë, gjykata ju udhëzon për korrigjime dhe plotësime.
• Brenda një afati tre ditor ju duhet t'i bëni korrigjimet,
plotësimet e kërkuara nga gjykata, dhe dërgimin e kopjeve të
mjaftueshme në gjykatë.
• Nëse ju nuk i bëni korrigjimet, përmirësimet dhe nuk i
dërgoni kopjet e caktuara, parashtresa juaj do të hidhet poshtë
nga gjykata. *Këto dy terme i referohen procedurës së njëjtë
përmbarimore, ne do të përdorim në këtë broshurë
termin ekzekutim.