BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007
Vol. XVIII Issue No.19 Bangalore Mizo Association Pathianni Tin Chhuak Chanchinbu Date: 5th August 2012 Phek Khatna

BMA Freshers day hlawhtling taka hman ani

Tualchhung
Nl Thaarie Hnamte BMA OB lo ni fo tawh thin chu Synod hnuaiah contract in evangelist Teacher hna Arunachal ah a thawk dawn a, karleh mai khian a awmna hmun a pan ang, a rawngbawl naah Pathian kaihhruai na leh awmpina i dilsak thin ang u. Nimin khan BMA Freshers Social neih a ni a, freshers 40 chuang lawmluh an ni, BMA member pawh he fresher's Social ah hian an kal tha hle a, mi 300 chuang an kal a, programe a nuamin a khamawm lo hle mai. BMA hruaitute thawhrim na a fakawmin function hlawhtling tak neih a ni. BMA T-Shirt mawi tak mai Rs 250/- man chauh chu lei theihin a awm ta. Vangpui kuta hak tur a nih dawn avangin member tin ten lei theuh kan tum dawn nia. Mawi taka T-shirt hma BMA logo min design saktu hi kan Cultural Secretary i/c Pu Joel Sailo a ni. A chungah kan lawm tak zet a, a la neilo te tan mahni section Leader te hnenah ngaihven tur a ni e. NE Christian Football Tournament: Kan hriat tawh angin, tahrikni 11 August 2012, karleh inrin ni hian NE Christian Football tournament a awm dawn a. BMA team pawh tel turin an inbuatsaih mek a, beisei an nei sang hle. Tin, he hunah hian BMA chuan food stall kan nei dawn a. Mizo chaw tui tak tak ei tur a awm dawn a ni. Thahnemngai takin I kal theuh ang u. BMA Football League: Tahrikni 15 august 2012 atangin BMA Football league, HVLT Mawia trophy pawh khelh tan a ni dawn a. Team-a mawhphurtuten, in team memberte theuh BMA registration kha lo en fel thuai ru. BMA member ni lo chuan, he tournament-ah hian an khelh theih dawnloh avangin.

Tum chuan kawng a awm Executive committee meeting-in BMA Freshers Day programme kan sawi ho atang tawhin kan Vice President Tv. Emanuel Lallawmkiman, engpawhnise programme hi a happening em em tur ani. A ti tawh mai si. Programme happening tak neih kan chak rualin sum leh pai lama kan pachhiat zia erawh kan hria. Mahse huai tak leh phur takin kan kal tlanga, kan inchhir lo tlang e. Hruaitute leh member-tethawhrimna leh inpekna avangin BMA Freshers Day 2012 chu hlawhtling takin kan hmang liam ta. Tv. David Laldanfela leh Nl. Laldinfeli Chhakchhuak ten zei takin programme an kaihruai a, kalkhawmte min chawk hlim hle. Sound system a tha a a ring bawk! Happening tuma programme duang kan nih avangin programme hlawhtlinna pakhat atan sound system tha pangngai ve tak kan hawh a, a inchhirawm lo hle. Chutih rualin sond system thununtu zingah Mizo an awm ve loh avangin rimawi duh anga inpawlh mawi tawklo erawh mipui tan duh thu a sam lo tep. A ring mah mah tih loh chu sawiselna dang a awm lemlo e. Hunserh thuchah tha Rev. Lalawmpuia Hauhnar in hunserh hmanga thu tawi tha tak leh zahawm tak a sawi kha zawmin nunpui theuh ila ava duhawm em! Tin, Pu Awmpuia hian thangchhuah kawr ngei inbelin hun a hmanga a mawiin a zahawm khawpmai. Secretary report Secretary report a thui viau rualin hmaih palh erawh a nei. Section hruaitute leh Mysore leh Mandya BMA representative-te sawi hmaih palh anni a. Anni hi BMA tana tangkai tak anni a, an mi hriatthiamna kan ngen nghal bawk e. President thusawi Kan BMA president-in chipchiar si, thui tak ni silovin awm tharte lawman thu leh Bangalore khawpui chanchin te, Bangalore-a khawsa tura tihtur te sawi hmuhna a nei a. Member-te tana tangkai tak leh hriattur pawimawh tak tak anni a, a bengvarthlakin member rawn kal thar ten hlawkpuinan an hman ngei ngei kan beisei. Zaithiamte Kumin Freshers day programme-a chhinchhiah tlak tak pakhat chu, zaithiam emaw item nei tur emaw zawn chawp leh in hnawn ngawi lova, thahnemngai taka an thiamna te hlan huam member-te zinga an awm hi ani awm e. Pi Mapuii Hostel nula pathum ten, Ka perhkhuang zaitin thiam tih hla an han thlawh zet zawng, thut mai mai harsa ti an awm ngei ang. Tv. Sawmsawma, aw sang tak maia an zai vawng vawng mai te, Noel-I leh a thianten hnamdang hla an sa tih pawh hriat hran map loh a hla mawi taka min awi te kha a kham awmloh teh e. (phek hnihna ah chunnzawmna)

********************************

Phunchiar Huang
Engtikah nge Bangalore Mizote hian programme hi a hun dik takah kan tan theih ang le aw? Nimin Freshers Day-ah khan hruaitu leh mawhphurhna nei tam zawk a hun dik takah an thleng; mahse programme tan tur chuan mipui an thlen kha a tul bawk si a. -Dr.Mahminga

***************************

Vol. XVIII Issue No. 19 Bangalore Mizo Association Pathianni Tin Chhuak Chanchinbu Date: 5th August 2012 Phek Hnihna
Editor Lal Muanzuala Joint Editors Dr.Lalhmingmuana Sailo MC Zirsangzela Circulation Managers Nl.Lalchhanhimi Nl.Lalngaihsaki hnamte BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

(phek khatna chhunzawmna..) The BENGSENS Khaw khat nula tlangval senior tehi mi ten an nuih tet tet fo. Mahse Bengsens(Bangalore Senior) ho erawh nuih tet tet chi anni awzawng lo. Rimawi an thiam hlawm em em a, hna tha leh zahawm tak tak chelh lai vek anni lehnghal. Anni hi Bangalore Mizote min ti zahawmtu leh timawitu anni a an hlu takzet ani. Anni hian hla mawi tak takin min awia an chungah kan lawmin in programme an ti phuisui hle. Freshie King leh Queen

E-mail: bmanews@gmail.com Website: www.bangaloremizo.info

Editorial
Academic session thar kan lo tan leh dawn ta reng mai. Zirlai tamtak chu an zir natur admission te buaipuiin zoram pawn hmun hrang hrang ah te an chhuak hlawm a, Bangalore ah pawh zirlai engemaw zat chu rawn kal in zirna sang zawk leh tha zawk an rawn bela. Zoram lamah pawh zirlai tamtak zirna ngaihtuahin an buai ve mek bawka. Hetih mek lai hian zirlai tehian kan hriat chian atana tha em em chu, enge kan zir duh a? enge kan zir chhan? Tih te hria in nakin hun tur thlir chunga lehkha kan zir chhoh hi a tha hle in ka hria. Kan classmate te leh mi nawlpui ina an zir ang pawng zir chhoh ve ringawt ang chi hi chin loh a tha khawpmai. Thenawmpa in tuboh a hman tangkai avanga tuboh thenawmpa tuboh ang kher hman ve tum ngawt chu thenawmpa angin kan hmang tangkai leh silo ang tih a hlauhawm ve thei a. Chuvangin zirna line kan thlan kawngah te hmalam hun thlir chung zela keimahni tana tha tur kan thlan thiam a pawimawh hle a. Hetiang lam kawngah hian ngaihtuahna fim tak nen kan career hi I thlang thin ang u.

Judge fing leh fel tak tak ten thutlukna awlai lo tak an siam hnu ah, kal tharte zing atanga King leh Queen atan Rev. Vanlalhruaia leh Nl. Zomuanpuii te an thlang chhuak a. Anni hian King leh Queen nihna an phu in an lawmpui awm hle. Tin, felfai taka Freshie King leh Queen thlanchhuah buaipuitu judge te: Tv. Benjamin Rualthanzauva, Pi Zonunmawii Ralte leh Nl. Mimi Hrahsel te an zeiin zawhna fing leh tangkai tak tak an zawta an fakawm khawpmai. Refreshment khan min ti ril tam zawk amaw tih mai tur ani Programme tan hma a cold drinks vawt reih rawih leh kir chit chet kan ro, she rik rep rep theih kan ei kha a tawk mai dawn emaw kan tih lain, programme hlimawm tak hman laia sanpiau kan han hawp leh zel te kha a tuiin a nuam dangdai ngawt mai. Sum tamtak senga min hrai puartu Pi Angela Sailo te chhungkaw chungah lawmthu kan sawi a. Tin, Refreshment tui tak min siam saktu leh buaipuitu Nl. Blessy Sailo leh leh St. Joseph Mizo Zirlaite chungah lawmthu kan sawi nghal bawk e. Mi 350 chuang! Kum dang Freshers Day aiin kal kan thahnem a. Mi 350 chuang lai kan kal khawm thei khan Bangalore mizote kan inlungrual zia a lantir niin a hriat. Kumtluana Mizo inhmuhkhawmna hunk an neih tam loh avangin kan hunpui neih chhun chhun hi ngai pawimawh chhunzawm zel turin member tinte kan in ngen nghal e. ********************************************************************

Bangalore-a lo awm thaw lawman leh thurawn -Lalrinpuii (Presedent, BMA)

A hmasa berin Garden City an tih thin Bangalore khawpui nuam taka zir tur te, hnathawk tur te a lo kal zawng zawng, Mizote kungpui ber Bangalore Mizo Association member duhawm tak ni turin BMA aiawhin ka lawm lut che u in chibai ka buk che u a, chutih rual chuan Bangalore khawpuia in awm chhunga hriselna tha tak nei a, hlim taka awm a, in zirlai leh in thiltihna apianga hlawhtlinna in neih theih nan duhsakna sang ber ka hlan che u a ni. Tin, Bangalore hi tunah chuan official in Bengaluru tih a ni tawh a, chuvangin keini ho pawhin Bengaluru kan tih ve ngei hi a tha khawp ang. 1.Bangalore chanchin tawi: A khawpui chin hi 368 square Kilometers vela zau a ni a. A hmun san zawng hi 3113 ft above sea level an ti a. Mihring cheng zat hi a kum telin an pung a, 1961 khan mi 1,20,700 niin India rama khawpui lian parukna a ni a (population atanga tehin). Nikum chhiarpui 2011 khan mi 84,25,970 niin 3rd biggest city in the nation tih a nil eh ta a ni. (phek thumna ah chunnzawmna)

****************************
Sawi fuh hmel riau
N.E Football tournament awm tura mizo ai awha kan khel tur kan players te hi an practice na a an tui in tur tal hi BMA hian a pe thei lo mawnile...veng hla tak2 tangin an kal a, an sum sen hi a tam duh fu lawng maw te ka ti mai mai... -Azaii Hnamte *********************************

Vol. XVIII Issue No. 19 Bangalore Mizo Association Pathianni Tin Chhuak Chanchinbu Date: 5th August 2012 Phek Thumna (phek khatna chhunzawmna..) Temperature hi a san lain 34o C vel leh a hniam lain 14o C vela chawh rual a ni. Khawpui hmun 40% hi green cover, thing hring khuh a ni a. He khawpui hi Kempagowda Lal ropui takin kum 1537 khan a din a. Bengaluru hming lo chhuah dan hi 9 th Century BC hunlai daih tawh a Temple a thil inziak an hmuh atangin a ni. 2.Tawng tualleng: Bangalore khawpui ah hian English, Kannada, Tamil, Hindi, Telugu leh Malyalam te an hmang ber a. Anmahni tawng Kannada hi tlem a zawng hriat chu a tha khawp mai, buaina tamtak pumpelh phah theihna a nih avang leh min ti tlangnel tu a nih avangin tlem tal chu thiam tum theuh a tha khawpmai. 3.Bangalore Khawpui chhunga tlawh nuam awm te: Lal Bagh, Cobbon Park, ITPL, Wonderla, Innovative film City, Snow City te bakah Shopping mall lian tak tak, Orion mall, Phoenix, Mantri mall, Gopalan signatur mall, Forum mall, Garuda mal etc. tehi han len vah nan leh intihhlimnan an remchang hle. 4.Lokal thar te leh helaia lo awm tawh sa te pawhin kan hriat tur chu. Rampawna kana wm hian hnamdang kawm, thiana siam kawngah hian duhthu kan sam lo hle a, hnamdang zingah kum engeawm chen awm ve si a, an zia leh culture pawh hriatpui miahlova kan awm hi a pawi hle a ni. Thiantha tih tham harsatna kan tawh pawha min sawipui thei tur hi kan siam a pawimawh em em a ni. Chuvangin a tam thei ang ber hnamdang thiana siam a kawm tum theuh ila, amaherawhchu inveng thiama zahawm taka kana wm thiam erawh a tul ang. Hnam zahawmna venghim turin mahni khawsak dan theuh hi tih zahawm a pawimawh a ni. Kumin ah hian BMA te chuan kumtina kan hman thin Vangpui kut chu BMA committee hmasa ber April thlatira kan neih ah khan Cultural Nite ang deuh a hman tum ila tiin kan rel a, chumi rual chuan kan chenna Karnataka State Cultural troope leh Karnataka Art & Culture minister te sawm ila kan ti bawka, chu mai bakah chuan Mizoram Art & Culture Minister leh Cultural troope te sawm ila kan ti bawka. Mizoram Art & Culture Minister chu sawmna pek tawh niin amah pawh kan hmu a, lo kal ngei a tum thu min hrilh a ni. Hei hi kan tih chhan chu kan chenna a mite nen inhmelhriatna tha zawk nei a, an hnamlam te hriatpuia anni pawhin kan hnamlam te min hriatpui ve theihna anih beisei vang ani. 5.College Campus emaw Hostel ah te hnamdang te nen inkawm leh titi ho chang a awm thin a, heng kan titi hona karah hian Sakhaw thu leh politics lamah te inhnialna a thleng palh thei a, Mizorama mizote hi mahni sakhua chauh hi kan ngaisang a, midangte sakhua engah mah ngaihlohna kan nei fo thin. Midangte sakhua deuhsawh a pawngpaw ngaihsanloh kan ching fo thin, duhtawka tawng thiamlo tan phei chuan hetiang inhnialna hi pumpelh hram tum a tha a ni. 6.Bangalore hi kum 1999 chho Techno Boom atang khan namen lovin a thang a, nichinah population thanchak zawng pawh kan sawi tawh kha. A ram mite hi India ram khawpui dang a mi te nen khaikhin chuan hrawn an nuam in, an midip pawh a na lo a ni. Silicon Valley of India an lo tih angin Infotech leh BPO lamah khawvela mithiam rual ( kan hriatthiam zawngin a hlawh tamchi ho thawhna a ni, mizo te zingah ngei pawh nuai han hlawh phak hi an awm ve nual ta ani.) Mobile phone tam berin a thawhtheihna te hi, he khawpuia mithiam te siamchhuah hi a ni. Khawvela Company lian ber ber IBM, GE, Intel, Texas instrument, HP ( Pu Zoramthang & Tv Benjamina thawhna) te hmun khuarna a ni. Chubakah chuan India ram ah pawh zirna tha ber ber management zirna thaber te zinga mi IIM (B), India rama Law zirna thaber NLS te bak India Engineering zirna College leh Medical College tamna ber hmun a ni.Chubak ah chuan India rama Pub tam berna khawpui a ni bawk a, chuvang chuan thalai te he khawpuia cheng tura kan lokal hian fimkhur a ngai em em a ni. Zirlai leh hnathawk Hostel/PG hmu remchang lo ten In an luah thin a, Heng mite hi kan kawmngeih zawng leh kan nel zawng te an nih vang mai a tlawh fo leh chawei nan leh riah nana hman chin hi a tha lova, midang tan phurrit nasa tak i siam thei a ni tih hria ang che. Tin zirlai i nih chuan local guardian nei lovin i awm thiang lova, local guardian tur zawng la, an remtihna la hmasa lovin form fillup naah an hming ziak mai suh ang che,Tin, local guardian hi i mamawh phuhruk tur chauh ah hmang lovin an thu leh hla i ngaichang thin dawn nia. 7.Inkhawmna lam : Bangalorea mizo te hi kum 1975 atang khan inkhawmna hi neih tan tawh a ni a. Bangalore Mizo Christian Fellowship tia hming vuahin Sunday tlai lam dar 3.00 an inkhawm thin a ni, tunah hian Mizpah Telegu Church Mosque Road, Clarence High School bulah inkhawmna neih a ni. Tin, nikum 6th November atang khan Banaglore Mizo Kohhran (BMK) a lo ding veleh ta a, an ni hi JRC Hall ah UTC an inkhawm thung a, inkhawm hun hi tlai dar 3.00 tho a ni. Tin, vairama awm kan nih ang in mizo inkhawm chauh hi duhtawk lovin, mahni awmna hnaivai ah Kohhran English Congregation engemaw tal zawma, tel ve hi kan tihmakmawh a ni. Hetia mizo te hmun hniha kan lo inkhawm hnu hi chuan inhmuhkhawm a lo harsa ta deuhva, vawiin ni ang mizo te kan vaia min huapna function neih te pawh a lo nghahhlehawm zual ta a ni. Bangalore mizote lungrual takin kan awmna apiang ah ringtu kan nihna ti lang zelin lungrual takin i thawk ho zel ang u. Ka lawm e. **************************************************************************************************************

-----------------------------------------------------Upat dan a zira dawt sawi dan------------------------------------------------------------------------

Vol. XVIII Issue No. 19 Bangalore Mizo Association Pathianni Tin Chhuak Chanchinbu Date: 5th August 2012 Phek Lina

SPORTS HUANG The real deal: Khawvel sport franchise hausa ber pawl a la tel ziah Manchester chuan tun hnai lawk khan Chevrolet(General Motor) nen contract an ziak fel, he contract hi 2014 season atanga active tan ang (AON nen 2013 thleng contract an la neih avang in). He contract atang hian Man utd hian $ 599 million dollar an huilut ang! London Olympic 2012 news: London khawpui chuan july 24 khan modern Olympic thleng ngun ber(vawithumna) ram ni tur in ropui takin an lo thleng. A opening acts-ceremony ringawt pawh hi Oscar winning director Danny Boyle an a direct ani. He sport festival ropui taka a an budget chu 9.3 billion ($14.46 billion) vel ani. A closing ceremony hi 12 August 2012 ah neih tur a duan lawk ani Kan ram dinhmun lo thlir lawk ang: Sport discipline chi hrang hrang 13 ah telin, infiammi 83 kan thehchhuak ve a, kan la tam ber tum ani e. Tun tum chu kan sawrkar pawn tun Olympic in buatsaihna atan hian 250 crore vel an seng ve ani. Indian wrestler chuan vawr Sushil Kumar an flag a keng ani. Kan in medal pathum la ve tawh in, Gagan narang an 10 metre air rifle inkah siak ah bronze ala a, Saina nehwal in womens single ah bronze la bawk in, vijay kumar an Mens 25 m rapid fire pistol ah silver ala bawk, kan ram tan, 2004 Olympian RS Rathore a hnu a a mimal a silver la leh hmasa ber tu ani. The living legend: Michael phelph an a hna pangai a chhunzawm. Olympic record a siam chhunzawm leh! Olympic gold medal 11 tumkhat a lak kha tumkhat a mipakhtin a lak tam ber record ani. Chuan a gold medal 17 lak hi Olympic gold medal la tam ber record ani, chuan a medal lak belhkhawm 19 hi mimal in an la lak tam ber anih mai bakah, India in Olympic kan telna tawh zawng zawng a kan medal lak nen a in tluk chiah ani.

THE TOP 5 countries.(as of 4/8/12):

1.United States- gold- 22, silver- 10, bronze-13, total-(45). 2.China- gold - 20, silver- 14, bronze-9, total-(43). 3.Great Britain- gold-10, silver-7, bronze-8, total-(25) 4.South Korea- gold-9, silver -2, bronze-5, total-(16) 5.France- gold-8, silver-5- bronze-6, total-(19

HENG HO HIAN ENGE AN SAWI A!!!

# Tlangval luck ber han nih hi chu a van nuam tak em. --- Amos # Nimina ka award dawn zet kha chu lawm tlak a ni, ka pial nalh ve than than bawk a ni : ---Rev Lalawmpuia Hauhnar # Ka thusawi hun kha ka lung a awilo chhelo deuh deuh an haw hman teuh. ---El-a V-Pre BMa # Nimin kha chu ka birthday aiin nuam ka ti zawk. --- Dana Host # Hair style nalh ber award dawng thei khawp awm hi a nuam. ---Achunga # Kei chu Blore senior ho kha ka star ber. --- Marie Boitlung # Phuba chu lak lohin a awm hauh dawn lo... Vawi tam damlai lusun chung pawh hian. ---Azaii

***********************************************************************************************