You are on page 1of 1

Tirrugza n wungif

Sγur : Djaafar Messaoudi

Bungif, am yimezday n taddart-is meṛṛa, yettusderγel s tibuheyyeft armi wer


yezmir ad imeyyez ula gar umellal ed uberkan. Yiwen wass, yuγ-d ayaziḍ
yecwan yefk-it i tmeṭṭut-is akken ad t-tebḍu. “Ayen yellan d unti inu, acku
nekk d tameṭṭut; ma d ayen yellan d awtem inek, acku kečč d argaz”, ay as-
tenna tmeṭṭut-is. Iberrem urgaz ticlaγemtin-is sakkin yenṭeq s zzux: “Ih, d awal
yelhan ! Bḍu-t kan akk-n”.

Teddem-d tmeṭṭut tamessaḍt tini-as: “Ta d tuntit, inu”. Sakkin terna-d tiferret
tini-as: “Ta d tuntit, inu”. Dγa tkemmel akk-a i tedmert, i teεrurt, i temgerḍt.
Mi d-tewweḍ tmeṭṭut γer tseṭṭa yettiqin d tassemt, yemxelbaḍ urgaz zunik yini
i tmeṭṭus-is s uγecγuc-is yesxerrayen: “Ḥbes din ! Jmaεliman ar d-tiniḍ d
aseṭṭiw neγ ar tebriḍ !” Tger tmeṭṭut aqerruy-is gar tuyat-is, am tin zunik
yugaden, tini i urgaz-is icuffen seg zzux: “Ha-tt-an a-sidi, d amur-ik, ur ak-t-
yekkis yiwen !”

You might also like