You are on page 1of 2

Ramadhan al-Mubarak

Bismillahirrahmanirrahim Alhamdulillahi wassalatu wassalamu ala Rasulillah, wabaad. Vol.1 -1/2011 Manga palanggungan ha agama sin Allahu Taala in bulan Ramadan magdaratung-datung na katu taniyu. Daing ha sabab yadtu, subay natu paawnun in pagsaddiya kaniya. In pagsaddiya pagiyanun amuna in subay natu ingatun in mga kahukum-hukuman sin Puasa ha laum bulan Ramadhan. laung sin mga sila Ulama, subay in tiyap-tiyap muslim ingatun niya in manga kahukum-hukuman ha wala pa simud in bulan Ramadhan. Hatiniya subay natu ingatun in hukuman biya na sin wajib, sunnat, makruh, iban haram ha laum sin bulan Ramadan hasupaya masampurna in pag puasa sin kita niyu. Daing ha manga subay niyatun sin kitaniyu ha wala pa simud in bulan Ramadhan biya na sin: - Mag niyat kitaniyu matammat bassahun in Quran. - Magniyat kitaniyu magtaubat pa Allahu Taala ha manga dusa dakula nahinang ha nakalabay. - Magniyat kitaniyu himinang karayawan iban lumayu daing ha liyangan. - Magniyat magpabuntul sin pangaddatan iban magparayaw sin piil palangay pa katan manusiya. - Magniyat kitaniyu magjaga sin waktu hapagibadat pa Allah Taala iban magniyat kitaniyu hipatangbus katu in Puasa sambil pa kahinapusan niya. Hukuman sin Puasa ha bulan Ramadhan: Parman sin Allahu Taala: Oh kamu manga bar-iman! Piyardu na kaniyu in magpuasa (ha bulan Ramadhan) biya sin kapardu ha manga sila ummat nakauna daing kaniyu, hasupaya kamu magmabuga pa Allahu Taaala iban maka-anib daing ha liyangan sin sara. (Surah AlBaqarah: 183) Sabda sin Rasulullah SAW: Riwayat daing ha anak hi Umar ibn Al-khattab RA nagsabda in Rasulullah SAW, biyangun in Islam ha lima parakala: Magnaik saksi sin wayruun mapatut pagtag-ipunan malaingkan in Allahu Taala iban in Nabi Muhammad Rasul (daak) niya, iban magpalindug sin Sambahayang, umungsud Zakat iban magnaik hadji pa Baitullah iban magPuasa ha bulan Ramadhan. Kiyariwayat hi Imam Bukhari iban hi Imam Muslim. Sabda sin Rasulullah SAW: Hisiyu siyu in mamuasa ha bulan Ramadhan karna sin pamaratsaya niya pa Allahu Taala iban pa Rasul niya, iban karna kuyag niya sin tungbas iban karidaan sin Allahu Taala, na ampunun sin

Pamuka Laung:
Bismillahirrahmanirrahim. Assalamu alaikum warahmatullahi wabarakatuh. Bilang Muslim salta ummat sin Nabi Muhammad SAW, magpahati kami maniyu-tiyu tungud pa PALITA: RISALA SIMANA ha supaya tumarrang pa katan bang unu in maksud iban katudjuhan niya. In PALITA: RISALA SIMANA ini bunga sin pagpikil iban pagtali sin manga Jamaa ha Masjid Darussalam, Kampung Bahagia ha supaya in panghindu sin Islam sumaplag bukun hadja pa manga muminin iban bar-iman mag-jamaa pa Masjid adapun sakup in katan raayat ha laum kawman. In maksud sin parakala biya na sin manga nasabbut ha baba ini: 1. 2. 3. Mag-pasaplag sin paghinang marayaw, iban mamupui sin hinang piyanglangan sin agama Islam. Magparukut sin ahlak marayaw ha bigi jatung sin tiyap-tiyap bangsa Muslimin ha kampung ini magad ha bitikan sin Quran iban Sunnah sin Rasul SAW. Magpatumtum ha tiyap-tiyap bangsa Muslimin ha kawman sin kawajiban niya pa ginhawa, pa kawman, pa agama iban papagkahi Muslimin iban bangsa Manusiya ha kaluagan niya. Mag-pasampay pamaham sin Aqeedah Ahlu Sunnah wal Jamaa.

4.

Puunan sin manga Nasihat: In pangadjian hidukut ha laum sin PALITA: RISALA SIMANA ini kawaun daing ha manga siyulat sin Kaulamaan Ahlu Sunnah Wal Jamaa ha katilingkal dunya iban na sin kaibanan amun makadihil bahana marayaw pa Bangsa Muslimin.

Allahu Taala in dusa niya limabay. Mawajib na magpuasa ha bulan Ramadhan ha atas duwa parakala: 1. Apabila kakitaan sin pangita (amuna in mata) in sahali sin Ramadhan ha kahinapusan sin bulan Shaban. 2. Pajukupun in itungan sin bulan Shaban (30 adlaw) apabila di kakitaan in sahali sin Ramadhan. Parman sin Allahu Taala: Hisiyu siyu in makakita daing kaniyu (amuin mga sila bar-iman) sin sahali sin bulan Ramadhan na! wajib niya na puasahan in Ramadhan. (Surah Al-Baqarah: 185) Sabda sin Rasul SAW: Puasa kamu apabila niyu kakitaan in sahali sin bulan (Ramadhan) iban buka kamu apabila niyu kakitaan in sahali sin bulan (Shawwal), na apabila kalibunan ha pangatud niyu (in sahali sin bulan Ramadhan) pajukupa niyu in itungan sin bulan Shaban 30 adlaw.

siya Ar-rayyan wayruun makasud pa lawm niya buat malaingkan in manga magpupuasa iban siya in saat pagsabtanan pa Allahu Taala. Iban nagsabda in Nabi Muhammad SAW: Awn ha nagpuasa duwa kakuyagan, kakuyagan simarta ha mga pagbuka niya iban kakuyagan simarta ha pagsabtan niya pa Tuhan. Sabda sin Nabi Muhammad SAW: Ha tiyap-tiyap pakaradjaan awn lawang iban in lawang sin ibadat amuna in puasa. Sabda sin Nabi Muhammad SAW, apabila simud na in bulan Ramadhan ukabun na in kalawang lawangan sin surga iban tambulun na in kalawang lawangan sin narka ampa tumawag in mnawag ya kaw simukat sin karayawan lungsahad kaw, ya kaw simukat sin kangian ta`ga kaw. Nagkallam in Allah SWT, ya malaikat ku atud kamu pa iypun ku tiya`gahan niya in sahawat niya iban kasaddapan niya iban kakaun niya iban inumun niya daing ha karna ku. In puasa awn kamulliyahan tuput kaniya ha hadarat sin Allahu Taala daing ha kaibanan ibadat damikkiyan, in katan sin ibadat Kaniya (Allahu Taala) biya sapantun kamulliya sin Ka`batullah daing ha kaibanan tampat, damikkiyan in katan tampat ha Allahu Taala, manunjuki in kamulliyahan sin puasa ha duwa maana. Hikaisa, in puasa pagsandal iban pagta`ga damikkiyan in puasa ha kasabunnalan niya rahasiya ha karna wayruun duun kaniya hinang kasaksian, adapun in sabarang ammal ibadat lumabay siya kasaksian sin piyapanjari iban manusiya, buat malaingkan in puasa wayruun makasaksi kaniya tuput in Allahu Taala karna in puasa hinang timampat ha batin labay daing ha pagsabar. Hikaruwa, in puasa hipamissuku ha banta sin Allahu Taala amuna in shaytan karna in parnan sumasat sin shaytan la`natullah alayhi amuna in sahwat, adapun in sahwat kumusug ha parsababan sin pagkaun iban paginum, ha parsababan yan nagsabda in Nabi Muhammad SAW: Tantu in shaytan magdagan siya daing ha anak apu Adam ha daganan sin dugu, pakiputa niyu in manga daganan dugu daing ha parsababan sin hapdi. Allahuwahlam.

Kalabbiyan iban kamulliyahan sin Puasa [Kiyawa daing ha Kitab Ihya Ulumiddin]
In puasa hangtingi sin iman . In ini magtup iban sin piyatarrang sin Nabi Muhammad SAW ha sabda niya: In Puasa hangtunga sin sabar. In sabar hangtunga sin iman. In puasa nakabidda in kalabbiyan niya ha hadarat sin Allahutaala daing ha katan rukun sin agama Islam, biya na sin kiyabayta ha kallam sin Allahu Taala ha hadis Quds hikayat kaniya sin Nabi Muhammad SAW. In tiyap-tiyap karayawan makahangpu in sibuan niya (tungbas) sambil pa pitunggatus lipat buat malaingkan in puasa suku` ku iban aku in tumungbas kaniya. iban nagparman in Allahu Taala ha kitab niya mahamulliya In damikkiyan mahasil sin manga magsasabar in karayawan nila ha wayruun gantaan. In puasa hangtunga sin sabar sumagawa limapaw daing ha gantaan sin pagkira iban pagsaypuwa in karayawan niya, mamarahi na in kaingatan taniyu in kalabbiyan niya ha sabda sin Nabi Muhammad SAW: Sapahan ku ha tagmilik sin ginhawa ku in napas mabahu ha simud sin nagpuasa labi mahamut ha hadarat sin Allahu Taala daing ha lana mahamut kasturi. Iban nagkallam in Allahu Taala ha hadith Quds: Damikkiyan tiya`gahan niya in sahwat niya iban kakaun niya iban inumun niya ha karna ku, in puasa suku` ku iban aku in tumungbas kaniya. Nagsabda in Nabi Mohammad SAW: Awn ha surga lawang pagtawagun

*In pangadjian ini nakawa daing ha Madrasah Al-Azhariya ha Facebook.

You might also like