HEADQUARTERS SUNDAY SCHOOL JUNIOR DEPARTMENT

CHANG Philippi 2:5-11 He rilru, Krista Isua pawha awm bawk kha, nangmahniah awm rawh se; ani zawngin Pathian anga awma Pathian tluka awm chu thil thlakhlelh hleih theihah a ruat lova, mihringte anga lo piangin, bawih angah a insiam a, amah leh amah a intitlawm ta zawk a. Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu. Chu mi avang chuan Isua hmingin mitin vana mite, leia mite, lei hnuaia mite nen an thingthit nan leh, Pa Pathian tih ropuina turin, “Isua Krista chu Lal a ni,” tiin lei tinrengin a puan nan, Pathianin ani chu nasa takin a chawimawi ve ta thung a, hming zawng zawnga hming chungnung ber chu a pe ta a.

THU INCHHANG KESIL RAWNGBAWLNA 1. Kesil rawngbawlna hian eng nge a entir? Ans. – Inngaihtlawmna leh duhsakna a entir. (Johana 13:14; I Timothea 5:9,10) 2. Kesil rawngbawl tulna eng nge ni?

Ans. – Lalpa Isua’n, “Miin mi hmangaih chuan ka thu a zawm ang,” a tih avangin, Lalpa ringtute chuan a thupekte chu kan zawm ngei tur a ni. (Johana 14:23) 3. Kesil rawngbawl hi Kohhrante hian kan la tih ve zel tur a ni em?

Ans. – Ni e, Lalpa Isua khan, “Kei Lalpa leh zirtirtu mahin in ke ka sil chuan, nangni pawhin in ke in insilsak tur a ni,” tiin min hrilh a ni. (Johana 13:14) 4. Engtin nge Isua’n a zirtirte ke a sil?

Ans. – A zanriah chaw kil chu a tho va, a puante a dah a, inhrukna puan a la a, a veng a. Tin, maihunah tui a bun a, zirtirte ke a sil ta a, inhrukna puan a ven chuan a hru zel a. (Johana 13:4,5) 5. Simon Petera’n, “Ka ke I sil tawp lo vang,” a tih khan Isua’n engtin nge a chhan kha?

Ans. – “Ka sil loh che chuan ka hnenah engmah chan I nei lo vang,” a ti. (Johana 13:8)