22

11

17.06.2012
Editor Jt. Ed. : C. Lalmuanpuia 8014125196 : J. Zosangliana 9862614890 8014225294 8014764717

News Ed. : H. Remsanga : Zodinsanga

Cir. Man. : All Section Asst.Secy. & Ramchuana, Keifangtlang Y M A ch u t a n p u i n ga i t e t a n p u i t u a ni Manager: R.Lalchhuanawma 9862530551 CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) | Hall Ph. 234336

YMA Day hlim leh ropui taka hman zawh a ni.

The Vengsang 17th June 2012 YMA Day Vawi 77-na chu Ni 15.6.2012 (Zirtawp) khan hlim leh ropui taka hman zawh a ni. Vengsang Branch YMA ten YMA Day lawmnan hian chhun lamah member hnatlang neih a ni a, thutthleng siam a ni in thutthleng 120 vel siam zawh a ni a, hnatlang hi member 90 vel ni in, tlaiah hnatlang te hian chawhlui an kilho nghal a ni. Zan lam vengchhungah Chhiattawk an awm avangin Programme thulh a ni a amaherawhchu nizan khawhar in lenkhawm ban khan YMA Day lawmna Programme chu chhunzawm a ni in, Programme hman dan kim chang kan rawn tarlang thei ta lo. Nizan Programme hman dan tur tlangpui te chu Chairman : Pu Hmingthansanga, President Tantu : Nl. R. Lalhmingthangi, Comt. Member Kumpuan Thupui Ram leh hnam humhalh hawn/Thutawi Sawi (10th Min) Hawngtu/Sawitu : Pu Rohnuna, Committee Member : Tv. C. Vanlalchhuanga, Convener : Pu K. Vanlalenkawla : Tv. V. Lalmuankima : Nl. SH. Lalropuii (Special Item hi Zai kar lakah Vawi 5 Vawi 6 vel beisei a ni.) Band : Chhaktiang Rimawi (CTR) : Dreamy u ha ha : Living Urn : YP Corps. Champhai Solo : Sumeon Zaithanpuia, Lalnunzira PC. Malsawmkima, , Lalhrechianga, Zarzoliana, JC.Vanlallawma, Lalrinchhani, C.Vanlalhriati, Lalhmingsangi, Lalhruaitharzeli Lawmthu sawi : Pu C. Zohmingliana, Vice president Refreshment : Thingpui leh a hmeh tui tak Heng bakah hian Kum 2011- 2012 Academic Session chhunga kan veng chhung atanga HSLC leh HSSLC First Division a pass chin te lawmpuina Certificate hlan an ni. Tin, Central YMA atanga YMA Day thuchah ngaihthlak bawk a ni. Kan hriat danin nizan Programme hi Member an an hlutin an hlimtlang hle a ni. Tin, Member kalkhawm ten Vengchhung miharsa zawkte puala thawhlawm (pawisa) thawhin Member kalkhawm ten an ngaipawimawh in thawhlawm hi hun remchang ah miharsa zawkte sem an ni ang. YMA Day lawmna zan lam programme hi karleh Issue ah kimchang taka tarlan tum a ni. Special Item Buaipuitu turte

BRANCH
Branch OB Meeting Branch OB te ni 12.6. 2.2012 (Thawhleh) zan khan Pu C. Zohmingliana te inah inhmukhawmin hetah hian YMA Day hman dan tur a thil tul leh pawimawh te sawiin hmalak ngai te sawi a ni. Fanu thar nei: Pu Hmingthansanga President Vengsang Branch YMA, Nupui Pi Zuali chuan Ni 14.6.2012 zingkar khan Champhai Damdawi In ah Fanu thar duhawm tak a nei. Kan lawmpui tak meuh meuh a ni. Boral: Tv. Vanlalhruaia Kum 48 s/o Pi Rangkhumi (L) K. Sec a mi chu Ni 15.6.2012 (zirtawp) 7:00 Pm khan Champhai District Hospital-ah a borala aruang hi tlaivarpui a ni in, nimin khan Vengsang Thlanmual-ah vuiliam a ni. Tv. Vanlalhruaia hi YMA Member nilai a ni. Khawhar chhungte kan tuarpui tak zet zet a ni. Tanpuina dawng: Vengsang Branch YMA ten miharsa zawkte puala Concert an buatsaih ah Vengsang MUP ten hemi atan hian Rs. 100/- pe in. Pu Vantea s/o R. Laihnema chuan YMA Day a Member hnatlanga atul tul a hman atan Rs. 500/- a rawn pe bawk. Hnatlang: Tunkar hun renchangah Branch hnatlang koh leh tum a ni Member te lo inring lawk tura ngen leh hriattir kan ni. Tin, tunah hian Committee room Floor Tile phah tura hmalak mek a ni.

VENGSANG BRANCH YMA DIN TAN KUM: 13th OCTOBER 1946

YMA CHANCHINBU CHHUAH TAN KUM : 1991

Vawiin Pathianni Chang vawn:

I nternet lama thlir duh tan: WWW. Champhai.net Editorial Kan Ram ngawte hi i dinthar leh ang u Ni 14. 6.2012 khan Grenn Mizoram Day chu kan lo hmang lehta a, Office hrang hrang leh Sikul Naupang ten thingphun beihpui thlak a ni in alawm in; kan ram ngawte hi dinthar leh an ngai tak zet a ni. Mahse... Green Mizoram kan kalpui dan hi ennawn a ngai tawh hle a. Kum 10 chuang kan hmang tawh a. Kan hman tirh aia kan hmasawnna hi hmuh tur a lawi a awm si lo va, kan inseng so vak vak tho si a. Awmze nei leh kalphung fel zawka kan kalpui hi chu a hun tawh reng a ni. Mizoram hi a hming chuan la hring dup mah se ngaw tha han tih tur erawh kan nei tlem tial tial a. sik leh sa a mumal lo telh telh tih chu tunah pawh hian kan hre vek a ni. Thalah kan ram kan ti kang dur dur a, fur a lo ni a, kan ram tih kanah ngei chuan thing phun turin kan phu leh sup sup a. A nuihzathlak zawnga lak chuan nuihzathlak deuh a ni. Green Mizoram a hlawhtlinna tak tak tur hi chuan kan tlang ram lo neih bansan zawnga chak taka hmalak hi a pawimawh ber niin alang. Mizorama ramkang 70% vel hi chu lo hal vanga kang niin a lang a. He ti a nih chuan fur laia kan phunte hi kan lo hal avangtein thalah a kang leh zel tihna a ni a, hmasawnna awm lovin ngai leh ngaiah kan in bin vel mai mai nite pawhin a lang a ni. Tun dinhmunah chuan eng anga nasa leh eng anga tam pawh thing hi phun mah ila, lo vaha hal dur dur hi Mizoram mipui 80% ei zawnna a nih chhung chuan thil sawt tak tak thei lo tur buaipuiin kan hun leh tha kan seng thlawn mai mai nite pawhin a ngaih theih dawn a ni. Chuvangin Green Mizoram leh Tlangram lo neih bansan zawnga hmalakna hi chak takin kal kawp sela, Green Mizoram kan tih hian awmzia a nei lehzual ang.

LA W M T H U
Vengsang Branch YMA ten kum 2012 YMA Day kan hman zawh takah ahnuaia mite chungah hian lawmthu kan sawi tak meuh meuh a ni. 1. YMA Day atana member hnatlang zawng zawng te chungah leh zan lama Programme hlawhtlin nana member kalkhawm zawng zawng chungah te. 2. Mimal zai, Band, leh Musician zawng zawng te leh Items nei rawn tihhlawhtling zawng zawng chungah te. 3. Sound System leh Music Instrument phal taka min hman tirtu te : Vengsang Branch KTP, Two Brothers, JK Bussiness Service, SB Office (Generator), leh Mimal Music instrument rawn thawh zawng zawng chungah te. 4. Kan mi sawm te VC, MUP, MHIP leh Sporting Club chungah te. 5. Section hrang hrang ten kan mawmhphurna tha taka kan thawh kan hlen chhuah avangte. 6. YMA Day kan hman theih nana hriselna leh boruak nuam tak leh khawtlang a harsatna liamtham tawk lova mi siamsaktu kan Pathian chungah te. 7. LCN Zokhawpui Champhai ten kan Programme athlawna min cover sak avang te 8. YMA Day kan inbuatsaihna atana Musian leh zai tur ten hla an zir laia an zirna bula chhungkaw tinte engmah sawisel loh avangin. 9. Zirlai chawimawi natura hma la tu kan VC, MHIP leh zirlai chawimawina dawngtu zawng zawng chungah te 10. Member kalkhawm vengchhung miharsa zawkte puala kan sum leh pai te ui lova kan thawh tu zawng zawng chungah te. . Sum leh pai leh thildanga min tanpuia YMA Day min hlutpui tu zawng zawng chungah te leh Lawmthu sawina awm sawi hmaih kan neih zawng zawng chungah thinlung takin lawmthu kan sawi tak meuh meuh a ni. Sd/(HMINGTHANSANGA) President Sd/(C.LALMUANPUIA) Secretary

VENGSANG BRANCH YMA 2012

Branch Emergency Committee neih a ni.

Vengsang Branch YMA Emergency Committee Ni 15.6.2012 (zirtawp) zan khan YMA Hall Committee Room-ah neih a ni. Hetah hian YMA Day lawmna zan lam Programme duan lawk sa chu vengchhunga chhiattawk an awm avangin member te awmdan tur chungchang an sawiho a, YMA Day lawmna chu hemi zan atan hian thulh mai nise an ti a. Ni 16.6.2012 (Inrinni) zan khawhar in lenkhawm banah YMA Day lawmna chu neih mai nise an ti. Section News:
Neuva Section: Neuva Section ten Section Budget Rs. 4000/- chu pe tawhin YMA Day Car Flag zawrh zawh hman a ni a. Car Flag zuara hnatlang zawng zawngte Section hruaituten lawmthu an sawi tak meuh meuh a ni. Vanapa Section : Vanapa Section ten Section Budget Rs. 400/- chu pe tawhin, Committee neih thuai tum a ni. Khuangchera Section : Khuangchera Section te pawhin Section Budget Rs. 4000/- chu pe tawhin, karhmasa Inrinni khan Section hnatlang neiin hnatlang zawng zawngte chungah leh inhlawhna petu te chungah section hruaituten lawmthu an sawi tak meuh meuh a ni. Taitesena Section : Taitesena Section te pawhin section budget Rs. 4000/chu pe tawhin hun remchang hmasa berah Committee neih thuai an tum.