‫ود سميري ‪:‬‬

‫الليلة الصعيد امسن بروقو يلوحن‬

‫انا انوح محل الساجعات ما ينوحن‬
‫يا نسام شتل جدة الفروعو يموحن‬
‫زاداً في طواعيني االبن ما يروحن‬
‫ود الكيلة ‪:‬‬
‫يا نسام تمير المشرق المن جدا‬
‫اسقاني العقد ورداني ما بتعدا‬
‫علي الما قالوا عملت في االرامل فدا‬
‫حاكماهن كذي حكم السعودي واشدا‬

‫براريب اللري جاهن نسيم ودعاش‬

‫ونامت عين عشوقن جافت‪ -‬الرماش‬
‫قلب الجن بعد ما شاشا‪ -‬ما بنحاش‬
‫بال الصيد الدرج العقيدن بدر المرشاش‬

‫الشاعر ‪:‬عبد الرحيم ود الحصان اب ناجمة‪:‬‬

‫ام شور ام جليدا ًذي رفيع الشاش‬
‫وما خلت لي فكرا بشتغلبوا معاش‪-‬‬
‫اخير اب امنة داك ترا حارب الرماش‬
‫وانا دقت لي في قلب الصبي قراش‬

‫وايضا قال ‪:‬‬

‫السما جاب دهرب والحمار متغير‬
‫ومكنة قلبي مرة تسدي ومرة تنير‬
‫وكتين حسسي اصبح في اليسير مدير‬
‫قايتو ملكني ما ظنيتو منو بخير‬

‫لشاعر علي ود سالم طبعا من اهلنا السالماب قال ‪:‬‬

‫وصيت االمين قلت ليهو القوافي مليها‬
‫وشاتلهو العديرة وفكرو مشغول فيها‬
‫كان بذكرن نار الغرام تطفيها‬
‫جدع يا علي انت البي قرب راويها‬

‫ثم قال ابضا‪:‬‬

‫يصحا القلب في نص دقيقة يغيب‬
‫وفي اعمالوا ما ظنيتوا ثاني يطيب‬
‫فوسيبة المرون خضراء دابا تليب‬
‫وشوفة اللينة بطمع عقول الشيب‬

‫قال عبد الرحيم ود الحصان اب ناجمة ‪:‬‬

‫امسيت جسمي من مرض القلب متكرف‬
‫بخافوا يعادي بقعد بيهو برضي مطرف‬
‫قصدي زيارة الدعجة الجذوها مخرف‬
‫لكن العبد في نفسو مو مصرف‬

‫وهاكم دي لي ود شوراني‬
‫داك شرف اب نديب بان ياالكتيوي السابح‬
‫جيتو مخلي سرجك فوق سراتك نابح‬
 ‫بريبة قصيرة اللي للعسين بتصابح‬
‫عليها الليلة ياالعنافي باعك شابح‬

‫من قول ود سميري الفادني ‪:‬‬

‫أبكن يا البقيتن لي الغبينة مساكن‪-‬‬

‫عليكن طال ظبي ناس بت فالنة فراكن‬

‫حسس الديمة قمحان منهن شرَّ اكن‬

‫زي ما تركض النار في الحجر في راكن‬

‫مجادعة بين افذاذ شعراء البطانة‬

‫الشيخ أحمد عوض الكريم أبوسن‬

‫عبد هللا حمد ودشوراني الصادق أب أمنة‬
‫علي سليمان المرغمابي‬
‫كرار أب كردم‬
‫العاقب‪ -‬ود موسي‬

‫هؤالء من أفذاذ شعراء البطانة وغيرهم كثر‬

‫كانوا في مشوار وقالوا كل واحد إتكم في جملو‬

‫أحمد ود عوض الكريم أبوسن ( شيخ العرب ) قال‬

‫ياكور المفازات اللخبر فرك‬

‫وقبال تبقى نايب للوعر جرك‬
‫رئيس المنطقة المنو الغميد إنفك‬
‫أهجو الليلة يالسمح اللقالو مدك‬

‫ودشوراني قال‬

‫أب صلعة القطابي الطار بعد مارك‬

‫أسرع منو فور هرع البروق ال شك‬
 ‫علي دكك الجنيب الراسي مك من مك‬
‫سوى مشي الهوى القالع بعد مافك‬

‫الصادق أب أمنة قال‬

‫أكل الصافي عالك يا أب سناما ً رك‬

‫أبوك فارط الجدي األخد الروينة وجك‬
‫علي ست الصبا الدكانا قاطع اليك‬
‫رايف وفكفك الحسكة أم حديداً شك‬

‫علي سليمان المرغمابي قال‬

‫حر عنافي نسل أماتو قاطع الشك‬

‫جدو األبيض السابق خيول المك‬
‫الرمى الحجيل من النزيل الفك‬
‫بعيد ياأربد الشرق المجارب السك‬

‫كرار أب كردم قال‬

‫بعد ما إتفاضل الزهمول وسوطو جبك‬

‫جريك عنا وسرعك برق ونايبك كك‬
‫علي ست أم مرادة مني ما بتنفك‬
‫هاجم كاضم وزي حاضن الحبارة برك‬

‫العاقب‪ -‬ود موسى قال‬

‫يا الرهو المسافر للحجاز شرك‬

‫وعادة جدك السوسيو عليها عرك‬
‫عاشقي منزه الطبع العليه الرك‬
‫بعيد يا غايس البرق أب هديالً تك‬

‫الحكـم‬
‫غاب نجم األمل لقت العداوه اقارب‬
‫البتجيبه فزعه يكون دبيب وعقارب‬
‫البتقول صباح خير تلق بكره مغارب‬
‫دبرة صده وجعة جوه حربه غارب‬
‫**‬
‫يبس الشجر المحنه وراحت االهليه‬
‫ود اختك نصيحتي تقاطعو بي الكليه‬
‫ود العم مصيبه وبي المرض ممليه‬
‫والعجب ان قبيل عدمان ولق ماليه‬
 ‫**‬
‫الجني في المحاكم شفنا خاصم ابوه‬
‫والحق الجلي الشياب قبل بابوه‬
‫الشبان بقوا البصلي ما بحبوه‬
‫والدين المحمدي اقبو يسبوه‬
‫**‬
‫الصبي قاطع الوالدين ولم حباله‬
‫واالخو بي البترمي اخوه مشغول باله‬
‫الخال انسحب ود االخت سباله‬
‫والعم ود اخوه يدور نسب يا باله‬
‫**‬
‫الجار قاطع الجار والحيط علوها‬
‫وان قلت النصيحه الفي الكتاب قتلةها‬
‫االخوان على بعض السيوف سلوها‬
‫واموال اليتيم اهل السبع اكلولها‬
‫**‬
‫ما بتقدم ال لي عله ديمه عطاهُ‬
‫والبهتك عرض مكشوف تملى عطاهُ‬
‫البزرع له شوك البد يتوطاهُ‬
‫والبطبخ له سم البد يتعاطاهُ‬
‫**‬
‫طبع الطير يطير ويرجع على ماساهُ‬
‫والزول أن عدم بعقب على الختاهُ‬
‫السر ما مرق كان سيدو ما فتاهُ‬
‫كعب الماعفا وكعب العفا ونتا ًه‬
‫**‬
‫ودبت المحل ما تجد معاهو موده‬
‫وما تنغشه بي رزق الحجر ما نكده‬
‫كل يوم الفرع من عرقو ياخد مده‬
‫مو زول ستره ود االيدو قاطعه المده‬
‫**‬
‫ودبيت المحل ان طال يدك فوق محلو‬
‫ودساس العرق انسل المداح من محلو‬
 ‫يسوي الزين معاك عسالً مدور نحلو‬
‫يجبرو على الغسل سالف جدودو الرحلو‬
‫**‬
‫تيراب اليباس ما بجيب خدار يا شاديه‬
‫وما بتنتج فروع كان العروق مى ناديه‬
‫ثالثه يموتو فوق المن جدودن باديه‬
‫ودبيت المحل والعب وكلب الباديه‬
‫**‬
‫ثالثه احرص عليهن وفيهن امسك كب‬
‫عرضك وفرضك واألولى طاعه الرب‬
‫ثالثه اكسر ودادن وعودو نجرو شب‬
‫الكلب البعوعي والدقر والسعب‬
‫الناس خلقه واحده ظوهرا وبنيانا‬
‫الكين البطون ما بتغرق وديانا‬
‫تفرزن المروه البي النشاط مليانا‬
‫والحكم الثالثه عطا وصبر وديانا‬
‫**‬
‫ونسه العالمين يا ريبه ول نميمه‬
‫واالنفس على الشهوات كتر تعميمه‬
‫االيد البترحم ما بقولو هميمه‬
‫والبزرع جميل ببقاله لوم وزميمه‬
‫**‬
‫عمر سوق النفاق شرت وسيعه تجارته‬
‫انبهل الفساد الجار قمز فوق جارته‬
‫الماتم سبعه سنين ينح في سجارته‬
‫ود التسعه صاحب رخصه واجبه فجارته‬
‫**‬
‫الجور والضالل بين الخاليق شرن‬
‫االنفس على الشهوات جميع انجرن‬
‫ربات الخدور رمن الحجاب واتورن‬
‫السوق فيه باعن واشترن واتعرن‬
‫**‬
‫االفكار بقت فوق الحسادة جريها‬
 ‫واللي هللا راحت وما في زول طاريها‬
‫انطفت النصيحه وبدري طار طاريها‬
‫اما شهادة الزور ما ضرة لي البشريها‬
‫**‬
‫جميع خوف هللا راح واهل العلم رضيانه‬
‫وبى هتك العروض واحرين بقت عيانه‬
‫كتير االمنوه وسو كل خيانه‬
‫ماكي المرفعين قال العبور تقيانه‬
‫**‬
‫الحرة المؤصله اصبحت فجريه‬
‫ولدت بالحرام وسط الفريق عصريه‬
‫الوليان يقنتوا وديمه في ناريه‬
‫خايفين كلمة الضابطيه دي الحريه‬
‫**‬
‫ابن عمراً طويل ما بنقتل بي ظروفه‬
‫واب عمراً قصير مويه شراب مغروفه‬
‫سو عيشتك توكل والرزق مصروفه‬
‫بيض ديمه والعند هللا مى معروفه‬
‫**‬
‫صدرك ان ضاق على سرك فراغا ً منك‬
‫والبرودعو السر صدرو اضيق منك‬
‫ان عاتبتو عيب وان لمتو أعوج منك‬
‫يجي بعدين اللوم كلو يطلع منك‬
‫**‬
‫الزول ان حسبلك برضك ادو حسابو‬
‫وان جافاك كتير دافن الجني الراح سابو‬
‫قلبك لو شعر زعل الحبيب حسابو‬
‫أرجع انت يوم اللوم يجيك حسابو‬
‫**‬
‫تجارة أخر الزمن فانيه وعميرة قصير‬
‫والمال ما يضر ود القبيل مو خر‬
‫الشبع البعد جوع سيدو ديمه فقير‬
‫والريش البقوم بعد الكسر ما بطير‬
 ‫**‬
‫تجارة آخر الزمن زايله ومتاعه قليل‬
‫وأخر ايامكم اصلها طير في ايد عيل‬
‫ما دام سادو ناس الريالتو تسيل‬
‫االحسن على الخالء‪ H‬وام شديده نشيل‬
‫**‬
‫عمل الخير أجر والنيه مركب وصله‬
‫والشر دار خراب لى الديمه بتقنص له‬
‫رفق الدون ودار دواه قطعه وفصله‬
‫والعب والكلب ان طار يعود لى أصله‬
‫**‬
‫ما تعجل على شكره وتكون متقدم‬
‫وكم هلل صاحب شكره مات متندم‬
‫التبطلو ايدك في البالوي بيدردم‬
‫والتبنيلو يسكن في بناك يهدم‬
‫**‬
‫أخر في تدين وتبقى ايدك طايله‬
‫فيك يفوت فوات واللعبه تصبح خايله‬
‫الواحد يجيك مغرور ودمعتو سايله‬
‫بكره غبينه يوريك لى نجوم القايله‬
‫**‬
‫يحلف ليك بعد وهللا عشرين طلقه‬
‫باكر يخلسك لو جاع وشحد السلقه‬
‫يعيب منك سنه وتسال خير ما تلقه‬
‫اول ما تلقا يديك كلمه زي الطلقه‬
‫**‬
‫تذكرو بي الوعد يسرح تقول بيفكر‬
‫تطراك الحليفه يقفلك انا متذكر‬
‫تقول ادينا يقلب وشو طين متعكر‬
‫تقولو جذاي يقولك أنت ليه متوكر‬
‫**‬
‫قلوب الناس نست موالها ابقى معلم‬
‫أكتب وتاني شهد قبل ما تسلم‬
 ‫يغالتوك في حقك تقيف متبلم‬
‫يا تشتكي وتقابح يا تموت متالم‬
‫**‬
‫ما تمر باليمن عير مستند في شمالك‬
‫ومن بعد السند يا ريت تلم في مالك‬
‫كتير الحقو راح قالولو من اهمالك‬
‫ايه الداعي لو أحميتو مالو ومالك‬
‫**‬
‫الواسطه التجيك لي كتله وهللا خساره‬
‫ان خليتن افضل ديل تماسيح ساره‬
‫ورهن القنع بي كل جد وجساره‬
‫خلها ونستم التكون ما لقينا فيه بصاره‬