You are on page 1of 2

Vol.

Issue No. 35

Dt. 26th August, 2012

Sunday

KOHHRAN - PATHIAN KHAWPUI


Kohhran hi eng nge ni ? : Khawvel tuifinriat zau taka khawmual lo lang hi thliarkar (Island) an vuah a, tuifinriat zau taka khawmual inkhawh lut hi peninsula an vuah thung. Thliarkar chuan khawmual zawmpui a nei lo va, peninsula erawh chu tuifinriatin hual vel mah sela khawmual nen inzawmna a la nei. Peninsula ang hian khawvel sualna tuifinriat zau takah hian Pathian ram a rawn inkhawh lut a, a mal din lo va, chung lam nen a inzawm a. Khawvel sualna tuifinriatah chuan khawpui ropui tak a lo ding a, chutah chuan chhungkaw lian pui a lo piang a, chu chu Kohhran tih vuahin a awm a. Leiah awm mah se, lei ta a ni lo va, van lam kut chhuak a ni. Khawvel mi fingte fuan khawmna a ni lo va, nimahsela Pathian finna puan chhuahna hmun a ni thung. Mi tling lo te te awm khawmna a nih laiin Pathianin mi fela a puante an ni bawk si. Mi sual nih inhriate chen hona a nih laiin mi thianghlim inpawl khawm tiin thurinin a vuah tlat bawk. Hmelmate zingah awmin hmelmaten tihchhiat tum mah sela Chhandamna banga hung tlat a ni a. Hneh theih nei lo mah sela hneh chung leh hneh zel tura chhuak Lal Isua zuitu a ni tlat bawk si. Khawvel lalte angin thuneihna nei lo mah sela vanram leh hremhmun chabi kawltu a ni tlat bawk. Chu Kohhranah chuan member pakhat kan nih ve a nih chu. Pathian khawpui awmzia : Thuthlung Hluia Pathian khawpui an tih thin chu Jerusalem-ah bel a ni ber. Judate ngaihdan chuan Pathian khawpui Jerusalem chu remna khawpui, hmelmate tihchhiat theih rual loh niin an hria a, Zawn chhuah kalsan loh khawpui tia vuah a ni. Tihchhiat theih loh khawpuia an ngaih laiin Babulon hovin an hual a, a sawp chu nasa tak a ni, tih ang mai kha a lo ni ta a. Chutichuan Jerusalem khawpuia chengte chu Babulon sala tang turin an \ingmit a, Juda lal Zedekia ngei pawh a mit an kher chhuahsak a, Babulon Kebar lui kamah ar pul tur ang maiin an \hu ngui ta lap mai a, Babulon lui kamah te, chutah kan \hu a, ani kan \ap \hin Zion kan ngaihtuahin, tiin hla thar an phuah a. Kum sawmsarih zet an tan hnuin Jerusalem chu an luah thar leh a, lawm avanga an nui ri leh an \ap ri pawh hriat hran hleih theih lohvin an hlim a. Chutih laiin Grik hovin an rawn suasam leh chiam a. Chumi hnuah an par vul leh dawn chauhva Rom hovin an duh tawkin an rawn nghaisa leh a, an awp zui ta a. Chuti a nih chuan Jerusalem chu Pathian khawpui tak tak a tling thei lo va, a chungchang sawina pawh amahah bel dik vek sen a ni ta hek lo. Khawpui thar a lo piang dawn a, chumi khawpui thar hlimthla atana ding mai a ni zawk. Pathian khawpui - Kohhran : Kohhran sawi fiahna \awngkam Pathian khawpui tih chher chhuaktu chu Augustin-a a ni a, a lehkhabu ziak City of God a\angin a lang thei. Biblein Pathian khawpui chungchang a sawi zawng zawngte chu Jerusalemah bel dik a har thu kan sawi tawh a, Pathian khawpui thar Kohhranah erawh chuan a kim biaia bel dik theih a ni. Sam 87:3ah chuan, A lungphum chu tlang thiang- hlimahte chuan a awm tiin khawpui lungphum thu kan hmu a. Kohhran innghahna lungphum Lal Isua, kalvari tlanga thia tholeh a sawi a ni. Chang lina tawp lamah, He mi hi chuta piang chu a ni, tih pawh hian eng dang a kawk lo va, Lal Isua thisena hrin, a fa duh takte nih hlutzia a lo puang lawk a ni mai. Zawlnei Isaian, Khawpui nghet tak kan nei a, ani chuan chhandamna chu kulh bangte leh kulhpuite tan a ruat ang tiin Lal Isua pian hma kum zasarih velah khan a lo sawi tawh a (Is.26:1). He thu pawh hian Pathian khawpui Kohhran nghehzia a sawi a nih hi. Kohhran hian a din tirh a\angin dotu a nei reng a, tihduhdahna rapthlak tak a tuar a, zirtirna dik loten a pawlh buai reng bawk. Nimahsela a vawtuin ek an cheh zel a, dotu an tam poh leh ram a zauh a ni. Chuvangin Chhandamna banga inhungin i hmelma i hlau lo vang tih hla kan sak \hin hi zawlnei Isaia tawngkam a\ang hian John Newtona hian a phuah chhuak a ni. Isaia bawkin, Chumi khuaa awmte chuan Ka dam lo ve an ti lo vang a, a chhunga chengte chu sual ngaihdamin an awm ang, a tih pawh hi Pathian khawpui Kohhran sawina bawk a ni a, Kohhran hi mi sual ngaihdamte chen hona hmun a ni si a. Zawlneiin, Nang chu zawn chhuah kalsan loh khawpui an ti ang che a tih pawh hi Pathian chenna Kohhran sawina a ni lo thei lo vang. Aw Pathian khawpui, i chungchang thu ropui takin an sawi thin tih thute hi Kohhran nen a inhmeh hle mai.
Karlehah chhunzawm a ni ang

TUALCHHUNG
Kohhran in Dan chhung luh dil mi 2 kan nei meka, Nilai zan hian lakluh tura buatsaih mek an ni. Kohhran member thununna tawk lakluh theih tawh kan awm chuan Kohhran Secretary emaw Bialtu Upa te hnenah inhriattira Dan chhunga luh dil zung zung turin kan inhriattir a ni. Tun lai hian Kohhran Inchhiarna Upa Bial tinah neih mek a ni a, he inchhiarna hi Synod thlenga kan Kohhran dinhmun report tur a ni ang. Kan Bialtu Pastor, Rev. Lalramdinthara Colney chuan kan Kohhrana Upa Bial tinte a tlawh chhuak thawkhat ta a, hun remchangah a la tlawh loh awmchhun Bial No 2-na Upa PL Chhuanthanga Bial chu a fang leh ang. Vawin hi tun thla chhunga Pathian Ram thilpek lakkhawm ni hnuhnung ber a lo ni leh ta a, la thlak lo thlak tum kan awm chuan chawhnu inkhawm thlengin bawm hun a ni dawn a, i ngai pawimawh tlang ang u. Sunday School Committee chuan Zirtritu indaihlohna a vangin Nl. Hmingthanzauvi d/o Pu Khiang\huama chu kum 2012 chhunga Beginner Department zirtirtu atan a la thar. Naupang Sunday School Inkhawmpui inbuatsaihna Department hrang hrang ten ngawrh takin an kalpui mek a, nu leh pa ten kan fate i ngaihpawimawh pui ang u. September thla chhunga Inkhawm Thilpek chingfel turin Upa R. Lalropuia, Pu Thangseia leh Pu C. Lalhmunsiama te ruat anni. Kristian |halai Pawlte chuan November 25th hian Metakhen Home tlawh an tum a, he Home pek tur hian hun remchangah Lekhabu K|P member in tinah an rawn khawn dawn a, Lehkha bu \ha, zirtirna nei \ha leh nunkawng kaihhruaina lam lehkhabu kan ni a nih chuan lo pek ngei kan tum dawn nia. August thla chhunga Krismas leh Kumthar Thawhlawm chinfel ani a ` 36,100/- lai atla a, kan thawhkhawm tawh zawng zawng tlingkhawm hi ` 1,00,690 lai a ni. Tunkar Inrinni zan a\ang hian Beihrual \an a ni dawn a, Beihrual chhung hian atam thei ang ber inkhawm kim tum turin kan insawm e.

Visit at www.vengthlangnorth.blogspot.com ; email: vengthlangnorth@gmail.com

Editor Jt.Editor Cir.Manager

: : : :

Pu Lalmalsawma Hmar Tv Isaac Vanlalzuala Tv. C. Liansangpuia Nl H. Lalthangmawii

9615948586 9862725540 9862935896 9856260153

HUN RUATNA August thla chairman : Upa K.Lalrintluanga Dt. 26.8.2012 (Pathianni)

MPF LEH POLITICAL PARTY TEN THAWHHO TUM Aug. 22nd (Nilaini) khan Mizoram People Forum (MPF) leh Political Party hrang hrang aiawhte thukhawm chuan kum 2013-a Mizoram Legislative Assembly Inthlan lo awm tura thawhhona tur thuthlung an duan ho chu an pawm. Mizoram People Forum (MPF) leh Mizorama Political Party hrang hrang aiawhte thukhawmin kum 2013-a Mizoram Legislative Assembly inthlan lo awm tura thawhhona tur thuthlung July 31-a an duan ho, MPF Office lamin a lo chulmam chu an thlir ho leh a, siam\hat ngai laite siam\hain an pawm. Meeting hi MPF Chairman, Synod Moderator ni bawk Rev. Thangzauvan a kaihruai a, Politcal Party hrang hrang - Indian National Congress (INC), Mizo National Front (MNF), Zoram Nationalist Party (ZNP), Mizo Peoples Conference (MPC) aiawh 3 \heuh leh Bharatya Janata Party (BJP) aiawh mi 2 an kal thei a, Mizo People Forum (MPF) awiawhte, an Chairman Rev. Thangzauva leh General Secretary Upa Lalramthanga hovin mi 10 an tel thei bawk. Mizoram Legislative Assembly Inthlanna, kum 2013-a lo awm tura thawhhona thuthlung an pawm tak hi Party tin President te leh MPF hotu ten hming an ziak hnan leh dawn a. Tunkar chhung hian Party hrang hrangte remchan dan angin MPF hotute hian an Office \heuhah an kal chilh ang a, hetah hian thawhhona tur thuthlung hi Party hotute leh MPF hotu ten hming ziak hnanin an nemnghet dawn a ni.
SOCIAL FRONT CONSULTATION

CHAWHMA
S.S |antu : S.S Zirlai : |antu Thuhriltu Thuhriltu : : : Pi C.Lalchawithangi Balaama hrilhlawkna - I CHAWHNU Pi Rammawii Upa L.Khuma Varte ZAN Pastor Ramdinthara Kawlni

K.|.P |AWNG|AI INKHAWM & FELLOWSHIP PROGRAMME Hruaitu |antu Tihtur : Tv R.Ramchhuanmawia : Nl Lalramnghaki : Joint KTP intihsiakna hla zir

Dt. 27.8.2012 (Thawh\an zan) KRISTIAN |HALAI PAWL INKHAWM Hruaitu |antu Thuhriltu Spcl.Item : : : : Pu HS.Lalhmangaihzuala Nl R.Lalchhanhimi Tv R.Lalhruaitluanga Rimawi Kutpui Acapella-a pakhatna

Dt. 28.8.2012 (Thawhleh Zan)


KOHHRANHMEICHHE INKHA WM FEHCHHUAH ZAN

SYNOD MISSION BOARD

August 20 khan Synod Conference Centre-ah Mizoram Synod Social Front bultumin Rangvamual leh Phunchawnga zu tam lutuk tihbo dan kawng ngaihtuaha inrawnkhawmna neih a ni. Inrawnkhawmna hun hi Rev. Lalzuithanga, Executive Secretary i/c Social Front-in a kaihruai. He hunah hian Rangvamual leh a chheh vel boruak Power Point hmanga thlir ho a ni a. Dr. Robert S. Halliday, Social Front Coordinator-in Concept Paper a buatsaih a chhiar a, sawi ho zui a ni. Sawihona hun hman a nih zawhin Paper buatsaihtuin khaikhawmna hun a hmang leh. Consultation-ah hian Aizawl khawpui chhung kohhran tin a\angin Social Front Committee hruaitute kal tura sawm an ni a, mi 323 an kal a, an zinga mi 21-in hma lak dan tur rawtna an sawi a. Kalkhawmte hian rawt chi hrang hrang Supply Reduction lamah 5 leh Demand Reduction lamah 5 lai an siam.

August 17 - 28 chhung hian Jharkhand, Patna, Lucknow, Delhi Mission Field Committee meeting neih mek a ni a, F ield Committee neihpui tur hian Rev. Lalchhuan-mawia, SMB Secretary; Rev. Rualkhuma leh Rev. R.S. Rokima (BEC Members) te an kal. August 20 (Thawhtanni) khan Jharkhand Field Committee an \hu a, August 22 (Nilaini) khan Patna Field Committee an \hu leh bawk. August 24 (Zirtawpni) ah Lucknow Field Committee an \hu leh bawk, August 27 (Thawh\anni) ah Delhi Field Committee an \hu leh ang.

Synod Mission Board chuan kumin (2012) chhung atan P.C. Parvulluaii, Evangelist Teacher (Contract Missionary) an la thar a, SPS Madhuripathar, Arunachal West-ah a thawk ang.
Hla Hruaitu : 27.8 - 02.9.2012 Upa TBC.Biakthansanga, Tv R.Lalengmawia, Tv H.Lalngaihzuala, Pi Lalliansangi leh Control room duty turin Pu PC.Lungtiawia te ruat anni. TLAI Dar 4:45 p.m. Pi Laltanpuii Tv Rodingliana Pi Biaktluangi Pi Lalawmpuii Pi Lalmuani Pu C.Lalthlamuana Pu Thangseia
AT

Pi Zaii Group A hmun : Hruaitu : |antu : Pi Teii Group A hmun : Hruaitu : |antu : Pi Muani Group A hmun : Hruaitu : |antu : Pi Feli Group A hmun : Hruaitu : |antu : Pi Puii Group A hmun : Hruaitu : |antu :
|antu Thupui Hawngtu

Pu J.Rokhama In Pi C.Lalchawithangi Pi Thanpuii Pu Laithankunga In Pi H.Rengliani Pi RL.Lalnunmawii Pu H.Lalnunzira In Pi VL.Rochhari Pi Lalrinlawmi Pu Keiliana In Pi Lalbiaktluangi Pi Lalthangthuii Pu Lalnunmawia In Pi C.Romawii Pi Thangseii

Dt. 29.8.2012 (Nilai Zan)


: Pi Sangliankhumi : Fa neih loh chungchang : Pu C.Lalhrilliana

ZING LEH TLAI |AWNG|AI HRUAITUTE DATE 27.8.2012 (Mon) 28.8.2012 (Tue) 29.8.2012 (Wed) 30.8.2012 (Thu) 31.8.2012 (Fri) 01.9.2012 (Sat) 02.9.2012 (Sun)
PUBLISHED
BY

Dt. 30.8.2012 (Ningani) Pavalai Pawl Inkhawm A hmun : Pu K. Lawmzuala in Hruaitu : Pu K. Lalnuntluanga |antu : Pu J. Lalhmingsanga Sawihona neih tur a ni. Thilpek Lakhawmtu : Pu C. Lalchawimawia Dt. 01.9.2012 (Inrinni Zan)
Hruaitu |antu Tihtur : Upa K.Lalrintluanga : Pi Biakkungi : Beihrual Hawnna leh tawngtai rual
AT

ZING Dar 5:30 a.m. : : : : : : : Pu J.Dengruma Pu Thangseia Tv Rinnginglova Pi Lalnithangi Pi Vanlalthleni Pi C.Ramengmawii Upa R.Lalropuia

VENGTHLANG NORTH KOHHRAN, TYPE SETTING

KOHHRAN COMPUTER, PRINTED

C.K. PRESS, VENGTHL ANG.