You are on page 1of 4

Vol.

XIV :

Issue No. 34

26th August 2012

Pathianni

Phek 1 - na

Naupang Kaihhruaina

Zozikpuii, M.A M.Ed, B.Ed

Naupang taksa, rilru leh thlrau lama kaihhruaina pek hi nu leh pate zawng zawng mawhphurhna a ni a. Mawhphurhna pawimawh tak, Pathianin kan kova a nghah a ni. Setana hian kan fate hi nasa taka min chuh ve avangin dawhtheihna, taimakna, nasa taka tawngtaina nena lungphum dik phuma ruhrel nghet leh tlo tak tur din a tul Tunge tling zo ang le ? Naupang kaihhruaina kawngah hian tu nu leh pa mah hi kan tling lo va, tling zo inti pawh kan awm kher awm lo ve. Pathian chauh hi tling zo chu a ni a, amah chauh chu tling zova min siam theitu a ni. A thurawn leh a tanpuinate dil zelin kan fate hi tawngtainaa hunga Pathian thua a dai kan theu a tul takzet a ni. Pathian thu chuan, Lalpan in a sak loh chuan a satute chu an thawkrim thlawn mai a ni. Lalpan khawpui a ven that loh chuan a vengtute chu an meng rim thlawm mai a ni tih min hrilh a. Kan fate nun pawh hi Lalpan min saksaka, min venhimsak loh chuan kan hah rim thlawn mai a ni dawn si a. Nasa lehzuala Lalpa kan auh a tul a ni. Hlawhchhama kan inngaih laiin enge kan sawi ang ? Nu leh pa tam tak, fanau enkawlna kawnga hlawhchhama inngai, beidawnga kun tam tak kan awm. Kan hlawhchhamnate atanga tawpsan mai tura thlemna pawh kan tawk thin. Mahse, tawpsan tih hi tihdam theih loh hlawhchhamna awmchhun a ni tih kan hriatreng a tul. Mahni inthiam lova rilru haha indawm kun mai lova thanharha tharthawh hun a ni. Hmelmaten a nupui leh a fate an hruaibo laiin Davidan Pathian a zawt a, Um ila ka la umpha ang em le? tiin. Pathianin umzui turin a hrilh a, an vaiin a chhanchhuak leh tih Bible-ah kan hmu. Beidawnga tawpsan mai lovin Davida ang hian Setanan kan fa min hruaibosakte hi i um zel ang u. Kan chakna leh finnate tlem hle mahse, kan mamawh chu Lalpa hnenah a awm vek a ni. Nu leh pa ni a, fa enkawl mawhphurhna min petu chuan min tanpui a inpeih reng a ni. Kan harsatnate aia lian zawk Pa Pathian kan nei tih hrerengin kan fate hi Pathian duhzawng kawng kawhhmuhin a hnen hruai thleng ngei turin tan i la sauh sauh ang u. Engtinnge naupang chu kan kaihhruai ang? : Naupangte hi enkawl ngai, kaihhruai ngaia lo piang an ni a. Thlai tiak tir no leh nem, chhe hma em em an ni a, dimdawi pawh an ngai hle a ni. Chuvangin,dimdawi tak si, kan thlenpui tum ram thlir ran chunga khauh tak si a enkawla kaihhruai an ngai a. Naupang enkawlnaah hian an taksa, rilru leh thlarau lama kaihhruaina hi a inbuktawk a tul hle a, a eng emaw ber chawivawng a, a dang hlam chhiah a nih chuan ziktluaka thanlen a harsa a ni. Taksa, rilru leh thlarau lam nun kaihhruai dan lo tarlang ila : 1. Taksa : (a) Taksa hriselna kawnga kaihhruai : Taksa hriselna leh rilru hriselna hi inzawm tlat a ni a, taksa a hrisel loh chuan rilru hrisel neih pawh a harsa thin. Kan taksa hi uluk taka kan enkawl chuan rei tak daih tura Pathian min pek a ni. Chuvangin, taksa bung hrang hrangte hi dimdawi leh uluk taka enkawl nachang hriattir a pawimawh. An hriselna tichhe thei thil - zuk leh hmuam leh ruihtheih thil laka fihlim tura fuih leh zirtir an ngai. Kan phak tawkah ei leh in tha hunbi nei taka pek te, an kum phutawk ang zela an taksa leh an thawmhnaw enkawl dan te, in leh a vel enkawl thianghlim dan te zirtir tur a ni. Infiamna leh insawizawina lam pawh kan uarpui a tul hle. (b) Zirna : Kan fate zirnaa kan rual elna leh thahnemngaih luatna hian khaw hmu lo lekin min siam thei. Zirna tha zawk an dawn theihnan tia vairam hla taka kan fate kan tir liam thin te, hostel/boarding-a kan dah thin te hi a tha lo ni lovin, heng hian an taksa, rilru leh thlarau nun tha takin kaihhruaina a pe em? school leh a vel naupang tan a him tawk em? an school kalnaah inhremna uchuak tak, an rilru leh taksa hliam thlen thei khawp an lek em? tih te kan ngaihven a tul. Hleihluak taka inhremna naupang chunga lek hi danin a khap tlat a ni tih kan hriat a tul bawk. Class room-a an nungchang leh an hmasawn dan hre tura an zirtirtute nena sawi tlan a tha. Naupangte chunga beiseina sang lutuk neih a pawi thei, beidawnna te, zir zel chak lohna te a neihtir thei. Kan fate hi hlawhtling tura kan duh takzet chuan an hlawhchham kan phal tur a ni. A awmzia chu, an lo hlawhchham a nih pawhin hau vak lova hmalam pan zel tura fuih tur a ni. Kan fate hian an hlawhtlin ni aiin an hlawhchham ni hian kan hmangaihna, duatna leh thlamuanna an mamawh zawk a ni tih i hrereng ang u.

Kohhran Aw

Pathianni chhuak

26th August 2012

Phek -2- na

2012- KOHHRAN AW SEMTUTE: B-1: Lalengkima, Lalruatfeli, Lalkhawngaiha B-2: Vanlalnghaka, Zahmingliana B-3: Vanlalruata, Lalbiakthanga B-4: Zochhuanmawia, Lalrinawma B-5: Noel Lalremsiami, Lalnunpuia B-6: Lalawmpuia, Lalmuanawma, Zonunmawia B-7: Zohmingthanga Tlau, Zodinmawia B-8: F. Lalremruatpuia, Lalrindika, MS Dawngliana, Zohmingkima B-9: Lalramengmawii,Lalbiaksiami, Lalramtharzuala B-10: Lalramchhana, Roluahpuia B-11: Vanlalpeka, Remruatsanga B-12:Lalnunthara, Lalfelkima, New Saron : BL Thanzama, TBC VL Remruatsanga

Synod News
@ August 17 - 28 chhung hian Jharkhand, Patna, Lucknow, Delhi Mission Field Committee meeting neih mek a ni a, Field Committee neihpui tur hian Rev. Lalchhuanmawia, SMB Secretary; Rev. Rualkhuma leh Rev. R.S. Rokima (BEC Members) te an kal. August 20 (Thawhtanni) khan Jharkhand Field Committee an thu a, August 22 (Nilaini) Synod Information & Publicity Department, Synod Office (Third Floor), Mission Veng, Aizawl khan Patna Field Committee an thu leh bawk. August 24 (Zirtawpni) ah Lucknow Field Committee an thu leh ang a, August 27 (Thawhtanni) ah Delhi Field Committee an thu leh ang. @ Synod Mission Board chuan kumin (2012) chhung atan P.C. Parvulluaii, Evangelist Teacher (Contract Missionary) an la thar a, SPS Madhuripathar, Arunachal West-ah a thawk ang. @ Presbyterian Bible School, Mission Veng-ah Certificate in Theology (C.Th) Admission hawn a ni a. Dil duhte tana hriatturte:*Admission Form : Office hun chhungin Rs. 10/- a lei theih a ni * Dil hun chhung : September 3, 2012 tlai dar 3:00 thleng *Dil thei chin : Class VII passed, kum 16 chin, Kohhran dan chhunga awm * Interview : September 5, 2012 zing dar 10:00 * Class tan hun : September 7, 2012 * Zir hun chhung : Sept. - Dec, 2012 * Stipend : Zirlai pakhat hnenah thla tin Rs. 500/- pek a ni ang. Hostel a awm lo. Hrechiang duh tan Phone No. 857308007/2317343/2350082-ah zawh theih a ni. Sd/- Principal, PBS

Christian News
Pakistan khawpui Islamabad-a cheng Kristian kum 11 mi hmeichhe naupang Rimsha Masih chu kar hmasa zirtawpni khan Mosolman lehkhabu thianghlim Quran tibawrhbanga puhin man a ni. He hmeichhe naupang hian kar hmasa zirtawpni khan rawngbawl nan tiin an in bul bawlhlawh paihna ami lehkha chhia a chhar khawm a, lehkha chhiate chu rawngbawl nan hmangin a hal a. Hetihlai hian an thenawma Mosolman-te chu an inah lutin an lehkhabu thianghlim Quran hal niah an puh ta niin an sawi. Hei hian sawrkar beng pawh a thleng rang hle a, Pakistan president Asif Ali Zardarion chuan kar hmasa Pathianni khan Interior Ministry hnenah thupek pein darkar 24 chhungin an man nachhan kimchang sawifiah turin a ti a. Thuneitute hian Muslim dan Blasphemy Law hmanga man a nih thu an hrilh. President hian thuneitute hneah hian mi zawng zawng tana tha tura rorel tur leh midang nunna chunga pawi khawih lo turin a chah a, dan chu mimal kutah a lut tur a ni lo a ti. President hian dan chu a nihna ang taka hman tur a nih laiin mimal thinrimna inhrikthlak nan te, duhthusam tih puitlin nante hmang lo turin thuneitute a chah. Hmeichhe naupang hi man a nih hnu lawkah Muslim sakhaw betute pungkhawm nghalin Kristiante chenna in engemawzat an hal nghal a, Kristian tamna hmun engemawzat chu heng Muslim-te hlauh avang hian ahmun him lamah an tlanchhia. He hmeichhe naupang nu leh a u hi rawngbawl lai hian inah an lo awm ve a, mipui thinrim hian kut an thlak nghe nghe. Tunah hian an nufa thumin an tang mek a ni. He thil thleng avang hian Rights activists-te chuan sawrkar hnenah heng dan hi hman sual a nih fo avangin sawrkar chu dan siamtha turin an nawr ve mek bawk. Nikum March thla khan Shahbaz Bhatti, minority affairs minister chuan he dan (Blasphemy Law) a sawisel avangin kah hlum a lo ni tawh bawk. Tunlai Assam buai avanga Bangalore leh India khawpui hrang hrangah hmarchhak mite huatna thleng avangin India rama Kohhran inzawmkhawm pawlte chuan sawrkar leh NGO-te hnenah buaina a lo reh a, boruak muanawm tak a awm theihna tura hma la turin an ngen.Evangelical Fellowship of India (EFI) chuan thuthar thehdarhtute chu boruak a ziawm theihna tura hma la turin a ngen bawk a, sakhaw hrang hrang hruaitute pawh boruak muanawm zawnga hma la turin a ngen. Pathian thu hriltu lar Dr PP Job chu August 19, 6.15 pm (IST) khan kum 67 mi niin lunphu chawl avangin a boral. Dr PP Job hi khawvel huapa Pathian thu hriltu lar tak a ni a, tun hnai khan Hungary ramah rawngbawl turin a kal a, hetia rawng a bawl lai hian Pathianni zing khan zing inkhawm a hmang zo chu a chawlh hahdam laiin a lungphu hi a chawl ta thut a. A rawngbawlna ramah hian a thi ta a ni. Dr PP Job hi rawngbawlna lama inhmang nasa tak a ni a, 1963 atang khan thuhril rawngbawlna a tan a, Muslim leh Communist sawrkarna ramah te rawng a bawl nasa hle a. Richard Wurmbrand-an a din rawngbawltu pawl International Christian Association -ah pawh President a lo ni tawh hial a ni. Hetia rawng a bawl avang hian June, 1999 khan Hindu firfiak ten amah hi thah an lo tum tawh a, an thah mai theih loh avangin a fapa, kum 21 mi doctor zirlai chu an college bulah an thahsak tawh bawk.

Kohhran Aw

Pathianni chhuak

Dt. 26th August 2012

Phek -3-na

POLITICAL PARTY-TE LEH MPF THAWHHONA THUTHLUNG (1) Inthlan thianghlim leh felfai a awm theihnan mi tinin theihtwp chhuah ni se. (2) Inthlanah hian khua leh tui dik tak, vote neite chuan vote thlk theuh ni se. (3) Vote thlk turte kalvelna tur ngaihtuahsak nana insengsova buaipui emaw hi tu mahin tih loh ni se. (4) Inthlan hautak lohnan theihtwp chhuah theuh ni se. MPF-ten candidatete leh party te hnenah pawisa dl emaw, dawn emaw khap tlat a ni. (5) House to house campaign hi thil dik lo tak leh senso titamtu a nih theih avngin tih loh hi a tha ber a. Mipuiten candidate-te an hmuh duh thin avng leh candidate-ten an bial mipuite tlawh an duh thin avngin inthlan hma ni 10 thleng chuan house to house campaign programme siam theih a ni ang. (6) Sum leh therhlo dang hmanga vote lei leh hralh hi tih loh ni se. Mipui, pwl hrang hrang leh Kohhrante pawhin party leh candidate-te hnenah thil phut neih tur a ni lo. (7) Kawng zawh hi inthlan hma ni 10 hnu lamah chuan tih loh ni se, ruaitheh leh picnic hi tih loh ni bawk se. Ruaitheh tih hian mikhual chaw eipui te, block leh unit hruaituten tul bk thila chaw an ei khwm thin angte hi a huam lo vang. (8) Invau leh inrkrp awm lo turin theihtwp chhuah theuh ni se. (9) Helte hmanruaa hman leh rlthuam chelekna awm thei te huai taka dodl theuh ni se. (10) Border leh sensitive area-ah te a tul leh mamawh anga venhimna a awm theih nn hmalk ni se. (11) A tak ram thleng thei tur leh tihhlawhtlin theih tur chauh - manifesto, policy leh programme duan ni se. (12) Mimal chungchng leh tualchhung thil chauh ni lovin, party policy leh programme hi campaign-na leh inzawrhna atn hman ni se. Thu belhchian dwl lo leh finfiah nghl mai theih loh hmanga inbeih hi tuman tih loh ni se. Candidate atn hetiang mite hi beisei an ni : (1) Mi hmingtha, mize nghet leh rilru puitling. (2) Mi taima leh rinawm. (3) Dik lo leh kut tling lova sum leh thil dang hmuh tum lo mi. (4) Zu leh ruihtheih thil dang laka fihlim (5) Mipat hmeichhiatna kawnga sawisel kai lo. (6) Ram leh hnam Dn pawisa mi leh dikna ngaisng mi. (7) Khawtlng leh mahni mihring puite thatna tur duha, chumi atna inhmang peih mi. (8) Mahni sakhua, kohhran leh pwla mi hmingtha leh rinawm. * Constituency huam chhung khaw lian deuh deuhvah MPF leh candidate-te remruatna angin Joint Platform buatsaih theih a ni ang a, chhungtinten candidate an lo hmelhriat theih nn leh an thu leh hla an lo dawnsawn theuh theih nn he programme hi Local TV leh Media-ahte pek chhuah ni se. Joint Platform hi pwl dang leh mi dangin buatsaih loh ni se. * Party malin a hranpaa public meeting neih an duh a nih pawhin MPF kaihhruaina hnuaiah ni thei se. MPF awm lohnaah chuan party malin a remchn dn anga kalpui mai ni se. * Vantlng tna thingpui lum loh ni se; polling booth area bul hnaia electoral roll en leh number pek chhuah hi political party-ten a mala buaipui lovin, MPF kaihhruainain, fmkhur taka buaipui ni se. ** A chunga Thawhhona Thuthlung tr lan piah lamah hian MPF District, Constituency leh Local Forum ten ruahmanna hran siam loh ni se. ** Heng Thawhhona Thuthlung hi bawhchhia an lo awma, finfiah ngei a nih chuan, MPF-in a theih leh remchn dn angin an bawhchhiatna constituency huam chhungah a puangzr ang.

Damlo Tawngtaipui Ngaite


Pu Lalzarmawia, Pi Sangkhawli,Upa Hrangvelthanga, Pu C. Vankhuma, Pi Bawitluangi leh Pu F. Lalkunga te i tawngtaipui zel ang u.

Pangpar Khawi Turte


Vawiina pangpar khawitute: 1)Pi Vanlalzawmi 2) Pi Lalrammawii

Pangpar Tui Petu Turte


Dt 27- 02.09.2012 chhunga pang par tui petu tur te:-(1) Pi TC Lalbiaknguri (2) Pi PC Vanlalruati (3) Pi Lallianpuii (4) Pi Nl C. Laltani

Vawiin NPSS Zirlai


Beginner Beram bo Primary Petera leh Andria Junior Buh lem tehkhin thu Inter Thuthlung Hluia Pathian Kohhran Sakramen Kohhran inthunun dan Senior Taimakna

Lawmman Tanpuinan Pe
Hla Kutpui intihsiakna a Group-III te chuan an lawmman dawn chu damlo kan nan leh Vengthlang Branch YMA Kumpuan Sub-Committee hnenah a tul anga hman atan an pe.

Chawnghei Tawngtai
Kohhran Hmeichhiate chawngheia tawngtai Programme : A hun : 5 : 30 p.m A hmun : Biak In Hruaitu : Pi Lalhmunsangi

Chhungkaw Thu
Dt.22.08.2012(Nilaini) zan khan Nl Tlangnghilhlovi leh a chhungte, Sazep a mi te Testimonial chhiar chhuah a ni.

Pathian Ram
Pathian ram khaikhawm a hun leh ta a, Pathian ram ip la thehlut lo ten ngaipawimawh i la. Tin, Dt 30.8.2012 (Ningani ) hian Thlatawp Committee neih tur a ni a. Rawtna neite chuan Nilai hmain Kohhran Secretary hnenah hriattir tur a ni ang.

Kohhran Aw

Pathianni chhuak

Dt. 26th August

2012

Phek -4-na

Darthlalang : Vanneih leh Vanduai


USA a mi hang salte zalenna suala huaisen taka beitu President Abraham Lincoln-a kha ennawm chhuahna hmunah 1865 khan kahhlum a ni a. A kaphlumtu chu John Wilkes Booth a ni a, a lar hle mai a, America ram mipuite chuan a hming hi a chhe lamah chuan an theihnghilh tawh ngai lo vang. Mahse, an unau zinga upa ber lemchan thiam, Edwin Booth-a chanchin erawh mi hriat a hlawh vak lo thung a. Tumkhat chu America tualchhung indo, Civil War lai khan New Jersey Rel chawlh hmunah a ding vang vang a. Chutia a din vang vang lai chuan Rel chawlhmun dawhsan (platform) a thu mek Sipai pakhat chu a bu dawrh a, Rel kawngah chuan a tla thla ta mai a, Rel rawn tlan vut vut chuan a chil hman hmain huaisen takin Edwin Booth chuan a kawr nghawngah chelhin a khaichhuak hman hram a. Hemi tuma a khaichhuah sipai hi Robert Lincoln, US President Ambraham Lincoln a fapa a ni. Deuteronomy 30:19 kan chhiar chuan In hmaah nunna leh thihna , malsawmna leh anchhia ka dah tih thua hretu atan lei leh van ka ko a ni; chutichuan nunna chu thlang rawh u, in nun theih nan, nangni leh in thlahte nen; tih kan hmu a.Mitin hi Pathianin a anpuiin min siam a, duhthlan theihna hlu tak chu min pe theuhva, Pathian lam hawia a thu zawmtute chu malsawmna te, chawimawina ten a hmuak a. Amaherawhchu, amah thlang lova sual rawng bawl reng mai chuan a tawpah boralna a seng dawn a ni tih hi min hrilh a. A chunga kan tarlan tak ang khian unau pahnih kawngzawh inang lo tak tak mai, mite tana huaisen taka inpe leh mite tana huaisen taka inpete lo kaphlumtu kan hmu a. An kawngzawh tur an thlan a inang lova, Pakhat chu a vanduai vang pawh ni chuang lovin a sualnain a umpha a, mualpho takin, ram hmelma a ni kumkhua a. Pakhat zawk erawh chuan lei malsawmna a dawn bakah hmingtha takin khawvel a chhuahsan a ni. Pathianin, in awmdan a zirin leia hmuh theih leh khawih theih malsawmna te, vana thlarau malsawmna te dawng thei leh dawng thei lovin in awm dawn a ni tih hi a dik a, vanduaina te hi kan chung thleng tam tak, Pathianin a ruat awm mahse kan kawng zawhin min hruaina hmuna dik loh avanga kan tawh hi chhut ngunin chhut ngam ngat ila, a tam viau mai lovang maw ?Tunah hian Pathian khawngaihna zarah van thlarau thiamhlim puihnain hlimin lawm viau mah ila, lei anchhia kan lo leihbuak tir tawh avang hian vanduaina kan tawk leh mai thin, hei hi piangthar tawh nu leh pa te hian kan hre lo leh mai thin a, Pathian lakah kan vui lek lek thin.

August Chairman : Upa Dr Thangsailova

VAWIIN BIAK INPUI


Chawhma : Sunday School Inkhawm Tantu : Pu C. Hrangmana Zirlai : Zirlai 30-na & 31-na Chawhnu : Pathian Biak Inkhawm Tantu : Pi Rochungnungi Thuhriltu : T/Upa Lallawmthanga Zan : Pathian Biak Inkhawm Thuhriltu : T/Upa C. Lallianzauva KTP TAWNGTAI INKHAWM Hruaitu : Pu H. Laltharrenga Tantu : Nl. Lallianmawii(Mt. Gr) Group hming chanchin sawi Sawitu : Group Asst. Leader-te Endiktute : Group Fin. Secretary -te Dt. 27. 08. 2012:THAWHTAN ZAN (KTP Inkhawm) Hruaitu : Pu Lalnunsanga Fanai Tantu : Nl. Lawmsangzuali(Jh. Gr) Thuhriltu : Nl. Zonunpari Dt. 27. 08. 2012 : THAWHTAN ZAN (Pavalai Inkhawm) Hruaitu : Pu K. Vanlalhriata Tantu : Pu PC Laltlanthanga Thuhriltu : Pu F. Lalrinmuana Dt. 28. 08. 2012 : THAWHLEH ZAN (Kohhran Hmeichhe Inkhawm) Hruaitu : Pi Lalbiaknguri Tantu : Pi Thanzami Thuhriltu : Pi C. Thakhumi Thilpek : Pi Lalmuanthangi (Rakili) lakhawmtu : Pi Lalremruati (Sari Gr) Dt. 29. 08. 2012 : NILAI ZAN Tantu : Pi Khawpuimawii Thupui : Fa neih loh chungchang Hawngtu : Pu H. Malsawma Dt. 01. 09. 2012 : INRINNI ZAN Beihrual tan hun a ni a, Programme kimchang chu Pathianni zanah puan a ni ang.

TAWNGTAI INKHAWM HRUAITU


TAHRIK ZING :Dar 5:15 AM TLAI: Dar 4:00 PM 27.08.12(Thawhtanni) : Pi Hmangaihengi Pi Biakthuami 28.08.12(Thawhlehni) : Pi Roluti Tv. Lalhrilzauva 29.08.12(Nilaini) : Upa BS Kailiana Upa Vanlalhranga 30.08.12(Ningani) : Pi Thuampuii Pu V. Rozama 31.08.12(Zirtawpni) : Pu T. Lalrizapa T/Upa TC Lalrizapa 01.09.12(Inrinni) : Pi Zaliani Pu Thanzauva 02.09.12(Pathianni) : Upa Vanlalhranga Pi Zosiami

Editor : T/Upa Lalhuapzauva, Jt. Editor : C.Lalthanpuia, News Editor : Robert Lalmuanpuia Manager : JC.Laldinsanga Cir. Manager : K.Lalrinawma, Published by Vengthlang Kohhran & Printed at C.K.Offset, Vengthlang. Biak In Ph.: 235380