MURDHA WAKIYA

Om Suastiastu,

Agung suksma atur titian majeng ring Ida Sanghiyang Perama Wisesa asung kerta wara
nugraha ring rahinane mangkin Anggara Pahing Dukut, Sasih ke 6 Rah LL (solah) Isaka 1970.
Tahun masehi tanggal 16 Desember 1985. Doning sidaning kapti ngardi ubaya/awig-awig maka
sukertaning para pemaksan susrusa bakti nyungsung pelinggih Ida Betara ring Pura Natar Sari.

Inggih daging awig-awig sane kinucap ring ajeng, kesinahipun kadi mungguh ring sor
puniki.

PALET KAPING I

Indik wawengkon miwah sane patut ngeranjing kerama pemaksan

Paos 1.

Sane patut ngeanjng pemaksan miwah sareng nyungsung Ida Betara ring Natar Sari,
inggih sang sapa sira ugi sane megenah sejeroning Desa Selingsing.

Paos 2.

Kerama pemaksan sejeroning Desa Selingsing puniki kebagi dados kalih banjar, sane
abagi ngeranjing Banjar Lalangpasek, malih abagi ngeranjing Banjar Batanduren.

Paos 3.

Sang patut kengin ngeranjing miwah tedun mekrerama pemaksan, inggih punika sang
sane sampun tedun miwah ngeranjing mekerama banjar suka-duka ring wawengkon banjarnyane
sowing-sowang, minakadinyane :

a. Sampun minggah truna miwah truni

b. Sampun merabian
c. Sane balu rangkep.

2
 Paos 4.

Sang sane patut miwah sandang tedun ngeranjing pemaksan patut kesadokang
(dilaporkan) olih para jurunyane ring sowing-sowang pebanjaran.

Paos 5.

Sang sane megenah ring dura desa (sios ring Desa Selingsing) miwah sios pebanjaran,
wenten peradu manahipun susrusa bakti ngeranjingpemaksan, tan wenten halanganipun.

Paos 6.

Sang sape sire ugi ngaturang bakti, meserana antuk canang, sesayut, tan wenten
kawiwara. Nangin tan wenten keiket antuk pedruwen Ida Betara.

PILET KAPING II

Indik Swadharmaning Pemaksan

Paos 7.

Swadarmaning ……………………………………………………………………………...
…. Seurah-arih kewentenan ring Pura Natar Sari, mekadinipun :

a. Indik upacara miwah aci-aci,

b. Mecikang sa salih sinunggil wewangunan sane rusak (pelinggih-pelinggih),
c. Mecikang tapakan miwah pelawatan Ida Betara sami,
d. Mecikang unen-unen peregina miwah gamnelan,
e. Mecikang seluwiring pengangge-pengangge, penganggen Ida Betara miwah peregina.

Paos 8.

Rikala piodalan Ida Betara, ida dane pemaksan sareng sami patut ngaturang ayah, pedek
tangkil, ngaturang bakti miwah sesayut sakasidanipun.

2
 Paos 9.

Rikala tangkil, mebakti, ke pura patut ngangge pengangge adat sane bersih miwah anyar.

Paos 10.

Kenjekan ida dane pemaksan wenten sajeroning Pura tan kedadosang mebaos sane caah
cau, luwire :

a. Memisuh,
b. Miyegan, cutetipun sekancaning tingkah laksana sane kebaos ngeletehin.

Paos 11.

Sang sane kecuntakan (sebel) diastun cuntaka sarira (nyebelin dewek) tan kengin
ngeranjing ke Pura.

PALET KAPING III

Indik penyisip (tentang sanksi)

Paos 12.

Sang sapa sire ugi ida dane kerama pemaksan purun nungkasin daging awig-awig puniki
ketibening sisip/denda manut perarem.

Paos 13

Sang sape sira ugi, sios saking mulan kerama pemaksan purun nguragda majeng ring
linggih Ida Betara ring Pura Natar Sari, diastun ring penataran patut keni sisip manut perarem.

PALET KAPING IV

Indik Pangemong Pura Natar Sari

Paos 14

Pura kinucap ring ajeng ke-emong antuk jero mangku lan penyarikan tur kesarengin
antuk para juru sane kemanggehang antuk para pemaksan.

2
 Paos 15

Swadharmaning kadi pemangku, patut nyaberan mehening hening tur sampun medics
Widhi, nenentene mewinten Agama. Sapunika taler Penyarikan tasah nyarengin I Pemangku
dados juru sapuh ring Pura.

PALET KAPING V

Indik Wewanengan miwah Suwene Rajeng Pemangku,

Penyarikan miwah prejuru ring Pura

Paos 17.

Wewanengan Pemangku manggeh secara turun-temurun. Yang perade putung patut

ikerama pemaksan ngewentenang peparuman miwah perarem indike ngerajengang Pemangku
malih.

Paos 18.

Wewanengan penyarikan pateh kadi munggah ring paos 17.

Paos 19.

Wewanengan Prejuru Ageng miwah sane siosan, suwene 3 tahun. Uwus punika kengin
kepilih malih ejabat.

2
 PALET VI

PENUTUP

Awig-awig ubaya pasukertaning Pura Natar Sari puniki kemanggehang (disahkan) antuk
para kerama pemaksan sami tur keajengin antuk Prejuru, Pemangku, Penyarikan, tur
kelaksanayang ngawit saking rahina kasuratang Awig-awig puniki kengin taler keuwah uwuhin
yansampun saking perarem.

Inggih maka pemuput titiang tan lali malih ngaturang suksema miwah pengayu bagia ring
Ida Sanghiang Perama Wisesa doning sampun sidaning kapti.

Om santi, santi, santi, Om

Juru/Pengelingsir Pura Natar Sari

Ratu Ajin Ida Bagus Gede Yadnya