魔術私日 記～雨中的生 日＠ 2007_0524

魔術先生響澳門搞的５２０講座終於圓滿結束。因為無再到訪魔術論壇
的關係，仲以為今年唔可以響正日祝魔術先生生日快樂，點知因為佢黎
澳門主持講座而可以親自恭喜佢。相信論壇果邊亦一如去年，有好多人
祝佢生日快樂。至於小妹響文化中心送俾佢的預言：「如果您相信魔術
的話，您果日一定會快樂。」亦總算響風雨之下靈驗。

話說當日澳門發出雷暴及暴雨警告訊號，而澳門碼頭亦發生兩艘船隻擱
淺的意外，令到小妹搭果班船被逼滯留澳門航道漂流足成個鐘頭，原本
一小時的航程演變成兩個幾鐘頭，但一想到自己都唔算搭沉船，就已經
算係還得神落。當日魔術先生響講座進行期間，於台上向大家提到生日
都黎做講座的事情。的確，在座有人唔知，但知的人亦唔少，最重要的
就係買生日蛋糕果個知就得啦！可惜的是，因為小妹要趕返香港，結果
唔可以見證呢個開心的時刻，同大家一齊唱生日歌，不過小妹的朋友就
影左Ｄ相可以同大家分享一下，而小妹亦終於有機會請佢幫我簽名了！

雖然個生日蛋糕唔值乜野錢，但心意始終係最緊要。有蛋糕切，又有咁
多人陪佢過生日，我諗魔術先生點都會有點高興的。祝佢生日快樂！

講座七時半開始，晚上九點九完上半場，非常抵睇。

陪伴在側的雖然唔係香港魔術師同袍，但難得澳門朋友咁有心，總算是個快樂的生日。