You are on page 1of 4

Vol.

XIV :

Issue No. 36

9th September 2012

:

Pathianni

:

Phek 1 - na

Naupang Kaihhruaina

(Chhunzawmna)

Zozikpuii, M.A M.Ed, B.Ed
(3) Incheina : Naupangte hi an nihna pholang thei incheina kan bel tur a ni. Mipa chu mipa thawmhnaw, hmeichhia chu hmeichhe thawmhnaw bakah an sam tihdan thlengin. An naupan duhawmna pholang thei inbeltir a tha hle. Mi dangte rilru, ngaihtuahna tha lo puttir thei, thawmhnaw leplerh, taksa lang tam lutuk inbeltir loh hram a tha. Hei hi anmahni leh naupang dangte himnan a tul. Kan chhungkaw lakluh mila chei ngam a tul bawk. Kan fate thawmhnaw to uchuak bel lo ngam, mi dangte kawhhmuhtu ni thei iula a duhawm tehlul em ! (4) Midangte nena nun honaah : Naupangte hi hawihhawm taka nung tur leh tawngkam mawi leh hawihhawm tak hmang turte, aia upate zah turte a zirtir tur an ni. Amaherawhchu, mi dang, chhungkhat lainate pawh ni sela, nel dan tur chin tawk nei tura zirtir tur a ni. Inkhawih dan him leh him lo te pawh zirtir a hrilhfiah thin tur a ni. An serh, awmbawr leh an mawngtam velte hi an mahni ta bil a ni a, tilang mai mai lo tur leh mi dangte khawih ve thiang lo a ni tih hrilh a humhalh tlat tura zirtir tur a ni. Nu leh pa leh doctor-te erawh chu thudang nise. Naupangte hi sakhuannain an rilru a hneh hle a nih loh chuan an thian kawmte atangin nun tha lo leh chin dan tha lo an paw chhuak thin a ; chuvangin, thian kawm chungchangah nu leh pate fimkhur a ngai hle a ni. Tunlaiah mipat hmeichhiatna chu sawi loh, mipat mipatna, hmeichhiat hmeichhiatna khawvelin a buaipui tawh a ni a, hleichhia lerh hmeichhia, mipa leh mipa pawh nise an inkawm dan kan chik a ngai. Engkim hi thleng theia ngaiha fimkhur em em tur a ni. Khum khatah emaw, pindan khatah emaw an riah ho phalsak loh a him ber. (5) Inchhungkhur nunah : : Naupangte hi inchhungkhurah an theih tawk leh an phak ang tawk zelin chhawr tangkai thin tur a ni. Engkim chhawpsaka barh vek mai hi tih loh tur a ni. Kuthnathawh hi kan zirtir ngei ngei tur a ni a. Amaherawhchu, hna rim lutuk, an hriselnain a tawrh khawp emaw, chhungkaw eizawng tur emawa chhawr hi danin a khap tlat a ni tih kan hriat tel a tha. (6) TV, Computer & Cell Phone : Naupangten TV / Computer-a an thlir thin te hi mipat hmeichhiatna rawng kai te, dawithiam lam te, tharum thawhna nasa lutuk te a ni em tih hriat a tul a, entir loh ngam pawh a tha. Cartoon an en tur leh Games an khelh turte pawh thlansak a, en hun leh khelh hun siamsak te pawh a tul bawk. Mizo tawng film lehlin en tur a tam ta hle mai a. Hetiang chi hi entir loh tawp a nih loh pawhin entir tam loh a tha khawp mai. Tawngkam mawi lo an zirchhuak thei a ni. Internet-ah hian engkim mai, a chhe lam a tha lamin a awm deuh vek a tih theih a. Nu leh pate tel lovin an mahnia hman a him lova, fimkhurpui a tul hle. A tha zawnga hmang thiam tura thurawn peka kaihhruai a pawimawh tak zet a ni. 2. Rilru Hriselna : Zirna (Education ) dik takin min zirtir a tum chu mahni kan inhmangaih ang bawk a, mi dangte hmangaih te leh he khawvel hi hmangaih a hlut thiam a ni. Mi tupawh kan san lai ber chu mi dangte tanpui tura kan kun hniam lai hi a ni a. Hlawhltinna dik tak leh ropuina dik tak chu mi dangte tana inpekna, mahni inphat a, mi dangte tana nun hi a ni. He nun hlutna hriate hi mi rilru hriselte chu an ni a, hetiang mi hi a ni khawvelin a mamawh chu ni. Hei bawk hi a ni kan Pathian thu pawhin min thlenpui a tum chu ! Rilru hrisel tak nei turin naupangte hian hengte hi an mamawh (1) Phut let nei lo hmangaihna : Hmangaihna hian mi tupawh a siam tha a, hmangaih lohna hian a tichhe thin. Hmangaihna dawng tam a piangin mi dangte pawh an hmangaih thin. Anmahni atanga beisei let nei reng chunga thil kan tih hi hmangaihna tluantling a ni lo. A let leh beiseina nei miah lova mi puitling ni tura fate kan enkawl hi hmangaihna dik tak a ni. Engtin nge hmangaihna chu kan lanchhuahtir ang Fate mamawh thuamhnaw, eitur leh infiamna hmanrua etc. hnianghnar taka pek hi hmangaihna ber emaw kan ti fo. Mahse, hmangaihna awmzia chu an tana hun pek te, an thusawi dawhthei taka ngaihthlak te, an mahni rin ngam te, an harsatna tanpui te, an tana thian nih te leh pawm a, kuah fo thinte a kawk a ni. (Chhunzawm leh tur)

Kohhran Aw

:

Pathianni chhuak

:

9th September 2012

Phek -2- na

2012- KOHHRAN AW SEMTUTE: B-1: Lalengkima, Lalruatfeli, Lalkhawngaiha B-2: Vanlalnghaka, Zahmingliana B-3: Vanlalruata, Lalbiakthanga B-4: Zochhuanmawia, Lalrinawma B-5: Noel Lalremsiami, Lalnunpuia B-6: Lalawmpuia, Lalmuanawma, Zonunmawia B-7: Zohmingthanga Tlau, Zodinmawia B-8: F. Lalremruatpuia, Lalrindika, MS Dawngliana, Zohmingkima B-9: Lalramengmawii,Lalbiaksiami, Lalramtharzuala B-10: Lalramchhana, Roluahpuia B-11: Vanlalpeka, Remruatsanga B-12:Lalnunthara, Lalfelkima, New Saron : BL Thanzama, TBC VL Remruatsanga

Synod News
@ Presbyterian Kohhran chuan September 1 atang khan Beihrual thla kan hmang tan a. September 1 - 9 chhung hian ‘Ramthar Hapta’ hman mek a ni a, September 10 - 23 chungin Fehchhuah Hapta hman leh a ni ang a, September 24 – 30 hian ‘Kristian Chhungkaw Hapta’ hman a ni bawk ang. Beihrual hi kum 1918 June thla atanga hman tan a ni a, kum 1925 atangin September thlaah neih thin a ni ta a, kum 1947 atangin Nilai Zan Thupui Bu leh Beihrual Thupui hi bu khata siam tan a ni. @ September 10 - 21 chhung hian Field Committee leh Barak Area Committee neih a ni dawn a, committee neihpui tur hian Rev. Lalzuithanga, Executive Secretary; Rev. K. Lalhmuchhuaka, BEC Member leh Upa Vanlalchhunga, BEC Member-te an kal ang. September 11 (Thawhtanni) hian Barak Area Committee, Silchar-ah an thu ang a, September 14 (Zirtawpni) ah Arunachal West Field Committee, Itanagar-ah an thu leh ang a, September 17 (Thawhlehni) ah Arunachal East Field Committee, Khasan-ah an thu ang a, September 19 (Nilaini) ah Assam Field Committee, Guwahati-ah an thu leh ang. @ Sept. 12 hian Synod Conference Centre-ah ‘Zirlaite nun kaihhruaina kawnga Campus Ministry hmalakna leh kal zel dan tur’ chungchang sawiho turinAizawl khawpui chhunga Zirna In hotute nen inkawmhona hun buatsaih a ni dawn. @ Puitling Sunday School Zirlai 33naa hrilhfiahna tlar 4-naa Mosian tih kha Joshuan tih tur a ni a, mi sawm leh pahnih tih kha mi pahnih tih zawk tur a ni

Christian News
Tunkar thawhlehni khan Sri Lanka atanga sakhaw thil avanga India rama rawn zin Kristian mi 180 vel chu Tamil Nadu thlawhna tumhmun Trichy airport-ah pro-Tamil misual pawl chuan an lo tibuai. Heng khualzinte hian kumtin an tih dan pangaiin Kristian sakhaw hmun pawimawh tlawhin an zin kual a, hmun pakhat Velankanni an tlawh zawh hnu lawkah airport an pan laiin misualte hian lungin an chuanna bus chu an lo tawng ta chiam mai a ni. Bus chhungah hian hmeichhia leh naupangte pawh an chuang nual a, police an inrawlh vat a, venhimna hnuaiah thlawhna lam hi an pan thei hram a ni. Police hotupa Shailesh Kumar Yadav chuan IPC section 147, 148 leh Section 3 of PPD Act hmangin thubuai ziahuh a nih tawh thu a sawi a, misualte hi man chhuah ngei an tum thu a sawi nghal bawk. ÿ Jacobite Syrian Kohhran chuan hmeichhia pasal sun tawh emaw pasal then tah emaw pawh nise rawngbawltu (nun) atan an pawm theih thu an chhuah. He kohhran hian Kerala-ah tunah hian rawngbawltu nun 250 leh hnuchham enkawlna 10 a nei mek. Tin, heng nuthlawi leh hmeithaite hian fa lo nei tawh pawh nise rawngbawl an duh chuan an fate chu Kohhran enkawl fahrah enkawlna inah enkawl an nih tur thu an sawi bawk. Tin, he Kohhran hian hmeichhia pasal nei lova awm kum 30 leh kum 40 inkarte pawh rawngbawlnaah hian an iai loh thu an sawi bawk. Kohhran inrelbawlnaah pawh hmeichhe tan zaa 30 chanvo an hauhsak thu an sawi leh bawk. ÿ Assam-a buaina chhuakin ziawm lam apan theihna turin kar hmasa Inrinni khan Kristian pawl hrang hrang aiawhte chuan hma lak dan tur an rel. He rorelnaah hian All India Milli Council (AIMC) aiawh te, National Council of Churches in India (NCCI) aiawh te,The Catholic Bishops’ Conference of India (CBCI) aiawhte an tel a,Church of North India headquarters, New Delhi-ah an thukhawm. Heta kalkhawmte chuan Assam buaina hi Bodo leh Muslim-te inkara buaina anga a lan an duh loh thu leh mahni mihringpui chunga pawikhawihna a nih zawk thu sawi uar turin an sawiho a. Hemi hma hian Bishop's House, Bongaigaon-ah pawl Bodo hnam hruaitu leh Muslim hruaitute pawh an lo inhmukhawm tawh a, hemi tum pawh hian inunauna tha zawk a awm theih nan an mite a tha zawnga kaihruai turin an lo inrem tawh a ni. He inhmuhkhawm hian Assam-a buaina a reh theih nan raltlante awmnaah te inremna lam hawi zirtirna pek nise tiin thu an titlu. ÿ Kum 2008-a Orissa Kandhamal District-a buaina chhuaka thi ta chhungte leh he buaina avanga harsatna tawkte mi 5,000 vel chuan kar hmasa Ningani khan remna leh muanna a awm zel theih nan kawng an zawh. Thuneitute chuan a tirah chuan kawngzawh hi an phalsak lova, tlai khawhnuah an phalsak tawk niin an sawi. Kawngzawh ah hian thu sawiin Bishop Sarat Nayak, Catholic Bishop, Berhampur chuan dikna leh rorelna dik tundin a nih chauhin remna leh muanna a awm thei a ni a ti. He kawngzawhnaa tel Kristiante chuan an ka chu puan duma tuamin rorelna dik an duh thu te, sakhuana hmanga politics khelh an duh loh thu te, Kandhamal district-ah remna leh muanna a awm reng theih an duh thu hmangin an aurual. Auguat thla 2008 khan he district-ah hian Kristian tam tak thah an lo ni tawh a ni.

ÿ

Kohhran Aw

:

Pathianni chhuak

: Dt.9th September 2012

:

Phek -3-na

VENGTHLANG PASTOR BIAL NAUPANG SUNDAY SCHOOL INKHAWMPUI 2012
Vengthlang Kohhran Biak In : 8th - 9th September 2012 Dt 09.09.2012(Pathianni) Chawhma 10:00 a.m Zaiho hruaitu : Venglai Kohhran Tantu : Nl. Lalhmangaihsangi, Venglai Thilpek : Bial Sunday School Pual Beginner : Thu ( Marka 10:13-16) Thu Inchhang : Part I, Bung 8:1-10 Hla : NPHB : 12 : “ Naupangte u, Lalpa fak ru” Primary : Thu ( Sam 121:1-8) Thu Inchhang : Part II Bung 8:1-10 Hla : NPHB : 27 : “ Khawvel hi a boral mek” Dt 09.09.2012(Pathianni) Chawhma 01:00 p.m Zaiho hruaitu : Electric Veng Kohhran Tantu : Nl. K. Lalrinnungi, Vengthlang North Junior : Thu ( Sam 24:1-10) Thu Inchhang : Part III, Bung 1:1-10 Hla : NPHB : 30 : “He khawvelah Isua ” Intermediate : Thu ( Thufingte 10:1-12) Thu Inchhang : Part IV Bung 2:1-8 Hla : NPHB : 55 : “ Lal Engkimtitheia chuan” Dt 09.09.2012(Pathianni) Chawhma 01:00 p.m Zaiho hruaitu : Vengthlang Kohhran Thilpek : Thlengtu Kohhran Pual Thuchah : Rev. Lalramdinthara Colney, Bialtu Pastor Zaipawl : 1) Bial Zaipawl 2) Masihi Sangati Zaipawl Result puan : Secretary, Bial NPSS Inkhawmpui Lawmman Sem Bial Secretary(Sr) A hmun A hun :

Damlo Tawngtaipui Ngaite
Pu Lalzarmawia, Pi Sangkhawli,Upa Hrangvelthanga, Pi Bawitluangi leh Pu F. Lalkunga te i tawngtaipui zel ang u.

Pangpar Khawi Turte
Vawiina pangpar khawitute: 1) Pi Zionthangi 2) Pi Vanlalzawmi

Pangpar Tui Petu Turte
Dt 10- 16.09.2012 chhunga pang par tui petu tur te:-(1) Pi Lalsangliani (2) Pi Lalhmunsangi (3) Pi Lalzamliani (4) Pi Zosiamthangi

Vawiin NPSS Zirlai
Beginner Primary Junior Inter Sakramen Senior NPSS Inkhawmpui NPSS Inkhawmpui NPSS Inkhawmpui NPSS Inkhawmpui NPSS Inkhawmpui Inkhawmpui inbuatsaihna

Masihi Sangati Inkhawmpui
Nizan atang khan Bethel Kohhran Biak inah Champhai Area(Champhai District huamchhung) Masihi Sangati Inkhawmpui neih a ni a, zaninah a tiak ang. He inkhawmpuiah hian Speaker chu Pu Vanlalhruaia, Gospel Team Leader a ni a, zaipawl 16 vel zet an zai dawn a ni. Kohhran mipui a thei apiang inkhawm thin turin min sawm.

Kum 2012-a NPSS Medal La tharte
Zalawra Medal 1. Phoebe Lalhruaitluangi D/o Hretlinga (2007 - 2011) 2. Lalnunsiami d/o Upa Dr Thangsailova Colney (2007 - 2011) 3. C Malsawmtluangi d/o C Hualthanzuala (2007 - 2011) Pi Zaii Medal 1. Vanlalhmangaihzuali d/o C Vanlalnema (2002 - 2011) 2. J vanlalmalsawmdawngliana s/o J Lalnunthara (2002 - 2011) 3. Rebecca Lalrinzuali d/o F Hranghluna (2002 - 2011) 4. Vohbik Lalrinngheta s/o Lalroenga (2002 - 2011) 5. C Lalsiammawii d/o C Lalhmunmawia (2002 - 2011) 6. Lallawmzuali d/o Kawlvelthanga (2002 - 2011) 7. John Lalruatdika s/o HS Lalchhuanmawia (2002 - 2011) 8. Zingengmawii d/o Jalal Uddin (2002 - 2011) Zalawra Medal hi kum nga chhung Sunday School Exam-a Honours mark hmute an ni a, Pi Zaii Medal hi Sunday School kum 10 kaikim a ni.

Zing Tawngtai Hun Sawn
Naktuk zing atang chuan Kohhran ziang tawngtai inkhawm hi 5:30 a.m ah tan thin tawh tur a ni e.

Chhungkaw Thu
Dt.05.09.2012(Nilaini) zan khan Pu Lalroseia Sailo leh a chhungte, Tuikual a mi te Testimonial chhiar chhuah a ni a. Pu HT Malsawmsanga te nupa, Pu F Lalngaihzuala te nupa, Pu Darvulliana te nupa, Pu C Rochhuma leh a nupui fanaute Kohhran Dan chhungah lawmluh an ni a. Tin, hemi zan vek hian mi 4 thunun an ni.

Kohhran Aw

:

Pathianni chhuak

:

Dt. 9th September

2012

: Phek -4-na

Darthlalang : Sual Thungrulhna
Bible leh chanchin chhuina a kan hmuh angin Judate leh Samari mite hi Pathian be tlang thei lo, hnam hrang ang hiala inen leh inhal tak mai an ni a. Lal Isua khan a rawngbawl laia Jerusalem a panna kawngah tumkhat chu Samari ram a tan tlang dawn a. Khaw pakhat an luh dawnin lamkal tirin a tan hmun lo buatsaih turin chu khuaa mite chu a hrilhhriattir a.Mahse, Juda rawngbawltu vakvai mai mai chu Samari mite chuan an lo ngaithei vak lova, atana hmun lo buatsaih chu an thei lo a ni. Chutia an zirtirtu Lal Isua Samari miten an lo hnawl chu Jacoba leh Johana chuan an hriatin “ Lalpa, hengho kan ral vek nan hian van ata mei kothla ila rem i ti em ?” an ti hial a. Zirtirte hian a hma lawkah Hmeldanglamna tlangah Lal Isua hi Elija leh Mosia te nena a ding an hmuh avangin Elija chanchina vana ta Baal puithiamte kan ral vekna tur mei a ko thla anga Samari mite tana mei leh kat kohthlak rilru an pu a nih ngei a rinawm a. Mahse Lal Isua erawh chuan mite tichhe tura lokal a nih loh zia leh mite chhandamtu atana lokal a nih zawk zia a hrilh hlauh thung a ni. Khawvel kan awm chhung hian kan tana thil tha lo titute, kan chhungkaw tana thil tha lo thlentute, khawtlang tana thil tha lo thlentute an awm thin. Chungte avang chuan kan lungngai a, kan thin a ur hle mai thin a, kan thinlung pawh huatnain a khat fo thin a. Lal Isua hnung zui hi a chang chuan a nuam khawp mai; amah faka hlim taka zaiho te, inpawlho te a nuam a ni. Tin, kan tana hnawksak lem lo leh min tawngtaisaka min tanpui thintute tanpui let ve te hi Lal Isua hnungzui kan nih ang ngeiin a nuam khawp mai. Mahse, kan ngei zawngte, kan tana thil tha lo titute nena hruikhat vuana awm hi a hrehawm thin a. Kan chhiatna tur zawng thinte, kan khawtlang tihmelhem thintute hmangaih taka an thatna tur atana mahni insenso te hi a har thin. Mahse, Lal Isua hnungzui tur chuan sual suala thungrulh hi a theih lohva, thatna hmanga hneh a ngai thin. Lal Isua faka hlim taka zaia, a biakbuk thianghlima tawngtai thin hi thil har tak pawh a ni lova, mahse thatna hmanga sual thungrulh hi a har talh mai a ni. Kristian chhungkaw din kan ngai pawimawh a, chhung inkhawm, buhfaitham leh kawng hrang hranga ringtute hmasawnna tur kan ni a, hmasawn kan tum mek laiin hmasawn kan tum miah lohna kawng thenkhat hi a awm thei a, chutiang zingah chuan sual thungrulhna kawng Lal Isua min kawhhmuh hi kan inzirna tur pawimawh tak a ni ngei ang.

September Chairman : Upa Sangmanthanga

VAWIIN BIAK INPUI
Chawhma : NPSS Inkhawmpui Beginner : Thu ( Marka 10:13-16) Thu Inchhang : Part I Hla : NPHB : 12 Primary : Thu ( Sam 121:1-8) Thu Inchhang : Part II Hla : NPHB : 27 Chawhnu : NPSS Inkhawmpui Junior : Thu ( Sam 24:1-10) Thu Inchhang : Part III Hla : NPHB : 30 Intermediate: Thu ( Thufingte 10:1-12) Thu Inchhang : Part IV Hla : NPHB : 55 Zan : NPSS Inkhawmpui Result Puan leh Lawmman Sem KTP TAWNGTAI INKHAWM NPSS Inkhawmpui a nih avangin a hranpain programme siam a ni lo. Dt. 10. 09. 2012:THAWHTAN ZAN Thalaite Fehchhuah Programme (KTP-in Programme an siam ang) Dt. 11. 09. 2012 : THAWHLEH ZAN Kohhran Hmeichhe Fehchhuah (Kohhran Hmeichhiate’n Programme an siam ang) Dt. 12. 09. 2012:NILAINI ZAN Tantu : Pi Lalropuii Fehchhuah Report leh Tawngtaiho Dt. 13. 09. 2012 : NINGANI ZAN Pavalai Pawl Fehchhuah Programme (Pavalai Pawl te’n Programme an siam ang) Dt. 14. 09. 2012 : NINGANI ZAN Kohhran Fehchhuah Programme (Upa Bial tinah hman a ni ang) Dt. 15. 09. 2012 : INRINNI ZAN Tantu : Pi H. Lalzawmliani Fehchhuah Report leh Tawngtaiho

TAWNGTAI INKHAWM HRUAITU
TAHRIK ZING :Dar 5:15 AM TLAI: Dar 4:00 PM Tv. Lalhriatpuia 10.09.12(Thawhtanni) : Pu C. Lalzawna Pi Lalnunnemi 11.09.12(Thawhlehni) : Pi C. Lalchhandami 12.09.12(Nilaini) : Upa BL Chuailova Pi H. Lalzawmliani Pi Zoramliani 13.09.12(Ningani) : Pi Lalthansangi Pu K. Thangdailova 14.09.12(Zirtawpni) : Pi Tlauhnuni 15.09.12(Inrinni) : Pu K. Thangdailova Pi Lalsiammawii Tv. Lalbiakngheta 16.09.12(Pathianni) : Pi H. Lalthianghlimi

Editor : T/Upa Lalhuapzauva, Jt. Editor : C.Lalthanpuia, News Editor : Robert Lalmuanpuia Manager : JC.Laldinsanga Cir. Manager : K.Lalrinawma, Published by Vengthlang Kohhran & Printed at C.K.Offset, Vengthlang. Biak In Ph.: 235380