PAKHAT LE PAKHAT I DAWTNAK

(Love for One Another) #42

hramthawk tein nan rak theih lengmangmi bia cu hihi a si: pakhat le pakhat kan i daw lai, ti hi. Ka fale hna, dawtnak hi Pathian sinin a rami a si caah pakhat le pakhat i daw u sih. Pakhat le Pakhat aa dawmi cu Pathian fa an si i Pathian kha an hngalh.

 Pakhat

le pakhat aa daw lomi nih cun Pathian kha an hngal lo, zeicahtiah Pathian cu dawtnak a si.
Mi

zeimaw nih, Pathian ka dawt, a ti i a unau a huat ung ahcun amah cu milihchim a si.

 Zeicahtiah

a hmuhmi a unau hmanh a dawt khawh lo ahcun a hmuh lomi Pathian chinchin cu a daw kho lai lo.
Vawlei

siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun Pathian dawtnak kha nan chungah a um kho lai lo.

 Cucaah

vawleicung mi nih an in huat hna ahcun nan khuaruahhar hlah u, Thihnak kha kan kaltak cang i nunnak chungah kan lut cang ti kan hngalhnak cu pakhat le pakhat kan i dawt hna caah hin a si. A unau a daw lomi hna paoh cu thihnak chungah khan a um ko rih.

 Mi

nih a hawile caah dawtnak ngan bik a ngeih khawhmi cu an ca i a nunnak pek hi a si. Nawlbia thar kan pek hna: Pakhat le pakhat i daw u. Keimah nih kan dawt hnabantuk hin pakhat le pakhat nan i dawt awk a si. Pakhat le pakhat nan zawn nan i ruah ahcun mi vialte nih hi hna hi amah zultu kha an si tiah an in hngalh hna lai, tiah a ti hna.