LO MI TEI PA SEMPER

By Dwight Isebia

Mi sabi ku semper lo mi tei,

kisas no visibel pa tur mira,
y e motibu ku mi sabi esei,
ta pasobra m’a skohe pa t’asina,
determinando es manera mi berdat
di kere ku nunka mi lo realmente bai
Apesar di loke tur por pensa ku nan sa,
lo mi no permiti mi mes di kai
pa disparse f’oi eksistensha ,
lokwal lo tabata posibel solamente,
si mi a asepta ponensha,
ku pa eksisti mi ta dependé di otro mente,
inklusivo di esnan ku ta pensa,
ku sierto momento mi no ta eksistente
(DPI 2010)