NKRA & ETP: WAYA' KUMAA KIULU KOMUNITI TULUN SOKID KIULU (KHC) - Di songkonihab noroitan toi nakabantang

di Luguan Montiri Malaysia Datuk Seri Najib Tun Razak do ogumu waya' di Economic Transformation Programme (ETP)/Prugrim Kotundaan Ikonomi kumaa momogun Malaysia. Ingkaa nogi kumaa doid momogun Sabah. Onom (6) gompoton maya NKRA om niintaan kinoimogonon maya KPI nopo nga: 1. Mongingkuri karaatan janayah Nagampot: 39.7% kinoinsiribaon karaatan Janayah Dalan (street crime) 0m 11.1% kinoinsiribaon karaatan Indix Janayah ; om nokoingkawas kounsikahan tuun ginumuan kumaa pulis soginumu 70.5% 2. Mongingkuri karaatan mangakan tusin (Fighting Corruption) Nagampot: Soginumu 918 tuun nadawa di toun nakatalib om 249 mantad kiss dilo nopongo mombisara id mahkamah poimbida 3. Popoingkawas ginumu tangaanak sumikul Nagampot: Nokoingkawas soginumu 77.23 paratus ginumu tangaanak pra-sikul nung piagalon di 72.4 paratus ontok toun 2012. Nokoinsiriba nogi soginumu 40.25 paratus ginumu sikul ii osiriba kinongoyon. Nokoinggumu sikul akawas kinongoyon kumaa 52 nung piagalon di 20 no di toun 2010. 4. Padsakayan tulun ginumuan id kakadayan Nakaharo iri Bus Epressway Transit om komuter hilo id Kuala Lumpur/Malaya. 5. Popoimagon Infrastruktur id labus kakadayan: - 109 500 suang walai nakaanu waig norusap om miampai 54 270 nakaanu ginaras lotirik. 6. Kiharo nangku waya' ETP diti kumaa watas tokou ponong Sokid Kiulu? Maya di prugrim ETP diti do pinoimagon toi poimogonon kotundaan sosio-ikonomi tulun momogun ponong labus kakadaian. Soginumu 31,327 walai pprt nopongo id labus kakadayan om soninaru 1013 talunalun nopongo toi nowonsoi. Nakaanu poposonong kopooposion ilo kumaa di soginumu soriong tulun labus kakadayan. Nunu rati dilo kumaa tulun tokou KHC? Okito nopo kopio waya prugrim dilo nga iri no kinoimogonon talun-alun. Pinoimpuun iri poimaganan talun-alun mantad ralan tagayo Tambunan-Kota Kinabalu id KM54 dilo di toun 2010. 1. 2Naaspal o talunnalun kumaa watas Sokid Kiulu gisom do hilo id Kg. Kimanuk, om maamaso nogi poimogonon talun-alun lumombus kumaa Kg. Tobobon. 2. Kiharo nogi kopoilaan id Dewan Undangan Negeri Sabah do POLOMBUSON TALUNALUN MANTAD KG.TOBOBON KUMAA KG. GONIPIS, SOKID KIULU. Sundung ingkaa nga amu po nokolombus tlaunalun kinomoi dilo. 3. Sundung haro po kiikiro 60 meter talunalun mantad simpang ralan tagayo Tambunan-KK nga nakapanahak o kinoimaganan talunalun dilo

4. 5.

6. 7.

koinsanangan padsakayan kumaa tulun ngai mamasok toi momogun ponong Sokid Kiulu. Nowonsoi palan talunalun mantad Kg. Baraba kumaa Kg.Bambangan soninaru do kiikiro 5 kilomitor. Nokoingkakat torigi lotirik om nogi wayar toi kabol lotirik kumaa Kg. Tudan gisom Kg. Baraba. ALANSAN DO POIMOGONON KOPIO KOOUTAN GINARAS LOTIRIK kumaa KHC dilo. Noroitan mantad do kooput ginaras lotirik do tulan 11(november) 2011 nga amu po dii nokooput gisom baino. Noinwoguan paip graviti do Kg. Bambangan. Nopongo 2 walai pprt montok 2 paganakan id Kg. Tudan Kiulu Tuaran.

Haro po doti iri nokotoluod porinta nga amu noroitan toi nokosuang doid ponuratan diti. Kotoluadan om kounsikahan tokou tulun KHC kumaa porinta loolobi di tulun ngaawi nakahampit do PINOPORIKOT ngai dilo kouhupan do porinta. Piipiro ahal tagayo kopio pokionuon kanto di tulun ngai KHC ponong Sokid Kiulu diti: 1. Kouhupan mantad porinta kumaa koligaganan kopongonuan tana. Potumboyoon daa iri tulun mamasok ngai do atamangan hak adat diolo kumaa tana adat ngai posorili. 2. Poimogonon talunalun kumaa KG. Baraba om Kg. Bambangan; om nogi kumaa Kg. Gonipis om Kg. Tolungan, Sokid Kiulu. Kolombus nopo talunalun kumaa Kg. Gonipis nga agayo koinsanangan kumaa susumikul do mooi sikul hilo id SMK Tun Fuad Stephens Kiulu Tuaran. Ingkaa nogi iri tangaanak sikul mantad sikul tosiriba ngai Sokid Kiulu do mooi ampayat toi amung do aktviti sikul ponong id Kiulu om Tuaran. Tantu do koinsanang nogi iri tongo tapa tama ngai tangaanak. Tantu nogi doi koimagon nogi pongindopuan tulun KHC. 3. Poimogonon nogi daa iri talunalun i kakal amu po naaspal i kiikiro 60m ninaru hilo talunalun pogulu KG. Tudan mantad simpang ralan tagayo. 4. Poimogonon/pooputon ginaras lotirik kumaa Kg. Tudan om Kg. Baraba. Onuan nogi kouhupan internal wiring kumaa walai di tosiriba koonuan/income. 5. Onuan nogi daa walai pprt iri paganakan ngai poimpatut id ponong Sokid Kiulu. Om kiharo po kanto daa kouhupan pokionuon ngai di kampung toi kalayan ngai ponong Sokid Kiulu. Kotoluadan. Dii: Jenius Gadiman Sinuratan diti nopo nga pomusarahan ku sondiri. Honggo-honggo iri amu koontok toi kapadan nga obuli potopoton dokoyu.