पुणे येथील ॐकार ट्रस्ट ह्या संस्थेद्वारा १९९४ पासून दरवर्षी कोणा एका संताबद्दल "कल्याणी" नावाचा एक विशेषांक प्रसिद्ध होतो. १९९४ ते १९९८ अनुक्रमे स्वामी विवेकानंद, श्री ज्ञानेश्वर महाराज, श्रीतुकाराम महाराज, श्री एकनाथ महाराज, श्री नामदेव महाराज यांचे विशेषांक आहेत. १९९९ चा विशेषांक ब्रह्मचैतन्य श्री गोंदवलेकर महाराजांबद्दल आहे. विशेषांकामध्ये नामवंत व विचारवंत भक्तगणांचे लेख आहेत. अपलो...

या ग्रंथात श्री गुलाबराव महाराजांनी पातंजल योगशास्त्राचा शिरोभाग जो समाधिपाद, त्याचे नवीन प्रक्रियामय रहस्य प्रकट करून 'ईश्वर प्रणिधानाची' प्रक्रिया वर्णन केली आहे. योगमार्गाचे कष्टमय फळ - असंप्रज्ञात समाधि - नुसत्या ईश्वर प्रणिधानाने, भगवन्नाम संकीर्तनाने, यमनियमादि अष्टांग योगाची अपेक्षा न करता, सहज सुखमय कसे प्राप्त होते हे फारच सोप्या शैलीने सांगितले आहे.