Om Swastiastu

Pinih Riyin titiang matur suksmaning cita mantuka ring Ida Sang Hyang Widhi Wasa duaning melarapan antuk wara nugrahan Ida sida memargi antar dudonan karya pawiwahane, ngawit saking memadik duk rahina Sukra Wage Wayang tanggal 28 Oktober 2011, pengambilan duk rahina Soma Wage Dukut tanggal 7 November 2011 sane sampun lintang, miwah sane mangkin pucak karya Buda Pon Watugunung tanggal 16 November 2011. Taler tan lali titiang matur suksma ring para atithi sane sampun ledang rauh nodia miwah ngastitiang pawiwahan Ida Anak Agung Gede Agung Brahmanta putra kapartama saking dampati Ida Anak Agung Gede Mayun, .. saking Puri Agung Gianyar ring . putra kaping saking dampati . , saking Jro Batur Denpasar sane kadrebe olih Puri Agung Tabanan, mangdene ida sang mawiwaha sida ngamolihang kerahajengan miwah kerahayuan ring sajeroning ngemargiang grehasta asrama saha ngawijilan putra suputra sadu gunawan sane sida mamadangi kula wandu wandawa miwah nincapang pakilitan Puri Agung Gianyar ring Puri Agung Tabanan melarapan antuk pawiwahan puniki. Sapunika taler ring Puri Puri sajebag jagat Bali Pulina mekadi Puri Agung Bangli mawit sakeng Ida ri Aji Manggis kaping III ngambil ke Puri Taman Bali raris kalanturang Puri Agung Smarabawa Bangli kirang langkung awarsa sane wawu lintang ngambil ring Puri Agung Gianyar. Ring weweng puniki taler tan lali titiang nunas geng rena sinampura bilih wenten ring sajeronin penyanggran titiang wenten sane nenten mantuk ring pakahyunan mekadi atur, ulah prawertin titiang yata genah, mangda ledang ngampurayang. Maka cihna sapunapi bungah manah titiang ring sapangrawuh para atithi saha muputang swadharman titian ring sajeroning nyanggra para atithi, titiang pacang ngaturang bhoga samatra ring genah sane sampun ka cumawisang, inggih durusang suksma.

Om Santih Santih Santih Om