Description

ಕನ್ನಡ ಪ್ರಭ, ಜನವರಿ ೨೮, ೨೦೦೫, ಪು. ೬. ( How many kannada books in the Internet?, Kannada Prabha, January 28, 2005, p6).

ಕನ್ನಡದ ಹೊಸ ಪುಸ್ತಕಗಳ ವಿವರಗಳನ್ನು ಆಸಕ್ತರು ಇಂಟರ್ನೆಟ್ನಲ್ಲಿ ಹುಡುಕಿದರೆ ನಿರಾಶಾದಾಯಕ ಪಲಿತಾಂಶ ದೊರಕುತ್ತದೆ. ಇದಕ್ಕೆ ಕಾರಣಗಳು ಹಲವಾರು. ಪ್ರಕಾಶಕರು ಮತ್ತು ಲೇಖಕರು ತಮ್ಮ ಪ್ರಕಟಣೆಗಳ ಪಟ್ಟಿಯನ್ನು ಇಂಟರ್ನೆಟ್ನಲ್ಲಿ ಪ್ರಕಟಿಸದಿರುವುದು. ಕೆಲವರು ವೆಬ್ಸೈಟಿನಲ್ಲಿ ಪಟ್ಟಿ ಪ್ರಕಟಿಸಿದರೂ ಪ್ರಥಮ ದರ್ಜೆ ಹುಡುಕುವ ಯಂತ್ರಗಳು ತಾಣಗಳನ್ನು ಸಂದರ್ಶಿಸಿ ಸೂಚಿ ತಯಾರಿಸಿಟ್ಟುಕೊಳ್ಳಲು ಅನುಕೂಲವಾಗುವಂತಹ ಸೂಚಿಪದಗಳನ್ನು ಅಳವಡಿಸಿಲ್ಲ. ಯಾವುದೇ ಜವಾಬ್ದಾರಿಯುತ ಸಂಸ್ಥೆಗಳಾಗಲೀ, ಪ್ರಕಾಶನ ಸಂಸ್ಥೆಗಳಾಗಲೀ ತಮ್ಮೆಲ್ಲಾ ಹೊಸ ಹಾಗೂ ಹಳೆಯ ಪ್ರಕಟಣೆಗಳನ್ನು ಅಂತರ್ಜಾಲದಲ್ಲಿ ಅಳವಡಿಸದಿರುವುದೂ ಒಂದು ಪ್ರಮುಖ ಕಾರಣ. ಗ್ರಂಥಸಂಪದದಂತಹ ತಾಣಗಳು ಮಾಹಿತಿ ನೀಡಲು ಸ್ತುತ್ಯರ್ಹ ಪ್ರಯತ್ನ ಮಾಡುತ್ತಿದ್ದರೂ ಅನೇಕ ದೋಷಗಳಿಂದ ಕೂಡಿವೆ. ಈ ನಿಟ್ಟಿನಲ್ಲಿ ವಿದೇಶಿ ತಾಣಗಳಾದ ಬ್ರಿಟಿಷ್ ಲೈಬ್ರರಿ ಹಾಗೂ ಲೈಬ್ರರಿ ಆಫ಼್ ಕಾಂಗ್ರೆಸ್ನ ತಾಣಗಳು ಅನುಕರಣೀಯ. ಅಲ್ಲಿ ಕನ್ನಡ ಪುಸ್ತಕಗಳ ವಿವರಗಳನ್ನು ಅಚ್ಚುಕಟ್ಟಾಗಿ ತಪ್ಪಿಲ್ಲದೆ ನಮೂದಿಸಲಾಗಿದ್ದು ನಮ್ಮ ಎಷ್ಟೋ ದೇಶೀಯ ತಾಣಗಳಿಗಿಂತ ಹೆಚ್ಚು ಪುಸ್ತಕಗಳ ಮಾಹಿತಿ ನೀಡುತ್ತದೆ.