Welcome to Scribd, the world's digital library. Read, publish, and share books and documents. See more ➡
Download
Standard view
Full view
of .
Add note
Save to My Library
Sync to mobile
Look up keyword
Like this
1Activity
×
0 of .
Results for:
No results containing your search query
P. 1
'Fazaail E Aamal - DUA' by Shaikh Sanaullah Madani (Peace TV Urdu)

'Fazaail E Aamal - DUA' by Shaikh Sanaullah Madani (Peace TV Urdu)

Ratings: (0)|Views: 358|Likes:
Published by Shees Hassan
Lecture by Shaikh Sanaullah Madani on DUA (Supplication) with References & Quotations from Qur'an & Hadiths
Lecture by Shaikh Sanaullah Madani on DUA (Supplication) with References & Quotations from Qur'an & Hadiths

More info:

categoriesTypes, Speeches
Published by: Shees Hassan on Jun 10, 2011
Copyright:Attribution Non-commercial

Availability:

Read on Scribd mobile: iPhone, iPad and Android.
download as PDF, TXT or read online from Scribd
See More
See less

06/10/2011

pdf

text

original

 
FAZAAIL E AAMALDUAShaikh Sanaullah MadaniPeace TV Urduwww.peacetvurdu.orgShaikh Sanaullah Madani:...Maine aap ke samne Surah Baqarah, Surah No.2 ki Ayat No.186 padhi hai. Is munasibat se main chand baatein Dua ke talluq se rakhna chahta hoon. Nazireen, aapye baat achchhi tareeqe se jante hain ki jab dunya ke andar logon ke sahare khatm ho jayein
har aadmi kabhi-na-kabhi kisi-na-kisi takleef me mubtila hota hai
pareshani me ghir jata hai
jab uske dunyawi sahare khatm ho jayein
toot jayein toh ek Sahara aisa baqi hai ki agar woh us Sahare ko pakad le, Usko apna le toh usko Sukoon milega. Aap ko malum hai woh Sahara kya hai. Woh Sahara DUA hai
ALLAHko yaad karna hai...Preshan-haal ki pareshani ko door kaun karta hai? Takleefon ko kaun door karta hai? Aap ka jawab hai
ALLAH...Surah Naml, Surah No.27, Ayat No.63:
Am-Many-Yujeebul muztarra izaa Da'aa-H, wa Yak-shifus-suuu' wa Yaj-ala-kum qulafaaal-arz; a-ilahum-ma'al-laah?
Kaun hai jo pareshan-haal ki pareshani ko door kare jab woh USE pukare?
Kaun haijo takleefon ko khatm karde?
Kaun hai Jisne tumko zameen me qaleefah banaya? KyaALLAH ke ilawa koi ALLAH hai?
Hargiz NAHI... Isliye DUA kijiye RAB se. Sehat mangna ho, RAB se mangiye
pareshani door karni ho, RAB se mangiye...Pareshan the, kaun? - Ayyoob, 'alaihis-Salaatu was-Salaam, beemari se toh RAB seShifa mangi, RAB ne use Shifa di. Pareshan-haal hain?Yoonus, 'alaihis-Salaatu was-Salaam, ne RAB se apni pareshani ki DUA mangi
RAB ke samne zikr kiya, RAB ne unhein machhli ke pet se nikala aur unki pareshani kodoor kar diya...Aulaad nahi ho rahi hai, mangiye jis tareeqe se Zakariyyaa, 'alaihis-Salaatu was-Salaam, ne manga toh RAB ne diya... DUA kijiye RAB se... Jab rozi-roti ka intezam nahi hai toh Moosaa,'alaihis-Salaatu was-Salaam, ne manga toh RAB ne diya...Nabi, Sallallaahu 'alaihi wa Sallam
yahi wajah hai ki Aap hamesha DUAON ka ihtimam kiya karte the
uth-te, baith-te, jaag-te, let-te, chal-te, phir-te DUAON me mashgul rehte. Isliye aap sochte honge
gaur karte honge ki pishab-pakhana ki DUA,sone ki DUA, ghar se nikalne ki DUA, ghar me aane ki DUA
jitni bhi DUAEIN hain,ye tamam DUAON ka ihtimam isliye sikhlaya gaya hai - agar aadmi in DUAON ka ihtimam kare toh Shaitaan ke shar se mahfuz rahega aur ALLAH ki Yaad mein hamesha mashgul rahega kyunki jab ALLAH ki Yaad mein mashgul rahega toh buraiyon ki tarafunka dimag ragib nahi ho sakta. Kam-se-kam toh aadmi dil ke andar ye Qauf paida
 
karega toh buraiyon se darega...Aap ko malum hai ye DUA kya hai. DUA toh ek aisa Sahara hai jab tamam Sahare khatm ho jayein toh DUA hi ke zariye aadmi ko Sukoon milta hai. Aap ko malum hai, Aadam, 'alaihis-Salaatu was-Salaam, ko ALLAH Ta'aala ne jo cheez sikhlayi hai wohkya thi. Woh DUA thi. Pareshan-haal the - Aadam, 'alaihis-Salaatu was-Salaam, ne DUA ki... Hum aur aap bhi pareshan hain, gunahgaar hain, RAB se mangein, RAB Qubool karega. DUA ke zariye, RAB hamare gunahon ko muaf farmayega...Surah A'araaf, Surah No.7, Ayat No.23:
...Rabba-naa, zalam-naa anfusa-naa wa il-lam Tag-fir-lanaa wa Tar-ham-naa lana-koonanna minal-qaasireen.
Aye hamare RAB, hum ne apne nafs ke upar Zulm kiya; agar Tu nahi Baqshega, Rahamnahi Karega, tab toh hum Ghata pane walon mein se ho jayenge.
Aap ko malum hai DUA kya hai. DUA ek Ibaadat hai.Nabi, Sallallaahu 'alaihi wa Sallam, ne irshad farmaya
Sunan at-Tirmizi, Kitab ad-Da'waat, Kitab No.45, Hadees No.3372:
Ad-Du'aau Huwal-'Ibaadah.
 
DUA 'Ibaadat hai.
DUA sabse Behtareen cheez hai. DUA se achchhi cheez koi hai hi NAHI
yani Uski Ahmiyat batana maqsood hai.Sunan at-Tirmizi, Kitab ad-Da'waat, Kitab No.45, Hadees No.3370:
Laisa shai-un Akrama 'alal-laahi minad-Du'aa.
 
ALLAH ke Nazdeek DUA se Behtar koi cheez hai hi NAHI.
Aap ko malum hai
DUA ki Ahmiyat kitni hai? Uski Fazeelat ka kya kehna! Hum aur aap DUA karne se hichkichate hain. BILKUL NAHI. DUA karni chahiye... Har cheez RAB se mangni chahiye. Kaha jata hai agar joote ka tasma bhi toot jaye
RAB se mango. Ye bhi kaha gaya ki mamuli-mamuli cheez bhi RAB se mango kyunki WOHI Pura Karne Wala hai.Aap ko malum hai DUA ki Ahmiyat kitni hai. Uski Fazeelat ka kya kehna!DUA se toh Taqdeer bhi badal jati hai. Yahan main wazaahat karna chahunga ki wohTaqdeer jo Mu'allaq hai
ALLAH Ta'aala ne DUA ke sath jod diya hai
agar aadmi DUA karega toh ALLAH Ta'aala uski woh pareshani ko door kar dega
toh woh Taqdeer badalti hai; use woh maane mein istemal kiya ja sakta hai warna ALLAH Ta'aala koAndaza hai har cheez ka. Woh 'Aalimul-Gaib hai wash-Shahaadah hai.. WOH Gaib aur Zaahiri cheezon ka Jaanne Wala hai. USNE bandon ke talluq se jo cheez likh rakhi hai woh USKE Andaze ke mutabiq hai aur USKA Andaza kabhi Galat NAHI hota. Iska matlab ye NAHI keh sakte ki hum aur aap ko ALLAH Ta'aala majbur kar raha hai.Ji NAHI! USNE aazadi de rakhi hai aur hum ko khuli chhoot dedi hai ki hum Achchha Rasta apnaye ya galat rasta apnaye. Toh woh Taqdeer DUA se badalti hai jo Mu'allaq hai.Taqdeer ki ek qism hai -Mugram. Woh kabhi NAHI badalti.Sunan at-Tirmizi, Kitab al-Qadr, Kitab No.30, Hadees No.2139:
Laa yarud-dul Qazaa-a illad-Du'aa...
ki DUA ke zariye Taqdeer badal jati hai.
...wa laa yazeedu fil-'umri illal-Birru.
...aur umr mein zyadati hoti hai Neki karne se.
Yani ALLAH Ta'aala Neki karne ki wajah se us aadmi ki umr mein Barkat deta hai.
Zyadati karta hai
matlab ye ki ALLAH Ta'aala usko Nek kaam karne ka ziyadah mauqadeta hai toh woh aadmi itna Nek kaam kar leta hai goya ki lambi umr wala kar payega. Ziyadah umr mila goya ki Neki ka kaam ziyadah kiya - woh kaam ziyadah umr wala bhi nahi kar sakta.Aap ko malum hai DUA ki Ahmiyat kitni hai? Hum aur aap DUA karne se hichkichatehain. Ji NAHI... DUA - jo takleef hum par aayi aur jo takleef aaindah aane walihai
tamam cheezon ko khatm karne wali cheez kya hai woh? - DUA hai... Badi Fazee
 
lat hai...Sunan at-Tirmizi, Kitab ad-Da'waat, Kitab No.45, Hadees No.3548:
Innad-Du'aa-a yan-fa-'u mim-maa nazala wa mim-maa lam yanzil; fa-'alaikum, 'ibaadal-laahi bid-Du'aa.
Jo pareshani aa chuki aur jo pareshani aane wali hai
ALLAH Ta'aala DUA ke zariyeus pareshaniyon ko door kar deta hai; toh aye ALLAH ke bandon, DUA ko laazim pakdo.
- Nabi, Sallallaahu 'alaihi wa Sallam, ne irshad farmaya.Agar haath ALLAH ki taraf DUA ke liye uth jaye toh RAB us hath ko khali NAHI lautata. RAB ne kya kaha?Sunan ibn Majah ki ek riwayat hai
Nabi, Sallallaahu 'alaihi wa Sallam, ne irshadfarmaya
Kitab ad-Du'a, Kitab No.34, Hadees No.3865:
Inna Rabba-kum Hayiyyun Kareemun, Yas-tah-yi min 'abdi-Hii izaa da'aa-Hu fal-yarudda-huma sifran.
Nabi, Sallallaahu 'alaihi wa Sallam, ne kaha ki beshak tumhara RAB Bahot ZiyadahSharm Karne Wala hai, Nek hai, Buzurg hai; US ko Sharm mahsoos hoti hai apne bande se ki jab banda US ko pukare toh uske dono haath ko khali lauta de.Malum hai aap ko DUA ki Ahmiyat kitni hai? - ki agar aap DUA nahi karte toh ALLAH Ta'aala Narazi ka Izhaar karta hai.Surah Mu'min, Surah No.40, Ayat No.60:
...Ud-'uu-Nii, asta-jib-lakum; innal-lazeena yastak-biroona 'an 'Ibaada-Tii sa-yad-quloona Jahannama daaqireen.
...Mujhe hi pukaro, MAIN tumhari pukar ko sunta hoon; jo log MUJHE nahi pukarte
MERI 'Ibaadat se i'raaz karte hain
anqareeb Jahannam mein daaqil honge.
DUA par ubhara gaya hai ki aadmi kis tareeqe se DUA kare.Surah Baqarah, Surah No.2, Ayat No.186:
Wa izaa sa-ala-ka 'ibaa-dii 'Annii fa-Innii Qareeb; Uujeebu da'watad-daa'i izaa da'aa-N; fal-yasta-jeebuu-Lii wal-yu'minu Bii la'allahum yarshudoon.
Jab MERE bandein aap se poochein MERE bare mein toh keh dijiye ki MAIN Bahot Qareeb hoon aur MAIN pukarne walon ki pukar ko sunta hoon jab woh MUJHE pukarein; logon ko chahiye ki MUJH par Imaan rakhein aur MUJHE hi pukare
MUJH se Baqshish talab kare
shayad ki woh log Baqsh diye jayein.
ALLAH hi se manga jaye, ALLAH par Imaan rakha jaye toh ALLAH Ta'aala Hidaayat kaRasta Dikhata hai.Sami'een, Nazireen, gaur kijiye ki jo DUA hum aur aap mangte hain uske bhi kuchhAadab hain
yoon hi nahi
pehle bahot kaam karna hai.Nabi, Sallallaahu 'alaihi wa Sallam, ne irshad farmaya
Sunan at-Tirmizi ki riwayat hai
Kitab ad-Da'waat, Kitab No.45, Hadees No.3476:Ek aadmi aaya, Masjid ke andar Namaaz padha, kehne laga,
Allaahummag-fir-lii war-Ham-nii.
 
Aye ALLAH, TU mujhe Baqsh de aur mujh par Raham farma.
Toh Nabi, Sallallaahu 'alaihi wa Sallam, ne kaha,
'Ajil-ta, ayyuhal-musalli.
 
Aye Namaaz padhne wale, tune jaldbazi ki. Jab tu Namaaz padh le toh tu baith ja,
 
fah-madil-laaha bi-maa Huwa ahlu-H,
 
aur tu ALLAH ki Tareef kar ALLAH ke liye jo Layaq hai,
 
wa salli 'alaiyya
 
amujh par tu Darood wa Salaam bhej, phir tu DUA kar, teri DUA Qubool hogi.
Ek dusra aadmi aaya, Namaaz padha, ALLAH ki Tareef ki, Nabi, Sallallaahu 'alaihi wa Sallam, par Darood wa Salaam bheja toh Nabi, Sallallaahu 'alaihi wa Sallam, ne kaha
 
ye aadmi sahi kiya hai
 
phir us se kaha
 
tu DUA kar, teri DUA Qubool ki jayegi.
Toh ye DUA ke Aadab Is tareeqe se hain ki aadmi pehle ALLAH ki Tareef kare phirNabi, Sallallaahu 'alaihi wa Sallam, Darood wa Salaam bheje phir DUA mange.DUA ka mangne ka ek Adab ye bhi hai ki aadmi diljami ke sath DUA mange, pukhtagi

You're Reading a Free Preview

Download
/*********** DO NOT ALTER ANYTHING BELOW THIS LINE ! ************/ var s_code=s.t();if(s_code)document.write(s_code)//-->