chor ko pakarna

( (((chor ko pakarne keliye))) agar apko kisi pe shuck ho k usne apki cheez churai hai to aap roti k aik tukre per aik side pe likhe ( (surah ibrahim : 17) aur do0sri side per likhain ( (surah muzamil : 12,13) uske bad ye roti ka tukra jis pe shuck ho chori ka usko khila do. agar woh chor huwa to ye roti ka tukra uske halaq se neeche nahi utre ga aur jub tak woh chori kya huwa maal wapis nahi karta uske galay me phasa rahega aur takleef uthata rahega!

Rozi ki bundish
Rozi aur Rizq ki bundish chahe jado0 se ho ya kisi ki buri nazar se uske ilaj keliye mareez per direct parh kar ye ayat 7 din tak dum karain aur pani me parh kar pilain aur ghar ki diwaro me aur kono me chirkain surah israa : ayat :30 surah zariyat : ayat :22-23 surah fatir : ayat :2 surah duha complete

Chori keliye
Agar kisi ki koi cheez chori hojaye Allah pe tawakal kar k aik white pape lain aur uspe likhain aur aisi jagah pe latka dain is taweez ko k hawa se hilta rahe lakin latkana uss jagah pe hai jahan se chori huwi ho!

Naaf ko wapas lana

Agar apki ya kisi aur ki naaf hut gayi ho to aap wuzu kar k with lining or printing white paper lain us per Surah Yasin ki ye Ayat likhain

aur isko kapre me bandh kar belt ki tarha baandhain. Lakin ye taweez theek apki naaf k ooper hona chahiye! Jub aap bathro0m jayien ya nahane jain to utar kar jain aur apni hajat puri karne k bad aur nahane k bad dubara pehan lain!

Chest pain
Chest pain keliye Surah Taha ki ayat no. 25, 26, 27, 28 ko rozana pani per dum kar k pilaya jaye. Iske ilawa yahi ayat zafran aur irq e gulab se likh kar white plate per aur olive oil se disolve kar k rozana 3 din tak dard ki jagah pe malish kar lia karain

Hucklahat ka ilaj
Agar koi bacha ya bara paidaishi tor pe huklata na ho to usko Surah Anaam ki ayat no.73 se lekar ayat no.83 tak likh kar pillain inshallah huklahat do0r hojaye gi.

Pimples aur Dano Keliye

Pimples aur dano k liye rozana ba wuzu Surah Mursalat 7 dafa pani per perh kar dum kar aur us pani ko pimples ya dano per lagain aur thora sa pani peelain.

Hamal k liye
Agar dono miyan biwi per koi bundish na ho aur unka koi medical masla na hone k bawajo0d hamal qarar na paye to dono miyan biwi 2 din roza rakhain aur iftar k waqt ghusal karain aur Surah Nooh aik dafa parh kar pani me dum karain aur ussi pani se ifatar karain aur awlad keliye dua karain aur mazeed 7 din tak Surah Nooh pani me dum kar k piya karain dono lakin roza sirf do din rakhna hai naye chand ki thursday aur friday ko roza rakhain to behtar hai.

Raan ka dard
((( Raan ka dard keliye ))) raan k dard keliye aap baray pani k tub me pani bhar k beth jayien pani garam hona chahiye yani aap pani garam kar k tub bharain aur tub ko us pani se bhar lain jub pani burdasht k qabil hojaye to aap us tub me dakhil hojaye aur apna seedha hath dard ki jagah per rakh kar Surah Anbiya ki ye Ayat la tedad parhain

Miyan Biwi Me Mohabbat Keliye

((( Miyan Biwi Me Mohabbat Keliye ))) zojain ya miyan biwi me mohabbat barhane aur nok jhok khatam karne keliye : sunday k din 2 rakat nafal namaz qaza e hajat ki niyat se parhain phir pani per Ya Haleemu 1000 dafa parhain aur Surah Muzammil 7 dafa parh kar ussi pani me dum karain aur us pani ko dono miyan biwi peena shuru kar dain insha Allah larai jhagra aur nok jhok ki jagah mohabbat janam legi. Ye amal behan bhai aur rishte dar keliye istemal kia jasakta hai iski ijazat ki shart mere liye aur mere walidain keliye dua hai aur iss amal ko haram kaam keliye istemal karne ki hargiz ijazat nahi jo karega woh apni halat ka khud zimedar hoga!

Nazre bud ka shafi ilaj

NAZAR e BUD KA SHAFI ILAAJ Wuzu karo2 agrbti jlao or blue ink se 3bar likho fir jo likha ha isko agrbti ki dhoni do or 49 parho pani ki botl me dal do fir thori dare hilane k bad botle ko munh k kareeb kar k 7 dafa parho! jb b tabiat khrab ho pio! Likhna ye hai Parhna ye hai Ya Qaahiru Zal Butsh Al Shadeed Anta Alazi Laa U-taaqu inteqamuhu

Boht se log na huq apne ohde (post) se hata diye jate hain un afrad keliye mujrab amal pesh e khidmat hai aur un mazloom afrad se khas duaon ki darkhwast bhi ku k riwayat me ata hai k Allah mazlo0m ki sunta hai! Surah Yousaf white paper pe likhye 1 dafa aur 3 din tak rozana iski tilawat kijiye aur teesre din isko achi tarah hifazat se fold kar k apne ghar k darwaze wali deewar pe latka dijiye! Inshallah jald aap apne purane ohde pe faiz hojaingay! Namazo ki pabundi rakhain aur sadqa nikalain aur Durood ki kasrat rakhain!

Bacho k ronay keliye aur bacho ki be khuwabi keliye likh kar bachay k galay me latkain

Durood e shifa
iss Durood e Shifa se Alhamdulillah me ne boht se kaam liye aur boht se mareezon ne iske waseelay se shifa payi ! Iss Durood se kaam lena ka tariqa yeh hai k aap isko cheeny k plate me ya white paper jo k without lining ho us me zafran, mushk aur irq e gulab se likhain ya blue ink se likhain aur isko pani se d dhokar mareez ko musalsal 7 din tak nihar munh pilain!

Qaza e Hajat no2

Kisi bhi jaiz qisam ki hajat ki Qazaa keliye 28 din keliye rozana isha ki namaz k bad 110 dafa Ain Ya Ali-u Bihaki Looma-eelu parha karain awal wakhir 3 dafa Durood Sharif Inshallah agar Allah swt ne chaha to inhi 28 dino me apki hajat qaza hojaye gi!

Dafa e Nahusat

Agar aap nahusat (Bad Luck) ko apni zindagi se nikalna chahte hain to aap rozana Durood Sharif ko 457 dafa parhain aur isko apna wird buna lain aap Inshallah dekhain gay k kistarha nahusat door aur rehmatain aap se Qarib se Qarib tar hoti jayiengi mukhtasar se arse mein!

Wapsi e Ghayab
Agar apka koi pyara ya aziz shakhs kahin ghayeb ya gum hogaya hai ya bhag gaya hai to aap do rakat qaza e hajat ki niyat se parhain aur Surah Qasus ki Ayat No.85 ko 151 dafa parh ker gumshuda ya ghayeb shakhs k kapron per ya uski tasweer per dum karain aur Durood Sharif Awal wa Akhir 100 dafa parhain phir istarha dua karain Ya Allah Fulan Bin Fulana (ghayab shuda ka naam +maa ka naam) ko mere paas pohancha de jese Yusuf ko Yaqub tak pohanchaya aur Mussa ko unki walidah tak aur Apne Habib Muhammad ko makkah tak. Beshuk tu wada khilafi nahi karta! AMEEN ye Dua 11 dafa repeat karain!

Qaza e Hajat
aap ki koi bhi aisi hajat ho jo aap ko lage k uska po0ra hona mushkil he nahi balke na mumkin hai! jese qarz, shadi, mali mushkilat, beron e mulk safar etc etc to aap Allah pe bharosa rakhain aur wednesday ki raat ko maghrib ki namaz k bad surah talaq ki ayat no. 2 aur 3 ko aap 114 dafa parhain aur uske forun baad surah qadar 4 dafa parhain aur charo directions pe dum karain ( daain, baain aur ooper, neeche ) aur agle din yani thursday aur friday ko ye amal repeat karain agar khuda na khuwasta aap ki hajat po0ri na ho to next week dubara ye amal start karain aur uske baad wala week bhi inshallah aap ki hajat puri hojaye gi aur aap khud hairan reh jayengay k Allah ne kese apki hajat puri kar di!

Shayateen ko ghar se nikalna

Agar aap chahte hain k apke ghar se shayateen ta safaya hojaye aur muzi arwah ya nuqsan pohanchana wale jinnat aap k ghar me qatam na rakh sakain aur koi jadu aap per assar na kar sake to aap her nimaz k bad Ayat ul Kursi 21 dafa 21 din keliye parhain awal wakhir Durood sharif parhna na bho0lain. Inshallah aap ka ghar muzi arwah aur jinat se pak hojayega aur agar aap namazi parhezgar aur aap ka batin saaf hai to aap unka safaya 2 safed posh jawano ko talwaro k zariye karta daikhaingay

Rizq ka raaz

Rizq ki ziyadti keliye mujarab wazifa apki nazar karna chahta ho0n lakin iski aik zaruri shart hai jisko agar aap pura nahi karaingay to wazifa ka assar zail hojayega aur woh shart ye hai k wazifa k dawaran jo bhi dikhay ( jagte huwe ya khuwab me) aap uska zikr kisi se hargiz nahi karaingay aur na he kisi ko bataingay k ye wazifa kar raha ho0n! Iske elawa degar sharait me: namazo ki pabundi gheebat aur fuzool bato se ijtenab jismani aur ruhani pakizgi nazro ki hifazat kisi ka dil na dukhana etc wazifa ye hai k aap ne har roz fajar ki namaz k baad 7 dafa Surah waqiaah awal wakhir aik martaba Durood Sharif Allah ki raza aur sawab ki niyat se parhni hai aur agar ho sake to raat ko sone se pehle 1 dafa parh lia karain agar aap chahain to iss wazifa ko zindagi bhar kar sakte hain ku k aap ko kisi aur wazifa ki zarurat ni hogi rizq keliya warna 41 din tak karain!